魚一丁刺身居酒屋 (已結業)

雖然7點去到時唔洗等位，但係野食就比想像中普通……叫左個芝士豆腐扒都算幾好吃既，但係其實向日本普通既居酒屋都一定會有……咁既資素收咁既價錢好似貴左少少呢……

同bf去到先知有$198放題, 首先salad每人選一款, 要左自家制豆腐芝士salad & 洋風鱆紅魚salad, 豆腐好滑, 配麻醬食好正.燒/炸/煮物各選二款, 要左什錦天婦羅, 蝦幾大隻, 爽肉, 一口吉列豬扒, 不油但唔夠鬆化juicy, 汁煮牛舌, 牛舌很厚, 正, 汁很濃, 有番茄味, 牛油燒杋立貝, 很juicy鮮味.壽司任叫, 每次order min 叫四件, 有三文魚, 鱆紅, 劍魚腩, 魚, 八爪魚, 魷魚, 杋立貝, 生蝦, 昆布花魚, 杋立貝沙律, 火炙三文魚魚子, 最正有八爪魚, 魷魚, 鱆紅.甜品三款雪糕選一, 我要black sesame, bf要vanilla, both are very rich and creamy但只有壽司任食無刺身唔太抵囉

尋晚同朋友0係最難搵位食飯0既時間, 0係全香港最迫人0既地方搵位食飯, 幫襯呢度只係因為佢relatively 無咁多人排隊. 好彩都唔算好差.叫0左個牛肉烏冬, 又同朋友share 0左個煎蛋卷.牛肉烏冬非常一般, 唔係唔好食0既, 不過我諗我自己去打邊爐淥0個d 牛肉同烏冬會好食過佢的咁多咁啦-_-煎蛋卷好似愈0黎愈厚, 愈0黎愈滯, 不過d 汁多0左, 好食0左.朋友個三文魚+三文魚籽飯個樣非常靚, 不過我無試到.環境同service 都算ok 啦.Overall 真係唔特別, 見我個comment 咁短就知. 不過咁0既quality + 咁0既價錢, 我覺得佢真係非常唔抵食.

星期四晚難得可以同朋友仔食飯，晨早就打去book定海景位！不過我覺得海景位只係不外如是，冇ｄ面壁feel！一.一"(雖然望住o既係一塊玻璃)我地叫左三樣野食:1) 一丁沙律：必叫！雖然材料好簡單，但真係好好味！！！麵夠凍、夠爽。芝麻醬香到爆！！每次黎都必叫！2) 芝士土豆雞：勁正。好多芝士…薯仔索晒ｄ汁，ｄ雞又好入味。勁鍾意食！！！！3) 牛肉飯：完全唔特別，最普通o既一個dish！叫左有ｄ後悔！朋友仔認為佢同吉野家冇分別。恕我正言，我認為吉野家仲好食ｄ…總括而言，水準仍能保持…不過食物就唔係特別到需要賣得咁貴！

上次o係呢間魚一丁食左餐好回味o既, 前幾日又黎翻炒. 都有叫十二月限定o既軟殼蟹沙律, 但係今次o既軟殼蟹好細隻, 而且d膏係霉o既...炸蠔都依然好juicy, 不過就細隻左. 唯一係自家製豆腐依然出色-- 今次分別試左日式炸豆腐同埋冷豆腐, 豆味好濃, 好正!

同家姐齊齊開OT, 所以食埋晚飯先返屋企. 一早book左世貿o既魚一丁口位, 環境好正!由於我地兩個都傷風口淡淡, 所以盡叫香口野:1)軟殼蟹沙律x 2 -- $55有兩大隻軟殼蟹, 勁抵食, 而且好juicy, 所以後尾翻炒多碟!2)吉列炸蠔-- 好耐未食過咁juicy o既蠔啦!3)溫室菇沙律-- d菇好好味, 但係沙律只係得生菜同蕃茄, 單調左d.4)暖豆腐-- 好滑好香豆味, 信佢係自家製.樣樣都好滿意, 食得好開心呀>.<

行街行到6點幾, 早少少上去搵位食野, 個reception話要7:30交檯.....ok..都無所謂啦...坐低後, 無人理我地, 成10分鐘先有人放低2杯水, 跟住叫野食, d伙計好似好忙咁...行來行去, 幾經辛苦才找到個四眼仔落單, 問下佢個雜錦刺身唔要吞拿魚要第二樣得唔得.....佢就好晦氣咁話唔得呀, 一係就少左吞拿魚,剩番三樣啦, 要唔要呀?? 無理由咁無禮貌呀....後來睇番, 原來佢係負責窗口個面既位, 佢只係路過我張檯, 所以唔係好想做啦...大佬呀, 我地係客呀, 我鬼知你地d伙計邊個負責咩野呀!!!!!!野食又唔係好食, 又唔係無錢....銅鑼灣大把好過佢地既餐廳啦..

星期六(10/9)晚，同姑姐慶祝生日，由原本0既3個人，最後一共有9個人。試左好多野，好開心。如果0個日胃口好d就更正啦。食左：拉麵沙律(芝麻味)X2、刺身拼盤(共3款)、三文魚刺身、燒茄子、牛肉豆腐火鍋、燒牛肉、綠茶大福X2、蒸蛋、壽司(唔記得係唔係軟殼蟹)、野飲同Asashi等等。野食幾好，份量就細左d。唔係幾好坐,因為背脊無得依傍，不過，有個女侍應非常好，有禮貌，每次黎親都見到佢，佢serve得好好。我估佢應該係高級d0既。係Italian Tomato買左成個芒果芝士撻蛋糕黎慶祝，幾好味，我都係第一次係Italian Tomato買成個蛋糕走。原本想買blueberry，但唔見有。

和朋友們一齊去書展, 掃完貨就黎到呢度.之前已book左八點半, 早到左去到8:00pm同個知客講已經黎到.個知客好震驚咁即刻話未到我地, 我都只係通知佢如果有位俾可以俾我地先者. -_-"8:10pm 有位入到去, 地方間隔不錯, 燈光夠.大家都行到倦倦的, 食物也多一點, 其中有:青檸汽酒葡萄汽酒西柚汁鮮榨西柚/鮮橙汽酒一丁拉麵沙律陶皮蒜蓉牛肉粒彩虹牛油果卷天婦羅鍋燒烏冬牛肉豆腐鍋溫室菇錫紙燒鱈場蟹肉炒飯一丁拉麵沙律紅紅綠綠不錯拉麵爽彈牙, 加上芝麻醬頗香.蒜蓉牛肉粒牛肉粒有牛味, 但熟左要快食, 否則會韌左會冇咁好食.彩虹牛油果卷食粒較散, 不過都唔會一夾就散.天婦羅鍋燒烏冬, 烏冬太腍唔得爽, 天婦羅只得一舊也腍左唔脆, 我地曾經要求天婦羅分開上但侍應話係咁.牛肉豆腐鍋唔太抵, 牛肉大塊得滯冇切, 豆腐少, 味道也不太突出.溫室菇錫紙燒其實和上次BBQ燒金菇冇咩分別, 味道都ok既.好既係侍應多要乜都快手D,也傾到計, 唔駛俾人趕.一人$140, 真係諗唔到地方可以黎黎呢度.

上次佳佳同晶晶岩岩反hk...我諗住同佢地食日本野..就book左魚一丁..諗住橫掂都未試過..就一起去試..叫左彩虹卷..蛋卷..滑蛋鰻魚反..同埋一丁拉麫..彩虹卷飯多又散..鰻魚反很少鰻魚..飯又不好吃..一丁拉麫不錯..汁帶點酸的..冇甘濟..拉麫有咬口..但是整體又不算十分特別好吃..上海菜的冷麫味道絕不比這個差的...可能是第一次吃的關係..覺得熱哄哄..甜甜的..爆汁蛋卷十分好吃...不過三個人最後要清哂所有蛋是有點力不從心了...

約了班朋友聚聚舊，本來想去Sushi Hero食Lunch，但訂位時只有Bar 檯，只好轉移目標去魚一丁，貪佢四個人坐得舒服，又夠就腳。本人叫了魚生刺身套餐：最大路的三文魚夠鮮甜，但墨魚極韌，出盡牙力都不得要領，只好棄權。其他的魚生普通，印象不深。朋友吃的壽司套餐，引不起我的興趣。但朋友說香蔥吞拿魚最正。價錢唔算平喎，早知去Sushi Hiro，比貴都值架。

第一次食日本野咁特別的叫了個牛肉什麼的要自己弄而且有好多蔥還有個拉面沙律好好味三個人好飽點了四樣埋單三百多

因為勁掛住一丁拉麵沙律所以走左黎食....仲即刻叫左一客要芝麻汁.....但係個姐姐話日本果邊都冇哂貨...問我地試唔試豉油汁...冇左個橙....執番個桔都好呀...反正未試過....味道...當然冇芝麻汁咁香.....但係酸may may 咁都OK喎...另外要左個特制燒牛肉飯& 特式芝士豆腐扒...個牛肉飯勁普通...面頭得兩片牛肉...原來收埋左係飯底....算佢啦...至於個豆腐扒...個名好似好吸引咁...原來只係一磚豆腐上面舖D芝士焗下咁唧....由於之前食左半件格仔餅...所以只係食左三樣野都好鬼飽....埋單$205...最唔抵係果個豆腐扒....好似要成$60 架....

食完Starbucks唔夠三個鐘又要食dinner，本想去峰壽司食，但我o地掛住行街shopping過左時間，諗住一定要等位，唯有改去世貿呢間撞下有冇位，好彩竟然有位，不過要食到8:15埋單。因為唔肚餓，所以叫得好少野，點了兩個8月份廚師推介一個係90蚊特選刺身同海鰻、蕃薯天婦羅，個刺身有5款除了吞拿魚、八爪魚同三文魚，還有兩款唔味咩名仲好食，真係要食海鰻天婦羅，好大條有成隻碟咁大，雖魚身都幾厚但炸得好脆。另外魚苗凱撒沙律只是一般、彩虹牛油果卷好唔得，d飯太淋太散而又有醋味。最後實在太飽，連我最鍾意食綠茶大福餅都食唔落。

同舊同學聚舊,除左嗌必然之選一丁拉麫沙律同埋壽司刺身烏冬各項之外,今次試左新野,就係蛋卷(正確名稱唔記得)。真係好好食,成舊都係蛋造,其係用煎過既蛋皮整到成個蛋餅咁,然後切開一塊塊,不過好漏,食一件已經令到人幾飽,所以我地最後都食唔晒,要打包!