影片
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
馬六今次係我第二次回訪北角嘅一間新加坡菜餐廳「馬六」，呢間餐廳門口係有一級，輪椅人士如果想入去食野就要自備斜板！佢哋下午茶套餐粉麵或飯都只係$48起，送熱飲，凍飲加$3，特飲加$8，仲可以追加小食，每次嚟到「馬六」都會聽到印尼歌，唔知係咪特別多印尼人嚟食，所以就播住印尼歌呢？！🤣🤣🤣1.娘惹燒鴨喇沙摻摻$48+老街椰汁冰$8（9.5/10）呢碗娘惹燒鴨喇沙摻摻份量特別多，燒鴨有8大舊，每一舊都燒得好香，鴨肉肉質唔會好韌，仲有半粒糖心蛋、4舊豆卜、豆角同芽菜，摻摻即係黃色粗麵再加幼身粉絲，完全掛哂喇沙汁，喇沙湯底好香，唔會好辣，好掂！飲品就叫咗老街椰汁冰，呢杯椰汁冰椰汁味好重，有少少甜，都好好飲！2.馬六海南雞清雞湯米粉$48+椰子斑蘭冰$8（9.5/10）呢碗馬六海南雞清雞湯米粉份量都係特別多，雞件都係有8舊，每一舊雞肉肉質都好嫩滑，仲有半粒糖心蛋、4舊豆卜、豆角同芽菜，米粉好爽，雞湯湯底唔會好油膩，雞味香濃，唔錯！飲品就叫咗椰子班蘭冰，班蘭味唔算太濃，椰子味都唔算太濃，幾啱我飲！3.班蘭咖吔多士$28（9.5/10）呢個小食班蘭咖吔多士外脆內軟，班蘭味好出，牛油唔會好多，味道夾得好好，一共有4舊班蘭咖吔多士！4.馬拉盞通菜$22（9/10）呢碟馬拉盞通菜份量都好多，唔會好油同好咸，莖同葉大約一半一半，好味！5.娘惹炸鮮奶（2件）$16（10/10）呢個娘惹炸鮮奶咬落就知即叫即炸，入面都幾熱，外面炸得好脆，鮮奶味香濃，一共有2件娘惹炸鮮奶！2人總共價錢$178個人口味總評分：9.5/10地址：北角炮台山電氣道264號地舖Please follow me🙆♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻♂️#馬六 #新加坡菜 #北角好去處 #北角 #北角美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong
繼續閱讀
馬六北角砲台山電氣道264號地舖經開砲台山，老友推介地道新加坡菜，入去Chill 返個下午茶先。😽班蘭咖吔多士即叫即製，外層香脆，鮮牛油和班蘭醬 perfect match，趁熱食好正！😍街頭雞肉串燒雞肉新鮮爽口，肉汁豐富，辣醬提升層次，好惹味！😸鹹蛋黃魚皮，香濃的蛋黃汁配香脆的魚皮，好快畀我清曬，推薦！🤤香茅橙茶配料有薄荷葉、香茅和鮮橙，又香又甜，茶膽香濃，冰底夠凍，消暑解渴。😄馬六 環境舒適，食材新鮮，魚皮串燒多士正，侍應服務態度好，還會再來。😎🤘🏻
繼續閱讀
泰國小食拼盤有蝦餅、鳳爪、豬頸肉、春卷同雞翼，個拼盤好豐富，好好味。雞絲河粉個湯底好清甜，啲雞絲味道都唔錯。#馬六 #蝦餅 #鳳爪 #豬頸肉 #春卷 #雞翼 #雞絲河粉 #雞絲
繼續閱讀
之前幫襯過幾次，平時Lunch 都係附近經常食野。之前分別試過肉骨茶，海南雞，同埋咖喱牛腩，樣樣嘢都唔錯，今次點左茶薰鴨，估唔到係平時十幾蚊就有的即食煙鴨胸，見到真係大失所望，以嚟個價錢食一塊十幾蚊就有嘅鴨胸真係搞唔掂。另外，希望員工醒目晦返少少。學下自己鋪嘅經理，見Lunch時間排晒隊我諗住拎走杯野俾返過位比佢地做多單，伙計同我講要收外賣餐具錢。唔係$1比唔起，而係提供餐具係餐廳責任，我坐耐啲定係拎隻杯走好啲？正常人都諗到，變相叫我坐耐啲，識唔識計數架？
繼續閱讀
呢間馬六好受街坊歡迎，呢晚特意嚟食早飯。店長風趣又有禮，知道冷氣風口正吹著我，就主動幫助調教冷氣溫度，服務加分。我地一行二人就正好點個2人餐。 2人餐都有兩款選擇，我地揀咗B餐。｜2人套餐B $188 ｜ （無加一服務費） 《 娘惹炸鮮奶（2件） 》薄脆可口，入面口感飲布甸，富牛白。《 酸辣鳳爪（人） 》 凍食，微辣爽口，份量多，幾開胃。《 （跟餐）馬拉盞龍角豆 》熱鍋上，香噴噴。角豆無渣，有點焦香。《 無骨海南雞（例） 》 雞肉滑嫩，配上醬油撈飯更惹味。（跟餐）雞油香飯 有油香，軟硬肌剛好。 （跟餐）熱手工拉茶 - 香滑唔會好甜。（跟餐）凍香茅橙茶 +$2 - 清香微甜好解渴。人均不用$100， 亦無服務費，性價比好高。
繼續閱讀