食得喜菜館 (已結業)

好味個日心情好，所以叫左朋友一齊晚上六點一齊食返餐。有人遲到又有人早到咁勒。最遲那個女仔遲左兩個鐘，哈哈哈，好忙喎佢。有驚喜係，估唔到門口可以免費泊車，我兩個朋友的車都唔駛等，直接泊，賺左三個鐘泊車錢。佢地成日鬼鬼鼠鼠望出去，原來睇下有無人抄牌。其實唔駛驚丫，聽講個邊好小抄牌的，又坐到咁近門口，行兩步就拯救到架寶貝車勒。不過，過左六點仲有無車位直接泊就唔知勒。最後四個人黎齊傾下計，坐左三個鐘，六百幾埋單。門口枱，應該可以帶竉物一齊食吧。

見今日咁凍，好想打邊爐又唔想整到屋企臭哂😂，就試下樓下新開呢間食得喜菜館。入到去，見打邊爐湯底同配料選擇比較少，有點失望。問待應，佢話餐廳新開，想保持番質素，所以選擇較少。算啦，入到黎又冇理由出番去😂🤦🏿‍♂️揀左莞茜皮蛋湯底，又真係幾香，飲落去又唔覺有味精，係唔錯。揀左幾款大眾配料，魚皮餃、響鈴、金菇、手切肥牛、西洋菜等。當中最有驚喜係碟手切肥牛，色澤靚，肥瘦岩岩好，重要價錢好合理。以後飯堂又一選擇👍🏿

帶埋女友同2個朋友行開深水埗鴨記買電汽車用品，順便搵下果頭有咩好吃。其中女友話深水埗多大排檔野。行左成個鴨記都搵唔到想入去吃的大排檔。4條友行到醫局街果頭，心念都係去返愛民生吃算了。見到間新開張的呢間小炒，又唔洗等位，就念住試下。叫左4個餸「南乳炸子雞」，「果皮蒸鮑魚仔」，「白灼海蝦」，「蒜蓉炒生菜」。南乳炸子雞味道還算可以，不過不失。果皮蒸鮑魚，味道幾好，海鮮算係新鮮。意料之外的驚喜， 「白灼海蝦」，鮮甜都不得了，試過沾醬油同 唔沾醬油，唔沾醬油隻蝦重好味道，吃得出爽甜。平均消費$128