鬍鬚仔 (已結業)

今日嚟到屯門hea 一日😊😊😊見到有間漢堡包店開張左冇耐因為之前開張都好多人去食 都好多人排隊今次就唔需要排隊 裝修就普普通通啦而裏便嘅座位呢就唔係太多嘅我哋揀咗個大玻璃嗰邊坐坐低就開始間嘢食啦 加勒比海牛堡餐✌🏻同埋個經典牛堡等咗一陣 啲牛堡就嚟啦佢聲稱牛堡用咗四安士紐西蘭漢堡扒，車打芝士同蜜糖芥茉醬，仲有生菜同新鮮番茄😅😅😅但係真心我唔覺得啲食材好新鮮 我只係覺得呢個價錢有咁嘅質素算係咁如果加勒比海牛堡餐都係冇乜特別唯一反而好食嘅係啲薯條 脆脆地😅😅可能我真係唔係好識得欣賞

來到屯門區又想平平地食餐好西朋友就介紹我嚟食漢堡包呢間位於屋村商場小店試過之後 覺得回頭率超高！-呢間黃店叫鬍鬚仔店內餐牌亦都有好多唔同漢堡嘅配搭俾大家選擇除咗漢堡都有熱狗同埋其他小食餐牌上嘅價錢只係漢堡包單叫同麥記比當然價錢係貴少少但係質素絕對高過麥記多多聲！-我就叫咗個櫻花蝦魚柳漢堡再加$18有粗薯條呢個櫻花蝦魚柳漢堡食到不得了！本身唔太鍾意食漢堡包嘅我一食就愛上了🥰首先係佢嘅魚柳啱啱炸出來，皮脆內軟本身就係唔想食太多肉，所以先叫魚堡果然冇令我失望！食到尾都仲係熱辣辣，再加上櫻花蝦，同埋魚柳汁幾重口感真係好正本身唔太鍾意醬汁嘅我，食落去完全唔會覺得dry但係亦唔可以覺得漏🤤加埋生菜同埋蕃茄，食落去成個感覺完全肉菜嘅平衡十分好啖啖肉之餘亦有清新嘅感覺-薯條都好食不過唯一可惜嘅地方係佢唔係我想像中嗰種脆薯條食落去係熱辣辣，口感亦都十足，因為佢切到好厚但口感就唔係脆卜卜嗰種薯條同埋提醒一下大家佢嘅份量真係好多，我仲同朋友一人叫咗一包，其實兩個人share已經好夠奉勸大家唔好眼闊肚窄🥲🥲🥲-加$18除咗有薯條亦有嘢飲，其實都幾抵㗎！再加上店員服務態度都OK唯獨環境方面，舖頭門面比較細，有時

食漢堡飽真係唔止得一間既選擇，有好多小店其實都做得唔錯，幾好食！HANDS商場入面有間「鬍鬚仔」，主打漢堡、熱狗和薯條，晚市堂食未放寬前，就外賣試試其水溫。三重奏芝士熱狗 $45以12吋長法蘭克福腸作招徠，賣相當然具一定的吸引力，加上三款澎湃到湧出黎既芝士醬，雖然食到好‘論盡’，但滋味又滿足😋加勒比海牛堡 $46外賣返到屋企，熱力加濕氣令個飽走晒樣☹️不過加左菠蘿既漢堡，硬係覺得唔係好match，下次試返經典牛堡/至尊牛堡先！鹹蛋黃薯條 $32鹹蛋黃薯片食得多，鹹蛋黃薯條唔係道道都有，就要一份試試；粗薯條本身幾好食，但鹹蛋黃味道唔算濃，比預期有點落差，如果再濃啲應該會好食啲！電話oder完行到去就擰得，唔駛等好耐；有好多人幫襯，最好打定電話落單。整體算唔錯，下次可以再試其他款式。

最近在屋邨商場新開張了不同的食店，今次就試一試漢堡專門店。在剛剛新開張時，有不少人排隊，現在已過了新鮮感時期，就算午餐時間都不用排隊了。環境：店內呈一個半圓形，外圍是玻璃牆，空間不大，只有數張桌，所以我都是外賣回家吃。午市：自付款後上菜，先選漢堡類型，再決定是否要加小食餐，值得一讚是可供選擇小食較多，有四項，分別是雞軟骨、薯條、沙律和雞翼。我就選擇了韓式泡菜牛堡$42和小食餐A$22：兩串雞軟骨和是日餐湯。是日餐湯是黑松露野菌湯，黑松露香氣很濃郁，有一塊蘑菇根，雖然是清湯，不多料，但鮮味十足。反而是漢堡失色不少，漢堡的重點是牛肉排，但乾身而肉味淡，配料由上層的泡菜、芝士、牛肉、蕃茄和生菜。其實泡菜可以再豐富一點，上下一層，其實泡菜和牛肉是味道很配合的食材，感覺沒有發揮應有的水準。雞軟骨表現不錯，很有嚼勁，帶點咸香和爽脆，很好吃。

六點後無堂食, 人神共憤😤幸好上帝留了一扇窗, 屯門美食多, 雖然安定友愛平均年齡偏高, 新開張的漢堡店出乎意料地多人等外賣, 於是, 星期日晚廚房做到無停手🚣點了一隻經典熱狗和一個加勒比牛堡, 跟餐一份薯條、一份雞翼, 兩碗松露忌廉湯🏃不枉前後等了半句鐘, 上平台即刻拆袋食脆炸🐔翼, 熱到辣嘴; 🍟係薯塊, 有誠意👍可惜只係配地門茄醬; 熱狗一如餐牌所寫長, 脆皮腸衣👌, 但肉餡單一味道純咸, 熱狗包軟熟, 超多醬汁但無提升味道層次, 而且食到成手都係😥 ; 🍔份量細小但材料豐富, 漢堡好味😇; 湯一打開就有黑松露的煤氣味撲面而來, 亦係誠意之作

食過兩次，都係同一個店員做收銀，係個女仔嚟。每次都係黑口黑面態度差，嗌個餐好似殺左佢全家咁，完全唔明白點解可以無怨無仇態度咁差。Btw呢間嘅burger真心好食😋如果店員（嗰個女仔）嘅態度可以好啲就好，唔係要你好熱情，起碼唔好語氣咁串同態度咁差先

鬍鬚仔開到嚟屯門lu💛今日就過嚟食個lunch大大個鬍鬚logo好易認黃色圈圈可以有優惠burger成十幾款選擇，仲有小食、熱狗依啲真係花多眼亂樣樣都想試吓我哋兩個都轉咗combo, 所以有埋飲品同小食至尊牛堡 $46望落去已經夠晒吸引芝士同蛋蛋都流晒出嚟除咗塊牛肉之外，仲有芝士、煙肉、洋蔥圈、蛋蛋太足料，食得少少狼狽嘅最鐘意係佢個包用honey mustard好夾，但如果成個包都烘過，就更加好啦至於小食就揀咗芝士條同小食質素都係正常啦整體嚟講都算抵食，但質素又無話好出色🤔路過嚟食都ok嘅，唔使話要特登嚟食😂

#牛油果軟殼蟹堡 🦀 配粗薯條🍟+是日餐湯🥣小編平時都好鍾意食軟殼蟹嘅！但係就未試過配埋牛油果醬，以一個漢堡嘅形式去食，今次係第一次😝大家見到個漢堡嘅份量非常之大，成隻軟殼蟹真係好震撼！而且佢炸得比較乾身，唔算好油膩，幾好😉 不過小編有個唔係幾好嘅感覺，因為佢層炸衣比較薄，我食食吓會見到軟殼蟹個真身，見到d鬚鬚嘅時候⋯覺得有少少嘔心⋯😣 不過瞌埋眼當睇唔到，味道係真係OK 㗎🙈但係喺牛油果醬方面🥑，我就覺得牛油果嘅味道唔算特別濃郁，味道偏鹹。不過小編未試過食其他牛油果醬，可能本身嘅味道就係咁，如果佢係牛油果醬再加上幾片牛油果，應該會更加好味😋🤣.跟餐配嘅粗薯條🍟，係比較闊同扁身嘅，口感較林，但係係充滿薯肉既，都唔錯～ 仲有嗰日嘅蘑菇湯🥣，雖然比較流質，但係味道都幾濃郁，有驚喜！小編覺得幾好飲🤓.🏆 「豬」味指數：6.5/10📌 溫馨提示：因為疫情嘅關係，同埋舖頭大細，嗰度大概有10張枱到啦！咁所以大家都可以睇返情況，預岩時間再去朝聖啦😎

鬍鬚仔係屯門開咗幾個月都未去試，始終位置有d 偏，今日有事去開個頭一於去試。今次試咗泡菜漢堡包，加多$20有埋粗薯條及飲品。最初以為薯條份量會少d,但原來都多，最後食唔哂。講番個包，先要讚泡菜，咸味剛好，但可惜有d 凍，係冬天食就感覺冇咁完美。漢堡肉味係食到尾冇哂泡菜先食到肉味，但$60個餐即整都始終係讚。薯條亦外脆內軟，仍夠熱。飲品可揀湯、罐裝，紙包。今日見係松露忌廉湯，望見隔離位飲，賣相都唔錯，日後會再試其他包。

餐廳：鬍鬚仔 (屯門)地址：屯門鄉事會路2A號愛定商場2樓H216號舖十年唔入一次屯門嘅的緊係要食盡黃店啦💛，今次去到平民價漢堡黃店——Mustache Chef，佢地啱啱2020年11月開始喺屯門愛定商場開第2間店🈺️經典牛堡 $38呢個牛堡堅係超抵食🍔，用咗四安士紐西蘭漢堡扒，配上車打芝士同蜜糖芥茉醬，仲有生菜🥬同新鮮番茄🍅，一咬落去就食到出塊牛有幾咁juicy💦，出面食嘅話無返60-70蚊都食唔到😍牛油果軟殼蟹堡 $49朋友就食咗呢個軟殼蟹堡，軟殼蟹成隻上🦀，另外加入牛油果醬🥑，聽佢食果陣「滋滋聲」就知隻軟殼蟹炸得好鬆脆😆咸蛋黃雞翼 $38/5隻咸蛋黃味超香濃，鍾意食咸蛋黃嘅人就唔好錯過😎，不過我就嫌啲粉有少少厚，但係都炸得幾香口，咬落去肉汁豐富，值得一試👍芝士煙肉焗大啡菇 $48/2隻呢個大啡菇賣相就真係麻麻🙈，有啲燶燶地嘅感覺，不過食落又真係有啲驚喜🤩，啡菇嘅汁連埋芝士同煙肉香🥓，其實真係冇得輸憑佢地嘅單據去屯門九份茶飲黃店買嘢飲🧋，仲可以免費升級大杯裝或者送仙草/黑糖珍珠一份，屯門人你仲等咩😎？

屋企附近商場呢排開咗唔少新嘅小店，可能新開張，成日經過都會見到好多人排隊～.💛照燒玉子雞堡 $39 + 脆香雞翼 $22第一下見到嗰雞堡賣相唔差，係塊扒同煎蛋放到歪咗跌出嚟咁濟，心知都會食得有啲論盡，呢個位有啲扣分～至於味道就正常啦，甜甜地嘅燒汁，但就少咗啲；塊雞扒煎得幾香又大塊，包應該有烘過但都係偏軟身～無食老麥一段時間，叫返嗰同款脆香雞翼，食落唔算厚粉，可能擺咗陣先食，所以已經唔太脆口，味道正常～.💛牛油果🥑軟殼蟹堡 $49肥🐑好鐘意食軟殼蟹，嗰蟹堡份量十足，炸得啱啱好，但略嫌味道偏淡，唔太食到牛油果味～.漢堡嘅選擇都算多，另外仲有熱狗🌭️同一啲小食～當你諗唔到晏晝夜晚食乜，可以喺度解決～性價比都🆗.更多不專業但真實分享嘅食評，即刻去留意同follow我哋嘅IG🐷@char.lei.w 啦～

鬍鬚仔總店係喺青衣，嗰陣已經留意到係高質黃店，最近喺屯門開咗分店，近近地終於可以試吓！呢間屯門分店係自助形式，排隊落完單後自己搵位同埋捧餐，座位都算多，食物都係即叫即整。•🥢墨西哥脆辣雞堡 $39雞扒大大塊，醃得好夠味，炸到外脆內軟，juicy而唔油膩，辣度只係小辣，推薦！•🥢韓式泡菜牛堡 $42漢堡包夾住牛肉、泡菜、蕃茄、生菜同芝士。牛肉唔乾，少少juicy，唔會痴牙，而泡菜唔會好咸，少少辣，出奇地好食🤤 同其他配菜好夾，如果芝士味再重啲就perfect😋•🥢脆香雞翼(小食餐A) +$22漢堡同熱狗都可以加跟餐小食，我哋揀咗兩隻雞翼同一罐汽水。雞翼冇咩味，味道好淡，夠脆口但炸粉有少少厚。•🥢咸蛋黃薯條 $32叫咗全份咸蛋黃薯條，薯條係超級粗，薯味好濃，似薯角但唔太脆，我個人比較鍾意食脆身嘅薯條。咸蛋黃太少，所以咸蛋黃味好淡，如果點茄汁嚟食更加食唔到咸蛋黃味。

#pb食在屯門 #pb支持黃店💛 歡迎屯門鬍鬚仔🧔🏻相信青衣嘅朋友都好熟呢位鬍鬚仔🧔🏻 佢最近係屯門開左分店 當然要即刻去拜訪下佢🤩 Lunch時間去好多人排隊 都要等20分鐘🙈 值得一提 店買服務非常好 我d野食因為要等位所以擺凍左 佢即刻幫我重新整過👍🏻💕.佢主要賣Burger同熱狗 價錢平均都要$40個🙈 如果加埋小食餐$18/$22 都要成$60蚊🤪 價錢雖然唔算平 不過真係幾高質🤩🔹牛油果軟殼蟹堡 + 小食餐A🦀原隻軟殼蟹擺係面己已經夠哂搶眼🤩 軟殼蟹食落仲好juicy 唔好好乾身😋 小食餐配薯條份量都好多 夠哂飽👍🏻 個蘑菇湯好濃😍🔹 韓式泡菜牛堡 + 小食餐B🐂Burger入面有好多泡菜 仲升級左做安格斯漢堡 好厚身😋 個包食落唔會淋哂 少少脆😍.之前見到消息話青衣舖位加租好勁 唔知捱唔捱到🥺 屯門友要努力懲罰 唔好俾佢消失💛鬍鬚仔屯門屯門鄉事會路2A號H.A.N.D.S H區2樓H216號舖

20/12/2020 週六 朋友推薦安定有間新開的漢堡包店🍔星期六 專程來試試 店內位置不多 剛好有張2人檯點餐後 自己到雪櫃取飲品 再入座 試了「至尊牛堡 」內有煙肉、洋蔥圈、蛋、蔬菜、芝士、牛扒😋好豐富 入面既流心煎蛋🍳黑松露薯條 🍟 與 黑松露大啡菇堡是一樣的醬汁👍🏻👍🏻 黑松露大啡菇中規中矩，沒很大驚喜下次再試其他漢堡😋😋