影片
港鐵西營盤站 C 出口, 步行約3分鐘
繼續閱讀
電話號碼
25484980
營業時間
今日營業
11:00 - 23:00
星期一至日
11:00 - 23:00
以上資料只供參考, 請與餐廳確認詳情
招牌菜
馬來亞餐廳位於般咸道好耐嘅餐廳，老板終於12月22號通知大家 12 月20 號結業.. 今日12 月19 日特別去間餐廳度幫襯同老細和伙記道別….平日一個午餐50幾蚊有湯、麵包、飯和嘢飲，真心抵！今日叫咗出名嘅海南雞飯、咖喱牛腩飯和燴豬扒飯，同呢間老店道別！
繼續閱讀
好食！真料實料！有次OT O到九點，返到嚟都冇乜邊間餐廳開，之後幫襯咗佢個粟米魚，有成三塊魚！平時就成日都食佢個西炒飯、滑蛋蝦仁炒河、雲吞，唔係甘易搵到滑蛋蝦仁炒河，仲要係好食嘅滑蛋蝦仁炒河呢度嘅西炒飯嘅質地，淋淋地、黏黏地，唔知點樣形容，總之喺出邊食唔到。價錢合理（但最好唔好收加一啦）散叫炒嘢好食過佢嗰啲set dinner，set dinner真係好麻麻。我朋友第一次食完set覺得間野唔得，之後食我介紹既炒飯炒河，讚不絕口
繼續閱讀
呢碗雞肉喇沙要$58但啲雞肉碎加埋唔知有冇兩湯匙啲湯係好杰好椰汁 但係係冇味。。。。想加鹽但枱面嗰鹽樽倒極都倒唔到出嚟啲米線係碎濕濕嘅 好差。。。未食過咁伏咁差既垃圾 千奇唔好黎食
繼續閱讀
成个好似茶餐厅样 竟然收返加一 估唔到 食物质素麻麻地 服务基本🈚 我真系以为系茶餐厅先入去 埋单话要收加一 LOL 真系好大误会 anyways won’t attend again.
繼續閱讀
今日貢貢下走咗上般咸道覓食，點知想去嘅嗰間餐廳今日唔做午巿，於是喺附近搵咗另一間馬來亞餐廳。坐低叫咗是日午餐 A：咖哩雞飯 + 羅宋湯 + 汪阿姐。太肚餓喇，餐包等唔切畀部手機食先就畀我咬咗一啖。餐包屬室溫，軟熟，味道普通。羅宋湯有椰菜、紅蘿蔔、薯仔、西芹，最驚喜嘅竟然有好多牛腩碎！湯嘅味道唔算好濃，但夠味，甜酸度平衡，唔辣，只有好輕微嘅㷫口。唔知係咪我少喺出面飲羅宋湯，今次真係第一次飲到有咁多牛肉碎，令碗湯增添咗口感同肉味。輪到主菜，食咖哩雞前，我習慣先一羹咖哩汁入口。馬來咖哩汁比港式咖哩冇咁重香料味，同埋唔辣，又係只有少少㷫口，反而多咗好濃郁嘅椰汁味。口感滑得嚟，有啲沙沙嘅感覺。再嚟試配菜嘅薯仔。嘩！超級好食！又棉滑，又粉糯，仲索哂啲咖哩汁，兩舊真係唔夠喉。（OS：老闆！可唔可以畀多幾舊薯仔我呀？）跟住食雞，雞有兩大件，當我準備切佢時，先發覺原來係雞背脊，把刀畀背骨頂住咗。雖然係雞背脊，但唔好以為冇肉，其實佢都可切到唔少肉出嚟。而用雞背脊，亦代表餐廳至少唔係用千年雪藏雞扒，而係用原隻冰鮮雞再斬件。講下件雞嘅味道，基本醃咗底味，再撈埋咖哩汁一齊煮。肉質唔似雞髀咁滑同彈牙，但又唔會好似雞胸咁嚡烚烚，佢係介乎兩者之間。可惜嘅係當日廚師唔小心煮過火了，有少少嚡，但可以接受。配埋咖哩汁，味道都 ok。至於汪阿姐，香嘅，滑嘅，但唔落糖就苦咗少少，整體都 ok。
繼續閱讀