魚木日台美食

營業中

休息中

層經買個親子丼，D雞就酸，打返比佢地D職員聽等佢地跟進下，隔咗好內冇食，又試下la,叫咗兩個親子丼，一個玉子燒，3件炸雞，一件芝士年糕，炸雞又係酸，D玉子燒，唔識形容食落有陣怪味，親子丼咬到好多一粒粒唔知係咪塩既嘢，希望你地睇到，可以跟進，做好D，我地繼續幫襯

小食店嚟講，好多時成日都會有章魚燒，不過有時你最怕就係食到成口粉，冇乜配料，呢一間小食店叫做都算高質，學生價錢，食到充滿滿滿的配料嘅章魚燒。最鍾意係佢嘅章魚有時候唔單止剩係得一粒，可能食到有兩粒喺裏面㖭啊。另外一個推薦嘅就係玉子燒，係滿滿嘅玉子燒配料，整得好好味。整體嚟講性價比高，嚟到嘅時候記得預留返多少少時間因為都比較多人排隊同埋即叫即制，可能要等返幾十分鐘，可以嘅話除咗order一樣嘢，可以去埋另外一間叫埋其他嘢食，咁就唔使好似企定定同一個地方咁喺度等。

今朝搭地鐵出去閒逛，肚子餓咗就順路捧場咗間街坊都推介嘅小店。首先，佢嘅炸雞翼真係正到彈！咬落去皮脆肉嫩，啖啖肉感，加埋佢哋自家嘅秘製醬汁，好有層次，辣香味扑鼻仲要唔油膩，真係一流👍。再嚟講講嗰碗牛肉湯麵，湯頭鮮甜得黎唔會重口味，牛肉又腍得黎唔單調，麵條彈牙有嚼勁，食落舒服得滯，仲想再食多碗！侍應生服務夠晒親切，見你張檯有少少滿就即刻幫你收拾埋，笑容甜過糖，食物靚仔過頭。凡事都有得改善啦，就係店舖唔大，坐落咁都有啲迫，食得舒心啲就更加好。不過睇見佢哋小店滿座，食客食得咁欣喜，都知呢啲小瑕疵都無礙到食物嘅吸引力。總之，下次仲會考慮捧場！🥢😋🌶

今日咁岩去果邊拎貨我從來無去過呢個商場，真係好local好多小店見openrice講到呢度招牌玉子燒咁好味我都買左一份食，等候期間我行開左差唔多十分鐘去拎貨回頭見已經整好左真係幾好食，又juicy 好香蛋味，好大份，食完唔會覺得好油膩同埋罪惡感撐小店

🍽✨將軍澳出名良心小店✨🍽魚木位於慧安商場，地理位置相對冇新都城1,2,3期咁方便，所以比較少人會專程行過黎買🤧但其實慧安商場有好多隱世小店，唔單止有好多小食、炒粉麵飯，一入商場轉右直行嘅餃子店都好出名！今日食嘅魚木玉子燒($17)價錢相宜，但有居酒屋質素！雖然唔係熱辣辣，但暖暖地一啖食落去都唔怕辣親口！玉子燒好綿密，加上少量沙律醬同埋木魚喺面添加質感🫶🏻🫶🏻🫶🏻沙律醬份量唔太多，但啱啱好夠味！食完都冇罪惡感😋除咗小食之外佢仲有每日例湯同飯餐，行開寶琳不妨試試🫶🏻

一向都知慧安小店又抵又好食😋但！！！$17蚊有6大塊即整所以仲係熱辣辣店員有提醒要等5-10分鐘雞肉又唔乾身炸衣又唔會好厚提外話如果有得加少少錢，加啲調味粉會更好

🥡Takeaway Lunch 。魚木👉🏻 我諗呢間係主打🇹🇼野嘅小店 之前成日經過想食佢 但有時唔係好餓⋯剩係食小食又唔夠 所以一直bookmark咗 都未去食 但早排終於去咗食佢😂😂😂 睇一睇餐牌 見到佢有埋大阪燒食 所以我都唔知點定義佢係咩菜 可能係🇯🇵日X🇹🇼台菜嘅小店⁉️⁉️ 👉🏻 由於👩🏻‍🍳係⚖️女 所以叫我諗食咩 通常都要前一晚諗定🤣🤣🤣 見到佢有個「套餐」/自選組合 咁就睇吓啱唔啱我心水啦⋯⋯ 1️⃣ 前菜 2️⃣ 主食 3️⃣ 小食 我叫佢做三步曲 咁當然份量方面 係有所調節嘅 1️⃣ 前菜 王牌玉子燒🍳 $17 完全明白點解會叫佢做王牌👑 因為三樣野當中 最印象深刻 最回味嘅就！係！佢！ 🍳身夠哂滑溜 唔會煎到overcook 調味方面夠哂和風⋯⋯ On top 仲加咗微量沙律醬 木魚絲同紫菜粉 口感夠濕潤 唔乾 唔老⋯⋯🥰🥰🥰🥰🥰 當tea 食 會非常滿意‼️‼️‼️2️⃣ 主食 牛肉飯 🐮 $23 (Mini Size) 用咗較有營養嘅肥牛 所以夠淋身 但on diet 嘅 可能要自行隔肥啦😆 入味程度 肥牛好夠味道 但飯嘅部份可🆙汁 Sauce

之前同事們食過推介，自己一路都未食過。今日拎影印順便買飯，打開，嘩好大盒！（女仔角度） d 珍珠米好軟熟，滷肉好多覆夠送飯有突豬軟骨好入味，又淋隻旦先係精彩，入味+溏心+係成隻！幫個飯加左好多分呀 好鍾意🤩🤩🤩呢個飯係慧安園先咁平，仲包一包飲品，我相信出去堂食$70唔過分，不過我踩單車返屋企返到黎凍左，下次再叮熱少少食～支持你地🤙🏻🤙🏻🤙🏻敲碗希望你地出真空食物包等唔想出街果陣都可以一加熱即食

剛剛叫左提早在網上外賣平台 order外賣自取，然後按時去拿。如果好多人排隊，做到停唔到，係可以理解同體諒。但個時係無人排隊..然後叫左幾次話拿外賣，那位白色金頭髮的後生男生，聽到當聽唔到，直情當睇唔到，我就等多陣..再講一次都唔理，當你透明。先唔好講有冇「待客態度」，基本對人禮貌都無。一這一行，都代表緊自己公司或店舖。

寶林有個慧安園商場💁‍♂️相信附近嘅學生哥一D都唔陌生🚌簡直係美食集中地😍 朋友介紹有間魚木日台美食唔錯😋就買上佢屋企開餐啦😂😂睇見個餐牌樣樣都好吸引🤤但胃得一個🥲 唯有叫兩個No.1️⃣啦皇牌玉子燒🥚 ($16)玉子好厚實😋 好嫩滑😍面頭滲上木魚、蛋黃醬、海苔個蛋燒得啱啱好熟👍 呢個價錢性價比算高🤑招牌滷肉飯🍚 ($42)呢個滷肉飯絕對係真材實料呀😯每粒滷肉都好大粒🐷而且滷得好入味 好淋 滷汁又夠 配飯真係Lam Lam脷👅👅加分嘅係兩塊醃漬黃蘿蔔🤤真係好鍾意食😂 另外仲送左包盒裝飲品🧃可能買飯就送？唔肯定🤪

親子丼 42元  4/5分1. 一定要讚珍珠米,好大份,咁平但用珍珠米好抵食2. 雞蛋夠滑又夠多,雞肉就正正常常,略嫌調味淡,可以稍微重手少少3. 仲有飲品送,抵到痴左線鹽酥雞 16元  5/5分 & 章魚丸 20元  4.2/5分1. 香港食過最好味的鹽酥雞,即做,平到傻左,入口鬆軟又入味,滿分無誤!2.  隱藏菜單章魚丸,20元7粒又係平絕地球,勁多木魚和醬料,好好味,高分之作!真是意想不到的日台小店,選擇多但不用等太耐,10分鐘就做好,而且老闆好有禮貌,份量又多又好食,真係蝕住做為香港?100分滿分,我會俾1000分此店,因為實在太抵食,一定會再去支持,上上之店!可惜只有外賣,所以我只能買完去旁邊的公園品嚐,與蚊共享,哈哈,小問題啦~~玉子燒原來1小時就會賣光,可恨我很難會試到,惟有試其他小食吧~加油吧!這小店是我香港遇過最好的,沒有之一。

慧安園依個山旯旮嘅商場除咗髮型屋同集運嘅根據地之外，都存在幾間良心店，今次晚餐買咗魚木嘅照燒汁鯖魚丼，對大家嚟講鯖魚丼都知唔會難食。咁魚木嘅鯖魚丼有咩特色？1. 魚木使用嘅照燒汁澆滿所有珍珠飯粒，食到飯嘅甜味，又有照燒汁嘅甜味。2. 辣漬物 - 一個普通嘅丼飯都有漬物附送係加分嘅，而且唔係平時出面哋酸蘿蔔。另外魚木有咩特色？1. 可以使用飯券，可以購買幫助有需要嘅人。2. 成為另一間湯店嘅寄賣點，適合缺乏湯水嘅家庭。3. 家庭式管理，有一定人情味。評分：🌟🌟🌟🌟價錢：$47 包一盒解茶

因為夜晚收工又想食d野，見得呢間排隊就試下餐牌有小食有主食揀，仲係湯包賣，有飯有意粉，選擇都唔算少😛上次就食左個台灣三寶飯多到食唔哂，今次就嗌左兩款小食，炸雞同餃子，一食就知要等都抵！因為即落單即炸，所以到我手個陣仲熱辣辣😍炸雞估唔到咁Juicy，塊皮唔係特別厚亦唔似老雞，比起大牌子k乜乜真心有過之而無不及！！！餃子既皮都唔係厚，但因為即炸所以真係好脆同好熱😋個餡味道都唔錯，炸完唔會乾哂！唯一缺點就只係無位坐住食。。。希望下次可以試到個湯包！

天氣差，又唔想煮野食，屋企人提議叫外賣，第一次用網上外賣平台送餐，估唔到又幾快。屋企人食開魚木，我就第一次食，估唔到小店煮既野食又幾好食。我地叫左照燒汁雞扒飯，滑蛋饅魚丼， 同埋台式鹽酥雞。照燒汁雞扒飯， 塊雞扒大塊，抵食，但就鞋咗啲唔夠汁 反而個飯好多汁，好似白飯撈燒汁後加雞扒咁。滑蛋饅魚丼，就好好味，饅魚都好厚，滑蛋又真係做到，外賣過黎都仲係滑加埋大量洋蔥，推薦👍最後台式鹽酥雞可能真係因為外賣加天氣關係已經唔脆淋左，但味道都仲係有既。

大企連鎖店當道，小店難做仍有良心，同事們都應網上響應，雖然唔熟路但我哋都齊心撐小店。原來喺新都城行過去大概5-10分鐘左右，我哋行到商場兜咗個圈就搵到。小，店主食有12款，以飯為主，只有一款係意粉，小食選擇比較多，職員好有禮，食物亦好快製作好。我哋返到公司打開，食物仲暖，包裝亦幾衞生，味道唔錯，價錢都好公道。小食(現場即食一定好味好多)：王牌玉子燒，蛋好嫩好厚食，啱啱熟，拎到返嚟仲係好好味。台式鹽酥雞，返到嚟淋咗，都幾好味，雞肉一啲都唔鞋。墨魚雙拼(墨魚餅拼咀)，墨魚餅唔彈牙，魚咀幾好。芝士煙肉炒意粉，味唔濃適中，簡簡單單。鰻魚炒飯，鰻魚唔算多，飯都幾大盒，鰻魚汁幾香。滑蛋鰻魚飯，鰻魚幾大塊，蛋真係好滑仲好多，好味抵食。