駿發食館

營業中

休息中

我好少寫食評，食佐裡間個印象好深刻真係好好味值得推薦都特登寫下個食評！原本個日行著好多路，腳超軟想求其搵一間醫下肚返屋企，但老公極力推薦裡間同我去，咁就信佢啦！矣！撞到朋友都係度就一起啦！坐低見個餐牌就俾個💰28 BB鴿吸引住😍上到來賣相唔錯一試超好味⋯皮脆肉嫩仲多汁之後再有椒鹽九肚魚，鼓油皇鵝腸，泡椒鳳爪都讚，激辣避風塘水魷🦑令我估唔到個底有好惹味D粉絲我仲同老闆講下次可以少魷多粉絲嗎😅😅還有話梅涼瓜都幾特別，解膩⋯其實哎佐好多樣餸食到一半先想起影像原來個位置離朗豪坊都幾近，食過飯行過去10來分鐘！推薦！吃貨必試⋯⋯

👏🏻之前黎過幾好食，今晚決定帶婆婆黎食飯，一行五人，嗌左8樣野食☝🏻乳鴿皮脆肉嫩，老人家都咬到☝🏻涼瓜小食好爽，涼瓜甘苦，有D酸菜，酸酸甜甜好開胃☝🏻沙薑雞腳雞腳幾爽好咬，芝麻香入味，沙薑汁另上☝🏻沙爹肥牛粉絲煲份量唔少喎，牛肉薄切，好嫩，洋蔥芽菜好食☝🏻招牌豬手呢個太高期望，所以有些失望皮係香脆，但略嫌有d干☝🏻星洲炒米呢個正喎，真係辣辣地，岩我，有蝦有叉燒，平時出面食既星洲炒米，無乜辣味，呢度個味幾香☝🏻咕嚕骨保持水準，香脆肉嫩，酸甜味剛剛好，非常開胃☝🏻白菜魚頭湯幾香濃，有豆腐白菜，魚肉嫩滑，不過要小心骨

位置較偏🤔，旺角朗豪坊地鐵站出口或奧運站B出口步行只需15分鐘，但勝在出品美味😋、全新的裝修👍，價格合理👌，仲有兩間VIP房，沒有加一收費，仲營業至凌晨2點半！😱特色小菜有肥美鮮鵝腸，可以豉油皇、白灼或豉椒，每日有生猛海鮮供應供應，特別推介避風塘水魷😋，一試無妨、再試難忘😘！椒鹽九肚魚外脆內軟，還有一個小菜與別不同的～～～(駿發小炒皇）～～～，食完之後你就會知道老闆的老鄉是那裡⋯！😜😝😝😝

經同事介紹，來試下這家駿發食館!!之前未食過，所以由同事拍板!叫左八個菜! 都不錯!比其他打冷不同的是d料新鮮同夠鑊氣，份量多少少就perfect la !環境都不錯，可以再試

聽街坊介紹呢度新開左間大排檔幾好食於是今晚就同屋企人黎食晚飯菠蘿生炒骨。$71好好食，唔會多粉，炸得香脆，就算擺耐左都唔太淋！肉質嫩，連配菜，釆椒、洋蔥、菠蘿都好爽口醋香豬軟骨。$78有我最愛既豬軟骨唔洗唸，必嗌！原來係煲仔上，可保持熱度，唔錯唔錯豬軟骨酸酸甜甜好醒胃，又唔會多肥膏，但又唔會太乾。另外配料菠蘿，可減油膩感，唔錯！薑蔥魚雲煲。$81熱辣辣，雖然魚雲份量不多，但好滑且入味，而且有d骨脆到仲可以食添。粟米魚肚羹。$78分到大概7碗，用料毫無吝嗇，粟米魚肚粒的份量唔少，每一啖都好有口感好爽口啊豉油皇炒面。$68炒面呢個價底唔底見仁見智，但我一家都覺值！皆因炒面幼身爽口，食完絕不油膩。加埋芽菜、芝麻、韭黃、蔥，更爽口

屋企附近新開張嘅食肆, 有冷氣嘅大排檔, 暫時食左兩次打邊爐, 兩次都保持到水準, 特別是肥牛, 雞片, 膳片好好味, 價錢亦合理。 麻辣湯底夠香夠味, 食食下, 再加個炒麵, 好味有鑊氣。

老公生日，同埋老公啲frd一齊落黎食生日飯，見新開張，近近地，又有獨立房間可以book，於是就黎試試啦。男男女女一行十幾人，叫左十幾碟小菜啫啫通菜煲椒鹽豆腐豉椒味菜鵝腸好好味椒鹽鮮魷好食，粉薄，最怕食到啲椒鹽鮮魷成舊粉，呢度嘅椒鹽鮮魷非常合格蒜蓉粉絲蒸蟶子不錯炸子雞皮脆肉嫩不過個人覺得可以鹹多少少，本人比較like 重口味百花炸大腸椒鹽腰果雞軟骨食到停唔到口豉汁帶子蒸豆腐不是百福豆腐，不過可能有人會鍾意百福豆腐多啲口感上覺得滑啲豉油皇炒麵如果多啲芝麻仲正避風塘水魷男人推介，男士們話好正惹味爽口，佐酒一流冬瓜盅，好多料，有金華火腿、瘦肉粒、帶子、蝦、勝瓜同夜香花……但略嫌鹹左啲可能落多左金華火腿……脆皮咸豬手皮脆夠味，不過影唔到相，出去食支煙返黎就比人撕殺左另外，去完洗手間出黎見到有枱客食緊好大碟象跋蚌刺身好正咁，即刻想柯打返碟，但侍應話要早一日預訂咁唯有下次黎試下啦…整體黎講，今餐飯非常滿意，飲飽食醉，會再返轉頭，諗住下次黎試下火鍋先好似話收凌晨兩點半，老公話啱哂，下次可以同啲豬朋狗友落黎宵夜😬

今日和屋企人出街食晚飯行過呢間開左半個月嘅飯店望入去，感覺都幾舒服所以就決定入去試吓我哋叫咗幾款小菜欖菜肉鬆四季豆，夠鑊氣（食咗一半先發現唔記得相機食先）bb鴿28蚊隻，抵食之選椒鹽九肚魚好好食豉椒鵝腸好爽口整體嚟講，屋企人都好滿意！以後又多個地方選擇了