馬六

營業中

休息中

馬六無骨海南雞飯($65/另加$10轉脾位) + 海南雞喇沙摻摻($58) + 斑蘭咖央多士($28) + 娘惹焗釀蟹蓋($22/2件/小食加配價) + 美綠哥斯拉(+$8) + 椰子斑蘭冰(+$8)(下午茶/包熱飲/轉凍另加$3, 轉特飲另加$8）★－:+:－:+:－:+:－:+:－:+:－:+:－:+:－:+:－★​同阿媽嚟食個下午茶，5pm冇乜人，枱凳闊落，乾淨；食好啲，海南雞飯加10蚊轉雞脾🐓份量幾多喎，肉質夠嫩，皮肉之間仲有層啫喱；香茅雞油飯唔錯；我碗喇沙好大碗，下午茶頂埋夜晚嗰餐唔使食，抵🤭喇沙湯底椰香味重，夠濃夠掛麵，雞蛋豆卜芽菜足料，米粉拼油麵好食，我like👍🏼😋加22蚊叫咗客小食焗釀蟹蓋，入面係鯪魚肉加洋蔥同紅蘿蔔，平平地過吓口癮OK👌🏼斑蘭咖央多士，牛油夠厚，咖央搽得夠，如果多士再烘脆啲就好喇；員工服務滿意，快捷有禮。

之前在網上已經見到有人介紹依間 "馬六"，是吃新加坡菜同馬來西亞菜，一間餐廳有齊兩個國家嘅菜式，的確當然要試吓啦 ~依個商場係新開嘅，所以餐廳都係全新，以木系材質為主，設計柔和雅致，令人感覺寧靜舒適。睇睇餐牌先，有下午茶套餐，包括主菜+飮品，加$配小食，而主菜有無骨海南雞飯、厚切豬扒喇沙摻摻、娘惹茶燻鴨油飯、参峇醬烤雞髀乾拌油麵等等，款款地道又特式嘅美食。馬六無骨海南雞飯    $65 (轉髀位+$10)呢款充滿南洋風味，海南雞飯必吃，三款醬料：黑醬油、薑蓉、辣椒醬，香料味濃，轉髀位$10，好入味同幾大隻，肉質嫩滑，油飯甘香，充滿雞油同秀料味，與雞肉一齊食，滋味可口。配埋紫菜湯，清甜潤喉。厚切豬扒喇沙摻摻   $58橙橙紅紅嘅湯底，睇起嚟好似好辣，但飲落個湯唔係太辣，只係微辣，喇沙味濃，配料有豆卜、蝦米、半熟蛋、蔬菜，味道鮮甜，加上厚厚嘅豬扒，肉質鮮嫩。而摻摻即係油麵和米粉混合，兩樣一齊食好爽滑，口感非常特別。新加坡咸蛋黃魚皮   $22新加坡其中一款小食我最喜歡，就係咸蛋黃魚皮。依炸得非常香脆，塊塊沾滿咸蛋黃，咸香惹味，薄脆鬆化，越食越上忍。娘惹芝麻蝦多士    $18細細件嘅小食，