香辣車仔麵

營業中

休息中

質素不過不失的車仔麵，今次叫咗滷水雞翼，滷水豬大腸同埋超淋牛筋（咖喱汁+中辣）～滷水雞翼有兩隻，滷水入味但肉質偏嚡，而且要浸湯先熱滷水豬大腸都有幾舊，滷水入味，口感係我鍾意嘅微彈👍🏻牛筋都係非常入味，而且炆到淋淋地又煙煙韌韌，不過就有一兩舊特別鹹，都係要浸湯先夠熱總結：咁啱順路想食車仔麵先會食🤣

四餸一麵連嘢飲竟然要$70，記得好耐以前過嚟食都仲好有質素，今次真係忍唔住要寫個食評去呼籲大家唔好再去。價錢貴已經不在話下，味道除咗鹹之外係乜都冇。湯底叫個中辣可以一啲辣味都冇，真係想知小辣同微辣會係點。啲餸嘅份量又少，每樣都係幾舊，仲要係超細件。比完錢都唔知自己食咗啲咩。然後舊豬紅竟然係硬既，所謂嘅五香牛腩一啲都唔淋，魷魚得嗰兩三舊，成碗嘢得個蘿蔔叫做好啲。呼籲大家以後絕對唔好去幫襯，無謂嘥錢食啲垃圾落肚。

Lunch冇咩胃口食野, 諗住拮幾串野食, 37蚊只能夠買到呢碗野食, 小得可憐如果只係買魚蛋10蚊5粒都冇咁嬲, 如圖所示牛百業已經縮到冇得再縮了, 姐姐幫我打包果陣我都呆左難怪依家飲食業會咁差啦, 咁樣好難令人想回頭幫襯

As a loyal customer since my university days, I can say with certainty that this classic cart noodle stall has been a constant in my life for years. And for good reason - their spicy sauce is the absolute soul of the entire dish, elevating every ingredient it touches.My personal go-to order consists of the chicken wings, pork intestines, and pork skin, all swimming in that beloved spicy broth. The flavors are simply out of this world - the rich, savory notes of the proteins perfectly complemente

利申：我由三十尾幫襯到依家五十今日星期五晚冇節目,打算食個面懷舊下....點知去到6：15...5張枱坐左6,7人,仲以為早所以小客...落單食物好快到...食物味道ok和以前差不多,餸的份量小但可以接受....但跟住視覺衝擊來了....好多好多烏蠅!有停留在客人背後,有停在你夾面食的手臂上,有停在你枱面上order紙本上望住你!一直食一路望住d烏蠅,開始由不安跟住有d反胃....越食越唔舒服,草草落肚就急走俾錢時同收銀講好多烏蠅,佢答:係咩？哦,原來係弱視...得罪晒係openrice見到上一個comment都係話多烏蠅....原來唔係新野...係「死性不改」!冇下次了...又一次証實：「回憶美好,現實殘酷」

差到不得了， 烏蠅又多，一張枱要坐6-7人，仲要我孭住袋食，唔係我見到冇位都入去食，我坐張枱本身5個，有個食完變4個，之後有3個人嚟叫我逼去坐6個人個張枱，ok外賣拎走。我知寸金尺土，但都比個客人食得舒服少少呀

喺登龍街成日都見到入邊坐滿，以為佢仲係叫新記，但係OpenRice上面話已經改咗名香辣車仔麵 🍜 今次試吓買外賣 🥢 除咗車仔麵，仲有得買一串串小食 🍢 但選擇唔多 主要都係車仔麵嘅餸🍢 小食▫🦑 魷魚- 唔會過韌 但冇芥辣甜醬就好似爭咁啲嘢咁 ▫ 🟡 咖喱魚蛋 - 魚蛋彈牙 咖喱醬唔係好濃郁 主要靠個辣汁 但係辣汁真係超辣 🔥🍜 車仔麵 - 油麵 滷水汁 中辣外賣冇分湯油麵都冇淋到 但係麵份量比較少滷水汁湯底好惹味 帶點蒜香 ▫ 🐖 秘製豬腩肉 - 肥而不膩 但有少少失望 因為佢話秘製以為會有特別醃料或者燒過▫🐄 五香牛腩 - 幾入味 都算幾淋▫️🐄 五香牛肚 - 雖然唔係金錢肚，但係淋而爽 幾入味📍銅鑼灣登龍街49號地下B舖

幫襯咗好多年，睇住個店名從「新記」轉為「香辣車仔麵」，多年黎一直係忠實fans⋯⋯但係第一次寫食評真係因為近年黎服務質素下降太多，老闆娘以前仲會有笑容，呢排同埋其他阿姐全部都黑口黑面，嗌人或者問攞紙巾之類都不問不理。對本地人都係gum⋯對遊客呢?講番嘢食，秘制辣醬十年黎都冇變過，一樣咁正，各種配料都依然好好食。可惜個服務態度真係令人覺得食餐飯都要睇人面色⋯⋯唔知可唔可以翻翻去好多年前令人感覺親切嘅新記

香港車仔麵五花八門，但係講到最好食最方便就一定係新記特辣車仔麵。係四通八達嘅銅鑼灣有兩間分店，一間登龍街口，另一間就係謝斐道，兩間都係keep住客似雲來嘅，不過好彩嘅就係食車仔麵唔係食打卡餐廳，大家都係講求快靚正平，正常就算多人都唔會等好耐，不過前題就一定唔好介意要撘枱。車仔麵黎講最重要就係個湯底，依到最建議就係佢個牛腩汁，超級濃郁，而且辣汁亦都係必定要加！除咗大中小辣有得揀之外，如果好唔食得辣或者自問辣王嘅你都可以係點餐紙到寫小小辣／勁辣。到選項方便，大部份餸我都已經食過曬！必定要叫嘅就係老闆話係佢地自家製嘅辣豬紅同豬豚肉！我自己本身都係豬紅愛好者，但係依到豬紅嘅入味程度可以話非試不可，豬豚肉都係水準之作。其他配菜就保持住不過不失。特別推薦就係佢地嘅辣魚蛋都係食過翻尋味之選。完全滿足我依個重口味食家。之後加10蚊有玻璃樽裝汽水，食到辣嘅時候爽一下。有種係天堂食車仔麵嘅感覺

終於都放假啦，返咗咁多日工，終於都可以比一日自己好好咁休息一下！梗係要出去銅鑼灣行吓街，搵嘢食啦！難得出到銅鑼灣，朋友竟然介紹我去食車仔麵，本身覺得麻麻地，但係佢講到話好好食咁！所以就走咗入去試吓呢間香辣車仔麵！！果然係非常好嘅介紹，我哋都好高嘅評價！呢度嘅豬皮好好食，呢個咖喱豬皮非常入味，係好香濃嘅咖喱味道，而且加埋呢個豬皮非常爽口彈牙！一啲都唔會鬆軟嘅感覺！係好食嘅豬皮！而且我都好鍾意呢度嘅八爪魚，呢個八爪魚都係好爽口！而且湯底嘅味道完全入晒八爪魚入面，所以令到成個八爪魚都好好食！

今次已經係第二次嚟到呢間餐廳啦，之前食過一次好掛住呢一度嘅辣汁，所以一有時間都過咗嚟呢度食嘢！今次都係一樣，叫咗一份炸魚皮，呢個秘製辣汁加埋炸魚皮一齊食真係好爽！超級鬆脆嘅魚皮，而且呢個魚皮係好香嘅魚皮味道！另外就係呢一碗油麵！配合埋滷水雞翼尖同埋雞翼，仲有咖喱魚蛋，全部都係我好鍾意食嘅餸！而且呢一間餐廳嘅咖喱汁好好食！強烈建議大家要試吓！因為呢度嘅咖喱汁唔係一般日式嘅咖喱，唔會好強烈嘅椰汁味道，反而係比較辣少少係有香港嘅風味！😋😆整體來講，呢間餐廳嘅性價比好高，貼地嘅價錢，而且食到一個高質素嘅車仔麵，就嚟變咗做我自己嘅飯堂啦哈哈哈🤣🤣

今日喺公司冇嘢做，上咗OpenRice喺度周圍搵吓有啲乜嘢好嘢食，搵吓搵吓見到呢一間鄉下車仔麵，見到好多好平，而且望落去價錢都唔貴！所以今日食lunch嘅時候就走咗去試吓✌🏻自己一般都好少會食車仔麵，因為驚會好污糟，但係呢度一啲都唔會！無論餐廳環境定係枱櫈都非常乾淨！而且呢度嘅食物望落去都好開胃👍🏻所以都會放心！車仔麵來講，我好鍾意呢度嘅滷水雞翼🤩本身都已經係一個雞翼控，而且呢個滷水汁好好食，超級入味！另外仲叫咗一份無骨鳳爪做小食，呢個無骨鳳爪雖然我自己比較少同車仔麵一齊食，但係非常入味，而且好強烈泰式嘅味道，無論酸，辣嘅味道都調校得啱啱好！

<<香辣車仔麵>>呢一間喺銅鑼灣嘅香辣車仔麵之前一直都成日經過！但係都冇試過，今日終於都有機會可以食得到啦！餐廳嘅環境裝修比較簡單，係有好地道嘅風格！而且喺出面就會見得到有唔同嘅車仔麵餸菜擺咗喺度，望得到好乾淨企理！所以食落都好放心❤️❤️叫咗一碗瀨粉，呢個粉好好食，平時食車仔麵都好少可以有瀨粉食到！而且叫咗我鍾意食嘅咖喱豬皮同埋八爪魚！呢個八爪魚好香，而且好爽口彈牙！另外唔少得嘅就梗係叫一份菜啦，呢度嘅通菜都好好食！好新鮮，而且加埋呢個湯底同埋醬汁嘅味道，雖然好邪惡，但係我鍾意😍😍😍

今日食咗一餐好豐富嘅車仔麵，除咗呢間餐廳嘅食物味道好好之外，賣相亦都唔差！而且呢間餐廳嘅車仔麵最大嘅特色係呢度嘅秘製辣汁！可以話係我食過最好食嘅秘製辣汁🤤🤤💖依家喺銅鑼灣嘅香辣車仔麵係好傳統地道嘅港式車仔麵，但係勝在湯底同埋醬汁好正！而且食物亦都好好叫咗一份無骨鳳爪，鳳爪好入味，充滿泰式嘅風格！至於呢一份咖喱豬皮八爪魚嘅豬皮好好食！豬皮爽口而且入味！另外就係咖喱魚蛋滷水雞翼尖，本身都好鍾意食咖喱魚蛋，點知呢個咖喱魚蛋加埋呢度嘅辣汁，辣得來又有咖喱嘅味道！真係食上癮！鍾意食辣嘅咖喱魚蛋嘅一定要試吓！

仲記得好細個嘅時候成日都會食車仔麵，覺得好抵食同埋好有香港嘅風味！大個咗之後有時候我都會周圍搵吓車仔麵，懷念下以前細個嘅生活🤣🤣今次就去咗呢一間喺銅鑼灣登龍街嘅香辣車仔麵，本身歡喜嚟到呢間餐廳！果然係有美食嘅😆😆首先叫咗一份炸魚皮，呢個炸魚皮好香，而且非常爽脆！仲要食得到有好香嘅魚皮味道！另外叫咗一份牛肚冬菇嘅車仔麵，冬菇滲入晒湯底嘅味道所以好甜！而且份牛肚都好好食，好爽好彈牙！👍🏻整體來講係好高質嘅車仔麵，十分之推介！