馬六

營業中

休息中

呢排香港天氣忽冷忽熱，搞到個人好唔 精神。今日行過灣仔道見到 馬六 有正宗肉骨茶，啱曬我可以補一補!生肉骨茶配油飯肉骨茶 源自馬來西亞，以新鮮骨排和中藥淆製成湯。材料包括冬菇、玉竹、覺參、當歸、紅棗、甘草、胡椒粒及生熟地，配油飯和油炸鬼，伴上醬油、紅椒和蒜一齊吃。飲咗個湯成個人暖笠笠，補身養生，飽腹滿足！檳城傳統老鼠粉店員推介 係檳城傳統美食，香口惹味。 老鼠粉即係我哋嘅銀針粉 ，加上肉碎、冬菜粒、魚乾仔、花生，材料豐富。以乾炒烹調乾鍋上碟，自己再攪拌撈起，香味四溢，令人垂涎欲滴!班蘭咖央多士意猶未盡 點了班蘭咖央多士。斑蘭醬配厚牛油，份量絕不吝嗇！多士薄身脆口 微溫，配合溶解中的厚牛油和斑蘭醬，滋味無窮！這裏提供嘅飲用水，係用薄荷葉、班蘭葉 和香茅葉浸泡， 感覺清新清爽 ，香味怡人!

Went for lunch with friends on a weekday. Not so many people at peak hour. Our orders arrived quickly. The portion was quite generous and the tastes were nice. Only problem was their service. A waitress laughed at us and other guests seemly with no reason. A bit uncomfortable.

本身唔係諗住食呢間但諗住去嗰間因為未book位walk in唔到咁唯有是但揀一間黎食行過見到呢間好似茶餐廳咁嘅鋪頭但係食東南亞嘅嘢食就入去試吓朋友叫咗肉骨茶，佢係好大既一碗湯碗加一個油飯我試左啖湯，好重胡椒味，夠辣個人比較偏好胡椒味多過中藥味，所以覺得唔錯自己早點左巴東牛肉，份量都唔少大概有五舊牛肉，都幾大舊唔係好辣，面頭有少少椰汁淋上面旁邊有啲炸魚乾仔加花生，半粒蕃茄仔飯偏多，牛肉味道尚算ok但口感偏柴，可能係部位既問題但整體都ok 啦份量夠多最後叫左杯拉茶，杯野飲真係普通，唔試都可以

我今日又去灣仔馬六，因為它們一向對味道堅持，份量十足。今日我食咗午市套餐L09，可以一次過試晒出名嘅海南雞飯同喇沙湯麵。雖然兩樣都有，但份量都好足，啱晒今日超肚餓，食量大嘅我。海南雞有三款醬提供，配合雞同飯一齊食十分好味😋。十分鍾意喇沙用咗兩款唔同嘅麵底，有粗有幼，口感十足。喇沙湯底都好濃好足料。朋友揀咗L03，海南雞喇沙摻摻，佢話佢每次都係揀呢個套餐，因為signature，一定唔會揀錯。馬來手工拉茶可以揀唔同甜度，我揀左小甜。

對馬來亞食品來說，巴東牛肉絕對是招牌菜之一。但因為辛辣，總會叫某些人望而生畏，但就很合我的胃口。除了辣味，牛肉味也可以嚐到。牛肉味香濃，好吃。加上嫩滑的肉質，很易人口。這樣絕對不會因為過辣而掩蓋了食物的味道，很好吃，抵讚。更好的是可以配上香茅蜜，這飲品的口味很特別，香茅味很清新，配上蜜糖更叫飲品的味道多了一層變化。小小地啜一口香茅，叫人特別醒神。在吃到辣牛肉之後，來一口清新的香茅蜜，特別能舒解辣味。

馬六嗰日經過灣仔就見到呢間主打馬來西亞嘢既餐廳。一入到去覺得位置寬躺，裝修令人舒服。Menu 上既選擇都頗多。燒雞配椰醬飯最特別嘅係佢藍色外表嘅飯，打卡一流。椰汁飯椰子味濃郁，質地唔會太濕，食得出粒粒既飯粒。份量偏大。燒雞脾有差唔多手掌咁大，即係食隻雞脾都夠飽。外皮燒得脆之餘，仲燒烤味好重，入面既肉好滑，配埋椰漿飯食口感一流。馬六咖哩麵咖哩麵黎講佢唔算辣，不過味道偏濃，份量算多。而且佢既料好足，有大量既魚片條，豆pok，肉絲，配埋佢個咖喱面，非常有馬來西亞的味道，好惹味。另外，嗌左咗兩杯桔仔檸檬茶，食完重口味嘅，飲返杯清腸胃就岩啦。Conclusion: 呢間餐廳嘅主食，分量較為大份。而且佢嘅主菜有特色，唔單只係普通嘅馬來西亞主食一樣

上年10月去咗星加坡玩， 一直都好回味當地嘅肉骨茶， 剛好經過灣仔見到馬六呢間餐廳， 一於入去叫個肉骨茶嚟飲外表精緻，内裡有蝦但冇咩味道，冇左個sauce搞唔掂最期待嘅肉骨茶， 滾熱辣非常夠火喉， 而且好多豬骨， 仲放咗成個蒜頭落去煲，好足料Yummy!只係個配料（ 三粒辣椒+丁屎嘅蒜蓉）一係俾多D,一係換隻細D 既碟, 同埋漏哂氣嘅油炸鬼片，確實唔識欣賞辣味太多，cover左個蔬菜同柚子味聲稱係無骨海南雞， 食食下都食到一兩條 骨傢，

正所謂天有不測之風雲，喺灣仔行下街想搵食嘅時候個天要幫我沖涼~ 即刻就近望一望見到呢間馬六，兩條友拿拿林沖入去！呢間係連鎖東南亞餐廳，都冇咩所謂啦，可能真係同佢好有緣，望下menu 勝在佢有新加坡胡椒肉骨茶，呢個係我favorite，因為近來唔多食澱粉質，嗌咗個kaya就算啦，朋友就叫咗個巴東雞飯，因為想食油飯就加錢換埋油飯，覺得價錢都唔算貴~肉骨茶有四條骨，湯底真係唔錯似返新加坡嘅味，咖央有舊大牛油就肯定好食啦，但成晚最正係朋友嗰個油飯同埋黑豉油，油飯因為冇落薑黃好淡好淡嘅色，但食落嗰個油味非常之香但唔膩，結果我老笠咗朋友三分之一嘅飯嚟食；黑豉油我從來都唔係好鍾意食，不論新加坡或者馬來西亞，覺得除咗得個甜字之外就冇乜特別，但呢個黑豉油又好香 亦都唔係好甜，用嚟點肉骨茶相得益彰！呢個價錢 + 食物質素又唔錯，個天落呢場雨可能就係想push我嚟試下呢間嘢~

昨天去灣仔，午膳時經過一間食肄從其玻璃牆望進去，哇！爆滿！門外还有幾個人拿着籌等叫號。好奇心驅使決定光顧。點了款海南雞飯配新加坡風味喇沙歺还叫了杯咸金桔青檸熱飲。油飯香味撲鼻而來，粒子不沾但很煙韌，白切雞很敇滑，雞味香濃皮又很爽！有三款佐料，其中我最愛辣椒醤不太辣微甜微酸還帶有青檸香。海鮮喇沙帶東南亜風味米線爽滑油面煙韌，還有銀牙和豆卜等吸入帶有濃濃椰奶香和花生醤香味的的湯汁吃了更是美味可口！咸金桔加青檸熱飲對喉嚨不舒服的人來說簡直是良药，飲了舒服晒！這裏有各種各樣的菜式，我看鄰枱個個都吃得津津有味。下次再光顧我會選吃巴東牛肉和參巴魔鬼魚等。聽別人說很好吃。

今晚去完律敦治醫院探病，上網搵吓附近有咩好食，搵到間平價星馬菜，可能時間尚早，唔使等位，就坐低食野魚片喇沙參參$62-my favourite, 喇沙喇沙，整到夠好味先要椰汁比例調得好，另外配料同粉都好重要，粉係正宗喇沙，兩種粉加埋，米粉and油麵👍🏻👍🏻海南雞飯$68-68蚊海南雞係灣仔黎講都應該算好抵食，本來都無咩特別期望，點知原來咁滑又大碟🙌🏻馬拉盞通菜$36-炒菜點少得用馬拉盞炒，又夠香又夠獲氣😍

海南雞飯配肉骨茶海南雞不過不失，雞胸部份都唔鞋口！醬汁夠濃，油飯夠香🍚肉骨茶我唔識分係咪正宗，淨係知幾濃藥材味，成個湯好香，排骨好夠淋，幾岩我口味🤩 盛惠$82，可以一試🤤 牛肉係牛腩黎既，夠淋亦好惹味，食食下都幾辣🥵見到側邊配有花生魚仔好開心，點知d魚仔超級硬！扣分😪 夾左好多醬，但食落一d班蘭味都無🤷🏻‍♀️夾住好大片牛油，多士好脆，食唔飽先好嗌，完🤷🏻‍♀️

今日同同事喺莊士敦道做完嘢 行行下見到 呢間食星馬菜嘅餐廳馬六 午餐時段好多人喺入面 食物應該有番咁上下質素 唔執輸嘅我哋梗係即刻坐低啦沙巴燒雞配蝶豆花椰漿飯 十分驚訝隻雞髀點解可以咁大隻 而且燒到皮脆肉嫩又多汁 仲要巨型雞髀裏裏外外都熟透好高嘅技術 碗飯用上蝶豆花汁去煮 係好靚嘅紫藍色 食落充滿椰漿香氣 加上花生碎同魚乾仔 有正宗“辣死你阿媽”嘅感覺脆蘇東 唔知係咩嚟所以任性嘅我哋就叫 嚟食下啦 上菜見到三條尖尖地好似春捲嘅物體 咬樂脆卜卜 果然真係酥炸春捲皮 入面包上肉碎同埋蝦仁 感覺幾清新 有耳目一新嘅感覺

今日去完灣仔摩利臣山游泳池游水 行返出大街就見到呢間馬六 裝修得幾靚 而且下午茶時段價錢唔貴於是就坐低食下啦馬六無骨海南雞飯配白胡椒肉骨茶 海南雞飯精粹係飯油飯 粒粒分明軟硬適中 而且雞油味香濃 不過有少少偏鹹 海南雞整得嫩滑無比 雞皮好似啫喱咁爽脆 而且份量好大 肉骨茶非常辣 係胡椒嘅辣味 而且豬小排炆得夠軟淋入味 唔錯檳城黑醬油叉燒 叉燒大大塊係多瘦小肥嘅五花肉 啱曬香港人健康又為食嘅一族 用上黑醬油去煮甜甜地又惹味 用嚟送飯一流馬拉手工芝士奶茶味道同一般台式芝士飲品有天淵之別 芝士味唔濃郁但有清新嘅奶香 甜度適中幾有特別嘅感覺

今晚口淡淡 但又唔想食熱氣煎炸、辛辣嘢，路過灣仔見到有馬六分店，就去試下！馬六 喺香港連鎖經營餐廳，主打馬來西亞新加坡菜。這店裝修光鮮 雖然不大，但設有很多卡座，令客人坐得舒適！老街冬菇雞絲金邊粉冬菇雞絲配搭恰當清新 雞湯底 雞肉嫩滑巴東牛肉配米飯巴東牛肉印尼名菜 非常惹味 牛肉質感有咬口 醬汁偏微辣馬六小食拼盤 (咖哩角單骨雞翼 蝦春捲 雞肉串燒)各式其式東南亞小食，推介單骨雞翼，進食方便 非常滋味！ 蝦春卷熱騰騰，外脆蝦肉爽蛋黃醬多士和椰汁冰蛋黃味香濃 多士薄身脆口 椰汁冰冰凍 充滿椰汁香味食物出品充滿東南亞特式風味 。這裏進餐，不用加一收費 ！店員態度友善，性價比甚高！

見呢間餐廳好似好多地方都有分店 今日同同事黎返工附近既呢間試午餐時間好多人 不過我地等左10分鐘到就有得坐餐牌選擇好多 馬來西亞粉麵飯都有 喇沙都有好幾款😎最神奇既係有d飯加麵既combo 我叫左個海南雞飯拼海鮮喇沙 一次滿足2個願望🥰海南雞一般 照有平時既3種汁配 但覺得隻雞太油 😔反而喇沙好食 個湯好濃同埋配料都多 但都係偏油 下次會淨食喇沙同事叫左佢杯白咖啡話好好飲 香濃得黎又唔會太甜 下次要試下😝午餐幾十蚊性價比好高