香蕉仔

營業中

休息中

元朗搵下好野食，成日經過呢間店舖見到有人排隊，決定要試試佢🥳🥳🥳🥳🎄🎄🎄叫左招牌香蕉煎餅🥞，不負期望,香蕉味濃, 好夾朱古力味，絕配，gd choice餅底熱辣辣煎得香脆脆,配埋d醬面口感幾match 。店面好有香港設計特色，讚👍

📍元朗人氣小店重開 — 香蕉仔 🍌-行去YOHO路上經過見到香蕉仔，仲要冇人排，咁一定要買啦🫔【阿華田香蕉煎餅】 $38 (9.8/10)之前食過榛子醬嘅香蕉煎餅，今次試阿華田同香蕉味意外地好夾，仲好食過榛子味，仲要入口勁脆，員工態度又好，值得再試-📍【香蕉仔】 元朗鳳攸北街5-7號順豐大廈地下18號舖🕑Tue to Sun 15:00~22:00

難得入嚟元朗， 梗係要發掘好嘢食！ 相信大家都唔陌生， 喺元朗站附近有間出名嘅香蕉pancake店舖。 我同老公食完晏， 就諗住碰下運氣， 希望唔使排咁耐隊去食呢間舉世聞名的香蕉pancake。 去到店內好彩唔係很多人， order後職員好貼心咁畀咗個時間牌我哋， 只需要喺嗰個時間返返去拎pancake。 我哋只係等咗20分鐘， 香脆可口嘅pancake就到手了。 pancake樣貌好靚， 鋪滿住好多朱古力， 趁熱食好脆口， 好快就食曬。店內嘅職員親切禮貌， 令到我哋下次再想幫襯！ 大家嚟到元朗一定要食呢間美味嘅pancake

難得入黎元朗梗係搵下好野食，之前已經聽過呢間店個名亦好多人話好食，想食就早d 黎排隊。今次我係佢未開門已經黎左，見到落左半閘不過有人踎底同佢地講野，原來可以拎定籌，落埋單再跟返籌上個時間黎就得。呢個安排幾好，唔使企係到等晒左時間。今次叫左開心果同招牌香蕉煎餅雙併，開心果醬味道幾濃郁，夾埋開心果碎一齊食，成個口腔充斥著開心果味，岩晒我。另一款招牌，叫得做呢個名果然不負期望，香蕉味好香，無比朱古力味搶走既同時又夾到，果然蕉同朱古力係絕配。餅底熱辣辣煎得夠香趣脆，配埋d 醬面林底脆口感幾特別。杯奶茶唔算甜夠滑，茶味亦夠，食完煎餅再飲返杯岩岩好。

這間香蕉仔泰國煎餅之前在舊舖的時候已經嘗試過，當時已經十分喜歡他的味道和口感。終於等到他們在元朗重開，找了一天放假可以一嚐想念的味道。這次叫了一份榛子醬香蕉煎餅，這次是在週六傍晚時間購買的，等了大約15分鐘便可以買得到。榛子醬香蕉煎餅和回憶一樣味道，依舊很好吃，泰式煎餅必須要趁熱辣辣的時候吃，榛子醬很香濃，煎餅很有口感，內裏鋪滿滿滿香甜的香蕉肉。基本上好吃程度是拿到後不夠一兩分鐘便把它完全吃光光。下次要來試其他口味。

本身依間喺木頭車既時候已經好鐘意食，點知執左笠，好高興佢地喺雞地開番新店喺雞地嗰頭，都近yoho,最好去左買同拎飛先，佢地會大概話你知幾點再番嚟，勁好，唔洗夏日炎等好耐，仲有好值得一讚既係，老闆同老闆娘同之前一樣爆好禮貌！非常值得一讚依排好興開心果味，由於好耐無食過既關係，決定叫埋招牌嚟食話說喺香蕉仔執笠期間，去左曼谷食香蕉煎餅，但係油膩好多，成個餅都係油，好失望今次開返，我哋都係叫返招牌嚟試吓，個皮同之前一樣，好似酥皮咁，香蕉熱辣辣，勁好食，唔會過甜！非常推薦！開心果味，好濃郁，面頭都有咬口嘅開心果，相對上，呢隻味道比較濟小小，不過開心果愛好者應該會好鍾意。總括而言，招牌一定要叫，另一隻味要咩就睇個人喜好啦😂記住要快啲食先好食

香蕉仔重開啦，好耐之前食過一次真係非常之難忘好好食，可能係香港最好食嘅香蕉煎餅，最近佢又喺元朗開返，專登去試一試，今次就試咗一個鹹一個甜！講真兩個都好食，只係甜嘅更加出色！招牌香蕉煎餅 $35 (10/10)香脆嘅煎餅，香脆得來係有酥片嘅感覺，食到一層層，入面包住香甜嘅香蕉，加埋招牌朱古力醬煉奶，真心勁好食🥹芝士肉鬆蛋餅 $35一樣都係煎得好香脆，就算係鹹嘅煎餅一樣都唔馬虎，入邊係超級多芝士可以拉絲，表面鋪咗一層鹹香嘅肉鬆，有少少似台式蛋餅，心心心心如果覺得甜太你嘅話食芝士蛋餅都好唔錯！推薦指數: 10/10真心值得支持小店，好好食，留意番小店而家營業嘅時間可能去到九點，留意住佢哋社交平台！

香蕉仔pancake返咗黎喇。香蕉仔開咗係元朗鳳攸北街近體育館附近，如果係yoho行過去都幾方便。煎餅味道有9款可以揀， 七款甜兩款鹹。之前食過阿華田味，覺得阿華田好好味，今次就試咗開心果味$48，香蕉煎餅外皮好薄，如果即食個皮仲酥脆，香蕉味同個皮牛油味一樣咁濃，餅面搽上滿滿嘅開心果醬，加上煉奶，開心果碎，食落唔會好甜，仲我就覺得開心果味唔算好突出，如果相對其他味， 就失色咗少少 。我會鍾意食阿華田味多d。

香蕉仔終於搵到新地方重開啦！選址都係元朗~ 前排去開元朗探朋友，點可以唔食埋香蕉仔呢😚 香蕉仔3點開門，當日2點9去到已經有幾個人排緊隊🙈 3點準時開始落單，落完單會派一個時間籌，按住籌號上面個時間返嚟就可以，我哋個時間係3:20，所以中間就去咗買另一樣元朗名物🤭 •📸 招牌香蕉煎餅 $35📸 開心果香蕉煎餅 $48📸 阿華田香蕉煎餅 $38香蕉煎餅嘅水準依然保持到，外層煎到好酥脆，入面夾住唔少香蕉肉，香蕉味好濃郁🍌！香蕉煎餅總共有9個口味 (7個甜、2個鹹)，舊鋪嘅時候鹹甜都食過，但都係覺得甜嘅出色啲，所以今次叫咗3款都係甜嘅口味~其實煎餅個底係一樣，只係唔同口味面頭嘅醬會唔同，最重要嘅係啲醬落得一啲都唔孤寒，鋪滿成塊煎餅🤩開心果味係搽咗好厚嘅開心果醬，仲灑咗唔少開心果碎，但香蕉味都係比開心果味出啲，所以食邊邊位（無咁多香蕉）先會食得出開心果味🤣 阿華田味就比較甜啲，因為有阿華田醬、阿華田粉同煉奶～ 阿華田味算突出～

之前行過幾次都想買黎食， 但老闆話做唔切， 已截單。 所以今日一收工就過嚟落定單， 老闆好好人問定我幾點取， 我就話食完飯先過嚟拎大概8點。 我叫榛子香蕉煎餅， 食落口好足料， 淡淡都有香蕉同榛子， 同埋餅嗰邊好脆， 但係個餅都偏油， 希望佢哋遲啲會做到冇咁油，又做到好脆嘅效果啦。 總括嚟講， 味道可以😬

知道香蕉仔開返係元朗好開心，今晚黎開元朗食飯，飯後就去幫襯佢哋，都仲係佢哋兩夫婦一手一腳做，19:35去到，女店主好禮貌問等大概四十分鐘o唔ok，我當然話ok 啦，美食係值得等待的🥰🥰就俾左個number 牌我，上面都有寫返黎個時間，真係有心思。咁就行左去個有冷氣的商場等下，差唔多八點就行返過去，到20:12 就叫我哋個number，女店主會問依家食定拎走，男店主仲同客人講辛苦晒，今時今日咁嘅服務態度好難得🥰🥰要即食先係最好食，我揀左榛子醬味$38，拎上手熱辣辣，入口好脆，而煎餅中間充滿香蕉，好香，好食😋兩個人食一份做甜品剛剛好呀。

想食左好耐，今日難得有朋友幫手攞籌，所以專登由九龍揸九個字車入黎攞籌嗰刻已經要決定食咩，最後我揀左開心果同埋香港少見嘅柯華田口味攞左籌後準時就可以攞個煎餅，個底煎得勁脆，啲配料同香蕉好夾兩個都唔會太搶香蕉個味另外仲叫左泰奶同埋泰奶抹茶版，原味比一般嘅泰奶冇咁甜，而抹茶就抹茶味唔算太濃，但都值得一試嘅現場見倒唔少人因為老闆話個餅皮整得唔靚所以決定唔賣，所以真係要睇佢IG同埋早少少黎排呀，如果唔係一場黎到就冇得食了

回頭度🍪9/10｜人均消費💰~$20-30-🤍阿華田香蕉煎餅 $38當日15:15去到 等咗15-20分鐘就有得食新鮮熱辣辣已經冇得輸🤤煎餅非常香脆 啖啖都有香蕉🍌仲舖滿Nutella🥜阿華田粉🍫仲有煉奶邪惡又好食 同舊舖一樣高質😍味道🌕🌕🌕🌕🌗抵食🌕🌕🌕🌕🌑

當年在木頭車內最受歡迎的一定是椒鹽豬扒炒蛋飯及香蕉仔！！一知道香蕉仔會重開的消息已經十分興奮😂 正常開業後幾天的一個晚上放工時間去下單已經至少要等一小時 果然好厲害考慮了一會兒後決定試新味 #開心果香蕉煎餅 到手後熱辣辣 靚仔老細會再三提醒最好立即食😌煎餅底保持到以前果種口感 外脆內軟 不過平心而論始於覺得配榛子醬最夾 開心果醬口味正常符合預期的味道 但未算驚艷 聽說這個舖位不能開太夜 大家要食就早點去落單了 或者留意佢ig update

#pb食在元朗 #pb甜品系列 香蕉仔再次回歸🥳New Restaurant Alert🚨✨一直都好中意食元朗香蕉仔 知道佢最近又再次回歸元朗 即刻去支持下😍 佢今次位於元朗鳳攸北街 體育館附近 前倆口小吃嘅舖位👍🏻 同之前一樣 落完Order後會收到一個壽號通知你幾點番黎拎（通常都要等45分鐘-1小時）🥹 我個次就決定拎晏d嘅籌 食完dinner再返去當甜品食😋 另外仲要注意佢嘅營業時間係3pm-售完即止 賣哂就收工架啦🤪.佢嘅香蕉煎餅一共有9款味道 當中7款係甜味、2款鹹味😋 價錢$35 / $38 /$48 幾抵食👍🏻 飲品方面 佢有泰式奶茶、泰式綠奶茶 價錢$25🤪🔹開心果香蕉煎餅🍌開心果係最貴個款（$48)🤪 香蕉煎餅好薄、好香脆 中間夾住香蕉片 香蕉味濃😋 雖然佢有開心果醬、原粒開心果舖面 但就唔太食到開心果味 有少少失望🥹 建議食番招牌 / Nutella味 平d又好食好多🥲.整體✨ 恭喜香蕉仔再次係元朗回歸 一直都好中意佢嘅香蕉煎餅🥳 想食嘅朋友仔買完會有一個壽號通知你幾點番黎拎 又或者可以拎定後面嘅籌號 之後再番黎🤪 今次試左開心果味 相對比較失望 建議食番招牌 /