食雞

營業中

休息中

大角嘴任食雞煲～地方幾寬闊 上菜夠快味道ok 打邊爐款式夠多整體來講衛生環境OK算抵食 可以一試張枱都唔算細我哋四個人一台一次過點好多嘢都放得晒喺張枱度嘢飲方面都幾多有汽水啤酒竹蔗水等等任食雞煲味道黎講算合格雞既份量都幾多 牛有兩款俾你揀啱晒年青人去食餐勁丸呀水餃啊雲吞嗰啲都有仲有鴨血 魚皮響鈴嗰啲不過地方方面就有啲唔就腳如果特登去嘅話坐MTR去都要行一段時間可能佢做街坊客多我見嗰日去都坐得幾滿埋單三百幾一個人算合理啦

4月朋友生日🎂都頭痛緊去邊度食，因為限聚令4人一枱，我地有8人😑都係要分開坐，所以最後决定去食雞煲打邊爐，因之前朋友食過，介绍過依間雞煲非常好食，係地點唔算就脚，太子地鐵站再行8~10分鐘左右，係大角咀，都係跟朋友行，如果自己行都可能少少難揾🤣去到環境都寬闊唔迫，可能唔就脚，所以冇坐滿客，但都坐得舒服嘅；我地倆枱前後叫了幾款唔同雞，叫咗麻辣雞煲，椰香雞煲，芝士雞煲。一叫都好快上煲，仲係用枱面黃色漏斗計時🚊我地就覺得麻辣😋芝士最好味😋。依度嘅雞肉好滑好好味，麻辣我地已經叫中辣，但覺得唔夠，伙記都好有禮拎多碟🌶🌶🌶🌶🌶比我地加先夠辣，另外芝士味🐔有驚喜，好入味因為加咗粟子，芋頭。另外椰香🐔係最冇味同非常啖口😑食完2輪雞煲，再食火鍋打邊爐，叫咗番茄湯底，選料雖然唔多款，但每樣丸類都大大粒，香腸又好大條，牛肉都有好多款😋仲有黑毛豬都算好食😋仲有甜品有啫喱，仲有花奶加👍如果唔係限聚令去到10:00pm🤭我諗我地打完邊爐後會繼續order食雞煲😂

我們很久不能坐下來一起享受美食了！四位皆是對食有要求的人～當然愉快地大吃大喝又大笑這裡是我第一次來試食我的2位朋友推介來這裡食雞煲他們試過的我必然有信心！我先到達現場由於4人限聚令，人不多，坐下拿了啤酒～我的格言火煱配啤酒回到坐位侍應立即拿了一碟4拼小食給我享用，真貼心服務到位我最喜愛等他們到了先試養生雞煱，檯面上有計時沙漏，只要倒數完就是進食的好時機～將電磁爐調低或者熄掉更好！味道唔錯又夠嫩滑我對他的信心來了再來要個麻辣的味道對我而言是不夠辣，這些時候也不應太辣護養喉嚨將油份撈走加湯再來灼牛肉豚肉，加上少許丸類牛柏葉菜類等等！牛肉質素好，勝價比高啱心水，貢丸我一向不喜歡，因大多數的貢丸都質素不佳所以我很少會食，但朋友話這裡的好食～即管試下啦估不到有驚喜果然好食；由於掛住食又真係幾好味～食物相片影了很少但總括是值的我會再來

地圖提示在太子地鐵站步行只需 10 分鐘，周街都係人迫迫夾夾，行到我身水身汗終於到逹，朋友們稱由旺角地鐵出發會更近呢。依舊我最先到達打點一切，坐定定等朋友續一到來。四眼哥哥侍應熱情好相遇，擔心我已等成粒鐘，朋友還未到步，再擔心我唔夠飽提意加點食物。嬸嬸侍應都服務周到，兩個雞煲都親手幫我翻炒一下，更香更均勻。肉類由廚房安排，蔬菜類由要自助係廳面取。剛才發現原來係任食火鍋，我個人一向不喜愛任飲任食、自助餐或放題這類食店，朋友聚會就無所謂。雞煲都有好幾款供應，川辣雞、藥膳雞、椰汁雞、南薑雞及芝士雞，別具個人風格及創意。火鍋馬拉松，由七半吹到零晨一點，砌足 5 個幾鐘，人家打洋要收工呀！朝日啤酒，難得夠冰凍，特別順喉好飲！朝日啤酒，早前茶杯有強烈漂白水氣味，猶有餘悸好有陰影！還是用膠飲管更安全安心，雖然不太環保。雷式混醬，無敵百搭配任何食材都天衣無縫！生蒜蔥花辣椒豉油，混然銷魂。自助調味吧非常隱蔽，有緣人先見到，食到尾聲臨埋單，終於發現設於最深入角落處。酸青瓜蘿蔔條，酸酸甜甜脆脆開胃小食，冰凍一點會更可口。藥膳雞腳，紅棗甜味特濃，還有像黑糖的味道，強烈入魂，爽脆多汁。滷水金錢肚，爽爽的但非常淡

一個人想食雞煲但朋友又唔得閒陪我打邊爐，發現呢間宜家有做午市一人套餐，55蚊包小菜同紙包飲品，小菜我要咗牛肚，另一款唔記得係乜，飲品就有檸檬茶烏龍茶可樂雪碧呢d，總之認真抵。雞煲嘅口味有麻辣、正氣（即係類似養生藥膳）、椰香芋頭，我今次試咗麻辣，味道唔錯，不過我口味偏淡，所以對我而言鹹咗少少。下次試下椰香芋雞先為咗環保所以自己拎咗保溫壺落去鋪頭買，大家想叫外賣可以上某熊貓，不過會貴少少。老闆話午市都有正常做打邊爐，希望下次約到朋友一齊去。

帶住小朋友出街食飯🍴，搵地方都係一個令爸爸媽媽好煩惱既一環。要坐得舒適，又要慢慢食。爸爸中意食雞🐔，媽媽中意食牛肉🥩，囡囡中意食芝士🧀同麵🍜。呢個組合就促成左我地去大角咀既食雞。食雞有四款選擇，分別係招牌川味雞煲，養生正氣雞煲，秘製椰香雞煲同芝士雞煲。我地叫既係兒童適宜既芝士雞煲。呢個芝士雞煲，一上枱先焗3-4分鐘，一開蓋就飄來一陣好濃厚嘅芝士香味，見上面鋪滿大量芝士碎，旁邊圍住小朋友愛食的蟹棒條。芝士香而但又不覺得膩，應該有加白汁，令到個汁好creamy，又唔會好鹹，而蟹棒條因為吸晒d芝士白汁，小朋友食到舔舔脷。而雞件嫩滑，份量都唔少，好彩有愛食雞的爸爸，快快食完ｄ雞，咁我地就叫店員加入豬骨湯打邊爐，火鍋配料又係任食。如果你太多火鍋料唔知點揀好，可以考慮下先叫一個大拼盤先。佢地既肥牛🐮真正高質，有兩款，分別係安格斯牛小排肥牛同安格斯牛肩胛肥牛。兩款都好嫩滑，牛味濃郁，雪花分佈平均，安格斯牛肩胛肥牛無咁肥。而佢好特別係有巨型食材戰鬥警告⚠️，我都挑戰左幾款，分別係激爽魚片頭，德國車打芝士熱狗腸，超長韓國珍寶蟹棒，三款都唔錯，值得挑戰下。囡囡最中意食稻庭烏冬同甜品啫喱。呢度好岩有小朋友既家

媽媽話想食雞煲，朋友介紹大角咀有間坐得幾舒服食雞，可以帶埋仔去，又試下啦！地方都幾寬敞～一啲都唔迫，坐得幾舒服～仲有飲品/甜品/蔬菜櫃，都係自助形式～.呢間雞煲係任食 ，仲有幾款味道揀～招牌川味/養生正氣/秘製椰香/兒童適宜芝士～而我地選擇咗秘製椰香雞煲，一開蓋就聞到一陣泰式椰子香味～雞件又香又滑～如果一個雞煲唔夠，係可以再點架！因為佢係雞煲任食！不過真係食得晒至好叫呀！😝😝.食完就加豬骨湯開始打邊爐！火鍋配料選擇都唔少，比較特別既係menu上有啲食物側邊有「BIG」字，真係特別大size🤣推介韓國珍寶蟹柳！好味道！仲有美國健力士啤酒腸，原來打邊爐都得！激爽魚片頭鮫真係幾爽幾彈😂仲有台灣無字豆紙，放落湯一陣就食得，索晒湯汁得嚟感覺上冇響鈴咁油膩，可以試下～.飲品方面，非酒精飲料係任飲架！仲有自家製菊花蜜，有凍有熱，唔太甜，清清地，岩晒打邊爐！如果酒精飲品需加多$30！對飲得幾杯幾朋友仔嚟講都幾抵呀！最正係唔限時任食任點任坐 ！下次可以再約朋友嚟🥳.

賣點係無限時，任食任飲！俾貴少許....但野食質素吾差。只係配料選擇吾算多。若然甜品可以多返少少，配料選擇再多少少就perfect! 鋪里面環境亦算整潔，坐得都舒服！不過.........我地當晚點左好多野都無黎到！呢度要改善！

好耐無食過雞煲，梗係嘆個雞煲最好啦！我同老公去完奧柏御峰探完朋友就去食雞煲，朋友話呢間餐廳最正的地方是坐得舒服，無限時 ，仲有非酒精飲品任飲 ，雞煲唔夠食再點都無問題，仲叫我enjoy食雞有不同的雞煲，除咗麻辣雞煲，仲有推出芝士雞煲/南薑雞煲/養生正氣雞煲/秘製椰香雞煲，好豐富，我們最終決定養生正氣雞煲 ，溫和地進補就最岩。食雞煲前有前菜，都可以refill,麻辣牛肚爽口又夠辣，雲耳酸酸地，仲有醃蘿蔔絲，很醒胃。雞煲即叫即煮，用沙漏倒轉就食得。開蓋已經香噴噴，眼見材料豐富，雞件都多，而且仲要嫩滑的脾位，咬下雞骨都係軟身，雞件吸收了湯汁，很滋味又滋補。豆卜及冬菇可以按喜好要多定少，這些食材真係唔錯，吸了不少雞汁，非常好食養生的材料雞補元氣，紅棗，薑片補氣血，驅寒，蟲草花補肝益腎，所以食完後個人好暖和。食完唔好停，仲可以refill,但我們留肚食火鍋，加湯就變火鍋，真係過癮，牛小排，牛肩胛必食，牛味香濃，我哋叫了黑椒牛丸及墨魚丸，牛丸好重黑椒味，爽口，墨魚丸食到墨魚粒，彈牙，豆品類我們食響鈴，點湯汁很正，台灣無字豆紙拖一拖就食得，很香很食，稻庭烏冬好好味。如果有帶小朋友，佢哋一定要食下啫喱

疫情之後,好耐無見朋友啦！至少大半年最近疫情幾番好多...當然要見下朋友啦！所以就黎揀左食雞le間食雞係任食,有招牌川味雞煲(辣)!養生正氣雞煲!秘製椰香雞煲同兒童適宜芝士雞煲我地兩個女仔當然揀養生啦！好多紅棗,料好足...好多雞同多豆卜!湯還可以飲,好滋潤!出面可以揀飲品同甜品!同蔬菜...全部任拎（不過食得曬先好拎）食完雞煲就可以打邊爐,我地叫左個火鍋拼盤,咩都有！有肥牛,黑毛豬,金菇,蘿蔔,長腳蟹柳,魚旦,肉丸,魚餃,炸魚皮等等!平時食火鍋通常都係60分鐘,90分鐘！但佢地係無限!可以慢慢坐!慢慢食!而且唔迫!坐得好舒服坐下又食下又飲下野...好飽飽!星期日至四$258五六$298物超所值

與兩位舊工作拍檔已經很多個月沒飯聚了，上年講到今年，係時候聚聚了。想起未帶他們來試過，這兒又沒時間限制，可以盡情吹吓水，便先訂檯。今晚三人行，第一轉當然要食椰香雞煲(真係好正，好有泰式風情)，第二轉叫了川味雞煲(一樣唔差)，雞肉滑嫩，不會嚡烚烚，原本想推介黑啤腸及車打芝士熱狗腸給他們試，可惜冇貨番，叫了牛肉(做凍肉的舊拍檔都話D牛唔錯噃)、豆紙(必食，唔係好多地方會有)、巨型蟹棒及叫了幾款其他的，這店的食物選擇唔算多，但、貴精不貴多嘛！任飲任食(啤酒另計)又有個舒適空間與好友聊聊天，唔怕比人趕走，呢度都算唔錯的了。(當然自己也要識做，比機會人家翻檯賺錢，不然，捱唔住皮費，又少一間好店的了😝)總結: 價錢、食物、服務，整體嚟講，暫時沒有唔Encore的理由。

食雞我很喜歡吃火鍋老公 和仔仔 就喜歡吃雞， 這間餐廳食雞就啱曬我哋兩個要求。 今日我哋嚟到位於大角咀的食雞， 地點剛好在我們很熟的人的住所樓下， 交通方便。餐廳設計非常寬敞， 樓面很大。 所有食材幾乎也是任點任食的。我們先點了一個藥材雞煲補一補身。 我生完孩子不夠進步很重要呢。 藥材雞煲熱燙燙的送上， 裏面真材實料， 雞肉也非常新鮮嫩口。 而且份量十足整整一隻雞的雞肉麵頭大腳也在雞煲裏面。 這個藥材雞煲的雞非常入味， 淡淡的藥材味，感覺非常補身。吃雞已經吃了半飽。我們 將雞煲加了湯變成火鍋 ，另外點了雲吞，烏冬，腐竹， 生菜和粟米， 繼續打邊爐。 雲吞非常大顆， 裏面的鮮蝦非常新鮮爽口。 腐竹非常新鮮， 浸一陣已經很入味。 粟米放了很久才熟， 也非常新鮮。 生菜 比較清淡一點可以中和之前的油膩感。 最後吃埋烏冬就非常飽腹了。另外餐廳還有凍啫喱甜品， 讓我們這一餐劃上完美的句號。

連續1X日🈚️本地確診，疫情稍為緩和，終於可以安心啲咁出去食個飯啦～🥳天氣雖然好熱，但係作為香港人又點可以少得食雞煲同打邊爐🍲所以就決定同朋友去「食雞」一次過滿足晒兩個願望🌟一個價錢🈚️限時任食，連雞煲都係可以無限refill架🤩今次試左兒童適宜芝士雞煲，食落去好似芝士白汁雞咁樣，好好味一啲都唔伏🤤入面仲有大大粒蒜頭，超級入味，好正👍🏻食完雞之後就可以加入豬骨濃湯開始打邊爐啦‼️打邊爐嘅食物可以散叫，或者選擇困難症嘅就叫大拼盤啦。食物都好高質架‼️⭐️2款安格斯肥牛都好🈶️肉味，唔會太肥之餘肉質又夠軟。⭐️2款黑毛豬肉質都唔韌，不過記得唔好煮太耐。⭐️美國健力士啤酒腸非常特別，食落去好香啤酒麥味，真係好似飲緊啤酒咁😆⭐️德國車打芝士熱狗腸都好juicy, 芝士一粒一粒平均分布👍🏻⭐️激爽魚片頭超大粒，又係勁Juicy⭐️台灣無字豆紙本身已經有味道，快速浸落湯就要即刻拎出嚟，非常適合鍾意豆製品嘅我😋雖然食到好飽，但係最後都要食埋杯加咗勁多花奶嘅啫喱😍超級滿足🥰🔺勁濃嘅花生醬調味料好正😋🔺冷氣好足，下次要帶定多件衫先得🤣

幾日前約埋朋友一齊去大角咀食雞煲今次係第一次去 侍應友善待人環境方面 座位寬敞坐得舒適心中默默加分🤣呢間餐廳係任食 + 非酒精飲料任飲🥤🥘如果想要酒精飲品需加多$30🍺飲品方面都幾多選擇佢哋仲有自家製菊花蜜仲要唔限時 同一大班朋友聚會傾偈就啱晒啦👍🏻一坐低就有個前菜俾我哋食下 酸酸辣辣幾好食🤪而我地選擇咗芝士雞煲一開蓋就聞到一陣好濃厚嘅芝士味雞件嫩滑 好快已經清晒再加啲豬骨湯就開始打邊爐火鍋配料都好多選擇特別韓國珍寶蟹柳係我嘅最愛仲有響鈴吸晒湯嘅味道超正 食到停唔到口😋仲見到有啲好特別嘅配料 例如美國健力士啤酒腸大家下次可以試吓🤣🤣下次同朋友聚會都會考慮選擇呢度吾限時任食任點任坐 最緊要坐得舒服 啲嘢又幾好食 正呀喂🥰🥰🥰

今次同老公拍拖👫去到大角咀嘅地舖食雞😋揾食❤️依度任食火鍋配料而且重點係🤩雞煲都可以任食喔，任飲無酒精飲品，無限時間任點任食，樓底夠高坐得好舒服，今次我哋叫咗兩個煲✌🏻🌟先嚟個招牌川味雞煲，原隻新鲜芝麻雞加上秘製醬汁醃製，辣味加上料頭爆香，超級嘢味呀，不會過咸過辣👍🏻👍🏻🌟之後再嚟個新口味嘅雞煲，兒童適宜芝士雞煲，芝士白汁當然係絕配，加上嫩滑嘅雞件，好香甜喔😋😋真係一家大細嚟食都好適合喔👍🏻，佢哋好細心，有個漏斗用嚟計時間，個煲一上枱3分鐘後食得😋😋咁雞肉就會好嫩滑不會過老👏🏻👏🏻👏🏻