馬祖 (形點 I)

營業中

休息中

食野一般...食個308餐...可去一次..未無下次...豬肉好食過d 牛肉...話有2隻牛肉..黎2 隻分唔到..問親好似無答咁...湯底話係藥膳...但只有得香味..食入口係無藥膳味..

周末去開yoho mall晚膳都知好多間都好多人，呢間夜晚7點去到剛好仲有位，一人一鍋可以獨享自己喜愛湯底，今次選了椰子藥膳同台式麻辣湯底都唔錯，放題2個鐘，食最平果隻牛同豬，二人埋單$480，仲可以免費泊車3小時，最正係甜品仲有movenpick, 食返兩三杯抵返曬！飲品仲有熱薑茶👍🏻

秋風起，大家都一定感覺到天氣明顯涼左。依個時候，就岩哂食啲補補地嘅野。佢午市唔單止有得#打邊爐 ，仲有得食#米線。佢嘅米線就唔係#雲南米線 個種，而係以#藥膳 為主。好食指數：👍🏻👍🏻👍🏻👍🏻抵食指數：👍🏻👍🏻👍🏻回頭指數：👍🏻👍🏻👍🏻藥膳醉雞米線 $58湯底有桂圓，紅棗，木耳，杞子同黃酒，所以食落偏甜。酒味係勁重，之前食完甚至會面紅同feel 到有酒氣😹😹 今日本來個鼻一轉季就敏感到塞左。食完堅係通左😹😹至於雞嘅部分，都係雞脾同雞背嘅位置。肉質都算ok, 但係冇乜雞味。間唔中食番碗真係幾正。不過價錢都唔平，加完一六十幾蚊。下次食下佢個邊爐先😽😽

拎左飛等位， 我哋拎住B012嘅飛等，門口個女職員叫左一聲：有冇B飛，我呀媽遲咗少少反應拎住張飛行埋去，個女職員show 都唔show 佢俾左後面嗰兩夫婦入去，完全係冇視左我地其實等得耐反應唔切都係正常呀，洗唔洗咁嘅態度呀，遲左十秒反應就skip 左我地，又冇叫我地等下一張枱，係直接無視我地… 最後去左第二間食，呢間野可以blacklist了🫥呢間野幾好食都係假，態度真係「一絕」！

諗住一家人食生日飯，知平時晚餐形點一定多人，所以未夠6點去拎飛。眼見等一張枱，滿心期待期待望實電腦屏幕，10分鐘後見到顯示我哋個Number，推住BB車又怕撞到人，應該向個電視屏幕我個Number大概2,3分鐘左右我行過去，當時個屏幕仲係顯示緊我個Number，我行去櫃檯比張飛比擁有白鴿眼扎馬尾員工，不耐煩😡😡地說：「過左你Number，再等。」但重申個屏幕係顯示緊我個Number，講完呢句佢即刻撳下個Number，有料🤬🤬🤬🤬都唔緊要，生日唔想搞到冇心情，點知我放低張飛走人，一位戴眼鏡疑似經理人物，非常睇唔起人眼神拎走我張飛，仲嬲。🤬🤬🤬🤬🤬🤬🤬🤬諗返轉頭，返多謝返呢兩位員工，唔想入去坐低先感受到呢度啲服務咁好，我真好彩係唔會有任何人會叫你個Number提你，自己望實個Mon🤣🤣🤣🤣🤣🤣🤣🤣

Just simple dinner let try this Taiwanese style. Nice environment and polite professional staff. You can choose one soup per person plus some set with beef selection and buffet. The soup I choose was tomatoes spicy soup. The beef selection is very good quality well presented. The buffet is with good selection of vegetables, chicken meatball ice cream and huge selection of soft drink. The spicy tomatoes soup is outstanding you can also choose the spicy level. The chicken soup its also good. There

第一次光顧，當時是平日14:00，有4個樓面，客人數量只佔全場一半，一點也不忙碌。話說我叫了一杯黑糖冬瓜茶(熱)，嚐了一口後: 哇！靠！超級甜🤢然後叫店舖經理(藍色恤衫)給我半杯水，打算溝淡，但他放下食物就走開了，充耳不聞😧之後我叫另一位男同事，給我半杯水，他給了我一杯滿滿的。。請問「半杯水」很難理解嗎？然後我叫第三位女同事，也是同一個要求，又是一杯水🙉第四次才正確🙄🙄🙄🙄🙄🙄🙄

落大雨嘅日子 唔知點解總係想去打邊爐☔️最近Yoho mall開左好多新餐廳 今日就嚟試吓呢間台式火鍋放題啦🤩喺商場入邊嘅餐廳價錢都會進取少少嘅 畢竟環境好啲呢間放題有六款套餐俾你揀 豐儉由人任君選擇💰如果平日去五點前離座仲會平$20添！食lunch幾抵😚最近佢哋將任食90分鐘免費加到去120分鐘 慢慢坐慢慢食都得餐廳乾淨企理 雖然放題選擇唔算好多 但質量都OK👌🏻一人一鍋乾淨又衛生 唔使就住人哋嘅口味😋另外飲品同雪糕嘅種類幾多 隨時轉轉口味都得養生火鍋食落更滋補健康 唔使再驚打邊爐油膩熱氣啦🥰🥩PrimeGrade牛肩胛肉放題套餐 (成人$218)本身我哋都唔算係食肉獸 所以就揀咗個平平哋嘅餐試吓🤣套餐有西班牙無激素豬肉片、Prime Grade牛肩肉、台灣沙茶牛肉、精選雞腿肉、深海魚柳牛肩肉肥瘦適中 食落唔會好鞋 牛味幾出🐄豬肉片同樣質素唔錯 唔會有渣🐷深海魚柳比較軟淋 識落唔錯但差少少口感🐟其他沙茶牛肉同雞腿肉因為醃過嘅 我哋就冇試啦🤣🥥台灣藥膳椰子清雞湯呢個湯底真係非常之推薦 🤩🤩打邊爐前撈起左啲試飲 椰子味非常濃郁清甜🥰飲落藥膳味都幾出 仲見到有紅棗杞子等養生食材齋飲有少少鹹

之前食過晏晝粉麵餐，覺得抵食又好食，所以今晚去試吓夜晚嘅任食邊爐。我哋就揀咗中等價錢$298。包咗美國prime grade極上牛頸脊，西班牙黑毛豬。湯底就揀咗藥膳台灣麻辣鴨血凍豆腐湯。上湯底嘅時候望落都可以，但係睇真啲其實鴨血得四小塊，追加需要加$10。飲咗一啖湯底，鹹到連我依啲鍾意重口味嘅人都覺得太過份，太重手。另外牛同豬都好普通，可能唔係揀最貴嘅關係。而且自取區選擇相對比較少，最後甜品都算係最回本，可以任食movenpick。總括嚟講我都係唔會再去食晚餐，午餐時段都仲可以。

我想講，牛肉麵勁超級大碗！d麵多到差啲食唔晒。幾條牛肉大到食完係勁飽！莞茜充足，非常欣賞！蘿蔔算係十分入味。我叫咗嘅係藥饍麻辣，藥材味係有，不過唔算太大浸，我覺得可以再濃少許。至於辣，我叫大辣。個落單阿姐話：好辣架喎。咁我平時食開辣嘛，照叫大辣啦。黎到諗住佢咁把炮，應該有辣味吧。點知，一d辣味都冇啊。佢係唔記得落辣定係點啊？🤔🤔大辣唔會少少辣都無架？不過，都唔緊要啦，我叫佢比辣椒油我自己落Overall ，味道算ok 嘅。

同朋友聚會 晚餐諗唔到食邊間就決定左呢間馬祖打下邊爐我地叫左藥膳椰子清雞湯,花雕清雞湯同埋藥膳麻辣湯個湯底都OK既 但可能我唔太鐘意藥膳既味道所以我都係覺得麻麻地既 好大藥味但為左女朋友可以補下身 忍一次啦有幾個重點可以比大家參考自助區既配料可以揀既野其實真係唔多(如果比起出面既火鍋)都係丸,菜果啲配料 如果佢多啲選擇 我諗會好好多但服務上真係覺得hea既講真 每次想搵個人幫手落單都等左好耐不過重點既有好食既雪糕 當時我都同朋友講 如果係為左黎食雪糕呢就抵既但如果係一心為左打邊爐呢 就免喇總括黎講:比呢個價錢食自助火鍋 其實元朗真係有好多選擇為左藥膳湯想幫襯試下 我都推介既但我自己個人就未必會了 

多達十多款藥膳湯底🥘養生養顏滋補 一人一鍋每位都可按個人喜好選擇環境明亮舒適 坐得舒服提供各款米線 白飯套餐 主打90分鐘火鍋放題☀️Prime Grade牛肩胛肉放題套餐 $208/成人 $153/小童牛肉豬肉無限添加 上肉速度快☑️自助食材多達30多款任選各款飲料 雪糕🍨一餐過後超滿足😋雞湯湯底用料十足強烈推介藥膳椰子雞湯不錯的火鍋放題選擇🕺🏻🕺🏻環境: 💗💗💗💗美味度:💗💗💗💗推薦度: 💗💗💗💗

食物、湯底味親道都可以，選擇蕃茄藥膳湯底，無咩藥膳味，但蕃茄味ok。自助食物選擇唔多，菜只有三款，丸應該只有數款。我哋全程只係加咗一次肉，佢哋太忙，唔得閒理你。最大問題係服務態度，通常打邊爐都會提你最後五分鐘十分鐘之類，但呢間唔會，夠鐘時，經理黑晒面企我哋附近，我哋都黑人問號，唔知咩事，有個待應上前就講，你哋夠鐘，請而家埋單走人😄我哋多口問一句，點解唔早啲提提，佢話入門口就講咗90分鐘，自己計時。雖然都係，但提一提可以更好，亦唔使黑晒面。😂野食係可以，但服務態度真係唔得。

今日同同事去咗元朗形點打邊爐 - 馬祖台式火鍋店$218加一放題式食90分鐘香港開咗咁耐我都係第一次去食，馬祖台式火鍋店係一人一鍋自己可以揀返自己鍾意嘅湯底，今次揀咗麻辣油雞湯底有6款唔同價錢套餐包括唔同嘅肉類，就要全台揀埋同一個級數第一次食，我真心以為麻辣油雞裏面係有雞件🤣不過出面自助台都有得夾雞既，但係我就冇夾到專心一意食牛肉😙出面自助枱有唔同嘅嘢食夾，都係一啲正常嘅食材，其中有我比較鍾意食嘅萵筍，同埋佢啲墨魚丸貢丸都幾好食我覺得最出色嘅係佢嘅飲品選擇同埋甜品佢飲品選擇除咗有普通嘅汽水同埋解茶之外，佢仲有樂天嘅錫蘭紅茶，清清地好好飲唔會好甜。是我今次飲嘅荔枝烏龍茶真係好正🤣以前飲道地嘅荔枝玉露佢係好甜嘅但係有寒天但係呢個台灣製造嘅得米荔枝烏龍茶清甜有荔枝味之餘，仲有勁茶味點解平時香港其他地方冇得賣㗎🤣甜品試咗呢個沖繩海鹽雪糕，有淡淡的原味就其實冇乜特別，不過可以懷念下沖繩好想去旅行朋友試咗呢一個台灣微熱山丘嘅菠蘿雪糕🍦佢話完全冇假甜味，係真菠蘿味仲有菠蘿肉添食到超級飽啊

戲院重開, 急不及待一個人馬上入場，散場見餓去下午茶。路過馬祖麵館，有麵餐（原來不只做火鍋的）二話不說，即入。平日下午人客不多，服務員偏偏帶我搭坐一張四人枱(己有一人在食)，左右枱亦都有人雖說疫情暫緩但進餐要除口罩嘛...「吓！唔坐嘞」便轉身走人，店長即時建議我選坐其他空枱； 一早咁咪好囉。服務打了折扣，坐下叫了一客最平宜的「藥膳養生湯雞(選吃新竹米粉)」飲品黑糖薑茶(好在冇貨,原來只是罐飲）轉叫熱奶茶。鷄米一上 “嘩！” 好大碗... 米粉，好多紅棗，芫茜一撮，杞子幾粒，黑木耳幾小片，鷄只有4小塊（見圖）那4塊鷄件味道OK，湯底藥膳味OK。新竹米粉浸泡湯後真心好味嘅，雖餓但也食剩，實在太多呀，紅棗也沒有食。奶茶港式無特別，一般啦！56元OK啦, 鷄件多一两塊，服務向道由顧客感受出發，評分會高些。