餃串Party

營業中

休息中

好似幾耐冇出過餃子嘅食評？我呢個餃子控真係唔稱職😛 最近都見到有幾間新開嘅餃子專門店，上個禮拜就去咗長沙灣嘅餃串Party☺️好多餃子專門店淨係主打餃子🥟 但係呢度唔同，又有串燒、小食同埋甜品～ 鉸剪size都好大隻，平時我有大叫大，不過想留返多啲quota試吓其他嘢，所以就每款淨係叫咗六隻，兩個人嚟講已經好飽好飽😛 俾大家參考吓食咗咩？💁🏽‍♀️➿ 當歸花雕醉雞卷($38)醉雞卷處理得幾入味，又夠晒凍，啱晒喺夏天食～ 鍾意佢加咗杞子同埋蟲草花，感覺更健康👍🏼➿ 馬來沙嗲豬/雞/牛 ($11; $11; $13)欣賞佢哋嘅沙嗲串燒肉類都係自己醃製，唔係買批發加熱～ 每款肉類都燒啱啱好，唔會太乾身～➿ 香茜芫荽豬肉湯餃 ($42@6隻)都好欣賞佢哋嘅湯餃嘅湯底，係自家製嘅靚湯☺️ 當日係消暑、清熱、健脾化濕嘅冬瓜荷葉甘筍粟米薏仁豬骨湯🤩 好啱呢個季節！餡料多菜少肉嘅比例好啱我哋嘅心意💕 ➿ 粟米芝士豬肉煎餃 ($44@6隻)煎餃煎得均勻香脆🥟 芝士完全溶化喺餡料入邊🧀 味道唔會好濃烈，所以唔係好膩，加埋粟米粒🌽 令到肉餡幾濕潤～➿ 泰國芒果糯米飯 ($45)芒果幾香甜🥭 糯米飯size啱啱好～

見到呢間餃子店好多社交平台都有推介，今日咁啱去開嗰邊，於是就去咗食。喺門口要排一陣隊，店內環境唔大唔係好多位，所以排咗一陣隊。因為自己都比較挑食，所以望住舖頭個菜單，其實冇乜選擇，於是嗌咗粟米芝士同椰菜雲耳豬肉。粟米餃有滿滿嘅粟米同芝士，不過我自己嗌咗湯餃，呢一款就比較適合煎餃，椰菜雲耳豬肉餃就比較普通，冇乜特別。店舖除咗餃子仲有好多串燒，不過串燒就冇乜點聽人推介，大家都係推介餃子，不過可能我滿心歡喜好期待過去食，所以就覺得表現好普通，不過老闆娘性格都好隨和好Nice 味道都還好

店員執完枱又唔會叫排緊隊嘅客人入去坐最後自己行入去問店員係咪坐得低坐低之後馬上掃QR code落單12:50落單：煎餃8件、湯餃8件明明已經比起隔籬枱早落單隔籬枱d湯餃到齊晒之後大概1:10分個湯餃先到本身見到佢貼左個牌 話繁忙時間出餐需時已經等耐左 咁去到1:20分見唔對路 就向店員追個煎餃店員同我講漏左單 咁唯有再等多陣 去到1:30仲未有 再追 話整緊跟住旁邊遲我地起碼半個鐘先落單既都已經上哂 已經心諗 漏單唔係應該整左先咩 去到1:40 再追 又話整緊去到1:50 足足一個鐘 夠膽死仲上左個煎餃比我旁邊1:40分先入座既人 即刻火都黎直接走人 同職員講仲好似覺得冇野咁希望呢間餐廳可以檢討同埋改善下佢地嘅營運手法Btw 個涼瓜豬肉餃味道都係一般另外，咁岩係網上見到呢間餐廳之前曾經同食客有爭執而報警，即刻明白到原來漠視客人嘅意見，都係佢地一貫嘅作風。結果原來係自己犯賤，入去係食一肚氣。

🥟又有串燒又有餃子食既鋪頭🍡🍢店鋪唔大, 但勝在好味 抵食 態度好先叫左個韭菜豬肉餃, 今次加左錢upgrade 左做脆皮芝士🥟竟然係一大塊芝士, 可以拉得到既, 放在6大隻韭菜豬肉餃上面🧀原本韭菜豬肉餃已經係脆卜卜架啦, 加埋塊芝士, 脆上加脆, 好特別🧀🧀豬肉餃好大隻, 入面勁多送, 食3-4隻其實已經好飽跟住我叫左碗蜜棗南北杏豬骨湯$18, $18 有一碗大個塊面既湯, omg🥘仲要熱辣辣飲得好舒服, 無味精🍲跟住叫左幾串串燒🍢, 花枝丸三大粒 調味都幾正🍘🍘外脆內軟雞皮, 雞翼芝士餃最後多左枝手工冷泡洛玫瑰茶, 原來650ml 係大咁支, 會唔會誇張左D🙈🙈😳

第一次來這家店，正好是晚上7點左右晚餐時間，等了10分鐘左右有位子。店內只有5、6張枱，除了堂食用餐，還有不少外賣或者買生餃子回家自己加工的客人。掃碼下單，這次點了兩個雙拼，一份湯餃、一份煎餃。雙拼湯餃-韭菜豬肉餃、椰菜冬菇雲耳豬肉餃。韭菜真的是萬年不敗之選，強烈的香氣和甜味配合豬肉內餡🫶🏻相對來說椰菜冬菇雲耳豬肉餃味道沒那麼突出，但配料的口感比其他口味餃子多，每一口都有爽脆的感覺，如果沒先吃韭菜，椰菜應該也夠清甜。湯底定勝負，是我能喝完沒味精的湯底，用的豬肉和合掌瓜，清甜不會過咸，和餃子很配。雙拼煎餃-香芹芫茜豬肉餃、粟米芝士豬肉餃，香芹的香氣爆發和芫茜一決高下，只能說喜歡的會很喜歡😹粟米芝士最突出是玉米的甜味，蓋過其他味了，如果喜歡偏甜口味的應該會喜歡這個。桌上還有黑醋、辣醬和菜脯可以配著吃。

椰菜冬菇雲耳豬肉餃啖啖餡料！非常足料，餃子皮都薄，椰菜爽口🥰 有得揀8/10粒🥰 幾中意佢個湯底，清清地唔係味精湯，係老火湯，成碗清晒🫶🏻粟米芝士豬肉餃芝士香濃，配埋粟米可以減低油膩感！咬落去有粟米加持，口感大增😍😍除左湯餃，仲有煎餃選擇，一樣好香，決定下次黎試下！涼拌木耳爽口彈牙，鹹辣啱啱好，而且非常開胃！豆腐仲叫左豆漿，同餃子係perfect match! 冷泡茶平時出去買好貴，呢度有加配價，抵飲又好飲

見個名唔好以為依間餐廳串串貢🤣其實佢係賣餃子同串燒！今次淨係食咗餃子已經餃到上心口，隻隻都超大隻，放幾隻已經塞滿晒佢個湯碗，仲要飲埋自家製靚湯，已經好滿足，好有家的感覺💖—— 韭菜豬肉湯餃 $42呢個湯餃真係超大隻！每一隻都漲卜卜，餡料滿到爆，超多韭菜；重點係餐廳會配上自家靚湯，今次依款係五指毛桃甘草粟米蟲草花豬骨湯，上埋湯渣，真材實料，湯頭清爽，飲落去好舒服，可以補肺去濕，又好飲又健康👍🏻—— 煎餃雙拼 $52煎餃除咗叫咗韭菜豬肉餃，仲嗌咗粟米芝士豬肉餃，睇得出煎得好用心，粒粒都360度咁金黃均勻，餃子皮脆皮香口；落咗唔少粟米粒，芝士同餡料撈埋晒一齊，唔會好膩又食到芝士味😋🌟推薦指數：9/10▫️▫️▫️▫️▫️▫️▫️▫️▫️▫️▫️▫️▫️📍 餃串Party (長沙灣)長沙灣青山道368號喜韻商場地下2號舖🔎分類搜尋：#FTHK_長沙灣 #FTHK_中式

This new dumpling place is trending in Cheung Sha Wan, and there’s always a queue for dine-in and takeouts. We came for their dumplings and found that they also serve grilled skewers, no wonder its name is so 串！Panfried cheese & sweet corn pork dumplings were plump and piping hot. Not every piece had cheese inside but each of them was very juicy. You can add a few bucks to have a layer of crunchy cheese on top, apparently from the menu. Cabbage and mushroom pork dumplings in soup were huge in si

去開長沙灣，近排必到嘅小店，店舖簡潔坐得舒服，上次試過湯餃已經回味無窮，今次下午茶試下煎餃及串燒先！🤤煎餃超好食又多汁，皮薄餡多，點了兩種口味：椰菜冬菇雲耳豬肉餃+ 香芹芫荽豬肉餃。裡面餡料好多，外皮煎得香脆。即叫即煎，食時小心燙口同埋爆汁呀😋⋯⋯真係好味到爆炸！應該是我名單上排名頭五位嘅美味餃子店。另外仲點左一份串燒沙爹雞，即叫即燒的，肉質鮮嫩好味仲有沙爹嘅味道，正👍🏼。加配手工冷泡玫瑰洛神花茶，超級大支，清爽解膩，完美嘅下午茶。

外賣咗兩份餃子。只係越食越唔對路，啲餃子咁燶嘅….？初頭以為只係一兩隻係咁，點知係隻隻都係，一路食一路要搣返啲鑊屎出嚟。其實兩款餃子味道都算正常，但如果喺製作上可以用心啲就好。

早排屋企人入左醫院，就俾我係長沙灣發現左間幾好食嘅餃子店，佢地除咗水餃🥟煎餃🥟外，仲有好抵食嘅串燒！不過今次我唔夠肚餓，未有機會試下啲串燒😆下次再去！湯🥣椰菜冬菇雲耳豬肉餃8隻 $50- 個湯底係粉葛扁豆赤小豆甘菊粟米豬骨湯 好鮮甜😋如果有得添就好😆- 餃子好juicy，而且皮簿餡靚，咬落去啖啖肉😋煎🍳粟米芝士豬肉餃8隻 $52- 煎到脆卜卜，又唔會好油👍🏽不過芝士🧀略嫌唔太夠，拉唔到絲😆其他就同湯餃差唔多🙈

今日好想同大家推介一下喺長沙灣專做街坊生意嘅餃子店。店內寬敞坐位都算多，大大嘅落地玻璃窗，非常光猛，坐得舒服。嚟到呢度，我當然要試佢哋嘅餃子⭐湯餃雙拼(6隻) 我哋有多款餃子，我就選擇咗🥟粟米芝士豬肉餃同🥟椰菜冬菇雲耳豬肉餃- 隻隻餃子都非常大， 真係夠晒足料👍🏻- 湯底系佢哋煲嘅五指毛桃甘筍粟米豬骨湯(絕無味精)，真係非常鮮甜，而且一啲都唔肥膩，配合埋餃子一齊食，真係食得健康又飽肚。🍖當歸花雕醉雞卷$38- 店員一放上枱已經聞到濃濃嘅花雕味道，而且雞卷都好嫩滑，一碟有六舊夠曬足料!🥟雞翼芝士餃$20🍢免治軟骨雞肉棒$16🍢孜然羊肉串$15- 餃子店有串燒食。 我都係第一次遇到，感覺好得意。而且有多款串燒選擇，完全唔可以足曬，大家想食吾同串燒嘅要求!🧃手工冷泡菠蘿桂花雪梨茶$15- 雪梨茶味道非常清新，唔會太甜，最啱配食串燒時飲用!而且餐廳價錢都好親民，絕對系長沙環小店平靚正推介!

呢間餃子店除咗餃子出名大粒，唔同季節會煲唔同嘅湯，而且仲有小食/串燒/冷泡茶。涼瓜豬肉餃 +五指毛桃甘筍粟米豬骨湯 如果你又咁啱鍾意食涼瓜，就要試吓涼瓜餃子，味道非常唔錯。一粒等於出面嘅一粒半，餡料豐富。今日湯底有五指毛桃，健脾、補肺，行氣利濕☺️椰菜冬菇雲耳豆腐餃🥟餃子有豆腐碎粒，連同各種配料，口感出奇地夾。煎餃需要等耐少少，但現炸脆皮係值得等嘅。高蛋白質雞胸｜花枝丸少見雞胸串燒，唔柴唔乾，花枝丸有燒汁，食落juicy。手工冷泡菠蘿桂花雪梨茶冷泡茶大大支，果香突出。🛎️必試指數：9/10🔆

🌽栗米芝士豬肉餃🧀💚韭菜豬肉餃🤎椰菜冬菇雲耳豬肉餃（湯餃$50／8隻，煎餃$52／8隻，最重要係雙拼唔洗加錢‼️，好有良心）三款餃子的餡料都非常新鮮，大大隻，漲卜卜，好滿意，湯餃用左老火湯來煮🔥，當日靚湯為「五指毛桃🍑甘荀🥕栗米🌽蟲草花豬骨湯」，超有火候好滋補，健脾補肺，行氣去濕。🐄沙嗲牛肉🐥沙嗲雞肉🦑花枝丸另外仲叫左幾款串燒，都好惹味，再加埋豆漿，成餐每人都係六/七十蚊，好抵食。

本身我都鍾意食餃子 見到呢個鋪頭名咁港式就想入去支持下小店 點知仲有意外驚喜 🤤好彩啱啱好坐到最後一張枱坐滿哂之餘仲不斷有人想入嚟食 入到嚟必食返餃子 想講不論煎餃定湯餃都好出色無意中發現餐廳係人手包 薄薄嘅餃子皮但滿滿嘅餡料 仲發現一個新食法係超級好食😂就係將餐廳嘅自家制菜脯放入餃子到食但記得唔好放太多 可以增加口感之餘唔會遮蓋咗餃子嘅味道 由於餐廳可以雙拼餃子 都可以試哂咁多款口味呢樣都係我覺得加分嘅地方 餐廳除咗餃子之餘仲有其他串燒小食 竟然仲有足料無味精湯水 除咗餃子之外本人特別鍾意食雞軟骨連住小量雞肉 好爽口好味同埋第一次食雞喙骨 原來姐係雞膊頭個樣有啲似雞翼但肉質會相對實小小魚腹鰭對我嚟講有啲腥😣但朋友作為愛食魚之人嚟講表示好好食😋