風流居酒屋 (已結業)

難得升咗職，梗係要請我班朋友食返餐好嘅啦❤️今次一於豪氣一番，毫不猶豫咁叫咗佢哋過嚟大圍，帶佢食呢一間好有特色嘅日本居酒屋”風流居酒屋”✌🏻✌🏻風流居酒屋位於大圍火車站附近，行過去都只係需要幾分鐘嘅路程，對於唔熟大圍區嘅人都唔會好難搵到！舖頭充滿日本風情好入面嘅座位都相當之寬敞，成班朋友過嚟仲可以book一間房，真係好似日本居酒屋成班朋友飲酒食飯嘅感覺食物方面有好多款式，無論刺身，壽司，天婦羅，全消，小食，飲品，乜都有😍今次就主要想講吓呢度嘅炸物同埋串燒🤤日式煎餃子，外脆內軟，餡料仲好豐富，仲保留咗好多肉汁！燒菠蘿都好出色，好甜嘅菠蘿，再加上搽咗少少糖漿再用火燒，完全帶出左菠蘿嘅甜味呢個天婦羅好豐富好大份！！佢嘅炸金菇好出色，口感好得意，出面趣博博，入面”煙煙銀銀”既see you tmr🤣🤣整體感到好開心，嘢食好食，環境氣氛一流，如果想同朋友聚會嘅話真心推介之選

太耐太耐冇食過日本嘢啦🤤仲記得以前真係會去咗食日本嘢，特登去東京大阪食返餐好嘅！真係好瘋狂！不過今次我都特登飛咗入去大圍🤣🤣去試吓呢度呢間風流居酒屋❤️就咁聽個名就覺得好搞笑，型😉餐廳嘅擺設同埋用品同埋裝修都好有日本感覺嘅擺設，令人感覺好舒服😊 叫咗一個大嘅雜錦天婦羅好豐盛！大蝦天婦羅炸得啱啱好！完全冇油益未，渣粉同火候咁就啱啱好，仍然可以做到外脆內軟，即蝦仲要好彈牙好新鮮🤤另外呢度嘅串燒都好出色其中呢個係雞心！！真係好好食，味道同感覺同雞腎差不多，但係無雞腎咁爽口嘅感覺，雞心嘅雞味會比較濃烈，都係好值得一試！！😉

💛風流居酒屋 FuRyu Izakaya💛今次堂食，帶埋朋友一齊去食lunch，睇到佢地個lunch餐牌，樣樣都好吸引，樣樣都想食，lunch堅係抵食，同埋堂食真係正過外賣好多🤤🍱刺身丼勁正，雖然好似細細碗，但其實都夠飽，刺身夠新鮮，超好食天婦羅丼亦相當出色😋，大大碗，炸蝦勁大隻🤤仲有壽司配烏冬餐都係$88咋，抵到爆，又好食，真係好過去食元X值風再去既居酒屋#大圍 #風流居酒屋#日本菜 #刺身 #壽司#天婦羅 #居酒屋 #串燒

估唔到第一個食評係因為冇食過而寫每個星期一係我四圍食拉麵既日子上星期晏左冇過黎於是乎今日就早dd過黎試下雖然佢地唔係主力做拉麵但我自己乜都會試既所以都黎一黎試下黎到同左個女仔講一位佢示意我坐bar枱坐低左枱面除左個水杯之外冇其他咁見遠d有menu就拎左啦佢地應該要畫落menu order但我諗住直接同店員講要乜就算所以等店員返黎過左一陣女店員返黎擺低左個味噌湯同前菜就走左然後都有其他兩位男店員出現過一個似老闆一個就好take care自己個電話其間仲好多人送貨黎之後bar枱另外一對母子都埋單走女店員返黎執左枱男店員一手拎住自己個電話一手抹枱但我都係冇任何餐具反而大枱係set好左有紙巾餐具最後我由坐低諗食咩拉麵+丼飯到打算剩係食完拉麵就算到諗下去第二間食算數到戴返口罩起身走人20分鐘入面全程冇人理枉我仲特登過黎好彩自己都係住沙田但前前後後都浪費左我個幾鐘再去其他地方搵食你問我會唔會再試如果有機會都會既畢竟野食可能係好而且都係黃店但如果keep住咁既服務就真係算啦

今日又心思思想食日本野，避開咗繁忙嘅下晝時間，唔使book枱就可以入得✌🏻聽講呢間餐廳夜晚好多人好full，一試之下，真係唔怪得知咁多人鍾意食！！餐廳裝修幾別緻，好友地道日本文化嘅居酒屋，有好多擺設，餐廳主要都係木製嘅枱櫈，有種風味！Omasake櫻($900)嘅份量算好夠基本上兩個人食都一定夠食👍🏻日式煎餃子好好食！外脆內軟，仲有好多肉汁喺入面，處理得非常好刺身方面係高質嘅刺身，咁多份刺身入面全部都係好新鮮嘅食材，而且一啲都唔少份量，如果以呢個價錢來講，絕對係性價比非常高，可以係一掛住食日本嘢就即刻過嚟食嘅價錢。難怪咁多人都特登要過到嚟大圍食嘢！——————————————————-❤️環境: 8/10❤️服務: 8/10❤️食物質素: 9/10❤️性價比: 9/10

我同老公都係好鍾意食日本嘢，所以成日都好想周圍去食。哈哈，不過我諗好多香港人同我都一樣，好驚食到唔新鮮嘅刺身！朋友推介，今次就嚟咗呢間風流居酒屋😊呢個雜錦天婦羅好豐富，老公係一個好鍾意食炸物嘅人，每次都會食天婦羅，呢個雜錦天婦羅就啱晒佢！個人認為炸蝦特別好食！外脆內軟，仲有好彈牙嘅蝦肉！重點係唔會好熱氣😊另外仲叫咗一份omakase不得不讚呢度嘅海膽真係好鮮甜，冇認真睇佢係嚟自邊個地方，不過總之好食就得啦哈哈哈🤣仲叫咗一個甜品，係芝士蛋糕啊❤️❤️❤️哈哈我好鍾意食芝士蛋糕，呢個芝士蛋糕係厚身好實淨嘅紐約芝士，芝士味好濃，鍾意芝士蛋糕嘅可以一試

星期六喺大圍踩完單車後，在大圍搵食，途經大圍村屋，見到有一間風流居酒屋，雖然已經過咗中午飯市，但門口仍然有人在等位，行近望下佢門口嘅Menu，Menu有拉麵有飯同串燒，突然想食串燒，於是乎就排隊等位，等咗大約10分鐘就有位啦。我哋叫咗一個串燒套餐，包括麵豉湯、牛肉烏冬、八串串燒（有好多款式供選擇）同飲品，$3xx 牛肉烏冬，牛肉鮮嫩，烏冬彈牙，湯底鮮甜，好食，但唔記得影相麵豉湯一般串燒有雞翼、免治雞肉、雞軟骨、帶子、蘆筍牛肉、蝦、飯團、牛肉。串燒剛剛燒好，熱辣辣，幾香口。總結：這間居酒屋細細間，坐位唔多，有兩張4人枱，客人要搭枱，另外有大約4-6 個面向街嘅bar 枱，感覺上有啲殘舊，應該開咗好多年，進食期間有一隻小強係張枱度散步，係BB 仔，我好快已經解決咗佢，所以冇投訴，食完就匆匆走人。食物質素唔錯嘅小店，希望佢哋可以注意衛生情況。

開番夜市後第一次黎幫襯，仍然好好食！由幾年前第一次光顧，對燒物的高質素嘖嘖稱奇，香口而多汁、伴碟的配角蔬菜令賣相加分之餘可減省熱氣，配襯的碟也有心思，十分喜歡。感受到老闆的用心和誠意，當時多口問老闆，記得佢話師傅曾在日本店工作。今晚的每日精選有日本蠔，有刺身同燒兩種做法，蟹皇丼、蟹蟹蟹皇拉麵、雞胸軟骨等等，我揀左燒蠔同胸軟骨，冇失望，燒過嘅蠔仲保留倒肥美juicy的口感，以往雞膝軟骨食得多，雞胸軟骨唔常見，骨較薄脆，冇雞膝咁硬身，好吃！雞脾菇特別嫩滑juicy，牛舌心厚切有嚼頭，雞泡魚乾厚有魚味，與自己從凍肉店買的魚乾回家烤貨色高下立見。絕對感受到燒物師傅技術超然之的、貨品質素高、沒有將貨就價偷工減料。現在生意咁難做，仲有咁有質數的良心小店，絕對要多多支持！下次試下蟹丼同拉麵

一大班朋友聚會最開心就係食下飯飲下酒，上次有個朋友介紹呢間風流居酒屋話性價比好高好抵食！所以今次就約埋成班朋友過嚟踩下點先😉呢間位於大圍嘅日本居酒屋好方便，火車站一出行幾分鐘就到本來一望到個鋪面以為細細間點知原來深藏不露，有幾層嘅樓上鋪喺隔離🤣🤣日本居酒屋來講佢嘅選擇種類算好多👍🏻小食，沙律，炸物，天婦羅，刺身，壽司，串燒，料理！真係睇到個餐牌就已經好興奮乜都好想叫🤣🤣食物一到大家都掛住影相，所以冇好仔細咁乜都影晒😂影咗呢個六點季節刺身幾百蚊食到咁多款刺身好正👍🏻真心性價比好高刺身全部都好新鮮不得不讚呢度嘅海膽絕對能夠媲美出面所謂好高檔嘅日本刺身舖頭整體來講今次嘅聚會好開心餐廳環境舒適，一班人係間房入面食日本嘢飲酒傾偈好盡興✌🏻

有一年幾冇去過日本，成日都好掛住日本嘅嘢食，聽講喺大圍站附近有一間好好食嘅日本居酒屋，所以就專登過嚟試吓，頂下癮🤣喺大圍火車站行幾分鐘就到，都算好方便，可以搵到👍🏻👍🏻餐廳嘅環境裝修同日本居酒屋有幾分相似❤️算係有氣氛聽講呢度嘅omakase好抵食，同埋刺身好新鮮，所以就叫咗一個櫻✌🏻入面有一份side dish,七款刺身，五款壽司，三款天婦羅，兩款炸物，仲有個烏冬同埋甜品😍😍都係$900🤣起碼會食得飽呢個炸蝦天婦羅好好食！！本身唔係特別鍾意食炸嘢，但係佢呢個嘅炸粉同埋火候控制得好好，唔會好乾同埋好脆，搞到好似好熱氣咁，入面隻黑蒜好彈牙同埋大大隻☺️呢七款刺身真係冇得輸唔可以話係我食過最好食嘅刺身但係如果想過下癮，食到啲新鮮好食嘅刺身嘅話，呢個絕對係必要之選！小編鍾意佢嘅帶子刺身，好厚身同埋好鮮甜，唔需要點豉油，就咁擺入好個感覺好滿足好充實🤣🤣另外叫咗一份燒菠蘿，外面加咗少少糖再燒，所以外面有一層少少脆脆地嘅糖焦，再加埋菠蘿少少酸度配合真係好match❤️

好似有排先有得再去旅行為咗可以返鄉下嘅感覺，一於喺香港到搵一間日式嘅居酒屋！呢間居酒屋一行過去就已經好明顯feel到有日本風嘅感覺，裝修都係日本好地道特色風味。叫咗一份omkase 櫻完全係性價比極高！！$900食到極新鮮嘅刺身最鍾意嘅一定係海膽❤️完全係極度鮮甜加咗少少Wasabi做點綴係好滿足好幸福嘅感覺啊😍另外佢嘅帶子都好好食都係極鮮甜極厚身仲有吞拿魚刺身外面有點光澤，脂肪比例好好，肉身唔算太厚，不過都算係厚身嘅吞拿魚。仲有日式餃子好多餡，入面都好多汁，外脆內軟唔會好乾身👍🏻值得一讚❤️呢個燒飯團好好食！！🤤有少少飯焦喺面，好香嘅紫菜味同埋芝麻味而且份量啱啱好，同朋友一人一件完全係好滿足嘅感覺💕飯後感想:成間餐廳嘅氣氛都好有日本嘅感覺，店員嘅服務質素都好好，餐廳嘅氣氛好適合一班人聚會食飯傾偈，食物質素好好，性價比好高，唔算好貴！同時都食到日本嘅味道☺️

去食之前見到d 食評麻麻，主要都係話環境同服務差，事前知道呢間係黃店，一心要黎支持下！環境方面，坦白講唔算係乾淨企理，但勝在個種迫泊嘅感覺，又真係好似日本嘅居酒屋，氣氛好close，就係個種唔拘束嘅感覺（本身去居酒屋就係預左唔係fancy，最緊要食/飲得開心），所以尚可接受！當然清下d 雜物，再清潔下會更好👍🏻服務方面，係嘅落單有d 甩漏，有d 野黎錯，但同事態度還好，對客nice 嘅，只係尚欠經驗，可以理解同包容，錯左嘅野佢地都好快解決。食物方面，都多選擇，價錢相宜，味道都ok！壽司刺身都新鮮，整體係收貨！酒類都選擇多，sake 多款，滿意！係呢區搵到間市區質素嘅居酒屋，已經相當滿意！門口位好似日本d巷仔居酒屋🏮，影相打卡不錯

我本身是黃店支持者，風流我都來過很多次，今日女朋友生日，訂了2:00枱，來到等了一陣，職員才出來說，沒有剌身，不論生熟，沒有任何海鮮，一間居酒屋，竟然沒有這些食物賣，那為什麼要開店，現場我見都好多人排隊等位，這樣備貨不足，絕對不是一間專業餐廳的應有態度，好希望老闆看到這個留言後，作出改善，不要令我們這班黃店支持者失望

我哋足足一年冇見過面......
我哋就最鍾意夜晚約出嚟打邊爐飲啤酒，一係就食串燒飲啤酒，約唔到出嚟都係因為武肺囉，599A-Z都唔知幾時會完
睇嚟都要習慣午間小聚，香港人嘅夜生活冇晒！

一直都好想試大圍嘅風流居酒屋，就趁生日嚟試一試。

午餐有串燒食，正der。我哋兩個人食，要嗌2個餐先夠串燒，一個餐點嘅串燒唔可以重複，鍾意食嘅嘢想encore都唔得

雞軟骨、牛舌必點，明太子玉子燒有驚喜，雞腎、牛肉卷、蝦、帶子一般般啦，正常，不過可以再做好啲。
跟餐熱食牛舌丼好好好食，有4塊厚切牛舌，牛脂味濃，好滿足打咗個茄輪。
可惜串燒漏咗2串牛舌，仲要前後腳嚟，兩次嘅質地都唔同，應該係唔同部位吧。
之後我哋追加2串雞皮同炸雞軟骨，好明顯未飲夠攞嚟送酒㗎啦。
如果有埋魚生飯就Perfect喇（是日冇壽司飯供應）！


上星期光顧，原先唔係諗住食呢一間餐廳，只不過係因為嗰間想食嘅餐廳已截咗龍，所以揀咗呢間外表好似正常嘅日本餐廳入到去嘅時候態度已經唔好，當時餐廳亦只有一枱客，但服務亦很差坐低嘅時候俾個茶杯有崩角，水壺冇茶，全部部野要自己問，但職員大多數時間都係掛住坐喺度玩電話仲要個黑口黑面，好似調返轉頭要我求佢地serve我甘食物方面叫咗一碗拉麵同埋一份壽司，但係壽司嚟嘅時候又無比豉油碟，咁基本嘅事情都唔記得雖然食物正常，但下次都唔會再嚟幫襯，希望大家都唔會黎受氣