風月堂 洋菓子BAR (已結業)

話說新戲又上映啦😏當然仆到過去買飛啦趁見有少少時間，諗住周圍睇吓有咩食原來戲院隔離，就已經有間小型西餐廳而且氣氛比較休閒，方便我哋傾吓計原來下午時段有lunch set $60已經包一個主食及飲品，而且都幾多款式選擇巴馬火腿法蘭克福腸帕馬森芝士長通粉上到枱真係好香，忌廉味超香濃而且巴馬火腿冇煮落去長通粉內😆長通粉份量蠻多，一個女仔食曬都好飽，法蘭克福腸更是厚切。蟹柳鴨胸絲拿破崙意粉拿破崙汁其實是用茄汁做醬汁，在日本超級受歡迎，食落酸甜開胃又美味，意粉韌度足夠

中午時間睇場戲之前都要醫一醫個肚先，經過呢間餐廳既食物係可以拎入戲院享用，不過見個View唔錯就坐低左！Pasta Set - 煙肉白菌意粉配溫泉蛋：拎到手既時候意粉面上既香草微香，雖然白汁唔算多，不過主角其實係上面既溫泉蛋，未切開隻溫泉蛋又幾似一埋Cream，因為佢蛋白較多同挺身，切開溫泉蛋，流心既蛋黃醬仲香過白汁，拌勻意粉一齊食，雖然有d膩，不過味道唔錯！煙肉都幾多同都大塊！環境清幽，地方夠大，入場前舒舒服服醫一醫肚，而且都幾多選擇，有齊主菜，甜品，咖啡等等～唔錯唔錯

約左好耐無見既朋友，夏天女仔都唔太中意係太陽🌞底下暴曬，當然要穩個靚d又有冷氣既地方食個下午茶。傾傾咁耐以黎身邊發生既趣事。一入到間鋪，就愛上了這裏，有格調既杯具都忍不住拍照留念。當然最值得推介既係呢度既甜品。我地叫左朱古力pancake與窩夫。份量岩岩好，多左膩，少左饞。兩個人分享可以食到多種滋味仲唔浪費。朱古力甜而不膩。剛剛好。大愛窩夫，因為新鮮出爐，外脆內鬆軟，仲有好濃既奶香與雞蛋味。中間夾住好多cream，真係好邪惡啊。但又好好味，减肥都忍不住食多兩啖。

前幾日同朋友去荷里活睇戲，睇完之後佢話想食甜品。本身想食許留山，但朋友又話成日許留山好厭，試下D新野。呢間野係正戲院隔黎，睇完戲整個甜品真係岩岩好☺️我本身就幾鍾意食窩夫，所以就揀左個藍莓窩夫伴雪糕。送張圖比大家先😊呢個窩夫新鮮整出黎，所以好脆口，裡面口感鬆化，口感值得一讚，都有好香牛油同雞蛋香味。中間夾著左好多cream, 真係非常非常邪惡。🌚一路食一路諗，等陣到底要跑翻幾多圈補償。但，邪惡既野總係好正！😍雪糕就不過不失，普普通通冇咩特別。朋友就叫左個pancake, 睇佢食個樣就知道係幾好食。佢本身係朱古力控，所以咩朱古力既產品都話好食😅所以就不能作準。總體黎講，呢個都係睇完戲食甜品既好選擇😄😄睇完戲甜一甜，黎個下午茶或者宵夜，都幾爽。

啲意粉水汪汪，又硬，仲差過啲快餐店，就連杯咖啡啲味都怪怪咁，而且啲價錢又唔係平，今日仲係Facebook 見自己4年前幫襯過嘅相，簡直無一樣可比，點會仲係風月堂完全失望，以後都吾會再幫襯

今日同小朋友去荷里活廣場睇戲，買完飛淨返少少時間，唔想行太遠食野，貪方便就揀咗佢。叫咗個忌廉湯，用杯仔上幾方便，又可以keep住個溫度耐啲。隔離個個係芝士火腿烘包，啱啱烘起都幾好味，不過芝士冇乜芝士味。再隔離就係雞翼串同帶子串，醬汁略嫌過甜，不過我身邊既個位小朋友就話啲汁好好味，只能話各花入各眼喇😂

睇戲之前係附近醫下肚。唔多大要求，只係求其搵間野食一食。點左依個鴨胸意粉，鴨胸一看只有三片，其實較少。不過意粉就真係幾好味，煮得岩岩好，有彈性，而醬汁都幾香芝士忌廉味，我個人幾鍾意。意粉上仲有啲蘑菇同三色椒，只係我鍾意食菇唔鍾意食椒，如果淨係得菇就好啦，就可以食好香既蘑菇香。因為有啲趕時間，所以好快咁食完就走，但臨走個陣睇佢都幾多甜品，望落幾唔錯，可能下次到附近既時候，可以一試。

曾幾何時，《風月堂》這一個名字，可以說是風靡了年青人的飲食世界。由我最初認識她的旺角店，到我幾年前真正同同事去銅鑼灣店 team lunch，感覺到這一個餐飲品牌長期有人龍，是正常的。可是，今時今日，相信好多人都唔記得乜野係《風月堂》，各間位於繁囂鬧市中的分店，都像個迷團般，突然消失了。不過，《風月堂》其實未消失晒的。而是次要說的，是8月的那一次風球落波後，一家三口沒節目又想起荷李活廣場有免費泊車，好自然地就來了。而平日食來食去都是同一間連鎖麵店，我們既目的又只是輕食下午茶，找來找去，原來只有位於戲院內的《風月堂 洋菓子BAR》啱心意，於是，三人就來，吃吃甜品及小食。 其實，這不算是一間正正式式的《風月堂》，因為這兒只是一個 dessert bar，主打甜點輕食。而這一個位置的前身，也許就是電子院的爆谷、汽水、熱狗部，所以只能製作簡單的食品，亦因為這樣，此店命名為《風月堂 洋菓子BAR》。 餐廳的地方，就是佔用了戲院售票大堂多餘出來的空間。只實﹐香港好多戲院都有這樣的動作，空間太多就分租俾其他商戶做配套的生意，而這一個《洋菓子BAR》的出現，就是好好的例子。 我肚餓，食三文治，一大盒的

在商場行得攰攰地，想坐低食啲野，但又未到晚飯時份，就食啲甜品啦。入黎發現原來佢標榜即叫即整，所以食窩夫差唔多要等十幾廿分鐘，不過冇問題，我有時間，我個fd都話好攰唔介意坐多陣。跟住一人一個窩夫，我就係鮮果窩夫，佢就喊左個香蕉朱古力窩夫。原來佢既雪糕可以加錢由普通升級到movenpick水準，咁梗係加，冇理由唔加，爭好遠。我個窩夫意外地先到，水果冇乜特別，但雪糕就好好味。令我等左成廿分鐘既即叫即整窩夫，又真係有啲料到，外脆內軟，有好勁既窩夫香，真係幾好味。我朋友既香蕉朱古力窩夫，都幾好味，但係我個人唔係特別鍾意食香蕉，所以就冇jam太多哈哈

同肥髀睇戲前，去戲院旁嘅餐廳食早餐，一個大櫃檯，食品以日式或西式為主！落單後八達通比錢，攞票搵位等！淺木座位簡單，食物用小托盤盛載！凍檸檬柚子蜜（$32）白色沙冰好特別，中央夾雜橙色點點，味道清爽，又唔會好甜！酸酸地好味！芝士特色法包（$48）可以揀兩種配料，肥髀兩種都揀煙肉！半溶芝士蓋住煙肉，墊底就係蕃茄碎，多士香脆！簡單又好味煙肉白菌意粉配溫泉蛋（$55）隻蛋好細，蛋黃又差不多全熟，幸好蛋味算濃，忌廉汁好杰，意粉唔算淋身，但又無乜咬口！正常！白菌唔多，煙肉碎多，味道鹹香！餐湯--忌廉湯：好普通，味道罐頭，夾雜啲脫水蔬菜碎！幸好夠熱！荳磨咖啡（$10）瓦通紙杯！夠熱但唔算香！可惜味道偏酸澀，唔好味！店員有禮！食物雖然出得唔快！可以慢慢坐低食早餐！舒服悠閒！

無車厘茄味，意粉只有太鹹，其實除了鹹和濃香料鹹味外無其他味了。藍莓茶有藥水味不建議飲，整個午餐只有「難吃」，只因貪方便看電影😭，所以選擇這裡享用午餐，非常後悔。

今次叫咗泡沫咖啡同香蕉巧克力班cake，泡泡咖啡一般，味道吾算濃，有好多cream,鐘意多cream嘅朋友可以試下。另外，香蕉巧克力班cake睇落去好扁身，但食落去嘅涵吾算少，啖啖香蕉，啲香蕉算新鮮，加埋巧克力，味道絕配，大愛😆

好耐無去荷里活廣場睇戲啦，原來呢度已經翻新完唔同曬，入面仲開左間洋菓子Bar. 戲院門口已經竪左大大塊menu，睇相又好似幾吸引咁，所以睇完戲之後決定試試😬 我地去counter 度order 左 2 款甜品，俾左錢後去後面2角既corner搵位坐低等嗌number~~堂食座位喺戲院正後方兩邊角落，都算清靜同坐得舒服，可能嗰時無咩客人，好易搵位。我地order 左其中一款係窩夫，佢話即叫即整製作需時所以要等約20分鐘。我地坐低約15分鐘甜品已經ready啦！1.香蕉朱古力窩夫 $40其實呢3個完素加埋好少會唔好食，呢個普普通通啦，窩夫仲係熱嘅，雪糕係普通貨色而已。2. 綠野仙蹤 $35睇個樣都feel到伏伏地⋯⋯一食⋯⋯um....好假嘅罐頭生果，糖水加埋啲忌廉⋯感覺好差😐 總體黎講可以不試。

多謝Openrice請我睇優先場，放工同朋友逛完街，去到荷里活廣場，我同朋友都未食飯，為了坐到靚位，早啲去戲院排隊（不設劃位）唸住買份熱狗入場就算，見到戲院內有風月堂，有座位可以坐住食，即刻後悔點解唔早啲來坐低食，不過已經無得揀（開始排隊）食物以班戟窩夫輕食為主，去櫃檯落單外賣，問店員招牌咖啡苦唔苦，佢話唔苦但要等15-20分鐘，荳磨咖啡就快啲，決定之後攞票等叫號碼！攞咗食物企在大堂食菠蘿火腿青瓜沙律薄餅（$43）班戟即叫即做，不過紙套唔夠大，所以班戟上截好似開花咁打開，啲材料想滑出來，唔太方便食，班戟煙韌，唔太厚，唔會好粉，菠蘿爽脆（唔似罐頭菠蘿）微酸，青瓜清爽，火腿鹹香，加大量酸味沙律醬，清爽好味！荳磨咖啡（$30）瓦通厚紙杯，唔辣手！無加糖，好香咖啡味，咖啡當然會苦，味道可以接受，剛好中和班戟嘅膩！兩個女店員好明顯一個熟手，一個新人，睇住舊帶新人整食物！態度幾好！呢度嘅雪榚係movenpick!下次可以試下雪榚甜品！

又到星期二，又係睇戲嘅好日子。博嵐終於可以同皇后去睇場戲，自己就好鍾意去鑽石山百老匯睇，貪佢價錢平，座位同聲畫質素又唔差。另外成個商場又少啲人，又少自由行，最重要係搵食夠多選擇。荷里活廣場大大話話有成二三十間食店，真係要揀都有排揀。不過今日趕住睇戲，唯有搵間少人又實惠。風月堂洋菓子Bar一定係我首選。一兩年前，洋菓子bar只有甜品，唔知從幾時開始出埋熱食主餐，雖然只有幾款意粉選擇，但貴精不貴多，幾款真係夠。鴨胸意粉（$48 + $10多50%意粉份量）白汁煮的鴨胸意粉，煮得非常Creamy，雖然鴨胸只有三片，但其實還有一些切條的鴨胸配磨菇及三色椒一同煮成，色香味兼有口感。意粉是用偏腍的那種，合晒我心水。正常份量價錢是$48，女士來說剛好，但對於雄糾糾的男生來說就有點兒不夠喉，幸好洋菓子Bar有貼心的加底服務，只需加$10就可以多50%份量的意粉，話就話只多意粉，我覺得連配菜都多啲（鴨胸仍然係三片）。配餐飲另加$10。鮮果薄餅（班戟就真。。$40)太太就點咗鮮果班戟，正正常常，沒有太大驚喜，皮偏淡味，而且Cream唔夠（已經叫咗多Cream.....），只屬不過不失，不詳述。風月堂洋菓子