食物實驗室

營業中

休息中

今日發現左石門有間隱世拉麵😍超高質，重要超平！$58喳！無加一又無其他額外收費！個湯底真心無得輸呀！！好好味！。🥢白湯豚骨拉麵 $58豬骨湯底味道非常濃味厚身，湯底濃厚但完全不膩，叉燒三大件唔係好厚身但好入味好滑，配料有齊：叉燒/味付竹荀/京蔥絲/溏心蛋/紫菜/木耳絲。。🥢特濃雞白湯拉麵 $58好特別既雞白湯拉麵，比較爽身，同無咁濃味，雞係雞胸，但出奇地好滑！好好食，配料：有雞叉燒/味付竹筍/京蔥絲/溏心蛋/秋葵/粟米芯/BB蘆筍😍大滿足。小食價錢都ok ，$18/小食，「油揚龍蝦沙律 2個 $18」用油揚包著龍蝦薯蓉沙律，賣相個人覺得麻麻，但食落好得👍🏼。「炸雞皮餃子 3隻 $18」超脆爆晒油！「煎日式餃子 4隻 $18」大大隻外脆內軟。。呢度既日本汽水都好平「富士山柚子汽水 $18」同「西柚汽水 $5」完全係良心價！。小店真係要支持！眼見幾位年輕人落手落腳煮野食！好高質真係值得多啲人欣賞😊

最近返工成日都喺火炭附近搵嘢食，石門有一個好多餐廳嘅商場仲有小店嗰日同同事喺度放飯嘅時候發現咗呢間拉麵小店餐廳主打係拉麵，但同時都會有飯同埋小食，而且餐廳堂食嘅位置唔多主要都係做外賣，但係都會有幾張枱俾我哋堂食第一時間其實係俾佢嘅價錢吸引到一個特濃雞白湯拉麵包埋糖心蛋同埋慢煮雞胸肉都只係$58真係冇邊一度可以做到，而且聞到好香嘅湯底味，相信都落咗唔少心機師傅有介紹佢哋嘅拉麵湯底，都係用咗8小時以上調製所以個湯底會特別濃，而且食完之後唔會有味精嘅味道有龍龍嘅湯底飲落去好香，但唔會好鹹拉麵嘅份量都好抵讚，而且包埋糖心蛋同埋雞胸肉真係好抵食雞胸肉仲要係用慢煮方法製作，所以真係一啲都唔會鞋口我同事就叫咗第一款既白湯豚骨拉麵，湯底都係龍口，但並唔會好鹹飲落去就好似豬骨湯底咁樣掛湯能力都好高食落去嘅口感好豐富，配埋叉燒真係不得了另外都要讚吓小食，我哋分別叫咗兩款，第一個就係章魚小丸子、第二款就係芝士免治雞肉串，本身以為拉麵店嘅小食都未必會好多驚喜但係呢個章魚小丸子真係性價比超高$18有四粒，仲要係脆口，乾身多料，有少少覺得可以成為其中一款主打嘅小食免治雞肉串，加埋芝士都好好食！不妨可以叫一兩款同朋

有人情味的拉麵小店德龍雞白湯拉麵$58配料：田雞叉燒/味付竹筍/京蔥絲/糖心蛋/紫菜/木耳絲有田雞產於九州的佐賀及長崎縣，在得天獨厚的良好自然環境中，餵食後會大大提升雞隻血液循環，在細心的管理之下培育出健康雞隻。不僅肉汁豐富，更富口感，脂肪含量亦較低。令到整個拉麵的質素都提升。慢煮雞扒丼（日式照燒汁）$48配料：雞腿肉/玉子燒/野菜雞扒的份量很多，飯和配料的份量也很多，絕對是物超所值。煎日式餃子（四隻）$18即叫即整，日式餃子配拉麵是非常好的配搭。章丸燒（四粒）$18即叫即整，熱辣辣，四粒都非常大隻，好好食。#foodlab #石門 #拉麵 #外賣 #京瑞廣場第二期

沙田石門想必是馬鐵沿線家長每星期遊逛的聖地，因為實在太多興趣班。😆 最近我們發挖到一間性價比極高的拉麵店Food Lab，品嚐了他們的白湯豚骨拉麵和特濃雞白湯拉麵，極推介大家去揾食。😋白湯豚骨拉麵的湯頭非常濃郁，豬骨的味道十分鮮美，加上嫩滑的麵條和各種配料，真的是美味可口。叉燒很嫩，入口即化，味付竹筍和京葱絲都非常爽脆，紫菜和木耳絲則增添了口感的層次，溏心蛋更是絕妙的配搭。😋特濃雞白湯拉麵的湯頭更濃郁，雞肉的味道非常鮮美。日本雞肉叉很嫩，味付竹筍和京蔥絲都非常爽脆，秋葵、粟米芯和BB露筍更是為整碗拉麵增健康。😋煎日式餃子也是非常好吃的，餡料鮮美，皮薄餡大，煎得也十分香脆，非常喜歡的一道小吃。😋最後配搭熟桃子和信州蘋果的水果飲品，非常清爽美味。😋

📍Food Lab (沙田)沙田石門安群街1號京瑞廣場二期1樓OK Mall 102A01-01號舖係附近睇完Physio, 餓餓地行左陣見到依間唔錯，咁就試試佢，但有驚喜喔。 白豚湯拉麵$58 特濃雞白湯拉麵$58拉麵第一特色個湯底好濃但係唔咸食完唔洗馬上飲水，叉燒嗰舊肉就入口即溶，半肥瘦質地彈牙，就算外賣放咗好耐都唔會變淋。白雞湯拉麵係用慢煮雞胸肉做餸，一啲都唔un 好少拉面舖頭會提供呢個咁健康嘅,啱晒附近做運動嘅人食。煎日式餃子（4隻）$18章丸燒（4粒）$18總結：一碗麵50幾蚊食到呢個質素真係好唔錯，仲要佢碗麵嘅配料，附送蘆筍，糖心蛋，秋葵，筍。簡值係平！ 地點⭐️⭐️⭐️⭐️味道⭐️⭐️⭐️⭐️⭐️環境⭐️⭐️⭐️⭐️服務態度⭐️⭐️⭐️⭐️（5星為最高分）

個濃湯好香豬骨味，同飲完唔口渴😍拉麵軟度有得揀，我揀左要軟d，感覺啱啱好。雞肉淋得黎唔會鞋，仲有味道啱啱好既鮮嫩竹筍🥰，仲有靚仔糖心蛋😊其他配菜都新鮮可口。整體感覺味道好啱我口味👍🏼👍🏼

果日行過石門，本身係想食d小食咁岩見倒前面有人幫襯，同店員有傾有講 咁就跟風試下佢隔離有位可以坐，轉頭食完先發現鋪頭另一邊都有好多公家位可以坐叫左個雞肉拉麵，咁麵軟硬度都可以有得揀個湯底好濃，d麵好掛湯個雞肉叉燒一開始睇覺得好似白烚咁，點知食落超滑一d都唔鞋仲正過海南雞，份量又多如果平時健身食果d雞肉做倒咁食幾多都無問題仲有其他小小配料點綴下，唔係平時平價日式餐廳d配料再加多左個油揚龍蝦沙律，依個都足料好味出面依個價錢應該食唔倒

今日行過石門口痕，想食啲小食～行過見到試佢嘅豬軟骨串同煎餃🥟都好好食！豬軟骨最正係勁多芝士同沙律醬🤤🤤🤤本身想食埋店主推介嘅撈麵同豬骨湯麵🍜🍜下次再試