香辣車仔麵

營業中

休息中

講到車仔麵相信香港人一定唔陌生，對於車仔麵都有一種追求！就係一定要湯底好食同埋啲餸好食！話說朋友介紹咗我去呢一度！呢一間喺銅鑼灣嘅香辣車仔麵，一早都已經聽人介紹過，但係食真係第一次，所以今次都非常期待！叫咗一份小食，有咖喱豬皮，八爪魚，五香牛肚❤️❤️意想不到嘅好食，首先最出色嘅一定係呢度嘅秘製辣汁！呢個秘製辣汁配合埋呢個咖喱豬皮真係冇得輸！咖喱豬皮本身好香嘅咖喱味道，而且加埋呢個辣汁，夠晒辣！車仔麵嘅餸我叫咗滷水雞翼係覺得好正嘅，呢個滷水汁好入味，而且雞翼煮得啱啱好！我入去好林👍🏻👍🏻

今日嚟到呢間位於銅鑼灣嘅一間出名車仔麵小店，地點非常之方便，一出來地鐵站行一陣就已經到，過到嚟唔使等位，就已經有得入，員工招呼當然亦都係好有香港嘅人情味度，講嘢好貼地。當然車仔麵亦都係香港最貼地嘅嘢食之一啦。乜都唔使講，第一時間叫咗啲最熱門嘅嘢食先。超級鍾意食呢度嘅八爪魚，肉質口感非常好。豬皮都係呢度好出名嘅嘢食，果然聞名不如見面通菜瀨粉就唔少得咖喱魚蛋腸仔紅腸佢呢度嘅咖喱汁係非常之好食，所以點樣咖喱汁嘅魚蛋腸仔紅腸都變咗增添咗好多唔同嘅色彩。

今日嚟到呢間非常之出名嘅車仔麵舖，真係一間非常之地道嘅車仔麵店。遠睇都非常之亮眼，就喺條食街入面，第一間就係啦之前已經聽好多朋友介紹呢一間，今次有心機特登過嚟搵，發現原來都唔係咁難搵。入到黎環境雖然唔係好大，但係其實都坐得好舒服，係正宗香港特色嘅店舖，好有人情味嘅感覺，牆壁上面亦都有好多唔同嘅專訪，亦都可以俾你了解到呢度有啲咩特色。我自己首先就叫咗無骨鳳爪，呢個係我最鍾意嘅小食，辣辣酸酸咁樣好開胃。腩肉豬大腸滷水雞翼蘿蔔生菜亦都係必備嘅，要睇吓間車仔麵做得好唔好食我自己最鍾意就係睇豬大腸，因為豬大腸如果要做得好食其實唔係咁容易，口感同埋味道都非常之重要，呢一間真係做到非常之入味。

無論係乜嘢天氣，車仔麵都係四季都啱食嘅嘢，成日我都會食車仔麵，因為真係好好食，同埋有好多唔同嘅餸，唔怕食到厭。食車仔麵真係每日都可以有唔同嘅配搭，一個星期七日七日食車仔麵我都冇問題。坐低就睇餐牌，餐牌其實都好多嘢食，可以慢慢揀。同埋員工嘅反應都好快我哋一舉手佢哋就發現我哋啦。到咗食物方面。咖喱汁秘製辣汁非常之出色嘅咖喱汁，佢係咪佢自己秘製辣汁，又辣又香口。滷水雞翼滷水豬大腸咖喱魚蛋腩肉油麵呢幾個車仔麵最夾嘅朋友，嗌晒就一定冇錯啦。

呢間野好出名，之前已經試過㗎啦，所以今次又過嚟再試下，非常之啱同朋友過嚟一齊食嘢，同埋價錢一啲都唔貴，嘢食當然有質素啦上晒新聞。呢度真係一個地道嘅車仔麵，完全做到香港車仔麵嘅特色。秘製辣汁，呢個真係出晒名，之前好多雜誌都訪問過佢哋，呢個汁真係撈埋嘢都咁好食。而我自己就超級鍾意食滷水雞翼尖，因為貪佢慢慢食慢慢食個味道好似入晒個口腔入邊。再加埋超淋牛筋，一咬落去口感非常之好。呢間野真係得閒都要過嚟食下，因為真係非常之好食嘅車仔麵。

雖然平時做嘢好忙，但係都會特登抽一個break比自己！好好咁放鬆一下，食返一餐好正嘅lunch先得！講到食lunch，銅鑼灣真係好多選擇同埋好多嘢食！喺林林總總咁多餐廳之中，我揀咗呢一間香辣車仔麵！好耐都冇食過車仔麵啦，自從細細個成日食之後，大個咗之後都好少何會出街食車仔麵！估唔到呢間車仔麵咁高質！首先，呢個咖喱腸仔紅腸嘅小食真係好正，好鍾意呢度嘅咖喱汁，夠晒辣，而且咖喱味道十足！唔係一般椰香嘅辣，真係有港式嘅風味！再加埋呢個秘製辣汁嘅魚蛋，滷水雞翼嘅車仔麵！真係超級滿足！雖然食到我大汗疊細汗咁樣，不過絕對係非常過癮！出面都好少食得到呢個咁濃郁嘅秘製辣汁嘅味道，出面好多車仔麵都淨係用辣椒油！絕對唔會咁足料！！

早幾日同事去咗呢一間係銅鑼灣登龍街嘅香辣車仔麵食lunch，食完之後叫我一定要去呢度試吓！咁我梗係要朋友嘅介紹，過嚟呢度品嚐一下呢間好食嘅車仔麵啦！本身對於車仔麵都冇乜太大期望，但係估唔到呢度真係比到驚喜我！最重點嘅係，呢度嘅秘製辣汁真係好正！夠晒辣，而且非常香！呢一個秘製辣汁嘅味道好少何喺出面既其他地方食得到！配合埋呢度嘅超林牛筋同埋咖喱魚蛋！真係超級好食高質！另外仲叫咗一份小食係無骨鳳爪，呢一個無骨鳳爪亦都好吸引，好香嘅泰式醬料風味！而且酸，甜，辣嘅味道分量十足！高質嘅食物！

尋日好開心，終於返左成個星期忙碌嘅工作，可以有時間去拍下拖食下野😆😆男朋友仲專登搵咗一間平靚正嘅帶我去試吓！去咗呢間銅鑼灣嘅香辣車仔麵！呢間餐廳喺地鐵站出口一出，行幾分鐘就去得到，非常方便！上到嚟唔駛等好耐就已經可以坐低，睇吓個餐牌有啲乜嘢食，可以揀嘅餸都好多，所以睇到眼花撩亂。之後睇咗好耐就決定食以下呢幾款啦。叫咗一份八爪魚豬皮通菜！我想講，呢度嘅咖喱豬皮真係好好食！啲咖喱汁超級入味同埋勁香囉！辣得來唔會蓋過咗咖喱嘅香味！而且呢個豬皮非常爽口！絕對係一個好高質嘅豬皮！另外叫咗一份小食，係咖喱紅腸腸仔魚蛋八爪魚🤤應該話有呢個咖喱汁同埋呢個秘製辣汁嘅任何小食都會好好食！呢個秘製辣汁超香！令人非常回味！

前日去咗銅鑼灣見客，見完客之後可以早咗收工，梗係唔少得搵間餐廳食下野啦！👏🏻咁岩見到喺Instagram入面有人介紹咗呢一間香辣車仔麵！就咁睇車仔麵嘅賣相就覺得好有興趣，所以就行咗過去食✌🏻果然真係冇介紹錯！餐廳雖然係地道小店，不過依然非常有特色！有好傳統嘅車仔麵檔，可以見到唔同種類嘅餸菜擺晒出嚟！然後可以自己選擇❤️我最鍾意嘅都係食超林牛筋！聽講呢個係鎮店之寶之一！本身食車仔麵都已經好鍾意食牛筋，但係呢一個牛筋可以話係我食過最好食嘅！真係超林，而且牛筋做得好滑！仲要好入味👍🏻👍🏻當然唔少得要加埋呢一度嘅秘製辣汁！呢個秘製辣汁真係辣得好過癮！我食到流晒口水！🤣🤣🤣另外仲叫咗一份小食，我好鍾意呢度嘅豬皮同埋八爪魚，呢個豬皮好爽口，同埋好入味嘅咖喱！高質高質！

平時我自己都有個習慣就係會收藏下喺OpenRice一啲好食嘅餐廳！今次我就咁難得去咗銅鑼灣，就去咗呢間一直收藏咗好耐嘅香辣車仔麵🤩🤩呢間餐廳成日都喺登龍街經過見到，不過一直都冇乜機會可以食！地鐵站一出，行幾分鐘就搵到，真係非常方便🤣餐廳裝修好簡單，就係好傳統嘅港式車仔麵檔！環境乾淨舒適👍🏻重點推介嘅係呢度嘅秘製辣汁，呢個秘製辣汁真係夠晒辣！而且加埋呢個咖喱嘅味道真係好香濃！所以呢一款魚蛋紅腸嘅小食真係重點推介🤤另外車仔麵嘅餸裏面我最鍾意嘅都係呢個超林牛筋！呢個牛筋真係好林，而且好入味！加埋呢個湯底一齊食真係冇得輸🤤

呢一間香辣車仔麵真係令人食過返尋味！之前喺銅鑼灣返工成日都可以食到，自從轉左公司之後，都好少機會再去銅鑼灣！今日難得去銅鑼灣行街，所以都特登走咗去回味返一下！😆呢度嘅車仔麵我好鍾意食豬皮！因為呢度嘅豬皮好入味，係好好食嘅咖喱味道！夠辣！夠入味！而且呢度嘅豬皮一啲都唔會鬆”泡泡”！入口依然好有咬口，好爽！加埋咁入味嘅咖喱味道真係會令人好掛住嘅味道！🤩另外呢度嘅滷水雞翼同埋八爪魚都好好食，滷水汁嘅雞翼真係好百撘👍🏻同埋呢個八爪魚都好好食，好彈牙！😆😆😘

車仔麵真係香港人嘅集體回憶，唔知有冇人同我一樣都好鍾意食車仔麵呢🤣🤣我自己平時得閒都會周圍去試吓唔同地方嘅車仔麵！今日比我搵咗一間良心小店，入面嘅食物好高質！所以就介紹一下👍🏻👍🏻食車仔麵都可以食得好好好食！今次去咗呢一間喺銅鑼灣嘅香辣車仔麵，呢間餐廳平時都成日經過，今次終於都有機會可以試到啦！首先叫咗一份炸魚皮！呢個炸魚皮非常鬆脆👍🏻係好食嘅！食車仔麵好鍾意食幼麵，連埋個湯一齊食真係會好正！另外叫咗一份超林牛筋🤤真係冇改錯名，好林！而且呢個牛筋好香！連埋個湯一齊食冇得輸！仲有咖喱魚蛋！呢個咖喱好入味，而且辣到十足！加埋爽口嘅魚蛋！呢碗車仔麵真係好滿足🤤🤤

今日收工超級攰，男朋友約咗我去銅鑼灣食呢間香辣車仔麵！餐廳喺登龍街，地鐵站一出附近就搵到，都非常方便！而且餐廳唔算好大，但係座位好闊落，食吓嘢傾吓計都係幾唔錯嘅選擇！👏🏻同埋呢度嘅店員都好Nice，態度好好！上食物既速度都好快，所以都係正嘅！首先叫咗一個小食: 無骨鳳爪😎本身都好鍾意食無骨鳳爪，呢度嘅無骨鳳爪好香嘅泰式味道！食得出好入味！而且酸同埋辣嘅程度啱啱好👍🏻另外叫咗一個生菜，冬菇，蘿蔔河粉⭐️唔好睇小呢度嘅素食！都可以好好食！蘿蔔同生菜好甜！我最鍾意嘅係呢個冬菇！超級入味，完全入晒湯底嘅味道！

尋日無端端好想食車仔麵，然後喺社交平台搵吓搵吓見到呢一間香辣車仔麵！望落去啲相好似好正咁，所以就約埋朋友過嚟呢度食嘢！！💛大家都知道人大咗好難約朋友一齊聚埋，難得今次一約就可以約到一班朋友出嚟食嘢真係好開心呀！同埋食返最鍾意食嘅車仔麵真係好正！食車仔麵一定要食嘅就係炸魚皮🤣🤣呢個炸魚皮真係好正！超級爽脆！而且唔會好重嘅油益味🤤同埋我想講呢個車仔麵入面嘅蘿蔔真係好甜！而且一啲沙都冇！當然唔少得嘅就係滷水雞翼同埋豬大腸！本身都已經好鍾意食豬大腸，不過呢度嘅豬大腸真係我食過最好食嘅地方！好乾淨，而且好入味！好林！好好食！加埋呢個河粉👍🏻👍🏻就係一餐好豐富嘅午餐啊🤩

講食車仔麵，一定會第一下就諗起香辣車仔麵！✅一黎佢車仔麵嘅配菜種類繁多，✅二來佢嘅味道真係好好好好味！所以如果食車仔麵個癮一起，就一定會去食香辣車仔麵👍🏼❤️❤️❤️港式車仔麵嘅話，就一定要食陳皮魚蛋，陳皮魚蛋好彈牙，同埋有好獨特嘅香味！另外嗌咗滷水雞翼同豬大腸，滷得十分之入味，依個雞翼亦都滷得好林身，真係好正👍🏼👍🏼👍🏼👍🏼👍🏼因為唔夠喉，仲嗌左泰式冇骨鳳爪，估唔到車仔麵嘅泰式鳳爪都可以做到咁地道，酸酸辣辣， 好開胃！而炸魚皮亦都炸得十分新鮮香脆👍🏼👍🏼👍🏼👍🏼真係每一次黎食都一定會好滿足！