食臺

營業中

休息中

There seems to have quite a number of good comments for this little resturant and I walked with my friend from mtr for 10mins to take lunch here.Originally, we would like to order toast but then we are told it is only available at tea time. Since my friend is not hungry, she order the salmon salad with vinegar. I saw some recommendations on the spicy pork collar rice and I chose it. However, I can only taste how chilly it is and nothing else is special. My friend cannot complete the salad as

之前睇過openrice食評，見到呢間餐廳評價不錯，加上一直以黎特別情傾光顧小店，所以特意前來一試。餐廳位置不算起眼，由地鐵站行路到餐廳約需8分鐘，店鋪看起黎只不過係間普通的小小西式餐廳，是晚到來大約晚上7點多，點左精選扒餐保雲酥焗羊架同香煎法式七支羊架除主菜羊架外，仲配有雜菜沙拉、薯角、焗蒜頭。羊架好肥美，咬落去啖啖肉，一個人食3支都好足夠，而且羊味好重，兩款羊架都好美味，值得再吃。薯角炸得有點過火、焗蒜頭第一次食，出奇地覺得好味好特別，食落好香口，質感好林身似焗薯咁。食完已經好滿足，仲要送上甜品，焦糖燉蛋，外觀可能不算太好，但味道正常，甜度適中，蛋味可以再重d，面層焦糖可以多一d此扒餐還要附有飲品，一份餐$100有找，已經算係價廉物美！食完有種好滿足既感覺！下次黎到試下其他扒餐，見隔離枱d扒都係大大塊好肥美，實在值得一試！😋

一行七人忽發雅興想扒一扒，然而一行七人皆窮＿。　　晚上八時許才打電話問一問，還好九點多就有位置容納我們。一向都很喜歡小店，而這小店，真的是字面上的「小」，只有二十多個座位而已，不難爆滿。如果你想跟伴侶談天鋸扒，沒可能。不過，既然你選擇得食臺，追求的自然就是她那平民化的高性價比食物吧！　　醜話說在前，食物的質素不是屬於很高的那一種，但絶對是合宜，而且高性價比，最貴的10oz美國頂級肉眼，都不過是$158。我自己點了保雲酥焗羊架，同行朋友點了香煎法式羊架，我個人比較喜歡酥焗的一個，煎的那款有點過於油膩，其他扒可參考圖片，因為沒有試食，所以未能評價。酥焗的配料夠香，又不會蓋過羊架本身，羊肉不太油膩，軟腍到適中。值得一提的是那個焗蒜，平日不太吃蒜的我竟然愛不釋口，蒜香味濃而不嗆，配合扒類一起更好味；一個有密集恐懼的朋友接受不了（竟然......）,所以我空口吃了她的一份，同樣吸引。　　份量方面，男生來說，未免有點不夠了，不過基於價錢，也不會奢求太多，但，希望薯角可以多一點吧......整體而言，食物還是好的。　　環境方面，如開頭所言，有點逼，但不至於影響進食，唯一影響的是，桌子與洗手間中間的間

今日去開葵芳，就上網搵下有咩好野食啦，睇到呢間好似唔錯就過去試下啦。點知中伏真係無下次....叫左芝士流❤️蛋多士，睇個樣好似好得，但一試就...多士唔夠熱，流心蛋完全係生雞蛋一隻的蛋白都流到周圍都係，總之唔好食👎🏻仲叫左焗豬扒飯，不過豬扒就無喇，豬扒骨就有兩條，洗唔洗咁慳呀？個豬骨飯由於太核突，所以都無影相了。

住在葵芳多年的我，去年才發現這間不錯的小店，自此之後平均每星期都會幫襯1-2次。何解我突然之間會寫食評？主因係發現很多人都大讚佢地既晚餐，但查實佢地既下午茶同午餐均非常不錯 特別是炸雞肶下午茶餐，真係好好味。當然有時也會有失手時，比如啲薯條唔夠脆。但一年來基本上都能保持水準，價錢亦很公道，已算是不錯！而佢地$41既午餐亦唔欺場；不論雞扒、牛扒定吉列豬扒配搭既意粉或飯，食落都係好香口、大大份連杯熱飲。當連鎖快餐店都係$4x 一份午餐仲要pre-cook, 呢度已算不錯希望佢地繼續保持水準、繼續合理既價錢、多啲人去幫襯，咁我地就可以繼續有好野食

今晚好想食熱食喎... 第二次幫襯... 好在行快一步... 入座後一陣門口已經排晒隊... 好多人都係叫扒餐... 見到好正... 但婆仔今日係想食焗野囉~焗墨西哥肉醬牛扒意粉都估到會辣辣地... 點知肉醬食落都幾辣下... 肉醬夠晒多夠晒撈晒個意粉~ 牛扒好似拿過咁... 個肉醬太搶食唔到牛味~焗紅酒七里香雞扒焗飯唔錯~ 雞扒好滑汁又夠多~ 伴碟既紅椒同洋蔥都好食... 雖然得幾舊~熱阿華田 / 熱可力兩杯都夠晒熱但都比較淡味~

回到葵芳已經九時許，還未晚飯肚子開始打鼓了…女友說很想去一間平時常常爆滿的小店，立即叫她上openrice search一下小店收幾點。難得收十一點半，就如她所願去吃吧!小店位於葵涌運動場對面，最入的位置。店舖大約有20個位，雖然已經九時許，但仍然很full。望望下比我發現個墻身留言板有個高登小丑頭太肚餓了，點了個焗飯，有２隻青口，面頭大片魚柳，將芝士鋪在白汁上一起放入焗爐焗，食得！青口味道一般，魚柳十分嫩滑，魚柳跟白汁一向都很匹配。芝士點綴了單調的白汁，令整體變得惹味。焗飯的份量大，作為一個男生吃完都覺得很飽！女友不斷偷吃我的魚柳，說下次要點這個焗飯吃！

葵芳這間小店位置隱蔽，但晚晚人客不絕，這裡不設訂坐，過了7pm 後才到一定要等位！ 所以很久沒有幫襯了。之前憑著流心西多士而爆紅，現在雖然熱潮已過，但人龍沒有減少，食物質素當然有保證!難得今晚9:30才晚飯，人龍應該已散，一於去這裡開餐!差不多9:45pm到達，店舖只有兩個空位，Lucky! 之前試過這裏的羊架覺得不錯，今天就試意粉。意粉分開左右兩邊，一邊是吞拿魚，另一邊是肉醬。吞拿魚意粉用上白汁加沙律醬，我不太喜歡熱食沙律醬，所以覺得一般。另一邊的肉醬是用牛肉砌碎而成，應該是自家製醬汁。味道比平常吃到的蕃茄醬不同，這個醬比蕃茄醬濃味，有點麵豉醬的味道，濃味中帶小小甜味，跟肉醬頗夾。肉醬意粉的一邊很快就給我吃清光! haha吃完超飽，下次要試試焗飯!

去親葵芳都好開心，皆因有得濕平又有得食，仲可以小食當正餐。就算午餐可以以小食取代，晚餐點都要正正經經食係為食豬嘅原則。經過一輪搜索，我哋呢晚選定咗呢間餐廳食晚餐。美國安格斯西冷($128): 呢個安格斯扒餐包一杯飲品同一個甜品。賣相都唔錯，最驚喜係見到嗰半個焗蒜頭。塊扒我哋叫左5成熟，雖然塊扒係薄啲但係都真係煎到半熟喎。扒本身有調味，但冇過份醃製嘅問題，我哋好怕食到鬆肉鬆得太勁嘅扒。幾欣賞佢嘅焗蒜，香但唔臭，將牛扒同焗蒜加埋一齊食好夾。伴碟嘅沙律同薯角都做得唔錯。焦糖燉蛋: 跟餐嘅甜品可以揀焦糖燉蛋/木糠布丁，我哋揀左焦糖燉蛋。雖然係跟餐甜品但一啲都唔hea喎。焦糖面做得幾脆，但糖面嘅厚度唔太均勻，燉蛋亦香滑。白松茸黑松露煎魚柳意粉($50): 見意粉價錢幾平，本來都冇咩期望，但原來有驚喜喎。 個汁黑松露味幾濃，而且菇嘅數量都唔少。魚柳煎得表面香脆，入面嘅魚肉都幾滑。

行完新都會和葵涌廣場search了下，看見這家小店食評不錯決定一試。走到店門口确實很細，只有20個位。叫牛T骨套餐$118包飲品和甜品，另加$48有塊煎鵝肝。牛扒好味，好大塊，遮左炸薯角和意大利醋生菜。鵝肝煎得都香，但如果可以另外用碟上，賣象感覺應該更好些😁卡邦尼汁青口意粉$50(加$7包杯飲品) 都好好味但份量稍細左D，四個青口飽滿Juicy。除了店面細左D，味道和價錢相加比荔枝角工廈的Bondi劃算很多，不過Bondi的環境就抵坐！

今次係第一次去，地方細細的，但是都值得再去！今次食帶子什扒，肉質淋淋的，好易入口，薯角OK，帶子有少少沙，D汁剛剛好，份量方面，對女仕來說剛剛好，只是甜品甜了少少，同埋可以再滑一點，但都幾好食。另外叫了阿華田，出面飲的好甜，但這杯甜度剛剛好。服務幾好

這是一間值得支持的小店。食物是有心的製作。 法式芝士流心蛋厚是士，賣相絕對收貨。但芝士味不夠香濃，多士亦不夠脆。失望的是流行心蛋，太生了。如果能控制到流心的只有蛋黄而無蛋清，我一定會給一個

之前上網見到呢到嘅扒餐幾便於是心血來潮過嚟食呢度嘅扒餐冇餐湯同餐包跟但跟餐的野飲就好大杯我地叫佐一個雜扒同一個牛肋扒 自己覺得雜扒最好味，入邊嘅豬扒，牛扒，雞扒同帆立貝都好味，全部的肉質都好嫩，同個醬好match，但唔記得係咩醬旁邊仲有沙律同薯角薯角唔脆 我叫的牛肋扒，肉質算嫩但味道就一般反而旁邊的焗蒜係驚喜之作焗完的蒜散發出甜甜的味道有助解除肉的油膩感飯後甜品有木糠布丁同焦糖燉蛋揀我地都揀佐木糠布丁味道唔錯，細細杯下次去應該都會叫雜扒埋單好似係200蚊內如冇記錯真係幾平👍🏻

朋友介紹葵芳有間小店食物質素高，而且仲係平民價錢，今日經過就去試下！店內環境較細，座位不多～下午茶:法式芝士流心蛋厚多士 (連飲品)下午茶時間先有呢個套餐，個配菜沙津咸咸酸酸，都幾開胃，不過我都係鐘意日式沙津醋或沙津醬…講返個厚多士，真係好厚，目測有半隻手指公咁厚，雖然個多士好厚，但絕對唔硬，而且仲外脆內軟，芝士又軟又香，配埋隻半生熟蛋，真係一流，由於隻蛋係半生熟關係，吃果陣有d狼狽，係咁漏蛋黃，奉勸大家吃果陣先戳破隻蛋，再將蛋黃抹上多士，就可以一啖吃到芝士同蛋黃～除左法式芝士流心蛋厚多士外，下次我要試埋其餘兩款炒蛋厚多士！聽講晚餐都好好味

厚多士包邊整得少少脆口，芝士鋪面焗至微焦，賣相都ok中間就好似半藏咗隻太陽蛋喺度咁，蛋黃微微突起，搖一搖隻碟會見到蛋黃仲有Q彈感，一切開多士流心蛋黃就一洩如注啦！芝士味一般，亦拉唔到絲，反而流心蛋黃較合我心意，多士蘸上蛋黃一齊食係唔錯尼個係下午茶餐，要2-6pm先有，28蚊連埋嘢飲都算值得食。