影片
以上資料只供參考, 請與餐廳確認詳情
舊年幫襯過好多次，第一次試個魚柳包配炸薯角，只係$20好抵。 第二次食已加咗30%價，食物質素ok嘅，所以加咗價都繼續幫襯。最常食嘅2人餐，記憶中係唔使$110。不過舊年聖誕節前關門直到最近開返，尋晚再叫2人餐，誰知又再加30%價，要成$140。見再開返舖就照食，加咗價都期望食物會好咗，最終係失望！食物質素差咗好多，重開後嘅味道份量都冇短休之前咁有水準。尤其是黑松露大蝦柱貝炒意粉，只有2粒蝦仔及4-5粒柱貝，又冇準又食唔到黑松露味，仲要另加錢！套餐有咗蝦多士，改做春卷亦唔吸引，餐湯有料水汪汪咁。總括而言：差！
繼續閱讀
今日出左油痳地 岩岩出地鐵行左幾步就見到呢間野個名幾特別 雖然鋪頭細細間 但個餐牌唔係一般餐廳野 個餐牌既價錢真係不得了 ! 呢個時世 食呢D野邊有咁老實咖 我見只係小小餓但又貪心想試多d野 於是Order左個小食併盤 入面要重點推薦 "蝦多士" 好有內涵 出奇好食 "蜜沙雞翼" 蜜糖雞翼周街都有 呢到加入蛋黃碎 口感真係好上忍 幾本上係被我秒左 真係好食到離晒罩 整體都係中上產品 價錢平 下次留肚食多幾款先得
繼續閱讀
雖然舖頭唔大 但食物好味 最重要係 抵 食!白酒鮮蜆意粉— 蜆肉食落無沙，洗得乾淨而且係新鮮意粉軟硬煮到岩岩好 唔淋亦都唔硬。蜜沙雞翼— 第一次聽，見咁特別就一於試試。味道好特別係用蜜糖加有少少咸蛋黃，的確要必點！
繼續閱讀
成日經過急急腳，終於有機會買嚟試下，好在有入去買招牌豬扒焗飯，醬汁濃郁，茄味出色，炒飯底香口乾身，汁料分量撈飯剛剛好，仲有洋蔥三色椒等。主角豬扒，豬味不俗不乾身，唯獨鬆肉粉認為可以輕手啲，令豬肉有返應有嘅口感。個飯面頭仲有焗溶咗嘅芝士，正！黑松露帶海鮮意粉，唔用一般高卡路里嘅白汁底，清爽得嚟帶淡淡黑松露香，配料分量合適，意粉亦唔會太軟林加幾蚊就多個湯試試，好多菇，味道還好。哩間小店，價錢已經吸引，味道仲幾好，大家可以多多支持！
繼續閱讀
係公司附近開了一間小店，坐位只能容納5-6個人，睇嚟是專為外賣而設，見門前豎立左一個黑板，價錢平宜菜式吸引，我對薯角及焗飯特別鍾愛，小店又剛好係賣呢類食品，見價錢唔貴所以都唔會有太大寄望。order 左一個黑松露芝士炒蛋牛角包配薯角及一個忌廉湯，都係收$21.00，牛角包烘焙過後好鬆脆，夾著生菜蕃茄炒蛋，食落後有淡淡的黑松露味道，薯角冇落鹽，但係薯角上放左一啲香草，後加上一些蕃茄醬，好Yummy，呢份牛角包正之外，諗唔到連個忌廉湯都唔差，湯夠熱仲有好多蘑菇同埋栗米。另外叫左漁夫焗飯配麥皮魚柳$38.00，估唔到焗飯裡面藏左一隻烚蛋，蛋一開半放係炒底飯上，再舖滿磨菇青椒及芝士焗，麥皮魚柳好脆又一啲都唔油膩，係推介之選。我同事就叫左一份火炙挪威三文魚蛋包飯$32.00，佢都話好正，好抵食。總括嚟講，係好滿意嘅一餐，呢間小店會係我日後嘅飯堂，CP值非常之高。
繼續閱讀