養心亭

營業中

休息中

尋日突然好凍，又落住毛毛細雨，即刻諗起要食碗熱辣辣，又暖身嘅藥膳雞湯。佢個藥膳湯無味精，只有香濃嘅藥材味，啱晒鐘意飲中老火湯嘅我，枱上有鹽可自助添加，但唔落都好夠味，最緊要夠熱。霸王雞飯要蔥油汁，雞就唔算好滑，可能今次係雞胸，上次食雞脾，感覺滑啲。最搞笑係個蔥油汁，我期望係食白切雞果啲蔥油嘛，不過嚟到我淨係見到一堆芫茜，不過係食到啲蔥味嘅。有時間嘅話會坐多陣，飲多杯茶。佢杯茶可以添，唔係一般中國茶，有啲似麥茶，幾好飲。飯，麵，茶唔夠可以添，好細心，不過只供自用。

今日去左荃灣近西樓角路一帶既商場仔覓食，個道一連四五個細型舊式商場串連一齊，中間有好多小店都好有Heart, 今次試左一間叫「養心亭」主打雞湯粉麵同喇沙.我地一行四人各自叫左：「台式麻油雞酒」、「古法藥膳醉雞湯」、「滋補肉骨茶」同「花膠鮮雞湯」.「台式麻油雞酒」一枱好香麻油味，同我係台灣食到既味相差無幾，好多薑片係湯入面，有米酒味但不過濃，配埋比較少見既銀針粉，可以粉連湯一碗清晒😋而且雞都幾新鮮，肉質都算滑，起碼唔會食出有雪藏味.「古法藥膳醉雞湯」湯頭有香甜既黃酒味，酒味岩岩好，面頭舖左好多北芪同黨蔘，老婆🐽話覺得好滋補既感覺。佢都係評價雞件煮得岩岩好唔會太鞋🙂.「滋補肉骨茶」偏香藥材味，但估計因為做粉面湯底，所以調校唔會太濃，見到入面好多藥材仲有四條煲到入味既排骨，入口肉質鬆化，唔錯.「花膠鮮雞湯」花膠都算厚身大塊，但湯底略嫌唔夠濃稠，而且花膠有少許怪味（估計係來貨本身漂洗既味道去唔走），影響左成碗湯頭既味道。希望日後唔好俾少少品質問題影響到食物既質素啦😗😗.我地仲叫左個三餸小食拼盤，自選牛肚，豬大腸同青瓜，加麻辣汁，只係HKD 25，抵食夾大件，味道仲好好，大家都食得好滿足🥳.最後

座位唔多 坐底之後送上黎既唔係水 而係佢地準備既飲品 其實幾有誠意 當日飲既係羅漢果水落order個時一定要強調碗湯要加熱 之前食過係暖 我係好唔中意 今日叫左加熱之後 碗米線係好食左 呢碗係藥膳雞湯米線 藥材味超濃 濃到有d微苦 我係接受到 但有d人受唔到個陣味就要考慮一下係唔係要試呢款湯底 雞就幾大件 不過都唔係好滑 配料有腐竹、木耳同藥材等等 米線軟硬度適中 呢款係霸王雞飯配肉骨茶，呢d雞就滑d， 肉骨茶嘅湯質係厚身，好足料食過幾次嘅前菜都係辣青瓜，雖然係前菜但係一d都唔馬虎，好入味

朋友喜歡養生菜式，就一齊去試。星期六中午到達，都多人。小店木系古風裝修，環境新淨，燈光柔和，座位較擠。叫了霸王雞飯配肉骨茶。雞是脾位，外皮金黃有油光。但一咬，雞肉非常鞋和韌，去到難咬的程度。碟中每一件雞都非常鞋。味道方面，雞肉本身沒調味，全靠蔥油提味。蔥油較重蔥白辛辣味，個人更喜歡蔥綠香味。豉油味淡，整碟雞咸味很輕，只有淡淡蔥味。肉骨茶則有驚喜。足料，內有一件排骨、豆卜、腐竹、杞子，排骨軟滑入味，比雞肉好食得多。湯頭濃郁，重藥材味，拌飯不錯。是日養生茶是羅漢果水。就是帶微甜的水，個人不太喜歡。總括而言，以為雞是這店的招牌菜，但肉質鞋和韌得誇張，味道亦淡，寧可去吃白切雞飯。朋友叫了藥膳雞湯麵，雞肉亦非常鞋。反而肉骨茶有驚喜，值得一試。

第一次食養生米線，米線湯底重雞味，面頭唔會一大浸雞油，雞件都係雞髀雞翼位，好滑。配料有雲耳冬菇等，仲有一大片花膠，唔會覺得好單調得雞咁。另外午餐仲有自家茶同小菜提供，非常滿足。但舖頭細細位置比較少，晏就食飯時間有機會要等位。

花膠鮮雞湯銀針粉啲雞都好多✓主主話湯底好飲，我覺得還好欸😶外面食過更甜更香花膠份量少，銀針粉普通 麻油雞米線極滿意主主！🔆🔆🤎🤎話麻油好香🥰我覺得米線稍微淋左D，但都好食 好咬✓幼身米線哦\(ϋ)/ 好索湯，好香😊仲有濃濃薑味***值得留意的是可以選添不同粉麵 有多款選擇！✨💥我哋直接試咗四碗仔不同粉麵😳😳食嘅時候 兩個湯底都可以用嚟拌麵～ 幾可有餐廳可以咁食法呢***店員嘅服務態度都ok👍🏼

今日試下養生💗揀左藥膳雞湯底 有熱湯個人都舒服d🥰佢仲可以跟唔同主食，而我揀左米線藥材味適中，唔會太濃☺️易接受雞件都有半份，比較清淡啲，旁邊有調味料比你自己加料😂不過清清地，夾埋d湯一齊食就岩岩好米線食唔哂😂，食量大既話，餐牌都寫米線白飯等等都可以添，呢點真係又估佢唔到店內會提供熱茶 凍茶☺️另外一提，佢配菜既辣青瓜都好脆口又夠辣，下次過黎再試下佢既麻辣先🤤🤤

好耐冇幫襯養心亭，今日去幫襯下，發覺有新野，麻辣蕃茄湯底，原來麻辣加蕃茄真係好夾，同埋啲蕃茄冇咗啲青味，真係幾好味。今次試咗銀針粉，因為比較少地方有銀針粉食，下次應該食米線。總括嚟講，正。

用open rice 叫左外賣，職員阿姐話無留意，吹脹，又話自己唔係漏單，無睇到，無叫廚房整，仲唔係漏單係咩。咁既服務態度，人地用 open rice 叫外賣，都係諗住快D，點知去到話無睇到，咁點攪呀！

見佢都開咗一段時間，咁啱又望到佢有肉骨茶就會入去試吓。叫咗香辣霸王雞飯配肉骨茶，個肉骨茶陣味幾啱我飲，因為我就麻麻胡椒味嗰隻，都好重藥材味，同埋有一條排骨，另外霸王雞都好滑。之後叫多咗個海鮮喇沙米線，個湯底做得幾，不過米線就有少少煮耐左。另外要讚佢嘅店員好熱心，同埋熱茶同凍茶係有兩款唔同嘅茶。

今日去開荃灣食飯，喺晚飯嘅時段行荃豐再入少少，去到荃昌中心嘅位置，就搵咗依一間養心亭食。我叫咗一個藥膳醉雞湯飯，食落個酒味夠濃，味道同隻雞配搭得幾好，但係如果齋飲湯底，係適合啲鍾意酒味濃嘅朋友，最後我係冇飲晒所有湯底。同桌叫咗藥膳雞湯飯，佢就有飲晒所有湯底，我相信嗰個都應該會幾好味。地方有少少迫，最多可以一枱坐四個人。但係60幾蚊食個藥膳雞湯飯，我覺得都算係抵。另外佢個湯底都會有啲藥膳嘅餸，配合埋個湯一齊飲都幾正。

【滑溜多蔥油。霸王雞飯👍🏻足料肉骨茶】今日介紹呢間餐廳，開店之後一直有留意，人流不錯，話明餐廳名叫養心亭，食物唔熱氣，雞湯麵、肉骨茶、喇沙應有盡有。霸王雞飯配肉骨茶 $68 (大推👍🏻)💬點評野食質素很好，每個餐都有好豐富既主食配菜，重點係性價性高，的確好食！可encore👍🏻👅味道：4/5🌌環境：3.7/5👍🏻推薦：4/5(📍荃灣) 養心亭 (荃灣)荃灣西樓角路202-216號荃昌中心昌寧商場1樓49號舖

養心亭 (荃灣)♡︎𝗖𝗔𝗨𝗦𝗔𝗟 𝗥𝗘𝗦𝗧𝗔𝗨𝗥𝗔𝗡𝗧♡︎$68 霸王雞飯配肉骨茶🧡ᴄʜɪᴄᴋᴇɴ ᴡɪᴛʜ sᴄᴀʟʟɪᴏɴ ᴏɪʟ ᴀɴᴅ ʙᴀᴄᴋ ᴏᴜᴛ ᴛᴇʜ🧡🥣肉骨茶嘅藥材味濃厚，飲落舒服唔會太苦澀，湯底望落都濃郁✨。有豆卜、肉骨🥩、腐竹同雲耳。另外配嘅霸王雞🍗就好值得稱讚😋，雞皮同雞肉都滑，而且俾咗好多雞髀肉😝，配上落咗滾油嘅豉油汁加香蔥🌱，好惹味。$62 古法藥膳醉雞湯🧡ʜᴇʀʙᴀʟ ᴅʀᴜɴᴋᴇɴ ᴄʜɪᴄᴋᴇɴ sᴏᴜᴘ ᴡɪᴛʜ ʀɪᴄᴇ🧡🥣藥膳醉雞湯見到唔同藥材，明顯飲到藥材同濃厚醉酒味🍶，湯底入邊亦都俾咗好多嚿雞🐤，切到大大嚿啖啖肉😙，雞肉依然滑身唔會煮到太鞋。個人覺得醉酒味太突出，比藥材味更加突出😌，整體飲落唔算好溫和，對唔太鍾意飲酒既我就覺得一般，不過睇得出材料俾足🤓，只係口味因人而異🙂。$25 自選小食三拼(牛柏葉、鵝腸、皮蛋）🧡ᴏᴘᴛɪᴏɴᴀʟ 3 ᴄʜɪɴᴇsᴇ sɴᴀᴄᴋs🧡購買左任何主食之後就可以以優惠價$25揀三款小食✅。我哋揀咗牛柏葉、鵝腸同皮蛋，有三種醬汁可以揀包括香辣汁、麻辣汁同豉油汁。我哋就揀咗香辣汁。食落唔算太辣🌶，係可以接受嘅辣度。牛柏

「話說公司有個肥妹仔同事成日一早就會問定中午食乜？叫咩外賣食（除左食就乜都唔識做，仲話想减肥Wo🤣）…另外兩個男同事就話想食喇沙點知系嚟到喺唔好食既，灣仔區唔知邊間因為我自己出去食🤣」飯後大家就討論邊度有好味既喇沙因為我早食飽就返左上去坐聽到個19PM極力推薦荃灣呢間養心亭既喇沙早幾日咪特登搭車過嚟試下味囉嚟到坐底望左望餐牌就叫左巨蝦海鮮喇沙「問落單樓面姐姐可唔可以少辣,距話得」距問靚仔飲熱茶定凍茶(熱好似系羅漢果類…凍就系菊花類),我話凍唔該距好快就拎左杯茶比我試一試啖杯茶幾好等餐到跟一小份腌青瓜先試個湯底無乜特別唔啱自己口味普著通通希望越大就…明顯比個19PM呃左(不過口味呢樣野好個人唔怪得人🤣怪自己衰想試新野)…不過碗野料都幾多夠熱食食下樓面姐姐經過叫距加多杯茶我（距無 托手踭）好快就拎返嚟👍慢食食左碗野後因為都幾辣又問樓面姐姐拎多次水姐姐照舊好快咁加比我飲埋就埋單走人喇沙試過就算其他野味道唔知不過樓面姐姐好有禮貌

呢間舖頭真係睇佢唔出，第一次去幫襯，食咗個藥膳醉雞米粉，米粉好爽口，老細話佢哋用霸王花米粉，所以好爽口，個醉雞湯好好味，藥材酒香味好夠，雞有雞味，個湯飲完唔會口乾，涸喉，呢個藥膳醉雞湯完全係女士因物，得閒去食好過自己煮。食完之後我第二日lunch再去食過，叫咗個霸王雞飯配蔥油汁再配肉骨茶，嘩….碗肉骨茶令到我真係好有驚喜，一啲都唔馬虎，比起出面嗰啲話肉骨茶專門店好味道多多聲，碗肉骨茶好香濃，又非常足料，有骨，有豆卜，枝竹，蒜頭，霸王雞個蔥油汁又係好好味，平時我食飯都係食少少，因為有呢個汁我成碗飯食晒。始終佢哋喺荃昌呢邊，啲舖頭都係細細間，座位有限，所以我自己都會揀一啲唔太忙繁忙嘅時間去食。佢賣嘅嘢唔貴，係物超所值，用心製作，我仲有好多嘢未試，會成為我嘅飯堂。