影片
以上資料只供參考, 請與餐廳確認詳情
$15。3P腸。三款口味飛魚卵香腸：能吃到很多蟹子，吃起來脆脆的墨魚香腸：加了黑椒，味道不錯櫻花蝦香腸：較特別，能吃到一些蝦乾，但櫻花味不俗明顯，這款香腸內是有芥辣的$10。黑鮪魚香腸：熱辣辣多肉汁試勻所有味道，其實都幾油膩，香腸內有不少肥肉，整體口感頗煙韌
繼續閱讀
咁岩經過,未諗到食乜..又餓餓地見到個名咁搞野就買左黎食頂住個肚先~3P腸即係有3種味既~單味12蚊,3P要15蚊..其實都唔平...先後次序應該係咁:飛魚卵香腸-只是入面很多熟了的蟹子,咬下去時會卟卟幾下,口感不錯..墨魚香腸-是最好吃的一款,因為食得出加了黑椒,味道未較出櫻花蝦香腸-最特別..咬落去既時候就食到一堆切碎左既蝦乾咁...而且粉紅色的櫻花味亦不俗,不過是比較乾身的一款但以上3款腸比我平時台灣店或台灣吃的台式香腸都比較幼長..還是喜歡平時吃的像塞滿了腸肉的香腸,還是烘太久萎縮了??
繼續閱讀
星期五, 交了份 xxth DRAFT俾老細. 下午基本上冇乜task, 便用盡一小時lunch time, 黎老銅搵食. 原本Target是某新開的台灣麵店. 不過大排長龍, 暫時, 都係敬而遠之好. 回頭, 打算去食一間傳統茶記之前, 始終都忍不住呢一個台灣風味. 縱使要成$12一條, 都係拮返一條腸食先.黑色的香腸, 若是外國的, 我就一定敬而遠之. 因為Black Pudding 同 Marmite 一樣, you either love it or hate it. 不過台灣的黑色香腸, 我就絕對不會敬而遠之, 全因為成份不同, 而味道, 當然也不同啦. 黑色的就是墨魚香腸, 另外的一條, 就是飛魚卵香腸.墨魚香腸, 因為用上了墨魚汁而令到成條腸呈現黑色. 香腸, 當然不是純墨魚肉製成, 咬破腸皮, 香腸滴出鮮美的肉汁(油). 肉, 應該是比較訂級的肥豬肉. 再加上墨魚肉同墨魚汁製成. 味道非常豐富.飛魚卵香腸, 用了魚子, 令到味道更加鮮美. 咬開腸皮, 鮮肉味加入了魚子的香. 味道比墨魚香腸更鮮. 肉腸, 肥肉較多, 肉質帶腍, 彈牙, Juicy.這是第二次食呢一隻腸了, 第一次, 是去年在台灣淡水, 就咁係街邊拮黎食. 而家可以係香港食到台灣的烤腸, 真的有點開心. 不過, 看兒佢打開一Pack香腸拿來烤, 相信我亦可以去一些台灣食品專門店買到呢d香腸自己燒. 收$12一條, 當中既Fixed Cost 一定大過 Vairable Cost. 中午行過, 夜晚行過, 都只是小貓幾隻黎買腸仔.......唔知您會捱到幾耐呢. 係銅鑼灣開業, 要確定你能頂得住鋪租, 才好計劃做生意啊.
繼續閱讀
吃過Crumbs的鬆餅和乳酪，路經「香腸世家」，見胃納仍有空間，就叫兩串來試下。呢度d香腸有四種口味，分別係：1）黑鮪魚香腸（黑鮪魚即係吞拿魚）；2）墨魚香腸；3）櫻花蝦香腸；4）飛魚卵香腸。另外，仲有一種由三種香腸併合而成的合成香腸，改左個名做「3p香腸」。 嘩！呢個名真係令人有d想入非非添！其實除左3p香腸之外，其它4種香腸都係各有特點的，3p則係集左其中三款香腸的大成，因為第四款香腸的味道同另一種有d相似，所以就只係得3p，無4p喎。其實4p咪仲吸引人，仲正！今次幫襯，只係試左佢其中兩款香腸，就係「墨魚香腸」同「櫻花蝦香腸」，其實價錢一d都唔平，要成$12一串，如果係食3p香腸，仲要$15一串添。兩款香腸比較，「墨魚香腸」味道帶甜，比較好吃。而「櫻花蝦香腸」就因為加了芥茉的關係，所以帶有辣味。在質感上，就兩款香腸都與其他台灣香腸一樣，比較煙韌和多肥肉。呢度的香腸，如果想買返屋企整來吃是可以的，因為有急凍外賣裝，每包五條，收$50，平均每條$10。但如果無興趣買返屋企，但又來到銅鑼灣，忽然間想食台灣特色香腸的話，呢度都不妨一試的。
繼續閱讀
人總是貪心的，今天路過此專賣香腸的小店，見有四款的香腸，但想也不可能在吃晚飯前吃四條腸啊！店員可能看透我這個心理，所以他介紹我吃一條混腸，是由三段切開了的香腸所組成，一條單味腸賣十二元，這條腸要上十五元，真的是混腸有價。這三款腸分別是飛魚卵香腸、墨魚香腸及黑鮪魚香腸，三款腸看起來也是佈滿油光的，未吃已覺罪惡感很重，飛魚卵香腸外層的腸衣軟腍腍，一點也不脆，而且內部也佈滿肥肉，真的跟未脫光水的腊腸沒兩樣，飛魚卵只有瑰星的數粒，吃起來沒有預期中的脆脆口感，所以也莫寄望有鹹香。墨魚香腸的腸衣跟飛魚卵香腸的沒兩樣，也是軟腍腍，外表黑色相信也只不過是染色物罷了，畢竟墨魚汁飯也沒有特別的味道，而在內的墨魚肉粒太細太小，也是不太覺得有其存在，但此腸已經算是三條之中最好吃的了，因為加入了黑椒，吃起來有點辣，更惹味。最後的黑鮪魚香腸用上的腸衣比之前兩者的脆，較像司華力腸，但腸肉吃起來又是平平無奇，就是一味得個又鹹又甜的味道，但上述三者怎說也是燒得熱辣辣，所以也一定不會難吃。這些罪惡滿營又不是特別好吃的東西，真的一次就好了。
繼續閱讀