食好D食堂

營業中

休息中

工廠大廈抵食午餐 而家有折扣HKD39 已經可以食到一個lunch,地址唔難搵,而家熱辣辣呢個餐廳都大大冷氣,坐得都幾舒服,大大杯檸茶 慢慢飲, 慢慢坐。一個月有一張餐單,會有位哥哥係附近派發。*** 一個餐都肯送外賣, very good! -今日食左排骨炒麵都唔錯啦, 排骨好夠多D麵可以再脆一點點就好了!-同事叫左叉燒煎蛋飯不過不失, 叉燒瘦了一點, 乾了一點。但佢都算不錯, 豉油獨立包裝另上, 等你自己控制份量又乾淨D (a_a)vHKD39 可以食一餐都算係咁!之前仲食過佢D焗野同埋咖哩都唔錯,大家係附近可以一試喔~

話說今日星期六都要翻工，一放工攰到成隻積咁，想快啲滿足個肚仔，諗住食好D!! 又想快，所以就叫外賣，然後揾到依間店。見到冬陰公肉片湯河。滿懷開心嘅心情反屋企食。點解真係好似個天一樣，灰到爆。個湯係冇味架，有冇見過冬陰公係冇味，佢連個味精都慳返唔落囉。得咸味，上面得一層薄油。肉又係得咸味。完全唔知自己食緊咩。四十蚊嘅價錢外賣，佢連味精都慳！雖然冇expect佢有幾好食，但冇諗過係咁難食！🌚🌚🌚🌚🌚🌚🌚

急急腳趕住返公司，差少少遲大到，因為無時間所以無買到早餐返公司食，前幾日見到公司門口有人放左依間既宣傳單張外賣紙入黎，見無叫過所以諗下叫黎試下叫左份餐旦治同凍奶茶，09:30叫完15分鐘內就送到，用透明膠盒載住好有誠意，平時茶記都係用膠袋放就算，最後想食拎出黎個時就散哂，拎住食個時仲要熱辣辣，應該係即叫即整即送，入面個旦煎到有少少滑旦咁，仲有兩塊午餐肉，餡已經好多，味道唔錯，凍奶茶飲落重茶香味整體而言，$23個雙拼三文治連凍飲係而家黎講已經係好抵，出去單點個三文治都要十幾廿蚊，係依區黎講真係算係良心食堂

日前又skip午餐,隨手拎起外賣單張搵tea食,今次就選中呢間;天氣熱熱,唔想食熱野,見到有沙律就最高興!可能食店同公司都有一段距離,送餐時間比樓上/下長左少少,送到時沙律同夏枯草都已經唔太凍。鹵水雞髀配雜果沙律,雞髀大大隻都幾壯觀,鹵水味道偏淡,所以覺得唔太夠味,只可惜煮得唔太夠時間,近骨部份仲見紅色,驚驚!! 沙律又唔係全用罐頭,有d青瓜、椰果定蘆薈,生果粒切得大大粒,撈上奇妙醬味道還算ok,只係唔夠凍。飲品可選夏枯草,飲涼茶總比飲其他好,尤其呢排熱氣!夏枯草煲得幾濃,甜味偏淡,好飲!只係隔渣唔太清,啜到唔少草入口。笑臉係比杯涼茶既^_^

早餐叫了一個鮮奶麥皮+奶醬多+凍OT都只係17 比其他果D平..而且送野速度都好快味道同其他的都差唔多,麥皮真的好大碗(簡直食唔哂) 奶醬多都好多醬8:30嗌9點前送到掂!!