餃手餃子靚湯

營業中

休息中

看到飲食雜誌介紹屯門數家小店，剛巧有幾間都响虹橋，趁假期便嘗試下。青翠徑的商場分開對住景峰輕鐵站的高層地下及對住青洋休憩花園的低層地下。這間餃子店在低層地下。食物好味又扺食，煎餃子熱辣辣即炸即上，外面脆入面肉汁豐富。香菇粟米餃好香冬菇味，湯底雖然食唔出花膠味，但雞湯清甜不油膩。土匪雞翼香口。不過可能太多客人因雜誌推介慕名而來，到下午2點已經很多食物已經賣哂。加上店內只有20多個位，近來去食可能要排隊。

行完山要醫肚，本身諗住食crepe n cream但去到負責人話5:00先開(openrice寫3:00，但後尾食完餃子番轉頭5:30都未ready😑)，惟有喺附近食其他野。見到依間同我最愛美味餃子館一樣，有自家靚湯同餃子，就決定試下。餃子可叫6隻/8隻，配上海麵、米線、或淨煎/湯餃都得，幾flexible。粟米冬菇豬肉餃 $32/6隻 - 湯底係花膠螺片雞湯，食到紅蘿蔔同幾塊細細片既花膠，尚算鮮甜，飲完冇口渴，合格。餃子漲卜卜咁包得好飽滿，有好多粟米同冬菇，調味好足夠、口感豐富，出乎意料地好食！椰菜豬肉餃 $28/6隻 - 入面有唔少椰菜，食到椰菜爽口既口感，唔錯。冇粟米冬菇豬肉餃咁濃味，可配餐枱上任攞既菜甫。依度既餃子皮比起美味餃子館稍厚，菜甫亦冇咁辣咁惹味。 不過餃子選擇較多，味道都唔錯，經過可一試。

第二次食喇,都係好好味.上次試完餃子(韮菜餃).堅得個花膠雞湯好得,好有阿媽feel.仲好粘口.唔信用二十幾蚊價錢飲到碗咁靚嘅湯同饺子.超值今次捉多個friend陪我食雞煲.一上枱老闆比左計時器我.叫我等5分钟..聞住好香,又無得食最長的5分钟.BBBB...開餐喇.先前怕滾太耐,d雞會老....效果超贊.好滑,仲好入味.本人和個friend都比較細食.所以落單時問了有什么必食..一個信字行頭...响铃,墨魚滑两样先..可能我早到,無乜人.我聽到厨房好响咁達達声.然后我墨魚滑就出黎.開頭仲以為佢上杯雪糕,原来係我叫嘅手打墨魚滑,口感超得.新鲜.有咬口.彈到上响铃.真係超脆個姐姐臨上枱係我面前跌左一粒落地.果下声脆到要連老闆都係厨房走出黎睇乜事.老闆即炸反粒比我地.响铃食落口真係好脆.仲係熱架新鲜.未試過食响铃有嘅新鲜感覺.再粘一粘我個中辡雞煲好好味好想叫多個不過要戒下次要捉多幾個friend一齊食

屯門其實真係好多野食 就算一個人都可以食好野 食到飽😛大大粒足料 花膠螺片湯底 餃子👏🏻👏🏻有牛既地方都有得食🤞🏻湯頭 飲完個咀都黏黏的😛韮菜 冬菇 粟米食材新鮮 皮亦夠薄😙佢d辣菜甫又係正既 落一勺 再飲啖湯 又係另一個層次🤤醉豬手 $18 3件酒味香 唔會覺得濃到難入口 而且唔會好似啃骨咁 肉都幾多 咬落有d彈牙 可以一試👍🏻最平$28 6粒餃子 加$7 多個麵底 依間日頭主要賣餃子 夜晚就主要做雞煲餃子賣哂就無 所以日頭早d去食就穩陣👍🏻

本人對味精特別有反應，食完會馬上口渴，這間餃子+花膠湯底，真係令我驚喜，才$30幾蚊食到甘真材實料好味野，平時去食過早餐都要呢個價錢啦 我最like 粟米豬肉餃，栗米好甜好新鮮，問下侍應原來佢地用新鮮栗米自己剝，咖哩煎餃好香脆，我自己唔食得好辣，只食皮， 餡料比老公食，佢都話好正，格離枱客食雞煲，好香噴噴，我八掛問下好唔好食，佢地又話超正喎，隻雞好滑，唔多油， 辣度可以簡，見佢話唔夠辣，又叫侍應加辣 ，服務真好，下次我一定都來試下。

響洪橋食左咁多次野，都發現唔到一間餃子店，今次意外見到喎，當然要試下啦初時入去好似無咩人食咁🙈不過都唔理啦，照睇餐牌叫野食試下啦😋餐牌雖然睇落唔多野食，但記得有人講過，餐牌唔多野食先係好店，因為唔多野食揀，廚房就可以專心做好果幾款野食啦同友人分別叫左韭菜芹菜餃+上海麵，我就叫左椰菜白菜餃+上海麵啦，另外叫左菊花茶同豆漿飲啦中間一路等一路傾計，都開始有人入黎食野，仲要係熟客仔tim wor，仲見到鋪頭原來夜市係做雞煲生意ge，等左約10分鍾我地ge野食到啦，雙併餃每款都有3隻總共有6隻餃tim依個都唔特別，特別在於係個湯底真係真材實料，係用左花膠螺片同雞整成湯底，因為俾我見到有胡椒同一細片花膠食落好有味道，同埋一d都唔咸我地食前有加左菜'蒲'落去，其實根本唔洗加🙈因為湯底好入味，菜'蒲'有點辣，而菊花茶同豆漿就無咩特別，不過唔會太甜都幾好飲基於我覺得d餃子太好食🙈而本身好鍾意食餃子，所以就外賣左個雙併生餃子啦（白菜+韭菜）

晚餐推介呢間舖頭有個花膠雞煲，超足料，先飲左個湯，再落其他料打邊爐，超正。即炸響鈴，從來未係香港試到呢款響鈴，一定要試。呢間舖頭啲餃子全部自己包，有韮菜，椰菜等等既餃子，又係好足料又好好食。😛佢啲菊花茶自己煲。🤓其他材料都係經老闆親自挑選最上乘既食材俾客人，用心服務👍成晚食完野只係飲左2樣野飲，如果有味精的話，我肯定追住啲飲品係咁飲