馬天奴咖啡 (已結業)

商場未裝修前已經成日幫襯，因為裝修好耐無黎呢個商場了。前幾日行過見到間舖，一直好想搵機會返黎試。以前成日見佢地意粉會風乾，偏硬，但正係我喜歡的：)今次黎食下午茶，都無令我失望wor！！叫左個芝士火腿蘑菇意粉：)。落好多芝士好香芝士味，個汁都好香香草味。菇用左新鮮的，鮮甜爽口。我好怕意粉個菇係罐頭無味又無口感。意粉無以前咁硬，但可接受。絕對好過又抵食過隔離連鎖店d意粉。唯一有意見係太子女(？)面黑過墨汁

一開始覺得店鋪裝修唔差，餐牌食物都ok，就嗌左個芝士蘑菇飛蝶，29蚊，黎到係塊芝士蘑菇烘底多士，咁早知我叫多士烘底啦，平啲添塊飛蝶黎到只係用塊紙包住，碟都冇隻裝住飛碟入面係得一塊芝士 幾片仔蘑菇，好失望。嗌左兩碟意粉，意粉就好似放左一兩個鐘無食咁，好乾不過唯一扺讚嘅係呢道係用新鮮蘑菇嘅，同埋熱飲都唔錯。........…..............................

某天在這這商場逛街，發現這角落，多了一家餐廳。其實是以往曾光顧的隱世小Café。小店消失了一段時間後，現在搬到這位置，反而更開揚呢！ 以前果個偏僻鋪位，已經變為美容院了。　原來跟以前一樣，客人先下單付款，才會安排食物。幸好今天是平日，客人不多。付款後，於籬笆旁就座吧！ 芝士蘑菇飛碟 配是日咖啡　　　今天穿了較貼身衣服，為保持形靚靚，選擇這個較輕盈的早餐。　　飛碟以白紙包好，打開來看，飛碟熱辣辣。中間溶化的芝士，顏色較深，伴著片片淡色的鮮蘑菇。不是深啡色浸鹹水的罐頭蘑菇呀！　新鮮菇的香味當然比較濃，配上濃度中等的芝士，這就是今天的早餐了。　這杯咖啡，加左奶，味道有點淡。早知就要走奶啦！　享用過後，快到12點了，客人漸多，唯有離座，逛街去了。

今日帶囝返畫班趕時間食小小野，係將軍澳廣場馬天奴咖啡食意粉，叫咗個白汁雜菌意粉，等咗15分鐘 ，個侍應拎咗碟白汁雞肉意粉黎，話太子爺炒錯咗問我哋可唔可以要咗去。為咗唔好浪費，我話好呀，點知個侍應叫我補返個差價一蚊，你哋冇睇錯係一蚊比佢。我老公當堂慶過火屎話唔要，叫佢倒咗去！ 最後佢話佢重新比個碟白汁雜菌意粉我哋，但食到最後發現有兩條頭髮係入面。呢間舖頭，我哋一定永不幫襯！