鬍鬚仔 (已結業)

🥢青衣大廚隱身街市 高質即製漢堡 🥢請支持即刻俾心👍🏻🥢呢排發覺街市有間人龍不斷的漢堡店，小店主打漢堡包，平均約5吋高，原來睇返報道，留住薯片叔叔的鬍鬚老闆原來，以前是西餐大廚，在這小小的街市開了小小店鋪，圓老闆夢🥢四式芝士牛堡 $45 目測有四到五串高的大大一個漢堡，牛肉超級厚，應該有4安士左右，份量真心夠曬多，用上車打芝士、Mozzarella芝士、Parmesan芝士和四式芝士醬製成，包面有用心烘過，牛肉加上芝士的味道超 juicy ,好滿足🥢加勒比海牛堡 $41有我最鐘意的菠蘿呀，菠蘿有細心去煎到微焦，牛肉口感好軟夠牛味，蕃茄生菜都好新鮮，清甜，個漢堡包有成5吋高，一口咬唔曬架，好正🥢加配套餐 $15 洋蔥圈/ 薯條 , 黑松露野菌湯/飲品選了套餐一定要飲湯，因為好高質，充滿黑松露香氣夠濃厚，洋蔥圈炸得香脆洋蔥夠甜，加$15 有曬兩樣野真心抵食鬍鬚仔地址: 青衣担杆山路6號長發廣場青衣市場地下2號舖🥢以平民價錢食到高質漢堡包真係喜出望外，雖然等待的時間比較長，因為看得到老闆是每一件配料都用心製作，一塊一塊去慢慢煎，好的美食好好值得俾d 時

鋪頭位於青衣長發離開青衣城基本上青衣就無乜好食鋪頭好開心搵到依間小食店我對於burger 都有一定嘅要求依間burger 好juicy經典牛堡入面有芥末芝士 味道一流而且薯條炸得香脆係美食沙漠嘅清泉會再翻兜

除罷搭黨鐵外，旗下商場我都盡量少幫襯，今次找來屋企附近一間良心漢堡店，略盡綿力支持一下。小店位於街市內，平日直行直過沒多留意，周日午飯時間來到，見店員們密密做到無停手，本來店前有數個堂食空位，不過人來人往好擠逼，拿著外賣去海傍吹著海風更寫意。 墨西哥脆雞堡$36 小食、漢堡、熱狗選擇十餘項，一場來到當然要點其最拿手的。漢堡即點即製，等了大約十五至二十分鐘才到手。包身用鐵板烘過微暖，雞扒外露大大件，脆漿酥脆鬆化，咬下肉汁多之餘居然毫無膩感，加上蕃茄、芝士、生菜和墨西哥辣椒等，口感極豐富，大滿足。 下單前一點也不餓，所以連薯條也沒加配，怎料在沒期望底下吃到如此驚喜高質的漢堡，實在太開心，以後想吃美味漢堡也容易多了！

因為某啲原故嚟咗呢間嘢搵食去到真係見到鬍鬚仔本尊！有啲似海天堂嗰條友😂鬍鬚仔同其他店員哥哥都好nice先加一分！.本來都對煎炸油膩野有少少卻步但都係想試吓份burger一嚟到，哇！大份到呢....可以話係麥記兩倍但價錢就差唔幾.好 我專業嘅量多唔代表質好都係試返啖先料係非常足嘅咬落去牛肉好香 唔會太肥或太韌同其他配菜都好夾朋友食個熱狗都好好味！條腸大到可以切開整多份😂加錢可以轉餐多個小食同飲品我加咗粗薯條又係大份兼好味！朋友嘅雞軟骨就有啲失色啦普通貨色咁啦.食完今次真心唔明點解要幫襯快餐店😂呢度真係好味好抵食！大推！.我衰仔 唔記得影相 自己去fact check啦！

青衣飲食沙漠，雖然青衣城同長發商場好似好多食店，但大部分都係連鎖商店，味道千編一律，嚟到長發商場街市內比較多小店，有間專食漢堡、熱狗的小店，就試下啦！星期六下午5點幾已好多食客排隊購買，分別點了2個餐，加勒比海牛堡+雞軟骨串+汽水，四重芝士熱狗+洋蔥圈+汽水由於此店即叫即做，製作需時要等15~20分鐘才可取餐，另小店堂食位置有限，只有一張長枱5張櫈，故都係選擇自取外賣。加勒比海牛堡大大份好足料，煙肉陪上一大塊菠蘿牛堡，牛肉多汁肉嫩，配合起上嚟甜酸肉香，美味可口，好好味 雞軟骨串咸香肉嫩，有咬口也是不錯之選四重芝士熱狗打開外賣袋包得好靚，大大份仲要熱狗腸咁長，睇到好開心我超鍾意食熱狗腸 熱狗腸皮脆肉嫩又唔會太咸，配搭上芝士同麵包恰到好處，如芝士味再濃D 同個包再脆D 會更加好食 洋蔥圈炸得唔油膩，而且好脆配上店鋪的沙律醬，好好味~多食也不膩 購買食物時店員也有禮，而且汽水櫃是放在店外，店員也信任食客自取汽水，汽水都係可樂、橙汁、綠茶之類。。。下次可以試下該店黑松露湯、炸薯條，見食客品嚐好似買相幾好味

外賣自取了至尊牛堡（轉安格斯）－十分美味；墨西哥雞堡（可以辣D)，漢堡份量超大。跟餐mushroom soup (superb),洋蔥圈（很多），雞翼（好味），共$122，抵到個點，性價比奇高。出面餐廳simpxx life只吃到一個漢堡，重要唔係好好食。作為青衣人表示好幸福，一定要叫屋企人大大力punish呢間嘢。個湯可唔可以加幾蚊多D分量，因為真係好好味！打電話落order，等15分鐘就有得攞，幾方便。

講到青衣有咩好食，可以推介，我相信好多人都應該講唔出！青衣可以說係一個美食沙漠。自從有左外送服務之後，讓我們更加認識這個地方，原來都冇些隱世美食！估你唔到係，來自一個普通的街市「長發街市」。原來當中有一間賣漢堡的鋪。今次我們四個同事，每人各點了四款食物。韓式泡菜熱狗🌭️首先熱狗來說這店賣的是12寸長熱狗腸，加上韓式泡菜的配搭，原來味道也相當不錯的！黑松露野菌熱狗🌭️黑松露醬很香，而且勁多菇！墨西哥脆辣雞堡，雞扒超厚肉，外面炸得脆而乾身，而我墨西哥辣醬份量足夠。牛油果軟殻蟹堡，軟殻蟹香口而且juicy ，配搭牛油果口感勁豐富而且沒有油膩感。

其實食過好多次，但無意中發現原來呢到得好少食評，所以即刻打返篇推介下。老實講，食完呢間既burger真係唔會再想食其他間既。不論mos burger定burgeroom等等。因為呢間真係又平又好味呢！性價比高。即叫即做，塊牛肉好厚好juicy, 個包又烘底，再加埋其他配菜真係一流😋😋店主都好好人，又好笑容。有時打定電話order定，幾個字後黎拎就得。當然堂食就再好味d。不過岩岩突然好想食，但趕時間，所以又黎左買外賣了。最後重點，呢間店係黃嫁。大大盒mask放門口 寫住青衣人加油。支持小店！加油加油❤️

大到失去焦點😮大過部i6s $39有成12吋長真係amazing呀！個黑松露湯都好好飲，勁多菇，唔係hea白湯（你懂的）洋蔥圈都炸得好靚！想睇下小鮮肉整熱狗，點知阿哥仔居然。。。蒙曬面喎反了反了，一定要大大力咁懲罰佢

平時去開長發都係食mos burger聽人推介就嚟咗呢間食，40蚊就有個大漢堡，即叫即製，個包好脆，肉好juicy, 非常物超所值！真係好好食，雖然我好鍾意Mos 都不得不承認佢係好食過Mos 好多😂

昨日去了長發街市的漢堡小店，點了經典牛堡及至尊牛堡。牛肉非常juicy，不會“鞋”口，醬汗配搭非常好，麵包熱熱的新鮮好味，跟餐叫了一份炸薯條及蘑菇湯，炸薯條制作認真，非常香口，蘑菇湯夠香但不夠咸，所以我自行加左小小盬，立即好味晒😋可惜一個包加份薯條已經飽飽，試唔到其他嘢食。老闆望落很cool，實際幾好傾幾親切。唯一係因為食街，比較大油煙，有小許餘香(油煙味)帶返屋企🤣建議賣外賣點家慢慢食必會翻啅之選👍🏻

小店位於街市入面的小食街，店前有4,5張椅好多食客都係叫外賣漢堡包薯條都係即刻食先會最好食😋經典牛堡($35)送上黎時真係嘩聲，好高好大的漢堡包😍只賣$35，良心價漢堡扒好厚身大塊，煎完都唔乾，保留到肉汁脹卜卜的面包有煎一煎配上芝士，番茄，生菜，好滿足四色芝士牛堡($45)比經典牛堡多左熱溶芝士，一路食芝士都重流緊芝士好香，芝士迷一定要食跟餐+$15，有飲品或湯 加薯條或洋蔥圈或蒜蓉包洋蔥圈好好食👍🏼炸得香脆，唔會油外面炸醬唔會好厚，入面洋蔥清甜配上他他醬，正薯條🍟熱辣辣既粗薯條，唔會好油份量都唔少街市入面都有高質小店，一定會再黎幫襯😊

我從來冇寫過食評，但尼間真係忍唔住要講。夜晚收工後，麥當勞都收左，而且好難食，所以會去街市入面有個小型美食廣場買嘢食，尼間算新開，諗住試下，點知價錢經濟實惠，又真係好食，所以好值得推介。老公最愛至尊牛堡，塊牛夠厚，醬汁夠多，有煎蛋+煙肉，食完好滿足😋套裝可選洋蔥圈；我食過櫻花蝦魚堡，魚柳炸得好脆，有他他醬，最有誠意個麵包唔係麥當勞那種嘉頓麵包，而且有塗牛油再烘過👍🏻每次即整等15mins左右，但真係值得，真心推薦。

青衣街市竟然有一間隱世美食，專食漢堡同各式意粉，而且性價比極高，絕對可以再encore！  至尊漢堡，入面有漢堡、蛋、煙肉、芝士、洋蔥圈等，超足料！食落感覺唔會超油膩，堂食仲熱辣辣，夠晒新鮮！牛油果軟殼蟹漢堡，雖然材料冇頭先咁多，但勝在軟殼蟹即炸，夠晒香口又夠Juicy！全部野加埋唔使$100，超抵食！值得一提嘅係呢度由2個男人主理，非常有默契，我哋係鋪頭面前食，2位都同我哋有傾有講，好好禮貌，仲講埋佢哋嘅背景同點解會開呢間舖頭添，呢啲為咗俾好食物俾食客嘅食肆係香港地仲有幾多呀！

長發食宵夜食得多，真正坐低食係第一次，今次終於試下食!鋪頭有幾個坐位，食物種類都幾多，主要以西式為主。黑松露大啡菇漢堡，麵包有烘過🥯食落比較香口，唔係淋哂個啲麵包；啡菇同其他配料亦食得出係新鮮，黑松露撈左落沙律醬入面，黑松露味道唔算好出，但所有食物加埋一齊食亦叫剛好。總括黎講覺得幾好食，有衝動想試埋其他，但因為宵夜關係，只能淺嚐，下次可以跟套餐叫，試埋其他野食!長發村大部份食肆都係集團式餐廳，千篇一律，食黎食去又係個啲，試吓新野都幾好呀👍🏻 價錢合理質素不錯，用心經營，老闆佢地又talk得，同埋人如其名真係鬍鬚仔！！下次再黎幫襯～👍🏻