香港地兩餸飯

營業中

休息中

基本上冇帶飯既日子都會買呢度既兩餸飯黎食，每次一定要食既係呢度既肉餅，鹹香得黎又好食。今次叫左牛油翠玉瓜，一打開個盒啲翠玉瓜多到，連飯都見唔到，味道唔錯，食到少少牛油味，加埋蒜蓉炒，好食！

煎肉餅是這間兩餸飯的signature餸，佢嘅煎肉餅味道和肉質都有水準，每天都有不同款式的煎肉餅，我食過嘅有章魚煎肉餅、金沙煎肉餅、鹹香煎肉餅、馬蹄煎肉餅、蓮藕煎肉餅等等，每款都好味😋。今天第一次食章魚肉餅，雖然章魚味道不算太明顯，但肉餅依然好好味。一向不喜歡食菜芯的我點了菜芯，因為現在正是吃菜芯的季節，菜芯質素好壞正考驗店舖是否挑選好食材，而今天我吃到的菜芯果然好有驚喜，清甜又淋又嫩，加上濃濃蒜香，食到停吾到口，唉呀。。。忘記了吃飯前影返張靚相🙈，食到中間都影返張做證😂😂。我好少吃兩餸飯的，因為一般這類食品肥膩多煎炸多油多味精，但這間例外，像吃家庭飯，吃著有家的感覺😋👍希望這店舖繼續努力保持水準。加上OpenRice 平台這星期有$3折扣，好抵喔！

雖然只是賣兩餸飯，但都好有禮貌的交收。不過星期五是否少咗選擇？定我太遲叫？D選擇比人哋叫晒？希望下回有返多少少選擇。食物一點也不馬虎，菜有菜味，肉有肉味，不會有雪床味。

行過香港地兩餸飯，見有紅豆和綠豆鹹肉糭，每隻$35元，買了一隻作為午餐，店員說糉子份量有400克，見到糉子紅豆滿滿的，原隻鹹蛋王，有兩件五花腩，五粒元貝，店員在解糭，我嗅到糭葉的香氣，全隻糉的糯米和紅豆，腩肉及蛋王香，令我食欲大增，餐後感覺滿足及愉快，這是值得回購的好食物。

香港人改做香港地之後, 襯冇落雨又唔太熱, 第一次幫襯, Openrice叫定, 用code可以減5蚊, 公司行過去都10分鐘.呢度最好係可以白飯免費轉炒米粉, 但今日主要試肉餅, 冇理由唔跟飯.  可以叫少飯/少少飯/走飯, 呢度少少就好了.金沙煎肉餅, 比以前厚身, 口感更好, 味道香脆好味.煎雞扒不錯不失, 食左肉餅之後就覺得雞扒唔夠味啦.薑汁芥蘭, 幾多薑粒蒜粒, 都幾嫩綠, 只是兩餸飯通病, 炒得靚一定多油.叫三餸送支龍眼水, 要買的話要加6蚊的.

我諗呢間唯一一個好處就係可以WhatsApp外賣，叫咗個涼瓜排骨，個涼瓜係生嘅 咬落去仲硬身 ，啲汁浸到啲飯脹晒 。價錢亦都比對面兩條街嘅雙餸飯貴。睇完米紙諗住試一試，點知覺得中咗伏。由於係Walk in行入去買，店員比較趕急 所以態度亦都唔太歡迎咁🤷🏻‍♀️ 一般唔會expect店員好Nice ，正正常常就OK，但係呢一間直程係唔想你行入去咁。可能淨係做WhatsApp落單會比較好。