餃Q店手工水餃專門店

營業中

休息中

橫街小店。地方不大。樓面只有一人。小店主打水餃。味道和口感都屬於正常。中午時分，點了一碗白菜水餃麵加可樂。雖然沒有特別的驚喜，但整體上是合格的。如果路過此店，可以一試的。

係長沙灣找個靜又食的堂食有點難，因為勁多外賣店，行了很久，唔知點解行到麗新廣場後面福華街572號地下，門口唔起眼，唔係有營業中仲以為無開。無味精夠吸引，試下啦！結果係極好食。芫茜豬肉餸👍👍👍湯底好飲夠清餃子皮薄Q彈。個醋仲正，好似點大閘蟹的醋👍👍無心找但找到美味的店真高興，下次再試其他餃。

讚1.餃子都足餡既彈1.整體係難食既，餃子配紫菜湯麵，餃子足餡但啲肉好實，麵既湯竟然係甜既！！！鼓油色而係甜既！！！好大衝擊！！！亦好難食！！！2.舖頭既地板檯面都好黏乎乎，好唔自在

行過見到家庭式經營既餃子店，於是入去試下手工家的味道。店內環境一般，得幾張枱，落單後，要等10至15分鐘先有食物上枱，當日叫咗涼伴青瓜🥒韭菜鮮蝦餃涼伴青瓜攞滿分👍😋青瓜好嫩，爽口，清脆，醬汁帶有微辣，好開胃。韭菜鮮蝦餃🥟即叫即淥，熱辣辣上枱 , 餃子粒粒都珍寶Size , 好飽滿，每一粒餃子入面都有大約半隻鮮蝦，爽口彈牙，算係新鮮貨👍平時食得太多連鎖集團食肆，有時候經過一些橫街窄巷，不妨光顧一下一些小本經營既家庭式小食店。

今日去左隔離睇戲，未夠鐘睇戲又見有d肚餓就出左去搵野食，一出商場門口就見到呢間水餃店，店鋪唔算好大，得3張枱+2張吧枱，每張枱限最多4人，所以位置坐落都唔算好迫，尚可。因為唔係好肚餓，所以就冇叫麵餐，整係叫左10隻水餃，本身諗住可以雙併，但問完發現只可以揀一款，唔可以雙併，所以我就叫左10隻大白菜豬肉餃（$37）。水餃係唔跟湯上既（可能要同佢講先可以跟湯上，因為我留意唔到要額外叫，所以就變左碟上），水餃入面肉多過菜，雖然係冇湯跟上，但咬落去都唔乾，仲有好多汁，d豬肉湯汁係清甜好飲既！佢水餃同普通餐廳唔同就係跟左條生菜，雖然唔多，但食落去吸晒d豬骨湯汁，係好食既，所以建議大家下次去食記得叫湯上，可以試埋佢個湯！整體黎講同其他餐廳水餃冇咩大分別，唔算話好好食，但都唔會難食，黎到附近既人都可以一試！

今次見到麗新對面有間新舖，專賣東北餃子，有淨餃子、餃子麵同潮州粉麵！雖然舖頭細細，有點家庭式經營，難得有新舖要試一試！淨餃有韮菜豬肉、芫茜豬肉、鮮蝦水餃同鮮蝦雲呑就$25/6隻或$35/10隻；仲有隻韮菜鮮蝦餃就$30/6隻或$40/10隻！加$5就有個藥膳雞湯喎！見平時隔離街餃子店食開10隻淨餃勁飽，就揀個10隻韮菜鮮蝦餃試試，可以落佢切好嘅辣椒同生蒜粒，中意都可以落醬油，自助調味！韮菜鮮蝦餃比隔離街嘅細件！有一塊墊底菜，賣相唔吸引，餃子入面有韮菜同有一隻小蝦，味道唔濃，加上唔跟湯完全無飽肚感，食完要去7仔食個撈麵餐先夠飽，試過一次就夠！