香港航空貴賓室 - 遨堂

營業中

休息中

🙏 香港航空要撐住呀…每次去旅行都想十全十美💕 想由上機前就舒舒服服⁉️ 首選梗係入lounge嘆返下啦，入lounge唔一定坐business先得嘅，坐economy一樣得✌·有嘢益你🌟 只要持有某信用卡，一年內就可以入lounge 5次啦🤗 的確非常實用🧡 哩款信用卡既申請門檻唔高，幾年前既我搵得雞碎咁多都申請到😂 提提你，哩張無得同朋友share入去既次數㗎。所以如果想同朋友開心share，可以揀其他銀行既聯乘信用卡呀~·香港航空貴賓室「遨堂」，採用樓閣式的既設計，跟傳統既貴賓室截然不同，感覺更加開揚闊落🔎最令我期待嘅當然係飲食區😂🤤 食物及飲品款式選擇不少，沙律、三文治、點心、粉麵樣樣齊，講到最吸引嘅一定係唔少得既即叫即製粉麵，當中最喜歡嘅係香菇銀針粉🥣 絕對充滿港式風味🇭🇰·入到lounge最唔少得既一定係對住個跑道望住架飛機慢慢嘆下✈ 絕對嚐心樂事💕 另外更設有有睡眠區及淋浴間，每一個獨立空間均備有睡床及被枕供應，搭早機凌晨機可以稍作休息叉叉電。而我就試過搭夜機沖完涼先上機，落機到酒店就可以即刻瞓啦👍·𝒯𝒽𝒾𝓈 𝒿𝑜𝓊𝓇𝓃𝑒𝓎 𝒽𝒶𝓈 𝒶 𝑔𝑜𝑜𝒹 𝓈𝓉𝒶𝓇𝓉 🧡💜

趁聖誕節我哋又飛啦！今次係坐香港航空飛北海道，時間超靚。之前睇報導推介香港航空的新貴賓室，於是特登上網申請咗建設銀行的fly away信用卡，可以帶埋親友，一年最多入5次香港航空的貴賓室，試下新野！香港航空的全新貴賓室，遨堂， 就係gate208上面,係去香港航空閘口必經的地方，非常順路。 今次搭勁早8點機，時間唔多，但我地都特登入去試一試。朝早未到7點半已經見到唔少人係度用緊遨堂貴賓室。地方好大好濶落呀！朝早提供中西式早餐，亦有香港點心，同埋即叫即整茶餐廳常見的沙爹牛肉麵，仲有港式奶茶，非常地道！沙爹牛肉勁多，杯奶茶仲好香滑！呢度的新鮮yogurt都不錯，唔太甜，啱哂我口味。因為撞正聖誕節，服務員都主動派聖誕餅乾畀我小朋友，非常好服務冷熱飲品齊備，嘆完杯港式奶茶，臨走不忘拎返幾罐野飲上機飲可惜朝早冇雞蛋仔啦！我同小朋友都好想打包返一底拎上機慢慢嘆！ps 因為太飽緣故，去程冇食到飛機餐，返嚟嗰程呢，晚餐呢又唔錯啵！ 漢堡扒，蛋沙律同蕎麥麵都好好食！仲有日本啫喱！飛咁多次唔同航空公司，呢次的香港航空係我覺得幾好食嘅飛機餐希望香港航空繼續努力進步！

遨堂於上年開業，今次搭飛機前有幸可以入來一窺究竟，小憩一番。這裡的環境相當寧靜，播著鳥鳴的聲帶，令人有一種好relax 的感覺。座位有多種款式，例如有便於工作的高腳椅，有勁chill 的梳化位。望住航班升降，真的未出發先興奮。食物方面，種類選擇不可與自助餐比擬。但總會找到想食的東西。絕對可以滿足只想輕食，或肚子空空想大快朵頤的旅人。芝士通心粉芝士及茄味十足，但焗得好乾身，不推。芝士白汁西蘭花醬汁creamy.有好多炸物可供選擇，細路和大細路見到都會好開心。炸芝士外層金黃香脆，中間相當煙韌。咖哩角有點印度風味，內餡有薯蓉青豆粒等，咖哩味道香濃辛辣。麥樂雞的味道比麥記的味道有所不同，炸粉比較薄，雞肉較juicy.酸甜龍脷柳的外層是用麵包糠來炸，薄薄的一層包裹著龍脷柳。龍脷柳一點腥味都沒有，算是相當不俗。中式點心有蝦餃及燒賣。燒賣彈牙有肉香，不會有太多肥豬肉。蝦餃的餃皮稍厚，但蝦肉新鮮爽脆。飢腸轆轆的更可以order 粉麵。款式也不少。另有多款沙律，凍三文治等可供選擇。但為免上機前"冷親肚仔",所以還是主攻熱食了。雞蛋仔絕對是遨堂的"名物" 。雞蛋仔即叫即制，約莫要等二十分鐘才有得食，趕飛機

今次出Trip去泰國，兩點先起飛😬好彩閘口附近有個港航lounge👍呢個lounge比起一號客運大樓既紫荊堂地方還要大，而且更舒適，食物種類又夠多，雞蛋仔當然唔少得😎不過深夜都係食個辛辣麵夠啦😬舒舒服服等上飛機✈️

肥肥家族對「香港航空」情有獨鍾，舊年年尾去京阪神一週遊，亦專登選乘其早機去，晚機返。同行o既全為七旬長輩，為咗大家都可以舒舒服服，哥哥就訂購好較闊落o既商務機位，諗住候機時可以佗佻地享用貴賓室o既餐飲及設施，即使遇上延誤都唔洗太過狼狽或掃興。記得上次仲去緊藏於地下室間「紫荊堂」貴賓室，真係估唔到航空公司可於三年內增設第二間貴賓室，仲升埋上樓，淨睇門面已覺樓底更高，面積更寬廣。唯一有少少失望就係見唔到「紫荊堂」嗰個懷舊磅重機。如果唔係有哥哥介紹，XO仔根本唔會留意到兩間貴賓室o既中英文名都完全唔一樣，新貴賓室「遨堂」其實係已拉丁文「Autus」起名，意味著「香港航空」正「豐盛成長」，故室內設計亦以此為題，四周可見不少鮮花綠葉作擺設，有意思極！光鮮光猛o既貴賓室極富空間感，到處都有舒適o既梳化椅櫈及用餐散座，人多都唔覺嘈吵或逼人。電腦區有多個差電插頭、幾部電腦及傳真打印機。小朋友仲可以揀坐彩色高櫈添，設備確真齊備。室內o既餐飲均為自助式，望落乾淨企理，衛生非常。餐具全擺放於中間o既小涼亭內。飲品包冇酒精類o既咖啡、茶、汽水、果汁及凍熱水。十八歲以上o既旅客更可向酒保點選限定酒品，生啤都有三

與好姐妹生日去旅行，特地選擇乘坐Hong Kong Airline。因為乘客在生日正日出發，可帶同二位朋友享用貴賓室。加上登機閘在中場這邊，所以今天就在這貴賓室享用早餐。我倆在大約七時到達，客人不多，大量座位任君選擇，環境超正。食物種類不算多，但勝在排列整齊，份量充足。 首先來一杯即磨咖啡，然後是水果和乳酪。在甘香的咖啡襯托下，水果很甜。而小杯乳酪不夠酸。註：自己習慣食偏酸的希臘乳酪。再來就是沙律吧！大都是常見的款式，而這裡竟然提供水牛芝士，要食多DD。繼而來到熟食部。有即制的炒蛋，餐肉米，茄通，嗲牛麵，也有預先制作的蝦餃，腸粉，粥粉麵，三文治。蝦餃　餃皮煙韌，但餡料的蝦很細小。　最美味的還是烘多士，配牛油果占。豆漿　先試一杯豆漿，豆味濃郁。剛好發現粥檔有炸菜，蔥花，油炸鬼，陳醋，自行制作鹹豆漿。茶之香四款　　曾經嚐過這品牌的苿莉龍珠，覺得不錯，所以特別有印象。但也想嚐試其他特別的口味～白芽奇蘭茶，帶有蘭花香的烏龍茶。又快到登机時間了！離去前，可先去貴賓室的洗手間，有大品牌的香噴噴hand cream。

如果在閣下係坐商務艙或者生日正日搭飛機，就一定要預早時間參觀下呢一個香港航空的全新貴賓室。因為真係好舒服。呢到採光和裝修都以開發格局和木系的自然風，環境好又唔會好多人，所以服務質素都相應提高。這裡有多樣化的自助餐點和即叫即製的粉面檔和雞蛋仔。可能我由午餐時間坐到下午茶，自助餐的選擇亦由午餐變作下午茶。當中特別要推薦香港航空貴賓室的特飲，是玫瑰士多啤梨的雞尾酒，亦有不含酒精的選擇。另外點的喇沙都係一定要試的食物，當然香港航空一向以很香港見稱， 所以有美祿味的雞蛋仔和豆腐花和茶葉蛋的小食。 茶葉蛋比坊間買到的更好食