食雞

營業中

休息中

呢間位於大角咀嘅「食雞」評價唔錯，我地今晚一於試一試。餐廳位於洋松街，我地收工喺太子行過來都好方便。平日8點鐘未夠，都已經好多人食緊，我幾鐘意佢呢度夠闊落，兩排梳化位，中間圓枱，枱與枱間有適量位置，完全唔覺逼狹。最重要係冷氣夠，同埋有電視睇，環境方面唔錯星期日至四收費：每位258蚊，任飲、任食、任坐，哈哈。配料任食，追加雞煲每兩人份20蚊；汽水、菊花蜜等無酒精飲品任飲，鐘意飲啤酒嘅都可以加20蚊任飲埋啤酒。坐低就每位送上前菜，朋友好鐘意佢地嘅牛腩，燘得夠腍、入味，有誠意！醬油自助雞煲方面口味不單一，除左一般常見嘅川味雞煲，仲有幾款新口味，包括：養生正氣雞煲、椰香雞煲、南薑雞煲同芝士雞煲，煲入面嘅配料、調味仲可以自行選擇多少，好有彈性心大心細之際，問下店員有咩推薦，佢都建議我地試下養生雞煲，然後再追加其他口味。養生正氣雞煲：裡面有冬菇、蟲草花、紅棗、蓮藕等食材，唔辣嘅，冇川式雞煲咁重口味，名符其實，仲有少少似燉雞/蒸雞嘅感覺待滾起之後，店員會輕輕翻炒，之後就食得。雞件份量多，而且呢款口味食落比一般雞煲滑，完全唔鹹，果然養生。如果直接用呢個煲打邊爐，就冇乜熱氣感，相信女士或者長者都會好喜歡

唧牙膏式比野食，再叫野食好困難咁唔願比咁，encore雞煲黑口黑面，問長問短，野又唔係好食價錢又貴無特色，侍應態度惡劣，做生意做到咁孤寒不如唔好做啦，絕對無回頭😡

講手機遊戲， 大家一定唔會唔知咩叫PUBG，即係「食雞」呀！ 雖然熱潮慢慢減退， 但係大角咀就開左一間雞煲專門店， 正正就係以「食雞」🐔為主題， 連店名都叫「食雞」和「winner winner chicken dinner」！😂 食完雞煲後可以繼續打邊爐， 任食火鍋配料， 最重要係不設時間限制，食到關門都得！😆 大家仲唔快d去， 一邊「食雞」煲，一邊「食雞」！😂 餐廳乾淨企理，座位闊落，坐得舒適。 雞煲火鍋放題每位成人$258， 小童及長者半價， 無限時任食火鍋配料，任飲無酒精飲品， 加$20就可以任飲8款啤酒， Asahi、青島、藍妹等， 真係好抵呀！👍🏻 雞煲可以揀辣度、芫茜、洋蔥、大蔥和雞件份量。 在雞煲上枱之後需要等4分鐘， 這時就可以處理在桌上的四川花椒， 食客可以先研磨花椒香料， 隨自己喜歡嘅麻辣程度加入煲內， 雞煲微辣惹味， 雞件厚肉，嫩滑入味～😋 食完雞煲就可以加湯打邊爐， 火鍋拼盤都會隨即送到， 食完拼盤就可以用點餐紙追加配料。 🌟推薦❗️西班牙黑毛豬梅肉 口感嫩滑，肉香味美，值得enc

雞肉入味，配料新鮮，服務細心有禮，仲有得揀配料份量。有個沙漏喺枱面，剛剛好焗3分鐘開蓋,一打開香噴噴,好味道。食完竟然仲有得加雞。我地食食下想食再辣啲，佢唔係就咁俾辣粉你，而係俾一條條新鮮辣椒同花椒你加辣。原汁原味。加咗湯之後打邊爐，食材唔多，開頭以為普通料,但一嚟到即刻睇到係靚野。其中必食必食必食既係黑毛豬，真係好正好正,的油花均匀,啖啖美味真係好好食，我覺得仲好食過肥牛。韭菜餃細細粒,皮薄，一咬落去即刻有一陣新鮮的韭菜味,充滿成個口腔,坐對面既都聞到，仲好食過排隊買嗰啲，我問佢有無得同佢買，可惜唔賣。最後必食既係飽到食唔落埋單前都要叫多兩粒嚟食既 香港牛丸,我記得十幾年前,X記樂園牛丸個啲牛丸已經好好食,但佢呢隻咬落去仲有一層一層既質感,有肉汁，今次可以食到真係好感動!(下次先試你既啤酒腸) 一定再encore!!

新開的雞煲店，作為雞煲控當然要來試一吓。雖然地點稍為有些不便，但係環境非常乾淨又坐得舒服；招牌雞煲非常入味，配料新鮮而絕不吝嗇，可以隨時加辣。 最意外嘅係，可以加雞😍 火鍋配料雖然係任食，但絕對有誠意，新鮮，上成，不是一般任食素質。特別推介黑毛豬，台灣墨丸，水晶魚丸，珍寶蟹棒同韭菜餃❤️最後值得一提係服務好好，不斷關心客人對辣的接受程度及味道，嚟梗仲話會引入唔同口味嘅雞煲，好期待😍很值得再來及支持嘅新店！

大角咀火鍋店多，但雞煲做得出色的卻不多，見到有新開的雞煲店立即一試，但極度失望。缺點一：性價比低星期一至日勻一收費$298一位，包非酒精飲品，加$20可任飲啤酒。這個價錢連海鮮也沒有，食物選擇也不多。同樣價位，想食雞煲可以去附近新南苑，想食海鮮可去倫哥或鍋心。缺點二：鍋料不出色這樣的價錢，丸類我會期望是手打丸，但來的只是不好吃的現成丸響鈴不是即炸的魚片頭只像一塊魚片切開兩大塊。大是唯一特點，味道沒有驚喜缺點三：雞煲不好吃雞肉切得細碎，大多是骨頭或頸，更帶有雪櫃味。洋蔥、蒜等香料沒有爆香，，沒生氣，不吸引味道只是普通，作為一家雞煲店，雞煲做得不好應該是致命傷。地點不方便，性價比低，味道平平....很懷疑這樣的店能撐多久

澳洲朋友來港探訪 帶佢試試港人最愛的雞煲店舖地方闊落 坐得幾舒服 環境乾淨 平實裝修 朋友都好鍾意叫左全隻雞煲 小辣 好惹味 自助餐形式 點菜單係一張膠卡紙 店員擦拭板上的數字後 可重複多次使用 環保 數量以粒或片為單位 不是以份作單位 可避免浪費食物蔬菜放在雪櫃 可自己攞 啲菜新鮮 唔會濕曬一堆放係雪櫃 若果唔夠味 或者唔夠麻 店員有這個調味料給你 可自行添加飲品放在雪櫃 可自行攞 若果飲啤酒 每位多加$20店員服務態度很好 會再返去食 澳洲朋友都好鐘意

食雞雞煲今次朋友介紹黎左呢間叫食雞嘅餐廳到食雞煲，入到去見到牆身有好多自創嘅食雞 poster 仲見到啲職員著曬迷彩制服，其實都真係幾認真喎，最搞笑嘅係隔離枱個四個男仔圍住個煲，拎住個電話係到食雞，真係名副其實嘅一路食雞一路食雞煲呀🤣我哋叫咗個小辣嘅雞煲，幾香幾嘢味，再飲多罐啤酒就夠晒爽，呢度嘅雞煲唔限時仲要有得任加雞添，飲品選擇都幾多，有一支支嘅烏龍茶之外仲有一罐罐嘅啤酒，只係配料真係少咗啲同奇怪左D，18+啤酒腸真係有啲嚇人，的確唔太好食，其實要返一般嘅配料就已經好足夠 ~

一講起食雞,一定係講緊打機但早個排睇到網上介紹呢間食雞就唔係打機喇係一間雞煲火鍋店好似講到幾好咁一於去試下啦地點就唔係咁就腳喇但地方都好乾淨坐位都闊落由於無BOOK位,但都好彩有位唔駛等仲不限時間添無限時任食火鍋配料，任飲無酒精飲品雞煲可以選擇不同辣度，不能吃辣的朋友可以選擇微辣，辣度可接受又夠香。重口味的朋友就建議選擇中辣或大辣，麻香味會更重。雞肉入味但不會太辣，細細件都容易入口火鍋配料仲係任點任食，款式多,而家有D比較特別安格斯雪花肥牛、西班牙黑毛豬梅肉肉味都好濃郁，油脂分佈平均仲有未見過既重量級美國健力士啤酒腸、德國車打芝士熱狗腸及韓國珍竇蟹棒，而蔬菜可以在自助區任取

食物都新鮮，味道好好味，雞煲辣的程度可選擇，飲品是香港出售的飲品，比其他任食的塲更好，只係地點係不就腳姐，食幾耐都無限時間，真的值得再來，來前一日記得打電話來，仲在9折呀👍🏻👍🏻

雞煲惹味，雞肉嫩滑，食完雞煲，加湯打邊爐，叫食物，每款以件，塊，粒計算，我地6位，魚皮要寫6片，鴨血6片(一片是薄片，不是一磚)，第一次真是嚟左一片，午餐肉是煎熟，不過也是"件"計，丸也是粒，很奇怪，出面咁多火鍋也未試過，魚皮用塊計算，另外撈野食既"厘"也無。

$516 兩位（任食）大角咀新開咗一間有打機 既人 一定覺得個名好親切 嘅雞煲火鍋😂， 打機要爭餐死先食到隻雞， 嚟到呢度，你鍾意食幾多都得。店舖環境開揚乾淨， 樓底又夠高， 就算隔離枱食勁辣 都唔怕攻到標眼水 。豉油配料喺自取既， 啤酒汽水任飲都係自取嘅。 唔鍾意凍飲嘅朋友都有熱嘅菊花水飲， 菊花味夠好清 新。 仲發現到有涼粉同埋啫喱 可以再黎飯後甜品👍🏻。同埋有啲小細節我覺得都幾好嘅， 佢餐牌唔再係 一疊紙畀你剔， 係剔落板度， 都成為環保出返一分力。🙂講番食物喇， 都係一般食雞煲嘅程序啦， 不過係剔菜嘅時候可以畀你揀，芫茜、洋蔥、大葱嘅份量，我覺得幾貼心又唔會浪費。 好快雞煲到咗，炆大約10分鐘就可以食， 望落去好足料，花椒八角夠。 雞雖然唔係好夠雞味， 但係食得出唔係一早炆定再畀你果種， 雞都算滑。其他火鍋配料 都算種類多。 剔咗大嘅蟹棒， 安格斯牛，西班牙豬肉片， 各式丸類，全部都合格有餘。整體嚟講都幾高質嘅又坐得幾舒服， 都係再嚟食嘅。而且新張優惠每5位入座，一位免費🤩🔎 食雞（大角咀）大角咀洋松街38號地下1-2號舖

今天朋友相約去她家樓下吃新開的雞煲首先來一碟雞腳淡淡的藥材味 但我不喜歡這款質感 我比較喜歡鮑汁雞腳的 皮全溶化的質感有這個可以磨碎自由加入雞煲 增加麻感雞煲滾了 醬汁的味道很好濃濃的 但不咸 雞很嫰滑之後到任食時間先來一個拼盤!!!! 豬肉片不錯 是高質的(我不吃牛)其他食物也不錯餃王的我當然叫餃很可惜白菜木耳賣完了韭菜的很不錯 不過太細粒 要再叫總體來說食物也不錯 座位闊落 人也坐得舒服點食物可以一粒一粒計 這樣也不會太多服務態度也很好 值得再來!

我很喜歡吃雞，雞煲更好是最喜，友人推介這裡有雞煲加任食火鍋，仲有沒有限時，當然要支持一下。這裡地點不算方便，是位於大角嘴橫街，在太子站行程差不多十分鐘，不過地方就比較大和寛敞。不過到了七點後，客人就比較多。最好先訂位，便不用等太久。任食雞煲打邊爐$258，包飲料，汽水、蒸餾水、涼茶任飲，新張優惠更有買五送一。啤酒亦可任飲，加每位$20(全枱計)。因為雞煲是即製的，所以要等十分鐘左右，侍應便將雞煲送上，內裡大約有半隻雞，小辣不會太辣。煲內有大量洋蔥、紅蔥、芫荽、姜、蒜，香味十足，雞肉嫩滑，吃完雞煲都有點飽。之後侍應加湯，就開始火鍋，火鍋併盤有黑毛豬梅肉、安格斯雪花肥牛、韓國珍寶蟹棒，極級丸類六天王、鬼馬扎肉片、魚皮餃、金菇菜、白蘿蔔、炸魚片。其中以黑毛豬梅肉最好味。吃完火鍋併盤，更可以自選其他配料，因為已經有好飽，不過還是點了黑毛豬梅肉和鴨血，因為鴨血不是很多地方有得吃的。鴨血比豬紅、雞紅好味很多，而鴨血還能較好地清除人體內的粉塵和有害金屬微粒對人體的損害；現代醫學研究發現，鴨血中的蛋白質經胃酸分解後，可產生一種消毒及潤腸的物質，這種物質能與進入人體內的粉塵和有害金屬微粒起生化反應，然後

之前已經係Facebook睇到呢間煲店既介紹好多次，一直都想嚟試，見有新張優惠買五送一，所以今次終於搵到機會朋友聚會既時候一齊嚟了！一坐底已經覺得空間好闊落，唔會同其他既枱坐得太近，枱面又有好多位可以嘢食，感覺好舒服。嘢食係任飲，如果酒精飲品就要每人加$20，嗰日因為大家都唔太舒服就無飲酒了，不過其他嘢飲都應有盡有，汽水同一般紙包飲品都有，總有打邊爐最需要既王老吉飲添呀！好似我哋咁嗰日病咗或者唔飲涷嘢既人仲可以沖熱茶飲。醬料就自己出去攞～蔬菜類都係自己出去攞，仲有啲啫喱做甜品可以拎。雞煲一嚟到，職員已經提我哋可以拎定蓮藕，話會好入味好好食，結果真係，連平時唔食蓮藕既我都覺好好味。如果想麻啲仲可以加啲自己磨既花椒添～雞煲加完水佢會俾啲火鍋配料我哋先，有啲料好似係啤酒腸或者珍寶蟹棒等等都係出面好少有既～牛同豬打邊爐一定唔少得！