魚尚 (已結業)

想快快手食d野可以試下魚尚佢哋出曬名 三文魚做得出色而且夠新鮮 鰻魚壽司都好好味你可以選擇 加埋其他 散件壽司一齊買返屋企 有時候仲有特價嘢飲真係外賣之選 最重要佢會 因應季節 而轉唔同款

恵顧了差不多兩年，見魚尚產品平均，價格抵而且食物穏定，例如刺身切片厚度一直保持，員工服務態度好,不會趕時間般草草收費了事，最近年推出很多新產品，適合不同口味，不錯👍

九龍人入粉嶺搵人 肚餓去左名都搵野食～見到呢間就想食壽司～買左一盒三文魚壽司 一盒花之戀 臨俾錢拎多個飯糰……看外表已經覺得ok過＿鮮～拎到返屋企食真係覺得呢個價錢呢個質素無得彈😂上openrice發現原來以前觀塘有分店架！幾時再晌九龍區開番間呀………………😶

因為仲未到正餐時間又肚餓，所以拿拿林買番個手卷黎食下先，最後我買左個鰻魚手卷＄7一個其實唔係好貴，讀書時小食部買既都差唔多價錢，不過就唔知D質素如何佢個鰻魚肉都可以，甜甜地又冇骨但唔知係咪因為我拎面頭一個，個飯食左啖好似唔夠凍，感覺有少少酸， 味道有D似就黎變壞唔夠凍咁，食到完全冇哂Mood，最後未食哂就Dump左佢 雖然佢係一樣做壽司外賣店，個格局亦同其他壽司外賣店一樣，但睇黎個質素都差緊幾截

見我平時我都好少寫劣評，今次係呢間野即興買咗個手卷之後，真係唔鬧都唔得。個三文魚沙律手卷，冇乜沙律味，似食緊好普通嘅手卷。但係啲三文魚係非常之唔新鮮，本身攞上手嘅時候已經覺得佢個溫度唔夠凍，都唔緊要，啲飯就超級酸，加上個三文魚刺有少少變味，你見佢個色澤都唔多新鮮架啦。。不過整體真係好似食緊一個變壞嘅食物，食食吓唔想食，揼咗落垃圾桶囉。真心唔建議買佢啲手卷，其他唔知。

岩岩返工人工唔高,又未有拖拍.無人帶我去食好野,唯有自己買野食啦所以要選D又唔貴,質素又唔錯既野食今日去左魚尚買壽司,3蚊一件好抵食呀三文魚壽司,咁平當然唔係用靚既三文魚啦,但係質素真係唔錯雖然刺身薄薄地,不過咬落幾有口感,無想像中咁薄而且好有魚味加埋附送既醬汁同wasabi,好食好多8舊加埋都係24蚊,咁就夠一餐啦

上水趴走完，搭火車至大埔墟，趕往大尾篤燒烤場會合家人,一齊BBQ。肚子有點餓，碰巧見到魚尚，三元一件壽司，且款式眾多，蠻吸引的。揀左九件壽司，壽司飯粒圓潤粘糯，帶淡淡醋味，合格之作。蒲燒海鰻汁香濃惜帶腥味，三文魚鮮味魚味稍欠，蟹籽沙律香滑帶爽勁，黃金魷魚口感甚佳，芝士蟹籽中規中矩，味付螺肉和芝麻白爪魚最得小妹歡心，香辣有致，嚼勁十足。

返工前醫肚，而家好多呢類平價壽司店！呢間開咗咁耐都未試過！今日門口有個店員在派優惠劵，咁平都仲有特價，$10四件！（無敵價）店內地方不大，一個L型雪櫃，加個收銀櫃！入面仲有個廚房！店內有散裝壽司，同盒裝壽司！仲有其他飲品同小食！自助形式，自己攞個膠盒（6-9件），走去散裝壽司區揀壽司！款式都好多！獨立包裝！仲有個店員在添補！我揀了12件都只係$30！三文魚：都幾肥，啲脂肪線都粗！食落唔腥！八爪魚：平時食八爪魚會覺得硬，今次反而無！可能因為較薄！或醃過！黃金魷魚：軍艦紫菜已經淋晒，不過中間餡料都多，魷魚唔硬，配粒粒幾得意！明蝦飛魚子：呢款在迴轉壽司店未見過，明蝦爽口但無乜味，飛魚子卜卜脆，咸咸地！唔錯！飛魚子：比起明蝦飛魚子，都係全部飛魚子啱我口味啲！成個口都卜卜脆！𩶘魚：唔硬！幾滑身！甜蝦：唔腥（蝦真係好易腥）蝦肉爽口幾滑！赤海蝦：大隻啲嘅蝦，唔腥，爽口彈牙！青芥辣八爪魚：八爪魚肉碎上中間有蔬菜粒，青芥辣唔算辣！少少攻鼻！馬刀貝：自己最鍾意食貝殼類，因為夠爽得來帶點韌！呢件馬刀貝唔算大（都唔係好蓋得晒件飯團，不過味道唔腥爽口！左口魚群邊：無燒過，魚油唔出，不過唔腥兼好滑，不過都係鍾愛燒

天氣熱到都冇咩胃口，行行下見到有壽司woo,就入去睇下la,魚尚....其實我第一次聽，唔理三七二十一，睇下有咩款揀先，原來都好多選擇woo，搞到我心大心細tim，揀下揀下原來揀左8件la，$3件，total $24，底食ar，D帆立貝好好食ar，三文魚都好新鮮，八爪魚又好味，搞到我一個人食晒8件，好飽…不過好滿足…hehe

今日係暑假最後一日，同囡囡探完嫲嫲行下街都5點幾，懶得煮飯就黎左依間新開架壽司店“加餸”啦其實成日都會經過，但一直都冇機會試，今日終於可以試下！舖頭門面架和風設計幾靚，有好大隻$3，行到門口丫囡已經一支箭標入去搵最愛架蟹柳卷，好啦之後到我揀啦，因為老公5食魚生，囡囡又5比食生野，咁我見個姐姐起側邊加緊壽司就問下有邊啲係熟既，佢都好熱情介紹比我知，原來熟架款式都有幾多下，咁老公又有得多幾款食下！岩岩入去個陣都係得6-7個人揀緊，點知睇左一陣間就已經行都行5郁，拖住丫囡費事迫拎多幾件就埋單，佢地有帆立貝，左口魚同劍魚壽司，其實入面仲有好多款，不過留反下次，去埋單店員都好快手計好數打包，姐姐仲話買夠30蚊可以換手卷我就換左兩個加洲手卷食物：三文魚夠肥！帆立貝雖然薄左小小，但3蚊件黎講已經係好理想！其他一般款式比預期好，因為屋企附近有爭x,食開兩者同類型店鋪比較既話，魚尚啲用料睇落同食落都係新鮮啲，啲飯軟硬適中,始終都係美心既，大公司質素點都有啲保證，如果5係近屋企既話都5會食爭x今次食左117蚊，我覺得算係幾抵食，依家買餐送都5止，下次再黎睇過！

今日難得無人煮飯,又咁岩話有優惠 , 十蚊4舊,咁咪試下反正見到出面間爭x咁多人,廢事去逼啦咁我就見到壽司就唔多款,連鰻魚都無,得d奇奇怪怪口味,咩芝士三文魚,蟹子沙律(見唔到蟹子,得一舊生果係上面).....之類咁我就買左個三文魚飯同四舊塊司,三文魚呢,我就第一次食到咁腥既三文魚,腥過我餵比貓果dd白肉又無乜,食落去無味,口感好差d蟹子就唔知,因為你食落係食唔出有蟹子味三文魚係幾大塊,相比價錢差唔多既爭x黎比,不過品質真係唔多得,無味,腥,硬我第一次食壽司係食一半就唔食,由左至右次序係,章魚定八爪魚,芝麻八爪魚,芝士三文魚(買左兩舊)章魚果個不過不失,算係咁,有d咸咸地既味,無腥味,不過四舊既飯都係非常硬,紫菜又非常濕八爪魚果個都ok,正正常常,同平時食到既差唔多芝士三文魚真係boss黎,d芝士難食到,又滯,三文魚一樣係腥,加埋就好似食緊一舊好腥既香口膠總結:我寧願去第二間,d阿姐又好似無乜反應,吟吟沉沉唔知up緊乜