食臺

營業中

休息中

係葵芳工作多年，對呢間小店念念不忘，今日收工再去食佢。多年不變嘅都係好多人幫襯，次次都要排隊。美國安格斯西冷，自己叫咗5成熟，火候控制得好好，煎到外脆內嫩，無配汁，食到原味。啲配菜都好正。薯角炸得夠脆，食到尾都仲脆口。沙律配上黑醋，好醒胃。燒蒜頭，我嘅最愛。美國黑毛豬T骨，肉質好嫩，又係煎到多脆內嫩，廚師功架一流，我覺得仲好食過西冷。但係就食唔出薯角上面果2支係乜，脆脆地臨尾送上木糠布甸，應該係自家製，唔錯

我係Facebook搵到呢間餐廳。因為去石籬睇戲，所以就順便黎試一試。見到好多留言都話呢度牛扒同甜品好食，就一於黎試下真唔真。叫左一份肉眼扒同埋熱門菜焗七里香雞扒飯。（個牛扒唔記得影相）$153就有一個牛扒餐，包甜品同野飲。本身覺得*呢個價錢食牛扒都唔會有咩驚喜架啦，應該同茶餐廳差唔多即～*我叫左五成熟 ，呢塊扒的確好食👍🏻 好有肉味 唔會好「鞋」都唔會好難咬 焗飯就超多汁，多肉，唔似平時食嗰啲焗飯得少少汁。最後仲有我超鍾意食既焦糖燉蛋 好滿足下次要再黎試下個西多士！！

食過幾次，知道好好食，但係諗住唔會寫食評， 次次都差唔多㗎啦， 打又忍唔住要寫啦， 因為又有驚喜呀。凍飲大大杯，係真係比上次大杯嘅。食呢間會好想食扒餐伴菜焗蒜頭㗎， 因為好特別不過淨係貴扒餐先有㗎。以前食平價嘅鋸扒呢係唔會有焗蒜頭㗎，但今次$98的牛肩扒(啖啖肉)都有焗蒜了! 老公唔食俾埋我，焗蒜殺菌係同苦瓜一樣，有閱歷的人才識食，不過咁食兩粒係真係好辣嘅! 就住食，唔好樂極忘形，但食蒜係殺菌保健!你鍾意食牛扒的肉邊， 少少肥膏特別肥美及香， 今次食的西冷扒好香好甜呀，扒中間有點筋但唔靱。而牛肩扒條肥邊就冇呢種肥美。沙律有去了皮的蕃茄仔，一堆沙律，正!鄰座食的肉眼，比男人手掌還大,超巨型的!飯後依然有甜品,整體上比上次來吃進化了! 拿著盤子要同侍應姐姐講，真係好好食呀！

係葵芳搵個好食又抵架下午茶期實唔容易！今次朋友力推個蕃茄焗豬扒 就試一試佢！咁佢個環境比一般茶記清潔同企理！！焗豬扒飯加埋凍飲 37蚊 算ok!!叫左凍奶茶 杯奶茶就真係普通野同比較甜 又冇咩茶味！！等左一陣個飯就到 一放低都有d蕃茄香 但就焗個d蕉香就唔太夠！！冇d可惜！！！飯就應該冇炒底 白飯黎 d蕃茄汁就夠晒味 個酸甜平均做得岩岩好 好開胃 加埋d洋蔥 真係送飯一流！！豬扒唔係厚切慨！ 但豬味極濃 又鬆軟！！完全值得一推再推！！

特意來葵芳試一試呢間小店有幾好味一試真係名不虛傳店面雖小但內涵搭救食物水準超乎一般小店預期卡邦尼藍青口意粉 青口唔會太乾 冇腥味值得加分醬汁係做到水平以上 合格之選 但份量略少西冷牛扒我地嗌左五成熟 入口岩岩好 唔太乾 又有肉汁 但塊扒太多筋有少少難切 點薯角嘅醬幾特別 意想不到咁好味 性價比都幾高紫薯波就係一般紫薯 唔會太甜 幾好味 口痕可以嗌下最後個焦糖燉蛋 焦糖做得幾香脆 但個蛋扣晒分 入口質地似食緊吉士醬 多過燉蛋 如果下次塊可以叫木糠布甸試下 我地就未試過喇

葵芳黎講葵廣阿新都會廣場阿大家就行得多啦 今次要推介既餐廳係隱世小店 要行多幾條街先去到不過非常值得我同朋友兩個食肉獸一坐低已經蠢蠢欲動 望到餐牌仲有其他飯同意粉 不過都係想食扒我叫左個頂級肉眼扒10oz ($158) 左上角既醬係士多啤梨乳酪醬 配沙律菜同扒都出奇地夾中間幾條粗薯塊 上面有少少黑椒 右下角既焗蒜頭 非常推薦大家優先食左蒜頭先 趁熱食超正 主角肉眼扒一咬落去啲肉汁爆出黎 好鮮嫩入味估吾到呢個價錢可以食到咁既質素既肉眼扒 真係喜出望外朋友就叫左美國安格斯西冷 ($128) 同肉眼扒一樣都冇令我地失望下次有機會一定試埋佢地既羊架同其他菜式

同男朋友拍拖間唔中都想慢慢坐鋸下扒～然後醒起有朋友話依間好抵食，就專程入葵芳試一試。一坐低見到個Menu我最愛嘅安格斯西冷竟然只係128，就嗌咗份五成熟嘅。見到咁嘅價錢本身都冇咩期望。。。點知佢一上黎，又大塊又厚身，肥瘦同d根部都平均，又嫩口，真係嚇親同埋佢有一粒特製過甜甜地嘅蕃茄喺沙律菜到，好驚喜！甜品唔少得焦糖燉蛋，上面暖暖嘅焦糖好脆口，下面凍凍嘅燉蛋好滑，真係好好食，我同男朋友都覺得唔夠喉！

睇完戲，新都會所有餐廳都爆晒棚，於是就帶朋友試下依間平民價錢，性價比極高嘅餐廳。以前有嚟過食下午茶都好抵，今次終於有機會黎試吓個晚餐。叫左兩個set，一個係雜扒，一個係牛肋骨餐，包飲品同甜品，跟飯或意粉加$10。餐飲好大杯，一定夠飲。朋友叫既雜扒餐，係雞扒加帆立貝，佢話個醬汁偏咸，但雞扒算幾滑。另配黑椒汁意粉，意粉軟硬適中。牛肋骨揀左5成熟，都煎到剛剛好，另加$48配鵝肝，牛肋骨好香，鵝肝就一般啦。埋單$240幾蚊，個人認為性價比極高，喺葵芳新都會嘅餐廳大概都要三百幾蚊一餐，所以下次餐廳爆棚可以過嚟呢度食，步行大約3分鐘。

在葵芳見到間鋪頭， 6點3就全部坐滿晒人。心就諗一定唔錯可以試吓，入到去食咗佢哋嘅扒餐同一個焗飯。個紅酒七里香雞扒焗飯，佢個汁好特別，唔係一般嘅茄汁，係紅酒汁再加埋啲香料， 味道有少少甜中帶酸嘅感覺，香草味好夠； 佢嘅雞扒份量好多同埋都好滑多汁。個西冷牛扒餐，性價比好高。份量好足夠味道亦都唔錯，佢仲有一個焗蒜頭，本人就好鐘意，覺得好特別同好食。最驚喜嘅係佢送嘅甜品，係焦糖布甸； 佢個焦糖布甸係即時整嘅，覺得佢好食。

又到葵芳最愛餐廳之一, 又主菜甜品飲品都係$100有找。6點多到門口排隊，已經有人龍，仲話7點半有人Book枱，可能要等耐D。抱住好耐冇食心態就等一下，幸好只等了半小時，但覺得下次真係可以訂枱，難得仲有得訂枱，唔駛等。揀食時冇相係一大難題，搵Open rice搵到自己但又得相冇菜名，所以決定拍照留念時打埋菜名，自製圖片菜單。最欣賞係全個焗蒜頭，焗後有少少甜味，變了黑蒜的感覺，但吃了一片特別辣,良久都有火燒心感覺....青蠔原來是青口，牛肩扒覺得有少少靭，可以切細細粒慢慢歎。仲有甜品和飲品大大杯覺得焦糖燉蛋脆皮卜卜脆都幾好。同埋發覺呢間鋪的食客都幾Like早食，試過8點後是有枱剩，不是6點要排隊。但好餐廳，少少排隊是質素保證，繼續努力!

葵芳人的飯堂晚餐奉送甜品及飲品🍮☕️飯或意粉 💲10（加配價）✅ 扒餐附送既去皮車厘茄夠入味🍅 每碟只有一粒 相當珍貴🔮（不可另叫）✅ 甜品推薦焦糖燉蛋👍🏻❔ 牛扒熟度控制不穩❌ 意粉偏粗同稔

今日食晏，去咗一間細細地嘅西餐廳，好多人排隊呀🙈不過好快就排到我地😌我叫咗焗芝士墨魚籽雞扒一丁($51)，個餐一嚟到熱辣辣，上面啲芝士超級吸引，白汁好多，包住成個出前一丁。叉第一住麵時，未食就覺得好味，啲黑色嘅墨魚籽點綴係被白汁芝士披住嘅公仔麵，一食落口，口感豐富，芝士同白汁嘅濃郁鹹香湧滿成個口，正😋佢又唔會話好膩，不會太鹹，味道啱啱好😛食完有好幸福嘅感覺！加$7配凍檸茶😚另外，叫咗辣肉醬豬頸肉飯($45)，其實就唔係好辣嘅，但係啲辣味就可以令個肉醬多啲層次😝撈飯好好味，而豬頸肉煎得好香，唔知點解我覺得佢有炭火燒嘅感覺🥰😋😋份量都唔少，啱曬食肉獸(女仔)！不過佢有扒餐架，如果你真係好鍾意食肉，我相信佢啲扒都好有質素😚😚留意番扒餐係六點後供應，我搵機會一定會黎試！☺️建議避開午餐(12:00-1:00)同埋晚餐(6:30-8:00)時段去食，因為真係好受歡迎啊間餐廳！🙈🙈🙈

環境: 位於葵芳的小店, 位置都幾隱蔽, 要不是朋友食過也很難找上這間餐廳, 係一間隱世平民西餐廳. 餐廳唔算寬敞, 因為枱都幾多, 而且店舖面積唔大. 不過餐廳設計還可以, 裝飾設計都算別出心裁.食物: 今次夜晚來到這間西餐廳, 點了一個美國安格斯西冷, 朋友就試了美國頂級肉眼扒. 牛扒質素算可以, 肉汁多肉味都濃, 不過雖然叫了5成熟, 但吃上去應該7 成熟. 除了牛扒外, 碟上還有一些配菜和一大半個熟蒜頭, 想不到那半個蒜頭才是重點, 每一口牛扒也切上小片蒜頭, 味道頓時變得更濃郁香口. 除左牛扒, 餐廳晚市還有羊架和T骨等等. 晚餐還會配上兩款是日甜品, 我選了焦糖布丁, 對於十分愛吃甜的我, 甜甜的焦糖布丁絕對是一餐最好的完結. 價錢: 價錢都算相當親民, 安格斯西冷$128, 美國肉眼$158, 以牛扒的質素和價錢來說算十分抵食, 性價比都挺高. 大家黎葵芳可以試試這間開了一段時間的小店.

(下午2:00, 店內有三張空台)我：2位侍：(示意我坐底) 你朋友幾時到？我地通常齊人先可以坐。我：佢就到。(1分鐘後)侍：我地有限時嘅。我：咁係幾耐？侍：45分鐘。我：ok 呀，我地45分鐘一定走。(我3:00 要睇劇)(基於壓力，朋友就算已在葵涌廣場我都幫佢叫埋野食)(到2:30﹐無人等台，我地食得差不多。)我：唔該比兩杯水。侍：好，記住搭九要交台。(2:35 我埋單離開)多謝該位員工對時間嘅不斷提醒，令我明白貴 店係幾咁受歡迎，既然係咁我亦唔方便再黎阻住你地發達了。BTW, 黑板上5款食物3款辣係乜玩法？

每逢唔使開工的日子, 又唔想自己煮....通常都會18:00前嚟食臺食 tea 當晚飯, 呢間店鋪細細, 食物選擇不少,  店主對其食物出品幾有誠意, 食材及廚藝都不错, 價錢又平, 仲要免加一, 所以我成日都嚟食 tea 或鋸扒, 用行動支持本地誠意小店由於小店座位少, 基本上任何時段都有客人, 今日17:30 .....墟冚塲面。晚餐鋸扒更加抵, $97 起包飲品及甜品, 如果係呢區又同朋友食, 唔知食乜就會諗起呢樹。tea set 全部三十零文己包飲品Tea set : 鮮茄焗豬扒飯（$35,凍飲+$2）呢個 tea set 絕對係賣飛佛, 鮮茄焗豬扒飯+凍檸茶, 賣相不錯吧！一半客人以上的tea set 都係叫佢!其實味道都相當不錯, 鮮茄加洋蔥片混合茄汁再加芝士片, 焗到香噴噴上檯, 豬扒一啲都唔乾, 有肉汁, 底下啲蛋炒飯炒得乾身, 撈埋蕃茄汁食, 好味又飽肚。猪扒好大塊放張之前的法式香煎羊架 set dinner, 食味及賣相拍得住不少星级酒店呢！卻 $97 only!