影片
港鐵奧運站 C1 出口, 步行約3分鐘
繼續閱讀
營業時間
星期一至日
07:30 - 22:30
以上資料只供參考, 請與餐廳確認詳情
招牌菜
【油尖旺區】【魚米家魚湯米線】今日係 23/6，對大部份人嚟講，呢一日平平無奇，對我嚟講都係。不過最近收到消息，魚米家魚湯米線將會喺呢一日全線 last day，所謂嘅全線，其實都已經執剩大角咀分店。喺十幾年前，仲未有譚仔等等嘅大型連鎖米線餐廳，魚米家都係一個唔錯嘅選擇。因為某位 ex 好中意食呢間嘅關係，我同呢間嘢都有個特殊嘅感情，就算好多年後做咗 foodie，都一樣會去食。而佢哋嘅魚腐的確係幾好食，其他地方幾難取替。呢餐我係幾日前食，當然就要食魚腐米線啦。食下午茶 $44 嘅「招牌外脆內滑魚腐魚湯米線」。麵底揀咗「米線」，湯底揀咗「鮮魚湯」，小食揀咗「脆魚皮」，飲品我加 $3 飲「凍檸茶走甜」，埋單 $47，似乎呢啲資料都唔算好重要，因為佢都已經係最後一日營業喇。或者，人都係傾向珍惜會失去嘅嘢，回憶喺時間之上擦過一條痕跡，再由時間沖淡。。。（地址：大角咀櫻桃街38號西九匯2樓205號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #大角咀 #奧運 #魚米家魚湯米線 #招牌外脆內滑魚腐魚湯米線 #魚腐 #魚腐米線 #鮮魚湯 #脆魚皮 #凍檸茶走甜 #1am1424 #1ambackup
繼續閱讀
最後一日去食，啲魚腐比起以前得返五分一既size，味道差好遠好遠，舊豬扒系又乾又咸。我都幫襯左都有20年，見到水準一日比一日差，吾做都系好事，留吾到一個完美既結局俾我哋呢班老顧客，太可惜！
繼續閱讀
前排上網見佢就黎結業所以特登去食～今次係去食佢既下午茶🫢去到好多想食既都冇…今次叫左碗香茅雞翼米線要鴛鴦湯，佢個湯係真係幾香魚味，蕃茄都鮮甜，米線可以再腍啲，香茅雞翼我幾中意、好香、炸皮唔會好厚、好多肉汁～小食叫左生菜，朋友就叫左魚皮…另外飲品叫左檸檬茶但唔夠凍同埋比較重紅茶味較苦澀😣
繼續閱讀
我係熟客嚟既，不過今日之後永無幫襯。話說今朝一早打電話叫外賣自取，嗌個「沙牛麵跟餐」。伙記居然同我講無呢個餐，聽到我R哂頭，成日食開點會無呀?最後經過一輪爭辯，原來係呢位伙記唔知道沙牛麵即係沙嗲牛肉麵! 我認我當時都有D勞氣，做茶記居然唔識沙牛麵! 態度仲要咁差!之後我已經唔想再爭論，我只想落單，我話:「咁你幫我落個沙嗲牛肉麵啦唔該!」果位伙記唔肯幫我落單，仲要不斷咁講:「咁我真係唔知沙牛麵係咩呀!」你唔知沙牛麵係我既錯?OK! 以後唔幫襯!
繼續閱讀
之前冇睇到大家寫嘅食評， 有一次中伏嘅體驗。首先講吓食物嘅質素， 近呢幾年越嚟越差，啲湯好似溝水咁淡而無味。不過算食個快餐都唔講咩質素，而家係除咗啲嘢食冇味。公仔麵浸到淋晒 ， 水吧d朱古力，杏仁霜淡而無味。員工態度又散漫。嘢食擺咗喺出送嗰個位又唔送餐，等到啲食物凍晒先送過嚟，成個地板都係癡粒粒， 油冧冧。同埋有陣怪味. 以上純屬個人感受!
繼續閱讀