影片
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
今日去左元朗途經順福糧倉，被商場外型吸引，依度有幾間餐廳，我地就揀選星馬菜嘅馬六，見到店名就知道係主打馬六甲海峽美食嘅餐廳啦！入到店內，帶點異國風情設計，像用上星馬餐廳常見嘅藍綠色調，裝修及環境都不錯。厚切豬扒喇沙掺掺 $58上枱已經聞到陣陣椰香，喇沙湯香濃，加上放滿食材，滿滿一大碗，很吸引。猪扒真係幾厚，香脆鬆軟，肉質嫩滑；而湯裡無大量油光，感覺唔太油膩，稀稠度適中，啖啖椰香味，入口順喉，味道唔錯。麵底係摻摻，即係米粉同油麵，兩樣都煮得啱啱好，好入味，摻摻配埋乾蔥一齊食，好夾。 馬六魚三寶檳城蝦麵 $52初次嚐試檳城蝦麵，口味亦非常地道，橙紅色湯底，帶少少辣，遠遠便飄來陣陣香味，香料味調配恰到好處，而且最難得嘅係飲多幾啖，都唔覺油膩。魚三寶有魚丸、魚條同魚皮，魚丸與魚條味道鮮美，魚皮香脆可口，吸滿湯汁嘅豆卜，還有半隻唐心蛋，加上檳城風味嘅蝦麵，惹味十足。班蘭咖央多士 $28多士有好厚嘅牛油，斑蘭咖央醬甜甜地，甜度啱啱好，帶點椰香味，多士烘得鬆脆，有脆薄嘅口感。娘惹五香雞卷 (+$22)五香雞卷外層香脆，雞肉夠滑，香料惹味，醃製得恰到好處。新加坡咸蛋黃魚皮 (+$22)金黃香脆可口嘅炸魚皮，魚味香濃，外層沾滿咸蛋黃醬，鬆脆惹味，食到停唔到呢。美祿哥斯拉 (+$8)好濃郁嘅美祿哥斯拉，面層鋪滿特別香嘅朱古力粉，仲有美祿脆脆球，份量都幾多，有得飲又有得食，真滿足！老街椰汁冰 (+$8)椰汁冰非常清涼解渴，椰汁味夠濃夠滑，香甜可口，冰冰涼涼，好解膩。馬來手工拉茶手工拉茶味道唔錯，入口帶濃郁煉奶香，風味獨特。
繼續閱讀
我想食摻摻，阿媽想食海南雞，去返一路食開嘅”馬六”就唔使煩，一來水準穩定，二來價錢合理💥燒鴨喇沙摻摻首先個樣已經好吸引🤤喇沙最重要係個湯，湯底好香好濃椰奶味，又不失微辣，惹味；燒鴨份量比預期中多，肉質扎實但不柴麵底揀咗摻摻（油麵+米粉），侍應話揀淨油麵或淨米粉都得；選用嘅粗米粉富彈性又滑身，油麵有咬口唔會太淋，吸晒湯精華💥馬六無骨海南雞飯全部去骨，懶人啱晒，雞肉食落幾滑幾有雞味，雞油飯處理得妥當，跟三款醬汁包括黑豉油、薑蓉同酸辣醬，個黑豉油my favourite💥斑蘭咖央多士下午茶連熱飲$28蚊仲唔使加一，抵食！一大片牛油再夾咖央醬，咖央好香但唔會死甜，多士烘底無得輸，gimmick係加咗斑蘭💥娘惹蘿蔔餅啱啱炸好熱騰騰辣嘴時最好食😋蘿蔔絲爽甜，鬆化💥馬來黑醬油叉燒醬油甜甜地，叉燒不是肥叉，有啲嚼勁💥熱桔仔話梅水酸中帶甘，潤喉解膩💥凍美祿哥斯拉好飲呀～～加美祿粉有口感🌼下午茶餐牌
繼續閱讀
[✨元朗馬六•水準穩定出色星馬菜🥢]#馬六 #元朗🥢馬來黑醬油叉燒撈粗 $75叉燒肥瘦適中，食落爽口又入味，而且唔會太咸，好高質；撈粗分量好多，無鹼水味，整體味道好好🤩🥢檳城街頭排骨山配米粉 $72排骨山肉質好腍好入味，大大舊超吸睛；配搭泰式醬汁同魚露，陣陣酸辣鹹香味食落好開胃，好出色🤩💯🥢馬拉盞通菜 跟餐+$22馬拉盞炒得好香，夠火侯好惹味，跟餐加$22份量又多，好有CP值！🥢酸辣鳳爪 跟餐+$26鳳爪好有口感，唔錯👍👍☕️凍桔仔紅茶 跟餐+$3大大杯，紅茶茶味濃郁👍👍☕️熱香矛橙茶————————♡♡♡♡♡♡————————✨總結連鎖餐廳星馬菜餐廳，水準味道一向穩定出色，價錢亦好合理，係一間唔錯嘅日常之選。📍馬六 (元朗)🏠元朗壽富街60號順福糧倉地下G24號舖 #jmhkfoodie #hkfoodie #hkeat #hkeats #hkfood #hkig #hkgirl #food #hkfooddaily #hkfoodblogger #hongkongfood #hongkongfoodie #852food #香港美食 #香港食評 #香港餐廳 #為食港女 #元朗 #元朗美食 #元朗好去處 #元朗食好西 #馬六
繼續閱讀
好友約我去位於元朗壽富街60號順福糧倉地下G24號舖的馬六食下午茶 , 環境舒適, 裝修富有南亞風情.我地點左：🥢馬六無骨海南雞飯$65海南雞滑嫩好食, 蟲草雞湯好飲.🥢馬六娘惹茶燻鴨飯$62燻鴨的鴨肉軟腍入味, 好味道.🥢班蘭咖吔多士 $28多班蘭味濃, 多士香脆可口.🥢馬來黑醬油叉燒 $36叉燒軟腍好味, 唔太鹹又好食.🥢娘惹五香雞卷 $22雞卷肉的五香好入味, 好食.🥢 熱桔仔話梅水（跟餐）潤喉舒服的飲品.
繼續閱讀
今日中午難得下晝冇嘢做行過順福糧倉見到馬六，有戶外位見天氣唔係好熱就坐出門口食，上面有吊扇唔會話好熱，而且有晒充滿檳城風情嘅藤椅都幾好feel午市飯都幾抵食，揀咗個佢哋招牌無骨海南雞飯拼喇沙馬六無骨海南雞飯 海南雞做到嫩滑可口，經過上湯浸煮，皮薄爽滑檳城蝦湯麵 蝦麵是馬來西亞代表性的傳統麵食之一，利用蝦殼及辣椒熬煮成赤紅辛辣湯底，色香俱全的蝦麵入口後即刻刺激味蕾！香橙冰茶，加咗$3幾有茶味🤣📍馬六Malacca Cuisine元朗壽富街60號順福糧倉地下G24號舖
繼續閱讀