香港仔魚蛋王

營業中

休息中

路過被招牌吸引好多粉麵由二十二元起！入去找個位坐低，太多選擇都研究咗一陣最後決定叫咗一碗崩沙腩河，一碟腐乳通菜第一次食呢隻崩沙爽腩，好正，真係好爽，腩肉又淋又有牛肉汁。仲要係瘦的啱哂我怕肥的人河粉唔似嗰啲淋patpat ，係好有河粉質感，好爽又滑，葱料好似有西芹香味，加埋足料清湯，飲起嚟好清香！唔好睇佢好似細細碗，好足料又多河。 好多款選擇每碗只係$20至$35咋！間舖細細間，好企理！服務態度幾好！咁正！邊度搵？！

有時候諗唔到食啲咩，通常都會食碗魚蛋河就算。今日放工嚟到佐敦，唔想食得太飽，就走左去間叫「香港仔魚蛋王」食魚蛋粉。叫得自己做魚蛋喎，魚蛋一定跨啦啦！我凳都未坐，個侍應就問我食啲咩，餐牌都未睇喎！望下個餐牌，見到雙拼加＄6，啱晒三心兩意嘅我！因為我又想食魚蛋，又想要牛腩！最後就叫咗個魚蛋牛腩河$38！等左5分鐘，魚蛋牛腩河到！湯底有濃濃嘅牛腩味道 ，仲有少少芽菜同蔥伴住在上！我飲左一啖熱辣辣既湯，唔會好重味精味，唔錯！不愧為魚蛋王，魚蛋應該是手打的，非常鮮味和彈牙！食完一粒又想食多粒！牛腩半肥瘦，唔會太韌痴牙，牛味十足！好好味架呢！整體衣碗魚蛋牛腩河性價比算高，係高質嘅魚蛋河店！

三更半夜揾野食，選擇左呢間麵店，本來想坐出面，可惜無位坐左入面；門面整潔。叫左牛腩河，幾正!牛腩夠淋，河粉唔會碎。凍檸茶茶味略淡，濃味D會更加好整體都唔錯選擇，會再來光顧

其實食呢d餐廳都冇乜野好投訴，但今次真係實在太過分 餐牌上明明寫著雙拼加$5蚊，埋單的時候卻變了加$10蚊，大佬你d撈麵$33蚊，已經係得一個麵的少分量，雙拼仲要加十蚊，實在不能令人相信，你自己D餐牌都寫明加$5蚊，仲要雙拼不嬲都係唔會多份量D，落單果時又冇講話雙拼要加成$10蚊！而且超重味精，食完之後十分十分十分十分十分口喝！食物如下:牛筋腩撈麵魚蛋河加油菜凍檸茶盛惠$90大元

剛參考09年的舊食評，食友們對此店的評價並不太差。但今非昔比，小弟跟太太在國慶日下午在途經此店，終於一嘗最難食的魚蛋粉。本人對食物的要求從來不高，亦由於國慶日那天一早忙到下午都未吃東西，理應在極肚餓的壯態下對任何食物的要求亦會降低。小弟及太太叫了招牌魚蛋粉及紫菜四寶河，價錢亦不平，分別是$25同$30，份量不多。但份量對小弟而言並不是重點，味道才最重要。魚蛋粉在港式飲食文化中亦佔一席位，因為比較簡單，亦很少會很難食。先不評河粉滑不滑，但魚蛋太淋，腥味太濃，很明顯是不夠新鮮，而湯底更是淡而無味，似用滾水做湯一樣。剛巧隔離有兩位年青人亦點了魚蛋河加腩汁，他們竟不約而同的批評他們所點的粉麵的味道。我倆真的很害怕吃不新鮮的魚蛋，我相信這是我最後一次光臨此店！

這店人來人往, 可以搭坐, 隨時因為新入來的客人的人數, 而將其他已坐好的客人換位, 所以要預左會有待應要求轉位, 來遷就其他新客.$23 紫菜三寶河粉 : 紫菜無沙, 三寶共有五粒不同的丸, 味道正常, 不過覺得 那河粉不似從前般軟滑, 可能是轉用了另一些河粉供應商, 現在的河粉 是較硬實.$6 油菜, 菜心不算太老, 份量適中, 不過要點了粉類, 才能用6元叫菜, 否則, 叫菜要用原價10元.

其實來來去去都係嗰啲魚蛋魚片牛丸貢丸墨魚丸...等等等等等等等啦我要魚蛋河魚蛋彈牙無腥味，不過下次走芽菜最怕食到芽菜無搣尾，唯有自己走啦河粉唔滑餅餅食牛肚撈麵牛肚幾好食，夠味又唔"un"炸雲吞雲吞皮好重梘水味不過因為炸得夠脆，都幾好食啦龍鳳檸樂第一次飲原來係咸柑桔加檸檬等我仲一直以為係青檸加檸檬添越飲越咸，越飲越唔解渴兩個人食咗100有找相關網誌 : http://hk.myblog.yahoo.com/jessicalim1112/article?mid=6856

090124 魚蛋粉$15剪完髮去就近醫肚，去食炒蛋同隔離食麵嘅又要等，求其搵間唔駛等又平平地嗰啲就試吓佢同‘香港仔魚旦粉’有乜分別，佢個招牌同香港仔魚旦粉差唔多粒魚旦好咸，博你要嗌支汽水咁，又冇鮮味，嗰啲湯都唔敢飲咁多呢間嘢一次就夠

剛剛喺附近上完堂, 經過呢間魚蛋粉好幾次,今次終於拉埋兩個同學仔一齊試下,g 叫左牛腩牛肚撈麵, n 叫左牛肚雲吞麵, 而我呢...本來想叫魚餃墨丸米嘎!不過入門口時見到佢地牛肚好吸引呢! 就算呢輪起番啲暗瘡都唔埋得咁多,叫番個牛什米嘆下先! 先講講 g 既撈麵, 牛肚份量夠, 但係牛腩就得三數件, 重黐住啲肥膏添;跟住嚟既就係n 既相併麵, 佢都有唔少牛肚喎! 但係睇見啲雲吞真係一啲都唔吸引;好喇! 我碗米粉終於到嘍! 嘩! 真係好多件牛肚喎! 重加左啲炸蒜粉同蔥添,好香, 正享受之際, 發現牛肚下重有牛膀同唔少肺...另外有兩件類似豬肚既物體同食食下.....心諗點解無牛腸既, 牛什之中我最鐘意既就係腸....再反下啲牛什....eeee.....有兩件大大肥膏...黐住指甲咁上下 size 既牛腸 有無搞錯呀! 咁都比得人客食既咩!但係當時見兩位同學仔都三爬兩撥就快食好, 所以我都無要求換了! 由於店鋪下細, 大家都坐得好親密 我地就困左喺一個好似一間房仔既地方竟然可以坐個人, 算吧! 呢啲地方都係食完要閃人! 出門口時幾時好多丸丸都浸左住, 唔知咁浸法,會唔會令本來

我經常會講一間店不是樣樣都好食，有一兩樣好食已經不錯。這店我最欣賞的是墨魚丸及豬肉丸。通常我會點一碗墨丸豬丸河，湯是味精魚湯，河粉普普通通，碗內有芽菜、烤蒜泥、蔥。墨丸：有墨魚味、墨魚粒在丸內，不會食落成口粉的感覺；豬丸：彈牙，有少許豬油膏粒在丸內，香口有肉汁。

尋日放左工勁肚餓, 於是拿拿臨去搵野食, 師傅見好耐都冇再黎呢度食野, 所以決定黎呢度食野!入到去唔算好多人, 求其搵個位坐低, 跟住就即刻叫左一碗牛什河同一碗淨雲吞! 先講下碗牛什河, 牛什河有牛肺, 牛膀, 牛腸同牛肚, 牛肺有兩件, 都炆得幾腍幾入味; 牛膀就一塊, 都幾腍同埋冇怪味, 可以啦; 牛腸得三件, 味就幾夠不過就韌左d, 牛肚得四件, 幾腍幾入味, 唔錯; 而河粉就幾滑, 湯底都幾濃牛什味, 唔錯; 而淨雲吞一碗有五粒, 皮薄但個餡唔算靚, 蝦算係好爽口但豬肉就幾多胡椒, 仲幾咸下添, 一般!總括黎講牛什同魚蛋質素都可以, 但雲吞就絕對唔理想, 差d啦; 而地方就細d, 坐得真係唔舒服, 十九蚊一碗, 份量又唔算細, 都食得過! 下次都會再黎, 不過唔會食雲吞囉!

前後黎過呢度幾次, 發覺呢間食店食物質素唔差, 早幾日口痕痕又黎呢度食番碗!坐底樣樣都想試, 最後決定要碗淨魚蛋! 淨魚蛋好快就到, 一碗有四粒再加幾塊魚片, 話晒都係招牌魚蛋, 所以魚蛋十分爽口彈牙, 有魚味但係有少少碎骨, 魚片又係爽口, 湯底清清地冇咩味精, 都幾好味!總括黎講食物質素唔差, 記憶中牛腩同牛肚都好好味, 而魚蛋絕對係招牌菜; 不過就係地方比較細, 坐得冇咁舒服, 廿蚊唔使就有一碗, 份量唔算細, 平平地, 絕對食得過! 下次一定會再黎!