食素

營業中

休息中

家姐好好禮貌，細路煮野好好食超級推薦，方便衛生荒漠甘泉香港少見的良心食店藉再光顧，家姐是修行人，好好修養，同佢傾計好開心，一定會再去，現在已經想回頭，吃到他們貴店菜色是我的福氣🙏🙏🙏

前身係車仔麵，個時都有素車仔麵。間唔時都會去幫襯。之後轉成素食店⋯之前都嚟食過三餸麵。今次試下三餸飯。$49三個餸有埋湯，白飯任裝咁岩個日係我鐘意嘅南瓜湯。以為會係中式青紅蘿蔔湯個啲咁見到一舊舊南瓜，點知係好有誠意地打蓉嘅南瓜湯！好濃好香又清甜當日嘅三餸就有煎牛蒡餅、羅漢齋同菜芯。之前見人話每日都會有一道有蛋，但最近好似都無蛋。飯就自己去裝，大家要珍惜食物，食得晒先好裝多啲～我揀咗薑飯暖下胃～佢係紅米加薑粒？薑蓉？食落薑味都出！整體都唔錯，無好咸好油太濃味。份量我覺得都好足。

店面細細，乾淨光猛，上菜仲好快，$49有三餸一湯，紅白米飯、腐皮粥、薑飯可以任裝😍仲要係素食，個人認為係屯門較小素食店的地方，真係好難得，腐皮粥仲要好香好綿，令人超級回味，蟹柳炒西芹都好爽口，東坡肉口感好真，饅魚卷都好好味，但份量有點小😅

前身係車仔麵嘅店，而家轉型素食店今日試咗佢嘅三餸飯仲有靚湯飲跟餐可以揀白飯薑飯，仲可以揀粥當然喺揀薑飯餸菜都好有誠意，炆蓮藕，都要唔少功夫得閒大家都可以試吓素食，都係一個唔錯嘅選擇

特登嚟到屯門試吓呢間素食店, 仲有薑飯/白飯或腐皮粥自助添加, 薑飯亦好好食！個湯超好飲, 3餸飯一點也不馬虎！整體格局令我想起荃灣某間己結業的素食小店, 呢間同樣出色, 絕對會再嚟食

素食三餸飯邊度有得食？原來屯門都找到，這間街坊小店有每日轉餐牌的三餸飯，也有自選車仔麵，另外我見四寶飯和叉燒煎蛋飯都很受歡迎，大大碟又可以自己裝飯，住屯門的話記得要mark低。素食小店在街市附近，午市時間都幾熱鬧㗎。據說前身是車仔麵店，現在也有車仔麵但只賣素食。入面裝修簡單，但望落舒舒服服，坐得都OK。早午晚餐都有做，早餐配搭幾港式茶餐廳很有趣，飯餐選擇也蠻多。車仔麵的配菜都係素肉為主，套餐可以跟湯或飲品，望落都幾過癮。唔好意思肚餓手震XD，自己裝腐皮粥、白飯或薑飯，第一次見有薑飯食當然要試下，飯量可以自己調節，食多食少都可以。素食三餸飯 HK$49三餸飯的菜式每天會在店家IG公佈，不過食開素的其實又無咩所謂，有咩食咩。這天有菜心又有椰菜，覺得自己很健康，珍貴的紅燒腩仔肉外脆內軟又幾得意。期待的薑飯香氣十足，很適合素食者阹寒。老火湯大大碗仲好多湯料，今天是羅漢果菜乾湯，甜甜地也重菜乾香，滿足。

食素💚B 奶油豬仔包配熱飲(熱華田) $25E 香酥腐皮雞腿 $26人均消費: $25.5 (2人)-三文治餐: B 奶油豬仔包 配熱華田🥤個奶油豬望落去 色澤好正🤤佢切開咗一半啱啱好 方便一人一半🌓個包好鬆脆😚做到有啲外脆內軟嘅感覺不過有啲乾 但有杯熱華田喺度都OK😝個奶油豬啲奶油份量都好足😋甚至有啲多 滴到隻手都係🙌🏽(🦩食到呢咁Hea🤣)總之 成個好好味 好香啦🤤熱華田就一般般啦同平時茶記飲到嘅差唔多好熱辣辣😶‍🌫️但係佢唔係裝滿成杯🥺不過份量都足夠·小食: E 香酥腐皮雞腿🍗一碟有3舊嘅都算大嚿😚個名係雞髀 所以本身以為個雞脾係入邊都會有啲嘢🥺但係食落去係 就係腐皮卷咁🤣不過都幾特別嘅 用咗個雪條棍做雞髀嘅骨🍗而且啲腐皮係好緊密 唔會話食到散開👍🏽同埋呢個雞髀 佢係煎到好熱辣辣🔥食落去嘅時候 要小心啲同埋好香脆 但又唔會話炸脆嘅感覺不過油咗少少🤏🏽另外 佢側邊有辣椒醬 可以點🌶不過對我嚟講 即使點咗少少 都辣咗少少🥵·以上評價 同🦩一齊寫所以帶返頭盔先👷🏽‍♀️-20/8/2022 ate因為今日本身食咗嘢所以過嚟係諗住食啲小食🤤但因為費事兩個人一個小食好似唔係咁好所以嗌多咗個奶油

店內雖然只得七張枱，反而有親切感，白飯或薑飯可以無限添食，正！雖然價錢大眾化，午餐每日不同，例湯夠熱值得一讚！如果擺盆花多少少心思會更加吸引，但也值得回頭再嚟食啊！

我平時唔食齋，但見到平就入左去試左47蚊三餸加薑飯個薑飯真係不得了，唔油但好好飯，又解康，有d粗米係入面，好食過一般茶記炒飯好多絕對建議試下環境都乾淨野食又唔太油

置樂新開嘅素食餐廳，佢啱啱開張嗰陣，本身諗住堂食，但太多人排隊就轉左外賣，第二次就成功堂食😂外賣份量都算可以，有白飯，薑飯，糙米飯可以揀，我叫咗薑飯，但其實食唔太到薑味😂啲餸嘅味道都唔錯，湯都可以，冇乜味精嘅感覺堂食就要自己裝飯，飯可以任添。四寶飯估唔到俾成隻鹹蛋😂 但都幾難食晒成隻😂 叉燒普通，素火腿同素雞扒都可以，口感幾好，有俾生菜做配菜👍🏻有趣嘅係第一次去店員好似都係後生仔女，明顯有啲手忙腳亂嘅感覺，但第二次去就全部都係姨姨，不過呢個就題外話啦xd 希望keep住有更好嘅水準啦四寶飯