影片
更多
2019-06-05
842 瀏覽
呢間位於大角咀嘅「食雞」評價唔錯，我地今晚一於試一試。餐廳位於洋松街，我地收工喺太子行過來都好方便。平日8點鐘未夠，都已經好多人食緊，我幾鐘意佢呢度夠闊落，兩排梳化位，中間圓枱，枱與枱間有適量位置，完全唔覺逼狹。最重要係冷氣夠，同埋有電視睇，環境方面唔錯星期日至四收費：每位258蚊，任飲、任食、任坐，哈哈。配料任食，追加雞煲每兩人份20蚊；汽水、菊花蜜等無酒精飲品任飲，鐘意飲啤酒嘅都可以加20蚊任飲埋啤酒。坐低就每位送上前菜，朋友好鐘意佢地嘅牛腩，燘得夠腍、入味，有誠意！醬油自助雞煲方面口味不單一，除左一般常見嘅川味雞煲，仲有幾款新口味，包括：養生正氣雞煲、椰香雞煲、南薑雞煲同芝士雞煲，煲入面嘅配料、調味仲可以自行選擇多少，好有彈性心大心細之際，問下店員有咩推薦，佢都建議我地試下養生雞煲，然後再追加其他口味。養生正氣雞煲：裡面有冬菇、蟲草花、紅棗、蓮藕等食材，唔辣嘅，冇川式雞煲咁重口味，名符其實，仲有少少似燉雞/蒸雞嘅感覺待滾起之後，店員會輕輕翻炒，之後就食得。雞件份量多，而且呢款口味食落比一般雞煲滑，完全唔鹹，果然養生。如果直接用呢個煲打邊爐，就冇乜熱氣感，相信女士或者長者都會好喜歡
星期日至四收費：每位258蚊，任飲、任食、任坐，哈哈。配料任食，追加雞煲每兩人份20蚊；汽水、菊花蜜等無酒精飲品任飲，鐘意飲啤酒嘅都可以加20蚊任飲埋啤酒。
坐低就每位送上前菜，朋友好鐘意佢地嘅牛腩，燘得夠腍、入味，有誠意！
醬油自助
雞煲方面口味不單一，除左一般常見嘅川味雞煲，仲有幾款新口味，包括：養生正氣雞煲、椰香雞煲、南薑雞煲同芝士雞煲，煲入面嘅配料、調味仲可以自行選擇多少，好有彈性心大心細之際，問下店員有咩推薦，佢都建議我地試下養生雞煲，然後再追加其他口味。
養生正氣雞煲：裡面有冬菇、蟲草花、紅棗、蓮藕等食材，唔辣嘅，冇川式雞煲咁重口味，名符其實，仲有少少似燉雞/蒸雞嘅感覺
待滾起之後，店員會輕輕翻炒，之後就食得。雞件份量多，而且呢款口味食落比一般雞煲滑，完全唔鹹，果然養生。如果直接用呢個煲打邊爐，就冇乜熱氣感，相信女士或者長者都會好喜歡。
我特別鐘意豆卜、冬菇同蓮藕，入味呢
食完一煲其實都已經好滿足，但我地貪心嘛，想食多份，就算用20蚊追加都非常抵架，點左招牌川味雞煲，用原隻新鮮芝麻雞加秘製醬汁製成，分微/小/中/大辣，裡面有花椒、芫茜、洋蔥、大蔥、薑片，呢幾款可以自選多/少/原本份量/直頭唔要，抵讚，始終唔係個個食雞煲即製，大約等15分鐘上枱。
上枱見到雞煲幾吸引，鋪滿配料，然後可以利用枱面嘅漏斗計時，約3分鐘，雞煲滾起店員都會幫我地輕輕翻炒，之後就食得。
揀左小辣，辣度唔算高，帶少少麻，好惹味啊，如果鐘意或者食得辣，建議揀中辣以上，不過要留意，會愈食愈辣呢。
佢地醬汁滿滿，好香口，雞件入味，食唔停口。但食完兩煲雞，我地已經開始飽拿拿聲點埋配料試下。
任食配料選擇充足，超過40款，包括：黑毛豬梅肉、牛小排、牛肩胛、丸類、餃類、蔬菜、麵食等等。仲好環保，用膠片同白板筆下單。
牛肉質素可以。
特別鐘意鴨血，好香好滑溜；珍寶蟹棒好大條，正；推薦激爽魚片頭，口感好特別，好爽芝士腸都好正，用料唔錯。
即食煎餐肉：
蔬菜類例如娃娃菜、菇菌可以喺自助區自己夾。
仲有童年回憶啫喱呢，加埋花奶冇得輸。
飲品方面有汽水、紙包飲品同自家製菊花蜜，唔會好甜架，夠清爽。
啤酒加20蚊可以放題都抵嘅。
張貼
