風月堂 (已結業)

剛經過佐敦區，見到間新開的風月堂，見到有下午茶供應，肚又餓餓地，一行二人就入去試一試新店。因為集團式經營，店內裝修同一般的分店沒什麼。只係比較新，還有一點裝修味。環境不錯，坐得亦舒適。下午茶餐的選擇亦唔少，有飯，有麵，亦有甜品。點了一客焗飯和雜錦漢堡包食。下午茶餐可跟飲品一杯，有基本飲品和什果濱治。不知是否新店和下午侍應落場關係，食物等了二十多分鐘才送到。首先試一試焗飯，味道不錯，但不知焗得不透，飯食落有點濕，但雞肉和腸仔味道亦不錯。份量亦算是合理。只於漢堡包，雖然看圖有三個。其實全部都是「一口包」份量。漢堡包味道好好，特別係肉碎包，有肉汁。特別好食。另外配菜的薯條，亦很脆口。可以一試。餐飲點了奶茶。同一般西式日本餐廳一樣，奶和糖漿另上，味道由客人自主埋單收加一服務, 連埋都是百多元左右。能夠响佐敦區，食到這種質素的下午茶，價錢亦是合理。