順興行 (已搬遷) 新店位置

係上環找尋落腳地時,竟然搵到早晨麵包同呢間蛋行,真係得來全不費工夫;由於夜晚有約會,麵包都係留番下次再黎買,但蛋蛋就無所謂。店舖無甚裝修,只見好多蛋盒在內同一個婆婆坐陣!睇過OR知道呢度買野要眼看手勿動,所以都係唔好手多多。同婆婆買十蚊皮蛋,婆婆用個蛋盒執左四隻俾我,快靚正!!皮蛋打開有一陣獨有香味,蛋面有朵朵松花,好靚靚!!蛋白部份似jelly,界開之後,完全溏心皮蛋!!大人話好好吃,同佢細時所食既味道完全一樣,加埋其珍藏酸薑、蕎頭,已經係超正開胃前菜。今次知道地址,下次再黎上環會大手入貨,希望有朝一日係大手入股票而唔係皮蛋,嘿嘿!!!

出開黎，時間又match，買左4 隻皮蛋返歸，dinner 時食左2 隻配子薑，一如以往- 溏心，暫時未試過唔係。所以對呢度既皮蛋有好信心。順帶一提，而家無雞蛋買啦，只見到皮蛋同鹹蛋。

20050816 2.30pm雖然，皮蛋沒有松花，但你看這個溏沁！靚得幾誇張！新鮮且沒筧水味，$10/4隻，一隻做小食，另外幾隻用來做金銀蛋莧菜~ 呵~這一次阿姐十分好禮貌，可能佢有睇openrice？haha.

(無日期)見其他人寫開, 又寫下. (因為我唔知原來openrice 有呢間舖, haha)呢間o野係有一次行開過去陳薏齋時見到, 下晝4pm左右, 排晒長龍, 賣皮蛋賣到排長龍?! 唔試下點得.一切, 溏心漏到一碟都係, 又平又好食. $10/4隻wor, 鏞記$6 隻呀都係咁上下啦. 不過皮蛋不能一次過食咁多, 小吃怡情為妙.有皮蛋無酸薑, 唔知港島區邊度有得手酸薑, 各位有無好介紹?p.s. 阿姐我又唔覺得佢惡, 係黑面je.

話說上個月搞Openrice私房菜，想買十來隻溏心皮蛋，配上九龍醬園的酸薑作開胃前菜。酸薑是買到了，就行過來買皮蛋。位在舖外，店內有人也沒有來招呼。叫了聲「唔該」，仍是沒有人理啋。再站多一會，一位阿姐以極快的速度向牆上一喵，啊！原來這裡由下午才開始賣蛋。雖然我是有點不識好歹，雖然明顯地呢度係唔憂賣，但都唔使咁串卦？那一刻曾想過不買就算，但最後還是叫了焚化爐兄代買。十多隻皮蛋是百分百的溏心，味道是沒懷疑，唯獨服務是真的不敢恭維。

去開中環果頭, 見KC介紹後, 順便走去上環順興號買糖心皮蛋試試, 十蚊四隻, 順興號只賣皮蛋, 鹹蛋同雞蛋, 主打做批發生意; 門市講明眼看手勿動, 唔可以自己落手揀, 要買就出聲。有皮蛋點可以無酸薑, 於是又走去鵝頸橋底有利腐乳買五蚊酸薑。晚上即刻開兩隻皮蛋試下, 果然糖心, 配埋酸薑, 真係有D食唔停口。相中一隻係普通街市貨, 五蚊四隻。

在不同的情況及飯局中，得知各食友對溏心皮蛋都趨之若鶩，所以就想介紹這間舖頭。這裡非食肆，只賣蛋，種類不多，只得雞蛋、皮蛋及鹹蛋三種。明碼實價，皮蛋十蚊四隻，寫明保證溏心，買過吃過亦是百分之九十九都中，好少失手。皮蛋十蚊四隻，雖然比起在鏞記又或是其他地方的皮蛋是平很多，但比較起雞蛋十蚊一打，又不能說平，不過就物有所值，喜歡吃溏心皮蛋的可以試試。當然有皮蛋不能沒靚酸薑，在其他食評再介紹。有一點要提的是這裡服務麻麻，個賣蛋的嬸嬸仲好鬼惡，如果多手拿起蛋來搖的話，一定會給喝止，眼見亦有不少人有此遭遇。最後先講，其實我喜歡吃實心皮蛋多一點。