頌興餐廳小廚

營業中

休息中

由屯門出灣仔, 一落巴士附近都冇乜食市, 所以淨係得呢間選擇已經好少見到茶餐廳用呢d大大件既傢私。。。叫左兩個早餐(1)其實味道正常。。。大大碗麥皮(2)以前呢度個白粥都會有d肉絲向入面, 可能通脹....依家真真正正係一碗白粥

Scrambled eggs with Chinese roast pork cannot go wrong. When it arrived it looked visually delicious, but the egg was strangely dry.Other than that the roast pork and soy sauce tasted nice together.There were lots of spring onions and onions in the scrambled egg which made it not so boring.

十一月上旬．晴不知不覺，灣仔區有餐包供應的地方已吃得七七八八，來這裡，因為見門口有麵包賣，就以為有餐包吃。但坐落，才知是沒有餐包供應的，只有鹹豬包，就要了個鮮油鹹豬。豬仔包是烘熱了，上面有芝麻的，吃起來特別香，很不錯。內有兩塊鮮油，看上來像是over了一點，但吃起來感覺很不錯，滿足。熱咖啡香濃，埋單18元，簡單好吃。

下午請假到了灣仔見工,在還未夠鐘時,我就獨自在灣仔區行行,目的是想找找interview的商業大廈,因不想見工遲到麻. 當找到了,感覺肚子仍在餓,我在商業大廈附近便求其揀選一間不是太多人的茶餐廳,就是這樣便揀選了這一間"頌興".其實,入來"頌興"是有目的的,因在餐廳門口見到有白切雞,叉燒,鴨等. 看見在門外,特別想食,於是便入來揀選一個下午茶餐-雞鴨米粉及熱好立克.講真,$20多元的雞鴨米茶餐,我都沒有太高的要求. 不過,如果雞的雞肉可以切多一點及分多一件鴨給我,相信這一碗雞鴨米茶餐便更加物超所值了.

又行開黎灣仔呢頭再去上班. 今次早餐幫襯的, 是朝朝都有人排隊既一間茶餐廳, 設於其門口的早餐外賣部. 灣仔頭, 大佛口呢一區, 這是最顯眼的一間茶餐廳. 位於車來車往的軒尼詩道, 每次都見到呢一間茶餐廳人來人往. 相信, 除了因為呢間係獨市菜餐廳之外, 相信食物至少都會得得地. 不然, 甚會早上中午, 排隊咁賣外賣.是日, 知道老細會在香港, 例牌地遲放lunch. 早餐, 就食飽D啦. 看看吊上早餐counter上既Menu, 中點, 粉麵, 三文治齊全. 而我想食飽少少, 就要一隻糯米雞, 一於食飽佢.回到公司, 隻糯米雞仲熱辣辣, 打開, 餡有雞肉, 豬肉同臘腸一節. 材料算是豐富, 味道又好味香口. 不過, 肉汁就比較淡味, 不夠濃. 可能現在淡口味道比較健康吧....畢竟我已經成舊飯咁食落肚, 仲要係糯米.....而飯就充滿葉香. 正式好食既糯米雞, 一定要有個荷葉香味. 材料好而沒有葉香, 有葉香而餡料差. 糯米雞一家要兩全其美才可以. 若是更頂級的糯米雞, 咸蛋, 鮑片......不過平民的, 有條仔臘腸已經係好好.

午市呢D茶仔至在醫肚 都冇咩要求但係真係都唔好咁離譜丫叫左碟豉椒牛河係我一生人見過最細碟O既 只在兩隻手板唔夠咁大碟D粉好似冇炒過咁只係有層油浸住 D牛肉隨左疏打粉味之外咩味都冇 又難食又唔飽肚絕對冇上次

它的位置幾好, 門口有好多巴士站, 我就因為要在此轉巴士, 所以就貪方便快捷入內食了個茶餐再上路, 粉麵茶餐都好平, 十幾蚊包飲品, 叫了碗煎豬排湯米+凍檸茶, 只是$19, 碗米粉不算大碗, 但女仔食都夠, 味道尚可, 抵食.

趕工的日子，跟同事一起叫飯盒，選了粟米石班飯配凍奶茶（$30）。味道居然OK！份量剛好適合男上班族。OL 們總是有理無理的吃剩半盒飯，之後整個下午不停吃零食，什麼糖果、巧克力餅乾、朱古力豆…，還要邊吃邊呻「怕肥」云云。唉！真無聊！

一間我都唔係好明點解可以o係灣仔做得咁平既食肆。今日主打係鐵板黑椒牛柳跟齋菜，有餐湯同餐飲。紅湯未至於用「好」字o黎形容，但係勁西芹味。黑椒牛柳本身已經係現成既急凍黑椒牛柳，但在加埋佢個激厚激濃既黑椒汁（肉眼可見既黑椒碎加花椒碎），一入口...好「椒」。平日午市做$20 外賣兩"食送"飯，車水馬龍理所當然；晚市$29 食到耍手擰頭，o係軒尼詩道之上真係抵佢晚市旺場。

呢間野　正呀　d人手腳慢入面d waiter 態度極差有個呀婆樣衰聲大冇禮貌都唔知請佢黎做乜好彩d 奶茶都ok野食好味程度就一時時平野冇好野係呢間完全體驗到

某同事「萬歲」，因為不少同事在下午茶時段出外勤，故改為請食早餐。有新意！各式港式三文治、港式點心、茶餐廳麵包、啡茶點了一大堆。試了茄蛋治（煎蛋又老又硬）、潮州粉果（皮過厚）、煎蘿蔔糕、糯米卷、菠蘿油（唔新鮮、頗硬）、熱鴛鴦（還可以）。三文治所用的去皮白方包超薄偏軟，食完唔覺有麵包落肚。其餘公司三文治和吞拿魚治，沙律醬過多。點心來貨，好極有限。麵包亦是來貨，新鮮極有限！最好，似乎係D 啡茶，至少係自家泡製。雖然質素何其地劣，此店佔了地利優勢，是不容置疑！至少，當我乘公車過東區都會在這兒買些東西，在途中偷偷地食。另：今早路過此店，得知價錢相當廉宜。三文治熱飲才賣十三蚊。

由於呢間野開係巴士站對開, 位置唔錯,門口有一個大車仔賣早餐, 所以日日都好多人幫襯, 我都成日係度買早餐, 佢D麵包係攞番黎,但好唔新鮮,朝早八點幾去買菠蘿,雞尾,豬仔包個D都可以硬到死, 都唔知隔左幾多夜, 食過其他外賣, 如文燒包, 試過係張包紙發現有甲由仔, 糯米卷又比蒸籠d倒汗水搞到濕淋淋, 好唔掂賣野個壓阿姐有腳又慢,人地個個趕住上巴士, 佢又找鬼死咁耐都未找到錢, 成日搞到Miss左班車

在灣仔軒尼詩道，近分域街處的巴士站前，有一家相當「地踎」的茶餐廳。門外有一個外賣檔，售賣各式焗飯、兩餸飯、港式三文治…等快餐食品。早陣子，每天早上都要到中環開會，之後乘巴士回灣仔。為了省時間和省錢，通常都會在這兒外賣飯盒回公司食。試過其各式$20 焗飯，料足味道不算差。亦試過其客飯，兩餸 $20 ，一餸 $18 。男生絕對夠飽。近兩飯碗的白飯，配以足料量多的餸菜，因為這兒的發泡膠盒可是「四飯碗容量」的大碼容器。單是白飯巳經是接近兩飯碗。無論選一餸還是兩餸，店員都會給你共兩飯碗份量的餸菜。每天有八款餸菜，其中兩款是菜蔬。個人覺得，羅漢齋豆腐、蒜炒大芥菜、蕃茄煮蛋、八珍豆腐、洋蔥豬扒、牛仔骨，都相當下飯，味道中規中舉。廿塊錢，好抵食。肯定好過附近的「青草地xxx」那些量少味淡的碟頭飯！上班族和靚靚OL 們：給你們心理準備，因為這兒價錢相宜，故成為某些建築從業員的飯堂。