香港華商銀行公會

營業中

休息中

聽聞中環有間食店都好出名，但又好隱秘，呢間食肆是私人會所，只供會員及其屬下的銀行員工享用。 但好彩我識有個朋友可以幫我BOOK到D間食晚飯，之後我同老婆即刻去試下。【酥炸墨魚丸】前菜小食，酥炸墨魚丸，外皮炸粉唔會因太厚而影響口感，炸得相當好，裡面係用手打新鮮墨魚肉而成，食落真係又幾爽口同彈牙，充滿墨魚粒好足料。【生磨杏汁燉花膠白肺湯】值得推介!!呢個白肺湯真係落足料，味道清甜，杏仁味豐富，花膠百肺又非常潤喉。個花膠真好大舊同厚肉，正呀。【時果咕嚕大蝦球】這兒的咕嚕大蝦球真不錯仲好大隻，外脆內爽口，炸功不俗，咕嚕醬汁的味道也調配得很好，甜酸適中, 蝦仍然係新鮮爽口。【懷舊豉油王炒麵】唔好以為豉油王炒麵好簡單呀，炒得好都要好考廚師工力，炒麵份量好足，鑊氣十足，調味適中，內裡有爽口嘅洋蔥、味菜、九菜令碟麵食落非常野味。

呢間華商銀行 顧名思義 就要會員先入得 見到出面有27 間銀行既職員就可以申請做會員 好似話非職員可申請俾500 蚊年費 但唔肯定批唔批 . 今日好彩有朋友帶 呢間中菜食懷舊中菜 食物質素好好 今日一行8 人 食左好多餸 等我講幾味好正既分享下 牛尾煲 係有超多牛尾 整得勁軟林 又入味 d蕃茄汁好香濃 密度好高 仲有好多新鮮既紅腰豆做底 好味 蟹鉗 真係好多蟹肉 又夠彈牙 大大件 點埋甜酸醬真係冇得輸蜜糖欖角骨 用左近排骨位既豬肉位 類成 蜜糖味香甜 又帶有欖角香味 肉質煙靱彈牙 煮得好有鑊氣 正！ 仲有呢個鴿甫都好鬼正 鴿肉排得又靚 口感又嫩滑加d菇 蒜片一齊炒好惹味

早排做銀行的朋友介紹我去中環食中菜，她說味道不錯而且環境舒適，於是book枱去試一試吧。位置都非常方便，中環站D1 出口向住斜路往上行，不用五分鐘就到。上到去餐廳地方不算太大，但環境舒服裝修簡潔。因為我地唔算好肚餓所以就揀咗幾款小食，餸菜share 一齊食。金沙南瓜片南瓜片炸完再封上金沙外層，咸蛋黃外層酥脆香口，南瓜片清甜得宜，一脆一嫩好夾。生磨杏汁燉花膠白肺湯餐廳招牌湯水，杏汁味道順滑，白肺洗得非常乾淨，食落軟嫩入味，翡翠蔥燒蹄筋煲蔥段爆到香味四溢，蹄筋炆到非常軟嫩，入口充滿膠質，可以幫皮膚補返啲膠質😆😆芋茸燉鮮奶第一次見呢2樣材料夾埋一齊食，芋茸香滑可口，燉奶滑嘟嘟，好香奶味，估唔到又真係幾夾喎！

<要食懷舊中菜 華商銀行公會係好選擇>😍唔知點解每次想食懷舊中菜 d勁既老師傅 或一d叻既廚師 一定係 乜乜商會 乜野舊生會度 所以一定要有會藉或者識人😆 呢間華商銀行公會 一係 就要係20 幾間銀行既職員 一係就要俾500 蚊年費(但未必批) 今日得到朋友帶我先食到 多謝哂🙏😆 其實上網睇相 都知d野食正 今次終於可以試到😈🍴酸辣海鮮羹 68 蚊位🌶好醒開胃既餐前羹 酸辣度剛好 有好多蝦 帶子碎🦐新鮮蟹肉碎🦀 滑豆腐 爽口木耳 紅椒 等等 落足料 口感黏稠 仲有好多爽滑既菇碎 有口感🍄味香濃😃🍴百花釀蟹鉗 78 蚊一位 🦀一上枱就知正野 蟹鉗炸得外表金黃色 一咬落去好彈牙 食得出落左勁多蟹肉😍 所以好彈牙 蟹味香濃 甘熱氣既炸蟹鉗 點以酸甜醬 剛好中和味道又夠開胃 而且醬汁上面有d葱花 令到點醬食時蟹鉗味道更清新🌿🍴蜜餞㰖角骨 148 蚊🐷用左蜜餞同欖角整成既排骨 首先講排骨 係比較近筋肉位😍 所以比較彈牙 充滿筋肉既彈牙口感 而且佢既豬肉炸得好夠鑊氣 外面香脆 🐷 入面好juicy醬汁 同我平時食同一類菜唔同 佢係整到好濃 密度好高 所以佢既蜜糖同檻角味香濃🍯

今晚想和老婆吃得清淡一點，就到這家由玉桃軒主理的中菜餐廳，店內環境雅緻，座位舒適，服務還很貼心。 蟹肉冬茸羹($176/位) ：每一口都是蟹肉，加入上湯烹煮，味道清甜帶出冬瓜鮮甜味道，蟹肉十分足料，夏天必吃的美食之一。 古法炆龍躉斑翅腩($319)：份量十足，以紅燒汁炆斑翅，咸度拿捏得準，味道鮮美。 蜜餞欖角骨($148)：欖角蒸排骨就吃得多，小妹還是第一次吃這個煮法，排骨煎得外面香脆，內裡Juicy，肉質鮮嫩，蜜糖加欖角有奇妙作用。 這裡可以再來呀！

今日和老公行過山後，想吃頓較為健康的晚餐，小妹喜歡假日到中環吃飯，貪其不用和其他人爭位。這家中菜餐廳其實由玉桃軒主理，勝在坐得舒適，招呼週到，不過如要到此用餐，必需要是會員，但不難入會。 餐廳的裝修光鮮亮麗，由於今晚有客設宴，因此間了房，本身店內環境開揚。 蟹肉冬茸羹($176/位) ：以上湯烹煮，味道清甜亦能帶出冬瓜的味道，啖啖蟹肉，鮮味無窮，冬瓜蓉亦很足料，為夏日消暑之選。 古法炆龍躉斑翅腩($319)：以蔥及果皮，紅燒斑翅，新鮮味美，由於不是每日也有鮮魚現貨，需要預訂。 蜜餞欖角骨($148)：以欖角及蜜糖調味，蜜糖把欖角的味道調出，兩者有相得益彰的作用，排骨經走油，外面香脆，還保留內裡的內汁，肉質夠鮮嫩，很不錯的一道菜！ 啫啫蝦醬唐山菜($98)：上菜即炒熟，蝦醬味四處飄逸，菜新鮮清甜爽脆 芋蓉燉鮮奶($38/位)：甜度適中，芋蓉打得夠香夠滑。 下次等小妹再帶家人來吧～！

有朋友咁啱係呢度既會員, 就約埋我上去食下私人會所既廣東菜, 地點方便, 就喺蘭桂坊附近咋喺南華大廈地下電梯大堂完全唔覺得上面有野食, 但到左5樓一步出升降機, 就見到個好有氣派既門面先來一客小食, 金磚豆腐, 外皮炸到金黃香脆可口, 當你以為入面會油淋淋既時候, 但切開既係仍然保持香滑既豆腐, 十分驚喜再來多客小食, 香酥墨魚丸, 外皮炸粉唔會因太厚而影響口感, 炸得相當好, 裡面係爽口彈牙既墨魚丸, 充滿墨魚粒好足料架食完d 炸野, 食番個冇咁熱氣既中和下先, 就係呢道蝦籽柚皮, 柚皮係好常見既, 但要煮得好食就好考功夫一d 澀味都冇, 煮到好淋口感似足薯仔咁, 配埋d 醬同埋面頭既蝦籽粒, 為平淡口味中帶來點不平淡食左幾樣, 係時候飲d 湯羹濕濕喉嚨, 今日揀左呢款鷓鴣豆腐羹, 鷓鴣極高食療價值, 醫脾虛久咳既良藥黎配埋香滑既蛋絲同豆腐, 填補番鷓鴣口感不足呢個缺點先食食d 菜同魚先, 有呢款野菌炒龍躉斑球, 西芹清爽鮮味, 配上雞脾菇及冬菇一齊食, 味道有層次食埋個炒龍躉斑球, 鮮甜魚味不黏牙金沙明蝦球, 鮮蝦以咸蛋碎沾上蛋漿黎炸, 色香味俱全, 極香口, 蝦仍然係新鮮爽口最後

中環區都有好多美食，今晚托朋友的福，預約到只限華商銀行公會會員享用的餐廳，一嚐私人會所式的高級中菜。餐廳在中環地鐵站行幾分鐘就到，方便易搵。入到黎餐廳服務十分週到，熱情有禮，值得一讚。環境寧靜，有大廳檯同包房。今晚都坐到满，人客眾多。我地先叫咗兩款小食，首先係香酥墨魚丸，即制上檯，熱辣辣的，炸得色澤鮮黃，外皮好鬆脆，原來咬落仲驚喜，好彈牙，雪白的手打新鮮墨魚肉，鮮甜到食唔停口。小食 金磚豆腐，好鐘意佢個豆腐質地係勁幼滑，入口即溶，又熱乎乎的，外皮又炸得脆脆地的，有七味粉的陪襯，食落味道好夾。鷓鴣豆腐羹，材料好豐富，肉質鮮甜，豆腐切粒嫩滑，湯清甜美味，食落口感豐富。金沙明蝦球，蛋黃好香濃，味道突出，雖然食得多會有少少油膩感，但香味實在太吸引，加上彈牙大隻的蝦球，鮮味四溢。宮廷京烤⻣，雖然唔知真是宮廷菜咁利害，但很欣賞肉質煮得超入味淋身之餘，是完全唔鞋的，肉質都超滑身，份量大舊，醬汁都酸酸甜甜的，同菠蘿好夾。蝦籽柚皮，起初聽到柚皮都諗緊試唔試好，食落味道完全唔澀的，淋到好似薯仔肉一樣，燜得好入味，再加甘柚籽的調味，味道一流。野菌炒龍䠢斑球，西芹份量都比較多，清爽，加上斑球大塊，肉質嫩滑。食

多得銀行界好友帶路，始能踏足中環人秘竇，一嚐銀行家高級中菜！這裡其實唔難搵，位於皇后大道中與雲咸街交界的南華大廈，搭上5樓就是。好友係識途老饕，點了幾道招牌菜，百花炸釀蟹鉗、宮廷京烤骨、芹香炒鴿甫……真係食到耳仔郁！ 先講百花炸釀蟹鉗，BB仔拳頭咁大既蟹鉗炸到金黄色，蝦膠爽彈有咬口，蘸點酸汁更惹味。 宮廷京烤骨出面好少食得到，選用豬腩一字骨，厚重的肉身炆至啡黃，皮下脂肪豐膄，經理還幫我們細心拆骨起肉，可以大啖大啖咬落去，入口即溶，酸汁吊起腩肉鮮味，仲有菠蘿伴碟，無得輸！ 芹香炒鴿甫這道菜師傅真有心，跟一般既燒乳鴿唔同，炸得香脆鴿翼雙飛放碟邊、 鴿頭放碟前端、鴿身起肉切片炒香，再鋪滿綠翠西芹加香蒜片，一鴿兩食創意美味滿分。 上湯生菜鯪魚球豆腐煲，鯪魚球加上滑滑嫩嫩豆腐切件，磨菇、生菜、果皮，清潤正氣，老幼咸宜。 香茜皮蛋牛崧羹，依家少咗酒家做這道菜，這兒做得好正宗，豆腐滑、牛崧爽、皮蛋彈，芫茜是靈魂所在，香菜喎！成煲嘢香晒！ 五代同堂炒飯，用了芥蘭、鮮蝦肉、炒蛋、蝦米和蝦子，跟粒粒分明既炒飯，係絕配！ 甜品時間，經理奉上生磨杏汁焗雪山包，濃滑杏汁好盪口，食時小心，雪山包焗至皮脆可口，好

今日下午約定同男朋友去中環元創方逛逛!! 行了幾個鐘頭已經累到不得了, 我好想找個地方舒舒服服食一餐, 男朋友好貼心, 原來他一早已經預約了中環的香港華商銀行公會食晚飯！！環境真的很優靜, 寬敞, 兩個人坐得休閑自在！先上枱是香茜皮蛋牛崧羹~剛剛今日天氣凍凍地, 食個熱辣辣多多料的牛崧羹是最好不過, 有超滑豆腐, 牛肉崧, 皮蛋, 蛋白同香茜！輕盈健康！芹香炒鴿甫接着上枱~這個是廚師推介, 賣相巳經嬴晒, 炸得香脆鴿翼雙飛放碟邊, 鴿頭放碟前端, 滿滿入味滑嫩鴿甫放於碟中, 廚師好貼心地將綠翠西芹放底同香味滿溢的蒜片放面層！創新的點子, 把食物的鲜美進一步提昇, 留住客人的心！點了飲品啤酒同汽水~令食物味道更上一層樓！再叫了百花炸釀蟹鉗~金黄爽彈大大隻裝滿鮮味十足蝦膠呈現眼前, 加起酸汁一起食滋味無窮！另一款廚師推介是宮廷京烤骨~選肉一大舊厚切三條一字骨, 在此一提一字骨是靠近肚腩部分的肋骨, 肉多骨少, 帶有脂肪！烤肉味道層次豐富, 油脂於口腔四溢, 更有入口溶化的感覺, 加上酸酸甜甜醬汁一齊食, 配合得天衣無縫, 伴碟是鮮甜菠蘿來減低烤肉油膩感！再上枱都是廚師推介~上湯生菜鯪魚球豆

上次朋友帶我地去香港華商銀行公會食飯，今次再搞飯局，我地都異口同聲叫我地個朋友，再帶我地去多次 。今晚再黎，依舊爆場甘滯。菜色方面，隔咗幾個月，已經煥然一新。可能臨近新春，今次我哋食嘅菜式，都好好意頭，但依舊不變嘅係佢哋嘅水準，食完令人回味。干煸虎皮椒呢款干煸虎皮椒帶少少辛辣，每片虎皮椒都做到好乾身，令味道更突出。黃金杏片花枝球用杏仁片包住大大粒花枝球炸。杏仁外層好香脆，一點都唔油膩。裡面既花枝球彈牙十足。如意水晶大蝦球呢個大蝦球又大又脆口，係我推薦既美食之一。白木耳也是爽脆無比，初初食還食不出是什麼，慢慢品嚐才吃出滋味來！鮑魚雞粒燴飯喜歡鮑魚的朋友一定愛上這鮑魚雞粒燴飯。原隻鮑魚同雞肉切粒來燴飯，鮑汁濃，鮑魚爽，成個燴飯都好出色。紅豆沙湯圓呢度嘅甜品，都做得非常用心。紅豆沙湯圓用上大大粒紅豆、陳皮，加上芝麻湯圓，無論係鍾意食紅豆沙或湯圓的朋友，都可以得到雙重滿足。杏汁雪山包呢個即焗的杏汁雪山包，熱騰騰想點，外皮焗得好脆，甜甜的，好適合作為飯後甜品。裏面用杏汁做包心，杏汀反而唔太甜，好健康，又養顏，稱心滿意！服務好，菜式又成日推陳出新，希望下次再嚟食過！

今晚掹車邊，跟班老細們去食飯。佢地係有面有錢既人，連食飯都中意去會員制既餐廳，今晚就係甘掹車邊我可以去到香港華商銀行公會食晚飯，感受下尊貴嘅會員服務，同埋非常傳統手藝嘅中菜。香港華商銀行公會地點非常方便，雲咸街1號，係正港港鐵對面。上到去，就見到呢個銀漆招牌。裝飾屬於傳統既中菜館風格。未入到去，經理已經熱情地叫老細既名，帶我地入去坐了。今晚係咪都係開壺靚香片？您今晚既菜式寫好你睇下啱唔啱食？你話如果每間餐廳都可以有咁好嘅服務態度，你話幾好呢！老細睇過菜單，滿意地點頭，我哋就開始今晚嘅晚飯。呢度嘅餐廳，所做嘅菜式，總括來講非常之傳統，係味道非常之正宗嘅粵菜。鑊氣夠，材料靚，意頭好。前菜既乾煸虎皮椒我好中意。微辣又脆口既虎皮椒，非常開胃。發財海皇豆腐羹呢個豆腐羹都用了十足，除了發財之外裏面仲有魚柳、蝦仁和帶子，湯底係魚湯，味鮮而清爽。如意水晶大蝦球大過匙羹嘅蝦球，除咗有蝦味之外，仲非常爽口。伴菜有菜心同埋白木耳。 呢個白木耳乾浸開後再炒，吸收味汁後，除左爽之外，好入味。蜜餞欖角焗肉排，都係我覺得好有特色既菜式。蜜餞汁甜，令肉排既外層有脆卜卜既口感，食佢蜜餞既感覺同叉燒又唔多同，比較杰身，而

爸爸提早定枱吃過年飯，今晚去了爸爸最愛的香港華商銀行公會。行會員制的香港華商銀行公會，對客人服務非常周到貼心，爸爸特別中意係度聚餐，爸成日話黎呢百食不厭。經理知道我地黎食過年飯，都特登設計左幾款好意頭既菜式。過年菜單 1288元四位，我選擇了幾道特別喜歡的菜式分享。開飯前，先黎一壺靚普茸茶，係指定動作。今晚既小碟係經典既蝦子柚皮。柚皮煮得淋而入味，灑上蝦子，添加滋味。此傳統美食，令人百吃不厭。發財海皇豆腐羹新年願望當然希望發達！今晚既湯羹係發財海皇豆腐羹，非常好意頭！豆腐、髮菜、魚肉、帶子和蝦仁，足料，海鮮味濃！黃金杏片花枝球發財少不了黃金滿屋。 黃金杏片花枝球，用杏仁包著花枝球炸得脆脆的，大大粒花枝，啖啖肉，要用刀叉來吃！多氣派！蜜餞欖角焗肉排甜甜的蜜餞包裏著肉排。每一口都是甜蜜蜜的滋味。很好吃，大力推薦！鮑魚雞粒燴飯今晚以鮑魚雞粒燴飯作主食。以鮑汁燴飯，每粒飯都有鮑魚鮮味，再加上每口飯都吃到粒粒鮑魚，是我吃過數一數二的豪華燴飯之一！紅豆沙湯圓飯後甜點是象徵團團圓圓的湯圓。大大粒紅豆湯，加上芝麻湯圓，意頭大好，也是完美的句号。今晚的開年飯，全家都吃得很稱心，除了菜式意頭好外，細心的招

今次嚟呢間食肆是私人會所，只供會員及其屬下的銀行員工享用。 難得朋友邀請在此共聚晚餐當然要去見識一下。 環境佈置優雅， 枱與枱距離寬闊;故大大提升私隱度，而座位亦很舒適。 服務員殷勤地招呼我們坐下，隨之又推介師傅巧手的蛇羹和羊腩煲。因朋友不愛吃羊嫌它太騷， 而今天剛好天氣寒冷，故此我們揀選食蛇既可暖胃又可補身。 花膠絲燴五蛇用料豐富， 味道濃郁; 而且濃度適中，不會太多槳粉芡。配合薄脆，檸檬葉和菊花一齊吃即時令味蕾提升。 焗釀生拆鲜蟹蓋 蟹肉拆絲和洋蔥絲用芝士一起烤焗， 香味濃郁。 生炸五蛇丸伴金磚豆腐 食蛇羹自然就有蛇丸這菜式。一粒粒像乒乓球 大的蛇丸咬落彈口，而豆腐亦炸得像金磚似的;外脆內滑， 根本不需點任何醬汁亦食得知味。 爉味崧扒波菜 臘味是冬天不可缺少的美食，由細到大都依然喜愛食。 臘腸肥瘦均勻，潤腸甘香; 而肉質淋軟淋，伴以波菜味道一流。 家鄉爉味糯米飯 糯米飯炒得很有口感，不會太淋身。 紅子羗皮蛋酥 這個飯後甜品是職員推介的，咬落鬆軟，帶有微酸的子羗襯托著不覺滯口。

今日只得8度，入冬以來最寒冷的一天。有什麼食物可暖胃又補身呢！腦海裏浮現了「蛇羹」。在記憶中上一次食蛇羹己是十多年前的時候了。好懷念啊！華商銀行會所是一處不錯的中菜廳，有著傳統中菜做法的精髓。打頭炮當然是花膠絲燴五蛇羹，配合今天的氣溫。湯頭著重色澤清澈，要有層次，味道要濃郁。先嚐一口湯，濃濃有鮮味。嘗過味了再加添配料如薄脆, 菊花及檸檬葉，薄脆能增添口感，檸檬葉清香，能夠去除腥味又提鮮, 白菊花則可中和蛇羹的溫熱。喝完整碗，身體頓覺溫暖得多了。有蛇羹當然有相連的餸菜, 生炸五蛇丸伴金磚豆腐。蛇丸炸得金黃，入口弾牙，不用蘸任何醬汁己足夠。豆腐外脆內軟，入口滑溜。焗釀生拆鮮蟹蓋人氣之選, 不可不試。每啖充滿著洋蔥和蟹肉絲，味道濃厚有鮮味，一絲絲一啖啖，過足口感。秋冬食臘味是最好味, 所謂不時不食丫嘛。臘味崧扒菠菜，翠綠的菠菜伴以臘腸粒，潤腸粒，一淡一濃互相配合，不錯。北風吹出臘味香，家鄉臘味糯米飯又怎能錯過呢！ 有香味，熱騰騰，夠爽口就是這個糯米飯的魅力所在。