飼說 (已結業)

1.冷氣唔夠，最近我地個部冷氣無開，食到岀哂汗，同佢講完都無開返個冷氣，是壞了嗎？2.全程食野，都有隻飛下飛下既野，估係蚊，好滋擾，食都食得唔安樂3.岀野好慢，all day breakfast 等左15mins 以上，個飯差不多半個鐘左右4. All day breakfast ,得蛋同薯條夠熱 .... d腸仔好似無煎過，5.叫左個黑松露xxx意大利飯 ，無味的，淨係得鐵味同苦味6.玫瑰金的餐具，甩哂色。唔值呢個價囉。如果想影靚相去都ok ,所有野都靚靚的。但想食好野就不了。

終於喺香港最熱鬧嘅銅鑼灣搵到一個比較清幽嘅地方遠離繁囂嘅地方可能係因為呢間係新開嘅餐廳比較少人知道味道亦有驚喜由高處望落嚟嘅銅鑼灣有另一番既景象比較推介芝士珍寶飯另外一個係士多啤梨汁雞翼

星期五晚放工約左朋友食飯 睇到啲相覺得個環境好似幾好幾適合傾計就去試下 可能樓上鋪所以唔洗book都有位 叫左個飯同意粉 同朋友share野飲 weekday可以套餐咁叫飲品半價漢堡排醬汁飯 普普通通冇特別 想像中的味道😂唔記得影埋杯野飲⋯叫左杯番石榴蘋果梳打 唔算好飲太甜7點幾上到去一路食果時滿座所以都幾嘈 講野都要大聲啲 同埋同隔離枱都近 但之後慢慢少人 鋪頭都好好冇趕你走 可能冇人等位😝傾計都幾好 所以想係銅鑼灣搵個坐得耐既地傾下計食個飯都係一個選擇食物就唔好期望太高都算偏貴 但可以坐得耐價錢都可接受既～

聽朋友介紹呢間餐廳出名在佢既黑白格仔台，啲食物係上面影係超級令😍如果個日冇咩人一定要坐入面既一個小角落，裝修真係勁令勁有feel🤤聽住啲音樂好chill架～好似係必叫既🔥黑松露薯條☺️份量多到兩個人食都食唔晒...松露醬就唔算好濃，點茄汁仲好食😂不過個裝修咁令～食咩都抵啦😆因爲個日去佢地個冰機壞左...所以冇凍飲😞吳情吳願地叫左杯🔥mocha hkd38 💰點知又好好飲喎？諗住係好濃好苦既咖啡，點知完全係相反✨甜甜的但又會飲到咖啡既香味，好中意呀👍🏿

本來滿心歡喜同朋友聚餐，因為有朋友未黎到，我地打算只叫一碟小食，之後等齊人再再加單。點知等左好耐都無埋我地，個侍應生好唔耐煩咁行過黎，發覺我地只點一碟，就黑晒臉同反一反白眼...同埋d食物既味道好奇怪又細碟，價錢偏貴...唔會再去

上個星期一個休閑嘅下午嚟到呢度食下午茶，睇過啲食評質素好似好不錯點知上到來伏左首先個價錢其實都幾貴，如果唔係因為lady M 要排隊但係趕時間都唔會考慮，咖啡同飲品呢價錢可以接受，但係食物方面就偏貴啊。叫咗杯rose latte 係真係好味，淡淡的玫瑰花香味，配上唔算濃郁嘅咖啡，味道均衡，泡沫做得豐盈，口感都算幾好＄38杯。係咁上下啦！但係呢個士多啤梨雞翼就直情嚇親自己，個樣係有士多啤梨嘅顏色，但係食落去你完全想像唔到係士多啤梨味，究竟係咩味呢？我諗左好耐終於有答案，就係燒味店嗰啲橙橙紅紅嘅燒雞翼味。。仲要啖而無味，口感超怪？？到底邊個同我講話呢間餐廳好食？見到啲食評覺得俾人呃左。唉，最重要係咁難食嘅雞翼都要賣緊40幾蚊。不如我去鵝頸橋街市買兩隻全翼都唔洗$20仲有味過佢

呢間餐廳早就係我既list入面 終於搵到機會試是次係同阿熊慶祝唔知第幾個月而到訪 去到無咩客人 估計係因為開鋪無久 所以未有人流 亦因為咁而獲得窗口位 環境好舒服 閣樓好光猛 如果坐裏面就會比較暗 餐牌上有唔少嘅選擇 今次就揀咗兩款主食首先係呢個漢堡 本來係配薯條嘅 但係店員話未有所以轉左炸蝦 🍤都幾爽口 唔係「梅」既 值得一讚而家個burger 都好多汁 個包仲係甜甜地其實食完個burger 都飽左一半 見到呢個咁大份既all day breakfast 真係滴汗😅 不過個牛角包得一半 係有d奇特既😂炒蛋好滑 煙肉亦唔會煎到乾爭爭 牛角包亦好鬆脆 有酥皮會跌出嚟嗰隻 🥐 本身想點一個靚靚嘅飲品 點知order錯左 揀咗呢個荔枝梳打 不過都好fresh 好好飲 唔係死甜阿熊就要是呢個繽紛樂沙冰 開頭我話怕好甜 飲落又唔會喎 仲好龍朱古力味唔知係咪因為餐具一早已經放喺枱 所以比較多指模

食好西就係要即興，琴日仲要即興改行程 知道打風黃昏會掛三號，結果原定計劃破壞左，趁天氣轉壞前，亂篤一下OpenRice 🤗意外地搵到呢間樓上餐廳食飯，見啲評價都唔錯，即管試一試😌🙆🏻 餐廳裝修得幾有格調，附設一個開放式酒吧，燈光暗淡，係煩囂的城市當中有一個俾人放下包袱暢飲一番既地方都唔錯，餐桌用白磚拼湊而成，有一種工業風的風格，係呢個鬧市中有另一個特色既聚腳點，的確係唔錯既選擇。 最特別嘅係近窗角落嘅一張佈置左既枱，好有家既感覺 牆身有掛畫襯托，枱上放左舊式打字機，枱燈同乾花做裝飾，別具特色。 🍀幸運地早到所以坐到🍀 而且佢啲餐具，除左一般嘅銀色，仲有🌹玫瑰金色，真係好靚，好古典氣派🍽🍴 🍝晚餐叫左忌廉磨菇菠菜意粉配煙三文魚🍝 分量十足，而且好多菜同蘑菇配料，用菜汁配少許忌廉做芡汁真係正個意粉都充滿田園氣息，食落口一啲都唔覺膩，不過我個人喜歡creamy d，但配三文魚食用就中和返口感，唔會太「寡」 飲品🍹🌹🍓係玫瑰士多啤梨沙冰，沙冰打到好幼滑超級好味😍，奶蓋做面灑上玫瑰花瓣碎，視覺同味覺都滿足唒，大推❤️❤️❤️而且酸甜味適中，感覺好清新，好夏日香氣 另外叫左個芝士牛肉漢堡配薯條，開❤️sh

已有4年無見好友，琴晚相約在放工後見面，逛逛食個晚飯😗😗Book左位，所以我們的時間都很鬆動，咁等齊就一齊上餐廳！周圍的環境都好舒服，好有文青feel，好適合與朋友聚會的好地方。我們坐下看看餐牌，都有飯類、意粉、小食、漢堡包等等，讓我們去選擇我們就order了1）芝士牛肉漢堡配炸薯條2）炸薯條配蘑菇黑松露醬3）牛肝菌黑松露忌廉雞肉長通粉4）昨天失聲茶芝士牛肉漢堡配炸薯條本身我們叫左個薯條，所以就問左可否轉其他小食，咁就轉左炸雞翼鎚俾我們炸薯條配黑松露醬炸條炸得很好味，再配上黑松露醬更凸顯薯條的味道牛肝菌黑松露忌廉雞肉長通粉味道普通，整體來說食物都尚算可以點左：昨日失聲茶味道清淡芳香，有助舒緩喉嚨，不錯之選。最後，我們都食得很飽，所以吃得很飽，所以食飽都到處逛逛，美滿的聚會。

一進店問男侍應可以坐那裡他第一次講很少聲我沒聽到我再問一次他大聲凶我說等一下我跟我朋友傻眼然後他帶我跟朋友到床隔壁的兩人看街的桌我就問他說我們可以坐另外一桌嗎（那張是沒收拾好的）他再凶，那張沒收恰好誰到看得到沒收拾好 只是想問一下收拾好能不能坐我整個黑臉，為什麼我要來付錢收氣立刻走人

很久沒有同家姐一起外出，咁岩大家平日一齊有假放，當然唔會浪費咁好既機會啦!我兩個都好鐘意搵特別既餐廳，所以今次搵左呢間 " 飼 說 " - Speechify 。去到餐廳差唔多兩點，原來有set lunch！我叫左蒜香白酒蕃茄蜆肉扁意粉 - 好香既蒜味同埋蜆肉既份量好多 完全吾會食完啲蜆肉都淨番好多意粉係到 仲可以平價加佢指定既飲品(香蕉腰果朱古力 原價$78) 如果單叫飲品 價錢略高了家姐就無叫set 🍴 佢叫左All Day Breakfast 🍳- Green Day breakfast (全日早餐-嫩 $148）牛乳炒蛋 大啡菇 牛角酥 焗豆 蕃茄 蘑菇 脆炸薯條每一樣都不錯 特別讚係薯條 新鮮又香口 重點吾會太"林"!!!!!!👍🏻配合埋杯Latte 好完美既一個下午。

上網睇食評話呢間野好好味，於是去試下！餐牌選擇不多！價錢亦唔平，一碟意粉平均150元左右！特式飲品約80-90元一杯！先講飲品88元藍梅提子沙冰，味道很淡，而且唔可以話係沙冰係碎石冰⋯⋯再講食物，都係無味道，意大利飯思疑不是用意大利米做，收168元有點過份！叫左一個沙律一個意粉一個飯兩杯野飲，一共600元（已經有9折）唔好食嚟講實在太貴！半價都不會再吃！呢次學識左睇食評要睇d劣評，睇好評分分鐘中招⋯⋯好失望的一餐😑

朋友帶小朋友回港相約weekend 短聚銅鑼灣區星期六唔想太多人選擇其實唔多千挑萬選下揀咗呢間上樓cafe12點半上到去未開門還在準備中, staff見到有客即刻放咗我入去因為有小朋友關係佢比咗出面靠窗有長櫈嘅位置, 幾光猛另一邊有床同書枱嘅擺設, 突然覺得有d似之前响台灣住過嘅民宿..Menu 因為係假期關係冇set lunch要散叫餐牌睇得出花咗心機, drink list called "Let's get wet".. Speechify Tea 嘅名以功效而名..有趣兩大一細我地叫咗一個All Day Breakfast 同一份burger我忍唔住叫咗一個西柚香桃梳打朋友話$78性價有D高, 但黎到見到佢賣相又覺得OK值架喎成套飲品有一枝梳打水, 一枝桃蜜, 一碟仔桃肉加柚子肉另外杯入面有藏咗西柚肉嘅冰塊同薄荷葉, 等冰溶咗就有西柚肉食朋友仍然覺得唔值, 可能呢D就係男同女嘅分別.... 哈~All Day Breakfast 黎啦!  盛惠$148!個人覺得食咁多次All Day Breakfast其實呢個真係算好唔錯Presentation good!  所有食物好整齊咁

位置易搵，坐既地方都寬敞。雖然食物選擇唔多，但係有個舒適既環境，可以同朋友傾下計，都係一個唔錯既選擇。如果想去影下相，最好就中午去會好啲。因我係夜晚去，所以影既相都會比較暗。😂

星期日去左間有偽文青feel既餐廳，環境舒服，無限時，適合同朋友吹水/搵地方hea一個下畫，但開始人多就少不免會嘈啲。另外食物/飲品既性價比唔高，感覺坐耐啲會抵啲😅叫左個芝士牛肉漢堡配薯條 $148 - 塊肉juicy，但漢堡size小型，雖然有薯條搭夠，大食少少既人實唔飽All day breakfast （飼）$148 - 幾好食，但好似俾少左條牛仔腸，分量黎講一個人食哂都應該夠飽假日及公眾假期惠顧主食可半價叫飲品（酒精除外）Green tea latte - 🤦🏻‍♀️唔好飲，一飲落口好多綠茶粉，即刻'濁'親，但只有好淡綠茶味。最後無飲哂