馬場洞烤肉專門店 (形點 I) (已結業)

從來未見過服務咁差既餐廳由點菜開始就要俾人反白眼叫3樣野,飲品稍為諗左幾秒就要俾個黑衫黑帽黑口黑面馬尾女waitress用反白眼回應食完同朋友吹水,確實係講到過左鐘都未埋單但你10枱7空, 無人排隊等侯黑衫肥胖男侍應拎張單埋黎同我地講「超左時好耐喇」！！！無尾音無表情,講完就行開家陣我地得罪你咩？就算有落場時間, 好聲好氣叫個客埋左張單先好難既咩？唔駛你俾5星酒店級服務我地但服務性行業做到咁,唔駛旨意有下次

放假老友話想食下韓式午餐，搵左幾間老友話試下呢間馬場洞，一黎交通方便就係形點地下，近屯馬線，2黎個名又係韓國既地方名，一於試下，睇返資料呢間鋪前身係新麻蒲韓燒，上年其實都黎食過感覺就一般般，但再睇真d原來只係改左名，d餐牌上既食物印象中好似一樣，唔緊要再黎試下睇下有無分別。咁大約中午1點左右到啦，假期點都人多d等左半個鐘左右都入得，唔算太耐，個門面就比較唔似韓式餐廳，內在環境其實好大下，個格局同上年黎都無乜分別，睇黎都只係改名或轉手。由於安排坐左係比較角落既位，有時叫侍應都未必搵到人，個場又真係幾大，如果用QR code落單感覺好d。睇下個餐牌，今日主要就食韓式料理，午餐價錢其實都唔算平，不過如果話幾個朋友一齊聚下食下又ok。其實坐底就已經上左3碟前菜，有泡菜，土豆絲同雞脾菇，前菜講真幾有驚喜，泡菜味道少少酸少少辣，酸辣度唔算好搶，幾好食，土豆絲就爽脆，味道就淡d，最估唔到竟然有雞脾菇做前菜，個人幾鍾意食，味道少少辣，最緊要前菜係有得任食，但叫人就可能比較困難d，始終個位比較角落，最終都加多左碟泡菜。脊骨土豆鍋配飯呢個餐呢，真係幾誇張，1個鍋有成差唔多8件牛骨，件件大大舊，初初以為只係

餐廳環境（評分3.5/5）當日中午到餐廳後，被分配咗係一個比較尷尬既位置，因為好多侍應都係背向我地，所以比較難去落單，或者係refill啲前菜。但餐廳環境黎講相比地比較衛生、明亮、乾淨，入黎到坐低都感到非常舒服。值得一提既係，前菜非常美味，泡菜更加係一流中既一流，唔講以為自己黎咗韓國，泡菜相對較辣，不太符合香港人口味，但對於食得辣既我黎講，係相當不錯。脊骨土頭鍋配白飯（好食指數：4/5 $78）脊骨土頭鍋十分足料，並且以$78黎講，性價比超高，不過需要小心既係有啲脊骨肉比較難食到，對於女士黎講比較不友善，因為使用起來比較不方便，首次約會又要斯文形象既可以考慮避開依道菜啦。以食物質素黎講，肉會偏實正，雖然咁講，但土豆湯完美掩蓋咗肉既缺點，可以話係相輔相成，成個配搭相當完美，以前食過韓國餐廳，味道黎講可以話係有8-9成相似。韓式牛肉配飯（好食指數4.5/5 $88）韓式牛肉黎講，依一間既味道幾乎可以話係還原咗韓國餐廳既味道，未去過韓國旅行既朋友，可以值得一試，剩返去韓國食牛肉既成本😂以事論事先，牛肉都係非常足料，我身為一個肥胖既男人黎講，食唔曬係有少少慚愧😂肉既味道相當濃郁，牛味都處理得好

LUNCH最抵食之選唔係話真係好抵 但因為我好鐘意食韓國野關係呢間午餐既薯仔排骨湯真係算出色 同一個商場黎講都算價錢合理味道當然同韓國無得相比不過可能想做得可以迎合返香港人口味但都做到7成似樣加上味道唔錯行過可以試下一坐底就上小菜 泡菜啲味有喲單調 反而大豆芽幾入味講返個骨先好足料 大大舊 薯仔都好多呢個份量一個女仔未必食得晒建議同朋友叫兩個餐一齊SHARE味道方面 如果可以再加多喲胡椒粉同加芝麻葉就同韓國果喲一樣味啦

食物味道同環境OK，但服務全港至差！尤其是其中一個黑瘦的樓面女仔，黑口黑面，唔單止多謝都冇句，俾番張credit card果嚇果種傲慢無禮的姿態簡直令人愕然！本以為可以多啲幫襯嘅餐廳（好鐘意食韓國菜，餐廳又喺屋企樓下，步行唔到5分鐘），以後都唔會再幫襯！

Yoho Mall 呢間韓式烤肉店開左一段時間，成日經過都見唔係好多人食，所以沒咩衝動去試。今日媽咪話想食韓燒，先諗起去試下呢間。坐低先發現原來呢間同上一手間韓燒係同一個集團，個人覺得上手越做越唔啱我胃口。坐低就上左前菜，得4款，味道就一般。對比上手，款式明顯少左，味道就差不多。牛肉試左牛隔肌(封門柳)，牛肉味係幾濃，口感都軟滑，明顯比上手既肉好。豬肉就試Majang 特選豬肋排肉，肉味都好濃，幾爽口，都比上手好既。叫左嗰韓式炒粉絲，粉絲太稔，口感唔好。味道偏啖，牛肉好柴，整體都麻麻...

平時食韓燒好少啲牛係有牛味同質素好，多數都係咬唔開又唔好食。但今次竟然有驚喜 全部牛都有牛味同好嫩滑。最有驚喜就係醬油蟹 搞到我送咗兩碗飯😂另外佢個炸雞都好食推介醬油蟹 霜降牛 菲力牛排

.🔺 馬場洞烤肉專門店連放三日假😍😍今日決定偷懶唔煮飯 出去食個lunch☺️.元朗形點商場有好多裝修好靚嘅餐廳🍽今次試下好耐無食嘅韓牛燒肉😗.韓國直送1++韓牛西冷🥩必點推介！油脂分布平均～入口軟林又有牛味😍😍伊比利亞豬肩肉🐷好大塊厚身😋點上海鹽、芥末籽醬、Wasabi，可配搭唔同風味👍🏻牛胸肉大醬湯配飯🥘惹味推介👍🏻牛胸肉好滑，配菜豆腐、脆肉瓜好好味，配飯一流😍😝

有質素的韓牛，多肉汁，價錢合理。炸雞美味，吃的時候是熱的，配上蜜糖芥末醬，令人回味無窮。前菜美味，無限量添加，侍應積極為客人添加前菜。餐廳的地方大，環境舒服，期待下次再光顧。

Yoho 新麻蒲結業之後，新進駐嘅係馬場洞烤肉專門店🥩然後我問侍應拎牙籤嘅時候😂發現都係新麻蒲嘅牙籤🤣所以我估都係同集團🤣但係我覺得呢間好食啲😋🤔🟠嗌咗豬牛肉套餐🐷🐮套餐有：1++韓牛西冷180g + 牛膈肌（封門柳）150g＋五花肉150g + 伊比利亞豬肋排肉80g另外可以揀韓式生拌牛肉80g 或者韓國招牌炸雞（4件）我就揀咗生拌牛肉🐮不過唔建議揀🥲太韌有好多舊都係食唔到🥲🟡但係個烤肉套餐就好抵食✨份量好足👍🏻啲肉又幾靚😍重有啲菇配埋俾你燒👍🏻🟢前菜有4款，係可refill的👍🏻蒜芯，泡菜，雲耳，沙律菜🥗全部味道都幾好仲解膩😋🔵另外因為唔想飲佢啲水🥲覺得個杯好似有啲污糟🥲所以嗌咗西柚梳打🍹不過佢似橙梳打多啲🍊但都幾好唔會太甜✨

元朗真係好少韓國嘢食 好食嘢韓國嘢就更加少今次呢間真心有啲驚喜鮑魚粥食到粒粒鮑魚甜味十足而且個煲煲鐵做keep到熱辣辣韓式牛肋骨整體有少少偏咸送飯一流～而且配料都好豐富白蘿蔔紅蘿蔔仲有冬菇牛肉都有好多舊，大份抵食！牛肉雪濃湯呢個湯嘅驚喜之處係原來裏面有麵線每件牛肉都好厚 湯好甜如果湯飯咁食都正！開菜方面都係正路嘅芽菜同泡菜見到舖頭門口大雪櫃有好多牛肉店員話係韓國空運嘅韓牛元朗咁偏僻嘅地方都有食材講究嘅韓國食店！下次嚟試埋呢度韓燒都應該幾正！

服務態度非常令人不滿！所有食物餐具放下就走，不論你坐什麼位置就是放下就走，碟和餐具是一叠放下。我們五個人吃午膳，由於二人一枱限聚分三枱，也是這樣態度。食物質素也不新鮮/冇味道。之前去沙田那舖不是這樣的。不值推介。

第一次幫襯，平時見無乜人所以買兩個外賣餐試吓。烤厚切五花肉，大大舊肉但完全冇味，煮到死實；另外一個貴啲嘅極級霜降牛，四條牛條竟然要用死力先咬得開。店員唔老實，未有問過就自己決定轉要加錢嘅所謂泡菜炒飯（唔熱嘅），可以用劣食嚟形容。

佢未裝修未改名之前我哋已經成日過嚟食🤫 裝修完之後就要再試吓有冇唔同，裝修完出邊多咗一個櫃專擺牛肉嘅，另外裏便內部都靚咗好多因為我哋不嬲都食開佢嗰個風味牛排骨肉湯，所以今次都有嗌🤤🤤另外就再試埋嗰個韓味滋補牛肉湯🤫個風味牛排骨肉湯都仲係超好食 裏面啲粉絲吸晒牛湯，勁多牛排骨同埋個湯都仲係好好飲 撈飯一流 （😋9.5/10）個韓味滋補牛肉湯 我就覺得有少少太甜，但係我老公就十分之鍾意， （😋4/10，老公話佢俾8/10）另外啲配菜小碟，我個人就覺得好似之前嗰啲好食啲，不過我覺得都係抵食嘅 因為佢份量真係好足料同埋味道真係好好食🥰🥰🥰

The newly open Modern Majang Korean BBQ 🇰🇷🇰🇷at Yoho Mall is the successor of fellow Korean BBQ brand Shin Mapo BBQ. They actually operate under the same restaurant alongside 2 other brands - Nene Chicken 🐓 and Isaac Toast 🧀🍞 .The eatery kept most of its interiors, yet they have completely replaced the BBQ grills. Previously large pipes had been installed to extract all the smoke. Now the BBQ grill tablet has little holes which sucks out the smoke for exhaustion, so turns out place looks much mor