影片
營業時間
今日營業
11:30 - 21:30
星期一至日
11:30 - 21:30
以上資料只供參考, 請與餐廳確認詳情
抵食日本餐～原隻軟殼蟹天婦羅盛盒$70可以揀素飯/ 烏冬，我揀左烏冬，有湯同中華沙律，烏冬好味 😋炸物熱辣辣，下面有個網隔住啲油，淋咗豉油甜甜地，所以食落去更加好味份量適中，適合細食嘅人
繼續閱讀
可能我去錯時間, 其實3個店員都落力結賑, 清枱及落單,只是三人落力轉注去清結賑, 清枱及落單,送餐未能跟上.所有食的送到巳凍冰冰.我見周圍枱都是會點刺身壽司組合及天婦羅組合, 都上得快, 遲過我來的三枱食客都食完走左,我的還未上, 我以為廚房弄掉了我張單, 我都比點耐性不追, 聽到有枱客去追跟我一樣的ORDER, 佢先出餐,仲要係出比, 比我來遲果兩枱客, 第三才上比我, 我都算, 我等左好耐了, 費事再浪費時間去問, 一入口, 個香辣蒜蓉烤扇貝是凍冰冰的, 味道是可以的, 但係擺左幾耐, 才送上, 才可做到凍冰冰.之後, 慢吞吞才出餐的燒汁美國肉眼牛, 飯及湯.也是凍冰冰, 微暖也沒有.其實個燒汁是咸了點的, 但也過得去, 應不會TAKE 3.總括味道是過得去及可以的, 但凍冰冰一定不關冷氣事, 餐廳冷氣我唔覺過凍的.
繼續閱讀
食物質素一般，魚生刺身飯好細碗，不過下午茶餐就預咗！但個杯飲品好似清水咁，完全無味，但重點係隻杯好污糟，隻杯嘅耳仔黐湆湆，污糟邋遢一塊塊，見到都唔想拿起！已經唔係多客人，清潔衞生咁差，真係唔敢再幫襯！
繼續閱讀
今日咁啱途經悅和坊，見到呢間日式餐廳，佢喺門口已經show咗個餐牌出嚟。見到呢晚市套餐都唔係好貴。咁我因為窮，所以就食咗個最平嘅晚餐。豬軟骨拉麵+5嚿壽司成為$58。咁佢呢個套餐係包咗麵豉湯同埋小菜。但係要留意嘅就係佢係會收+1。咁首先講吓佢嘅將軍拉麵，雖然佢好細碗，但係佢豬軟骨嘅份量都唔算話太過細，味道尚算可以。而壽司，我揀咗三文魚最多嘅壽司組合。食落個三文魚嘅味道好似爭鮮，我估其實應該同一個集團供應😂😂😂總括而言，其實晚上嚟講都算係平民一啲嘅日式選擇，冇錢嘅時候可以試一試👍🏿👍🏿😂
繼續閱讀
大窩口悅來酒店抵食下午茶饗樂町饗樂町下午茶時段有好多不同日式料理選擇，由魚生飯到天婦羅都有得食，仲有唔少小食可以選擇，一次過滿足哂食日本菜的願望。 🥢豪華迷你天婦羅定食下午茶定食套餐除了主食外，仲包左熱飲，性價比極高。天婦羅數量超多，包括有兩隻炸蝦、兩條炸魷魚鬚、炸蟹柳、炸茄子、炸南瓜，全部天婦羅都炸得十分香脆，上枱時還是熱辣辣，滿足滿足😌。跟餐還有一碗白飯，就算男生都一定會食到飽。🥢散壽司拼盤下午茶餐還可以加配散壽司拼盤，分別有三文魚、吞拿魚和小元貝，魚生新鮮，抵食🍣饗樂町的下午茶相當高質，適合想平平地食日本菜的朋友仔，cp價極高。
繼續閱讀