馬六

營業中

休息中

今次食到個好好食既馬來西亞餐廳 下午茶又抵又好食👍 飽肚之餘食得出馬來西亞既味道😊 真係好想去馬來西亞去旅行食好多美食🤤🍜 娘惹茶燻鴨喇沙麵底可以選擇米粉或者摻摻（即係米粉同油麵兩溝） 個重點係喇沙既秘製湯底 湯底好足調味料同埋淆煮咗好耐 豆腐卜浸湯底完全食得出湯底非常濃郁 最特別係茶燻鴨超入味 表皮煙燻過再用火煎 外皮爽口 肉汁嫩滑 配搭喇沙一流🍢 馬來街頭雞肉串燒去到馬來西亞真係必食沙嗲串燒 呢間既串燒醬汁都係用沙嗲汁 而且雞肉肉質嫩滑 肉汁由內滲返出黎 非常推薦呢款小食🤤🥥 鮮椰青去馬來西亞日日都一定會飲既水果😉 餐廳時椰青超大個 XL SIZE 果肉真係新鮮鮮甜 椰青水滿滿連埋果肉食真係好解渴環境茶木色加Tiffany Blue色系 燈光超光猛 員工服務非常用心 同埋每次入座都會比口罩袋同消毒紙巾推薦程度🌕🌕🌕🌕🌖

今日上堂前想食啲濕濕地嘅嘢經過呢間馬拉嘢見仲趕得切食下午茶喎😆於是就入去食個early dinner下午茶都幾多嘢揀可以加嘅小食仲要有菜揀🤩外食族表示感動由於我坐低嘅時間比較尷尬所以侍應哥哥都俾咗個晚餐餐牌我睇不過由於我想食濕嘢同菜所以都係揀咗下午茶餐再加杯食星馬菜必飲嘅邪惡美祿😈首先嚟嘅係美祿真係好多美祿波波😂而且呢杯哥斯拉係真哥斯拉唔會淡如水飲到最尾啲冰溶咗小小都仲係好飲嘅之後嚟嘅係馬拉盞炒通菜26蚊嚟講真係幾大碟🤫啲通菜仲要係幼通 幾嫩不過重口味人士就覺得馬拉盞略嫌唔夠重口味😂正常人士就應該覺得啱啱好最後嚟嘅就係檳城蝦麵啦個湯幾好飲 夠濃味飲完都無口渴啲麵都係油麵加米粉兩溝幾有口感隻配角糖沁蛋真係好糖沁反而係令我最印象深刻😆碗麵size剛剛好如果一般女仔就咁食碗麵就應該夠飽我就加埋一大碟菜就perfect了真係食晒㗎🤣*彩蛋*餐廳個眼鏡哥哥經理勁健談聽到佢同其他客都有傾有講好似朋友傾偈咁走嗰陣佢仲同我講聽日見😂咁強soft skills嘅人才抵佢做經理☺️

Lunch time行行下搵餐廳, 見到呢間專食叻沙🥰好自然咁行咗入嚟🤪 打開menu都好多選擇, 米線🍜摻摻🍜飯類都有👍🏻二話不說叫咗個摻摻😆海南雞叻沙摻摻 一上菜直接試咗個湯底先, 好鐘意佢多椰汁香, 同個辣感中和咗👍🏻 麵底都好夠😍兩溝摻摻好好食‼️ 海南雞係跟湯麵一齊上, 不過海南雞無骨, 唔怕有骨嗆親🚫 雞肉夠滑✔️合格👍🏻椰汁班蘭冰估唔到呢個有驚喜😃杯野綠色☺️一睇就知好班蘭, 係好好飲, 我可以飲多杯🤩🤩呢個值得推介💯下次會想試埋咖央多士🥰

價錢其實幾低食，別具特色，用料充足，可以一試，雞都係幾滑既如果66蚊出面食拉麵都一樣。不過個人比較鐘意食拉麵對摻摻就一般般啦。衛生方面可能我第一個入場食就唔係好知啦經記一入去有同我打招呼服務方面都算唔錯之後有機會再試下海南雞飯

我不記得有沒有寫過這間食店，但肯定的是已有一段時間沒有去過，那天同事話想去，所以就到這間店食，水準和以前差不多，味道可以，都是大眾化的味道。我點了肉骨茶湯米粉，同事點了海南雞飯，這兩個菜式我都食過，但到底哪一款較好味？最近我喜歡食肉骨茶，雖然現在是夏天，食肉骨茶不知道會否燥熱，但我還是很喜歡吃。眾所週知，肉骨茶是馬來西亞的名菜之一，其起源地則頗具爭議，最早在馬來西亞和新加坡，後來傳至世界各地。「肉骨」是中藥（如杞子，乾棗），香料（如桂皮，八角，丁香，大蒜等）煮成的湯配以肉排而成，「茶」原來是與華人餐廳店主的名字有關，因為他叫「李文地」，而福建話的「地」與「茶」的音相似，所以顧客叫這種食物做「肉骨地」，久而久之，變成了現在的「肉骨茶」。至於海南雞相信大家都不會陌生，亦是著名的馬來西亞菜式之一。肉骨茶和海南雞這兩款菜式都各具特色，而我覺得這間店的海南雞飯較為好味，肉質都算嫩滑，三色醬則比較喜歡黑醬油和薑蓉，而且雞油飯有雞油的香味，冬瓜湯很清，沒有太重味精，而肉骨茶湯米粉，肉排，肉骨茶的不夠香，豆卜雖然能夠吸收到湯汁，但因為湯不夠濃郁，所以味道一般。兩者比較之下，這間的海南雞飯較為出色。 整

等足半小時，比錯外賣其他人，浪費時間，制度混亂，侍應就多，門外呆等熱到爆，結果乜都冇，好唔掂，個個話唔知，又話明明擺呢度，另一個話擺嗰度，真係距離玩完不遠。總之，唔掂。

其實已經唔係第1次幫襯馬六由於返工ot所以出左街食完晚假再做野馬六海南雞飯海南雞份量算多 食過3次 份量都係平均 雞肉雞滑而最令我加分嘅係晚餐嘅小配菜 竟然係同餐廳完整叫一碟菜嘅份量一樣 所以雖然晚餐88蚊 但係有碟咁大嘅菜 係到抵返哂加影之前食嘅魔鬼魚扒飯午餐

門口個四眼哥仔, 服務態度奇差無比, 當我享受完午餐飲緊杯餐飲時, 突然走埋黎叫我飲怏D,出面有人等位,之後仲想直接收走我杯野飲, 其實由入座到用完餐,前後大約35分鐘左右. 服務態度非常惡劣..價錢又唔特別便宜食物又普通再加上個四眼哥仔咁既態度,間野唔執都算偷笑.

海南雞「鞋」，油飯好油，無骨海南雞但內裏有骨。個湯好鹹。唔值$72。唔需要再來，侍應叫人用安心出行嘅態度好差，好似佢錢咁,唔係趕住上堂真係唔會喺度食。灣仔$70應該有好多好嘢食唔使食佢

今晚叫咗肉骨茶海南雞飯，鴨胸飯，無骨雞翼。肉骨茶吾使多講當然正，啲雞夠滑夠嫩，吾似出面其他海南雞飯啲雞比較粗鞋，鴨胸飯都整得好好食，夠林，唔會好硬。到最後個無骨雞翼，都值得推介，可以一試！

Deciding on a late lunch, I decided to give Malacca Cuisine a try. There are several branches and I realized I've never actually eaten there.During afternoon tea time, they have a tea time menu that comes with a drink. Menu in English and Chinese. There is no 10% service charge.For my drink I had a lemongrass orange drink. They offered a variety of set drink options besides the usual. This was a nice mix of orange and lemon tea. There was a stick of lemongrass in it.I had the Hainan chicken rice

今日同一班朋友叫咗馬六嘅外賣，主要都係嗌小食。我覺得最出色嘅應該係羅馬手工豆卜蝦。豆卜入面釀咗蝦肉，有時真係會食到原隻細細地嘅蝦，俾人嘅感覺真材實料，炸得尼又唔會好熱氣。仲有一個值得讚嘅就係喇沙米線，個湯底好香濃但又唔係好辣(唔辣咁滯)，襯清清地嘅米線一流。無骨海南雞飯都唔錯，雞又多又滑，份量一啲都唔細，個油飯都唔錯，佢唔係油香好重好濃郁嗰隻，而係比較清清地既油香。仲有原隻雞翼，炸得香口，唔會炸到乾晒好硬，咬落去仲係嫩滑。

成日係灣仔行過都見到呢間野，呢日想食喇沙於是就去左呢間食，12:15去到未算多人，過多10-15分鐘門口都開始要排隊了。lunch menu款式都幾多，基本上主要特色食物都有得叫，有D餐仲可以一次過食到飯同麵價錢以灣仔區來說中等馬六無骨海南雞飯拼新加坡喇沙 $82特登揀叫呢個餐因為第一次食呢間野，想試多D佢唔同既野，於是叫左呢個又試到海南雞又試到喇沙麵。喇沙麵算係迷你，所以其實都唔會食唔晒。海南雞幾滑，有幾款汁比你點，都唔錯飯係油飯，配海南雞岩晒喇沙麵湯底幾濃，好濃喇沙味，但唔會好似某D喇沙咁好勁花生/花生醬味，少辣個喇沙麵都有隻蝦同蛋麵底係摻摻，好食再試埋馬來手工拉茶，幾香總結食物唔錯，份量夠，味道唔錯，不過價錢略貴，但以喇沙店來說都差不多

今次直入正題，總結來講，失望的肉骨茶湯米粉，米粉碗及咖啡杯留有其他食物渣滓，不衛生，直接負評。開始細分各項：肉骨茶湯米粉（＄６２，跟熱白咖啡）：有枸杞、豆卜、腐皮、冬菇粒、肉扒、蒜頭粒。食材上無什麼問題，但是蒜頭粒……是原粒無處理，帶皮的蒜頭，根部還帶有青綠色。我不清楚這是什麼的配搭方法，但首先令我覺得對此蒜頭感到不安。除了煲湯外，我從未見過有熱食會放入原粒無處理的蒜頭粒。整體味道上是比較清的中藥湯味，肉扒味道尚算正常，尚算嫩口。另外有一大問題出現，我在米粉湯底找到兩條短的油麵……熱白咖啡（＄０，跟餐）：偏奶茶味道，可接受。但是又有一大問題出現，我在咖啡杯底找到一粒檸檬核……班蘭咖央多士（＄１８，跟餐加配）：在旺角某娘惹餐廳吃過後，我希望在別的餐廳能再吃，好讓我有比較。這份多士的班蘭醬很淡色，但是班蘭味道顯得很清幽，其實不錯，可以再加添多少少就十分好味；多士烤得脆口；牛油再平均分佈多點就更好。今餐唯一不失望的只有小吃，可惜上面提及的地方並不能接受，放上負評希望店方改善

今次走返去港島區 。灣仔。十年難得一次會到嘅地方灣仔，偶然途經見到呢間店。馬六。係內街，真係唔多起眼嘅位置！就係因為佢唔起眼嘅關係我就走左入去試，好彩有人去食咋，超好食呀！連飲品都好正架！。新加坡喇沙摻摻。 呢碗喇沙面好食到呢，雖然海鮮一定係冰鮮嘢，但都女重料好多架(不過不失啦) ，重點係個湯底，非常香濃，杰身架，岀面好多時食都好水，呢間唔一樣，好差唔多飲曬呀，面質都相當彈牙，正！。檳城老鼠粉。 炒得夠乾身夠入味，加埋啲配料，花生，魚乾仔，蛋粒，非常夾！。柚子沙律。雖然係小吃，但都非常有誠意架，柚子係甜新鮮，唔似岀面好多都又苦又乾！。蝦春卷。 夠脆口，普普通通啦🤪。白咖啡。 好好味，咖啡愛好者(普通)，應該會鐘意呢個味！。桔仔檸檬茶。 味道特別，桔仔味非常香！都係果句啦，有機會經過不妨試下，有意外驚喜架！