食得福餐廳小廚

營業中

休息中

都好久未出過呢頭食晏; 今日行經見開了新店, 也入內一試!店內好乾淨, 又光猛, 又有大電視, 不錯.看看menu, 本想叫碟瑤柱貴妃雞飯，但因我1：45才來到，當然已賣晒！仲有幾款午餐, 最後叫了蕃茄魚柳.因其他的好似太油...都好快上, 試一試d 汁, 唔係茄味...再食多少少汁, 唔係酸甜...係冇味!?但d色咁鮮艷... 唔通全都係coloring???魚唔大片, 炸得幾好, 唔算油, 但好似冇醃, 又係冇味 ge...結果加了辣油食. 服務ok 喇.但為何全都冇味架...雖今餐我喊, 但我一定會回來再食今日食不到的瑤柱貴妃雞的~

之前間餐廳結業，店舖大裝修後，最近開了這間餐廳。看看餐牌，有雲南米線 ($23 起)，但不是套餐。也有小菜套餐 (午市晚市都有)，但價錢較貴 ($48 / 一人餐)，我是惠顧午市，要便宜一點，結果點了快餐 ($30)。這天是星期二，我丈夫點了生炒排骨飯，我點了粟米斑塊飯。飯到了，飯和送是分開上的，飯大大碟，斑塊大大件。$30 乍看不是好抵，但看到來了的食物，就覺得好抵。粟米汁無特別，但斑塊很脆。因為同檯有其他人搭擡，看到別人叫雞脾煎蛋飯，雞脾也是大大件的。$30 咁大份，ok la。但下次再惠顧，我要叫佢少飯，因為我食唔晒，不想浪費。