食代館 (MOKO新世紀廣場) (已結業)

新世紀廣場經過一輪大翻新後，第一次黎到食飯---大食代而家已經係晚上9點幾， 但10點收工既大食代人流並不少， 仍有7成既坐位係有客人坐著大食代係由多間小店所組成， 今次我地食細蓉 (雲吞麵)雲吞麵加碟腸粉， 只需$43， 係旺角黎講算便宜雲吞麵有5粒大大粒既雲吞，外觀不錯， 大碗 ， 湯底幾好味但麵淋身， 一d都唔爽口雲吞係切粒撈豬肉包， 非原隻大蝦腸粉腸粉與腸粉痴住晒， 落唔夠油出面比人加既醬料好杰， 食落口感不佳

去美國旅行前的一天，我收到兩張電影戲票，執好行季又有空的我們，當然行使左佢啦。而在戲要開場之前，也是我們午餐的好時光。之不過，我們不太想多花時間在食飯上，近近地，我們就拜訪這一個全新的新世紀廣場 food court，名字叫《食代館》。一看格局，一看到 "食代" 這兩個字，唔駛呃我啦，我知你其實只係一間《大食代》。要飲品時要去一個中央 counter 攞既又貴又鬼馬既飯堂。太太找到她要的素食，她食的東西是來自《旺記冰室》這一個攤檔。要了一碟白汁野菌意粉，忌廉味不錯的，意粉亦煮得很好，是半熟的半硬意粉，感覺到有小水準。再好的，店方說是日的是意大利雜菜湯，沒有肉，整個餐，太太吃得好開心。我巡場一周，最後選了這一家《日式蛋包飯》，因為用鐵板上蛋包飯，看起來非常之吸引。蛋包飯很香，很大份，唯一不太好的是包白飯而非炒飯，加上了吉列豬扒同燒扇貝，令這一個飯變得好抵食。汁夠惹味，份量夠大，整體感覺是開心的。幾好，之不過變成了《大食代》變相令到這地方變成連鎖品牌的味道，令我想大叫，還我舊 food court.....

OFFICE打工仔 最多食一定係自己屋企個愛心飯盒慳得一蚊得一蚊 我相信大部份香港人都明白的但若然無愛心飯又要四處搵食 商場要食平啲我會揀FOOD COURT 因為多選擇可以揀多揀少 唔會比人眼啤啤咁四圍行之後想食啲濕口少少既食物 所以以揀左客前即制的「涮香菜園」四川米線其實都會比佢個色彩鮮豔又多不同食材既外表吸引左一下既真係幾吸睛架!!!午餐有特惠套餐 不過我呢類扮健康人士都係飲杯水算什錦米線 牛蹍 - 入味而且軟身 中間既牛筋位亦都好林好軟 味道剛剛好紅燒腩肉 - 肥肉比例多左少少 雖則話係腩肉 但可以去咁少少肥 肉身比較"鞋"鹵水雞件 - 算入味 雞味唔算特別重 可能係冰鮮雞既問題 肉質唔算嫩不過都唔會太老鮑魚片 - "UN"左少少 同埋有啲乾身 味道一般雞湯米線 - 湯底其實都幾清甜 佢令到整個米線都提昇左唔少 而米線方面粗適中 偏向林身               而且佢幾滑身 容易入口 以呢個價位黎講 其實算係唔錯 而且佢會係你面前即整 (好似食BUFFET咁)感覺係較衛生利落 而量都足夠一個成年人醫肚又唔會過量

去睇戲前, 近近地去左樓下食代館醫肚,第二次黎呢到, 仍然有好多不同菜式選擇,不過我依然食我最愛既海南雞飯~~海南雞飯我最鐘意吃到間既海南雞飯,價錢平又好味道,套飯有雞,油飯,湯同魯水豆腐蛋,D雞又嫩又滑又無骨又唔肥,醬汁有疆蓉, 甜豉油, 泰式辣汁..炸蝦併蛋包飯有4隻炸蝦, 隻隻都大大隻,而且又唔厚粉, 真係啖啖肉...個蛋包飯外型好靚, 無散開,D醬汁好開胃, 不過個面豉湯有點鹹~

近年3D照相館大熱，不同主題的3D照相館越開越多，大型小型均有。最近在團購網看到旺角一私營3D照相館做團購，就跟幾個之前一起玩過3D照相館玩上癮的朋友一起購買。在限期最後幾天來到，照相館竟說因為裝修需要關閉，想是可能內裡的佈景塌下令它連最後幾天都挨不了要關閉吧。眾人已經到了旺角，唯有看場戲吧，最後終於在新世紀廣場看了一套不錯的戲。電影結束後已十點多，眾人想吃個糖水作結，不想再找地方，就趁新世紀內的food court關門前，吃個糖水吧。因為快將關門，糖水的選擇也不多，最後我們就選了椰汁黑糯米、紅豆沙和綠豆沙。由於始終是food court的關係，所以價錢都比一般的甜品店便宜，全部都不過二十元。糖水除不夠凍外，都尚算足料，從相片就看到無論綠豆、紅豆或黑糯米的份量都頗多，不會水汪汪似的。味道也不會過甜，如果凍一點會更好。雖然food court食物味道普遍一般，但現在吃一個糖水動軏四五十元，如果只為找個地方坐坐，繼續未完的話題，到food court吃個糖水也是不錯的選擇。

今日放學比平時早，坐火車回到旺角，還可以到新世紀廣場看看有什麼晚餐吃。由於一個人，所以都想吃一些簡單的，最後到了「食代館」，食物的選擇都算多。選了<<海南雞飯>>，隨餐附有一碗湯及一碟小白菜。海南雞去了骨，是很正宗的做法呢！另外配以特制的豉油及薑蓉，尚算不錯。海南雞很新鮮，沾少許豉油及薑蓉，味道不錯。小白菜不算太新鮮，但跟餐免費送的，都算可以接受的。海南雞飯是油飯來的，不算太肥，很好！以$50的價錢吃到這個水準，亦算不錯

係旺角MOKO shopping完！！，當然要醫下肚仔啦！！叫左個日本靖魚炒飯套餐！！套餐-----就連埋個飯，甜品(一口迷你多士)同埋芝士焗蠔二隻, total 三樣野三樣野個相頭都幾好！！講下個味道---個炒飯用左日本米黎炒，d魚幾好味，食到幾新鮮，炒飯個味道唔會太過咸，我覺得好味，我本人好怕d日本炒飯太多青豆係入面，會令到個飯唔多好味，但呢個飯無問題一口迷你多士--炸得幾好，金黃色！，唔會好油，連埋d朱古力醬一齊食，二隻甜味係夾到既！芝士焗蠔---好味道，係新鮮既，二隻剛剛好，淨左既芝士汁我用黎撈炒飯食總結黎講------係幾正既！！，套餐茶記價錢，我推介！！！

今天跟食伴打算隨便吃,就來了新世紀的foodopera,裝修之後多了很多食店的foodopera我看到貌似很吸引的蛋包飯就點了~嚴格來說這不是蛋包飯而是蛋蓋飯要讚這個蛋汁不會太熟, 能做出滑溜溜的口感燒汁雞扒的燒汁算不錯, 雞也煮得挺好吃的但雞本身沒有什麼味道, 連基本的底味也沒有呢重點是...到底它這個茄汁怎麼了太酸, 太多, 沒有蕃茄味, 而且跟雞扒的燒汁不夾到一個極點,搞得醬汁又酸又鹹, 整個是湊合吃下去總結, 我命名它為不回頭蛋包飯。

周末，小妹最愛四圍趴趴走。是日一早，小姐相約去旺角新世紀商場戲院睇九點零五分場的「玩轉腦朋友」。看完電戲，也不過是十點半左右，未夠時間吃午飯，故到三樓的食代館hea逛。近大門口右手邊，乃出售點心和蒸飯的「點心到」。看著櫃枱放有一籠籠的精緻點心，挺吸引的﹗上回在屯門點心瑪莉吃過豬仔包和冬菇包，想不到點心到也有類似可愛且精緻的點心﹗午餐不過是訂了枱吃輕盈素食，擠出部份胃納來消化這些點心，應該可以應付的﹗最終，我們要了三籠點心。賽螃蟹鮮蝦菜苗餃$22一客三𨾏蒸餃，用筷子挾起，餃皮頗黏身的，死牢牢地依附著筷子。咬下，餃皮濕黏，欠缺Q彈爽滑的口感。幸而，餃皮內饀料極為豐富，滿滿地塞有香滑賽螃蟹、鮮爽蝦肉和軟腍菜苗，食味頗佳。一籠兩件的牛肝菌花菇包$18，以可可粉造出花菇的紋理，再在褐啡色花菇上，𠝹有十字，造形維妙維肖的，幾乎假可亂真﹗咬下去，可可粉明顯沒有點心瑪莉般苦澀，蒸包鬆軟富彈性。可是，包內牛肝菌饀料偏乾身，食味也較一般。金沙肥豬仔流沙包$20的豬仔白雪雪，樣子蠻傻呼呼的，包身較為硬實，內裏卻是香濃幼滑的流沙饀，外表平凡，內裏卻甚有驚喜。

美食廣場選擇多，來到旺角新世紀廣場，多款食物也很吸引。看到此店的十字花菇包挺特別，買來試試。點單後即叫即蒸，十分鐘後可取。對花菇包有點好奇，外觀真的很像十字花菇，吃下表層又的確有像花菇的香味和質感，但麵包層其實都是中式包點的麵粉團。另一特別的是餡料很「西式」，是芝士煙肉，熱騰騰不膩；與花菇包配合起來還是可以。整體來說，很有新意亦有質素，不錯。