食字路口

營業中

休息中

見佢新開左一段時間，同事話好食，今日就黎買左lunch，叫左白咖啡煎豬扒，$40好平。賣相：正正常常，白咖哩都幾多，豬扒好多舊，切既大細啱啱好。氣味：好香白咖哩味，好吸引。味道：有驚喜，白咖哩好好味，唔太鹹，但少少辣，我自己唔太食得辣，都接受到食到，豬扒有d諧，但都夠淋，最特別既係一堆豬扒入面，有一舊白蘿蔔一舊紅蘿蔔，連白咖哩食又幾夾wo。整體黎講，性價比高，平得黎又好食，每日都有唔同精選午餐，都係$40左右，下次會再幫襯。

每日返工最煩惱嘅就係中午食乜~今日喺食字路口買咗個白咖喱香煎豬扒飯外賣返公司食~ 一開個外賣盒 一個字：香~豬扒同白咖喱汁都唔少 仲有粒紅蘿蔔同青紅蘿蔔~ 話明食白咖喱梗係要試吓個汁先啦 個白咖喱汁有驚喜!有驚喜!有驚喜! 重要嘅嘢要講3次！ 第一啖覺得個味好熟悉 食多幾啖發現竟然同沙x王個招牌白咖喱咁似嘅！印象中係沙X王食中午叫個白咖喱豬扒飯都差唔多$60，我今日叫呢個只不過係$42 又抵又好食~ 一野就隊晒成盒飯掂呀～ 我諗我嚟緊將會成為呢度白咖喱豬扒飯嘅常客！

非常好的介紹！ 👍🏻最近聽同事講這間餐廳不錯，今日難得公司不太忙 就忙裏偷閑來試一下。叫了吉列豬扒漢堡餐 $28。眼見價錢便宜 本來也沒太大期望 以為是一般份量比較小普通的炸豬扒沙律醬漢堡。餐點來到的時候，有被他的外觀驚喜了一下！漢堡包有烤過 吉列豬扒十分有份量，其實整個漢堡也是比較大 有份量的，看着非常有食慾。麵包香脆可口👍🏻吉列豬扒亦相當有驚喜 不會太乾太柴 同時亦不油膩👍🏻 黃色的醬汁酸酸甜甜的非常開胃👍🏻 再配以清爽有口感的生菜👍🏻整個感覺非常好。食完一整個漢堡包已經非常飽！今天沒有食早餐午餐也比較遲放，本來還擔心一個漢堡包不夠飽。這個漢堡配上一杯凍檸茶 已經十分滿足。這間餐館有誠意，一定會再多來幫襯。

第一次寫食評，因為真係一肚氣。原打算食個普通的炸豬扒薯條，結果：1. 未食先收錢，可能佢要埋數，都冇所謂，照畀。2. 收錯錢，飲品加$18，我都怕自己搞錯，問佢攞返餐牌睇，上面寫凍飲加$6，我問佢，佢話佢睇錯，手改價錢3. 上菜時得扒，我問佢係咪仲有個薯條，佢話係，一陣分開上，咁好啦，食住等，等到食完飲晒都冇再上薯條。20分鐘都有了，問佢係咪仲有個薯條，佢搞一輪，話我果個係小食，唔會有薯條。當自己倒霉，入錯店。惟有提醒其他人小心

天氣終於無咁熱 放lunch都想出去行下食下。 見食字路口個名咁搞笑 入去食個晏 叫左肉燥滷東坡肉飯。份量好夠肉都好足 味道不錯。平時食肉燥好怕太多肥肉 好似啖啖肥膏咁。呢間嘅肉燥岩岩好 唔會太肥 又唔會無肉燥香，撈飯一流。東坡肉肥瘦平均，想一食再食。個飯仲有紅蘿蔔同蘿蔔 令成個飯感覺更好。 將來會繼續幫襯

一直喺中環工作都冇咩好食，一係就好貴。見到公司附近有新餐廳開張，今日終於去試試👍🏻 餐廳環境乾淨企理👍🏻 試左肉燥雞扒飯同凍奶茶 雞扒炸得好香口 肉燥份量夠多吾孤寒，奶茶好正！

好感激公司有位同事日日自發幫大家叫外賣 佢真係好偉大 每日不辭勞苦地幫全公司叫外賣 而且仲好勇於發掘新野 今次佢就搵到呢間岩岩開業冇耐既台式餐廳喇！由於第一次叫呢間外賣 我就穩穩陣陣地叫左個應該實冇死已「食字肉燥脆蜜雞翼飯」（皆因本人認為雞翼係一樣好難煮得難食既食物 至多煮得唔好食嫁姐 而肉燥係呢間餐廳既主打食物 更係一間台式餐廳既靈魂 我相信應該唔會差得去邊既）事實證明我既選擇真係冇錯既 肉燥同飯都唔差 而雞翼都幾好食 甜甜地味道都幾得意 而且送到黎仲keep到脆口 唔錯唔錯！而份量方面 我本身食量中等覺得份量岩岩好 但食量太少少既男同事就可能未必夠喇總括黎講 食字路口絕對係「有下次」既選擇！ 下次想試下佢既「邪惡豬油燒汁牛肋骨條飯」 唔知有幾邪惡呢？！好期待！

今日去中環做野，路經見到有間新開既小店，比佢個招牌邪惡豬油鰻魚飯吸引左，一於坐低試下，兩個人坐低叫左一個鰻魚飯，一個脆雞扒蔥油撈麵，再加個蜜脆炸雞翼，個鰻魚飯真係好邪惡，豬油好香但唔會有油膩感，脆雞扒同雞翼都好正，但個蔥油就嫌佢太多蔥頭唔夠蔥葉凍咖啡都好好飲，下次要再試下其他野，因為見到仲有芝士系列既食物