食得喜麵家

營業中

休息中

八號風球落咗3號，即刻落嚟睇下有冇嘢,好彩樓下間粉麵有開，入去整返碗先！呢碗牛丸河粉真係正！牛丸彈牙爆汁，咬開陣陣牛香衝出來。河粉滑溜吸晒湯汁，清甜夠味。蔥花同芹菜粒提香，連湯都飲埋，暖到入心，正到痹！

因為喺屋企樓下已經去過好多次，佢所有嘅丸都唔係渣嘢，老細係潮汕人，蝦丸好少食到，牛丸真係唔使講，我有潮汕級數，而且粉麵算大碗，價錢唔貴！佢有鹹雞賣，我都買過兩隻，$88抵食好食，屋邨當然唔好要求服務好好，求其過得去就ok！

昨晚去了青衣美景花園的一間「食得喜麵家」，唔知有冇人食過。昨晚見店內都有8成入坐，而且很多外賣，就入去試試。我從來都不認識這間店，店內只寫上青衣美景花園和置富花園兩間店的地址，今天我上網一查，原來很多地區都有分店，不知道是否同一老闆，但店名、招牌、logo是一樣的。昨晚點了雲吞麵$39、炸醬麵$40、細牛雜$69，總數$148，絶對物非所值🤬雲吞麵 - 麵質一般，雲吞比一般的差，連韮黃都無，湯底超咸，又不是大地魚湯底。❌炸醬麵 - 麵和湯跟上述一樣的差，個炸醬係我食過最差的，色、香、味都是地獄質素，顏色明顯見到豬肉絲的顏色，味道不但止過咸，而且濃濃的蒜頭味，根本唔知食緊乜。❌午雜 - 份量就是一小碟，只有牛肺、牛膀、牛粉腸各3件及牛肚大小不一共6件，白蘿蔔手指的粗度約5CM長共6條。全部又係超咸，牛肺煮到死實實、牛膀又太乾起晒沙、牛粉腸不值一提、牛肚吸晒啲汁10級咸、白蘿蔔又乾又有渣。❌我本身已經係食嘢可以濃味的人，但我都覺得好咸，呢間嘢直係不可一、不可再。