魚米家魚湯米線 (已結業)

上星期二去了屯門找阿女吃午餐，今次去了魚米家,魚米家算是OK,牛腩唔夠淋,米線亦淋咗些小，魚湯唔夠濃郁，奶茶就一般,整體味道好一般,服務就普普通通啦,地方勝在夠大,座位亦坐得舒適，價錢不是太貴，起碼比某米線店抵食好多

來到魚米家，首選當然係豬軟骨米線。不過，因假日關係，都要等候20分鐘。豬軟骨好入味好juicy，超好食。魚湯本身用鮮魚煲成，淡淡鮮魚香，飲得出應該無落味精。價錢可接受，會再次光顧，但衛生環境有待改善，成地都係紙巾。

病病地唔想食熱氣野,食粥食到口啖晒,諗起暖暖嘅湯飯又好掛住魚腐即刻去食,見到餐牌上有雞煲價錢抵可惜病左唔食得住,留返下次再試新野魚湯魚腐湯飯-魚腐仲係好足料用好多魚肉同豆腐撈勻再炸,皮有小小煙煙靭靭,入面仲係好滑,因為炸過所以好吸汁,加左絲瓜粒又加左鮮冬菇有小小蔬菜感覺健康,個湯好有魚味好清甜配飯食我又清晒見到碗底相反豬軟骨米線,個魚湯唔夠魚腐湯底濃好淡口飲到小小奶味,用炸菜都吊唔起鮮味,米線大大碗食極都唔完好抵食,豬軟骨炆得夠晒入味但軟骨未整得唔夠林好硬,肉有小小鞋可能唔夠肥,味道就相當好只不過材料唔得叫左杯熱檸檬薏米水-個杯好細檸檬味只靠2片薄薄檸檬杯底有勁多薏米糖水重手左,個杯咁細奘咁多薏米真係甜死左,最後只好問店員攞杯水一路飲一路溝淡佢

雖則話就話泡飯對個胃唔好，之但係我又鍾意食喎!由其係宜家咁凍既日子，食完個身真係好暖架!今晚老公獨自去偷歡，我自己一條友收工就去市中心度食埋個泡飯先返啦!打開MENU，泡飯都有好多個選擇呀!幾豐富!我揀左個「」。D豬軟骨有6件，都幾多!本身我仲以為會連埋個泡飯一齊上，我心諗豬軟骨汁咪撈埋落個飯度?原來唔係既，好貼心架，分開上。先講D豬軟骨，豬軟骨D汁真係好好味，炆到D豬軟骨勁入油，食落又唔油膩，豬軟骨D肉同軟骨各佔一半，D肉都好林，應該炆左好耐，老人家都岩食!再講個飯，D湯好清甜，係魚湯(但魚味就唔係好覺)，同埋飲落唔覺得有味精。飯入面仲有D配料，勝瓜﹑冬菇﹑蘿蔔，而且份量都唔少，勝瓜同蘿蔔煮得幾林，唔係硬身上!!食得多豬軟骨之餘，又有D菜咬下都唔錯。

母親大人經常話想試下魚米家，但我因前人食評而不敢光顧，今次行屯市真係唔知食咩好，所以…不入虎穴…焉得虎子！肥牛番茄湯米線 $34肥牛正常，唔太韌，牛肉味足，米線量出奇多，番茄湯係有少少鮮番茄酸味，主要係茄膏甜鹹味，不過茄膏又冇問題，番茄湯味夠，茄味湯汁同米線特別配合牛腩魚湯米線 $34牛腩雖唔太夠稔,不過又未至於係牛腩粹，係肉質唔夠鬆軟，唔似平日食嘅牛腩， 魚湯味道足，湯呈奶白狀，有蛋白清甜味，不過唔及番茄湯同米線襯，可能啱泡飯多d田園雜菜番茄湯米線 $34番茄湯同雜菜味配合,蔬菜鮮甜味十足，就畢竟所有食材都係蔬菜嘛，冇理由唔襯，不過簡單嘅食材，就已經好好了其實魚米家又未至於話唔好食，今次只係牛腩質素有問題，希望有待改善最後一提：侍應小姐其實你唔新咁心急，拎到啲朱古力瀉左出杯

行行下街心血來潮，就捉左老公去食泡飯! 以前阿媽一直都話泡飯無益，對胃唔好，所以以前好少食，今晚就破戒啦!我地叫左「金菇肥牛泡飯」同「招牌魚腐泡飯」，先講金菇肥牛泡飯，D金菇肥牛都係一般野，金菇就明顯係靚貨，唔似街市10蚊3包，肥牛就都係一般野，唔係好好味又唔難食。招牌魚腐泡飯D魚腐就正啦!超好味，好林身，一咬入口就軟晒。呢2個泡飯要強烈推介個湯底!湯底可以揀魚湯OR蕃茄湯，第一次黎就梗係揀魚湯啦!個魚湯好鮮甜，唔似味精，非常入味，我老公仲成碗飲晒!!!!

我一向喜歡食魚米家既早餐，少去食佢既午餐，不過成日都見到佢午餐好多人，今日於是去試下。坐低我叫左「乾炒豬扒出前一丁」，另外加埋油菜，健康返d。話咁快d野黎齊曬。麵都唔算好油膩，食落好爽。而塊豬扒都好大塊，煎得好香口下，好甜下添。當係茶餐廳咁食，佢都算係咁。

屯門市中心算是有不少種類選擇，普遍價錢亦不是平，魚米家在屯門開了好耐，以前都有來這裡吃午餐，我接近1年冇來魚米家,今日心血來潮想吃米線,想起好耐冇來魚米家吃午餐，中午在公司工作之後又到午餐時間，我決定午餐去魚米家,魚米家在公司附近，我行過去不用5分鐘，屯門店不用等位 ,我好快決定吃什麼，我點了雲吞米線 ,飲品加了10元珍珠奶茶，珍珠奶茶先來到，珍珠奶茶飲了2啖好難飲,茶味唔夠之外，奶味亦好淡，甜味亦欠缺，我冇講要走甜,雲吞米線就來到，雲吞米線又是唔好吃，雲吞有些小叔味,米線好淋,淋到覺得好難吃，一點不爽口，我冇想到冇來1年,魚米家比以前差咗咁多,這裡服務就一般,這間短期不會再來

由於趕時間返學, 所以諗住求其食個午餐, 填飽個肚. 今次揀咗魚米家, 但竟然有意想不到嘅收穫今次揀咗佢嘅招牌--招牌手打魚腐米線$40雖然價錢真係略貴, 但質素都有保證. 佢d魚湯好濃, 魚味好重, 有落咗料而且佢d米線好軟熟, 好有囗感, 同魚湯簡直係完美配搭佢d魚腐幾鮮甜, d鯪魚肉好彈囗但$40真係幾貴, 未必次次都食得起

上星期一放工後去了魚米家吃晚餐，我認自己係外食一族，但凡母親大人不在香港時，當自己一個人時不會入㕑房，最方便出街解决，魚米家算是常去食店，魚米家在屯門時代廣場(北)地下，開了2年有多，其實，魚米家亦是以魚湯作為湯底，魚米家同小魚兹味比較的話，魚米家比小魚兹味會好D，味道不會太谈，魚湯較為鮮味，我常点魚肉春捲米線，米線好有囗感，味道唔錯，價錢係36元，有1杯飲品，奶茶都ok,服務就一般味道:米線唔錯，魚湯有鲜味，不會太谈環境；呢間OK,地方尚大服務:一般啦價錢:36-58元不等

在家等候寬頻公司職員來安裝寬頻，不能上網的一星期實在太難過了，幸好個幾小時候，全屋已可Wifi上網，太感動了!!安裝完成後已經是下午4時多，只吃了早餐的我實在太餓了，就到了附近的魚米家吃下午茶. 這時段餐廳客人不多，我們2人可以坐舒適的卡座而不用與別人搭枱.紅炆牛腩湯米線配熱奶茶 ($32)牛腩份量不多，而且很硬亦細碎，不過奶白色魚湯幾好喝亦不太鹹，米線軟硬程度亦適中，我想下次不要再點牛腩就是了.咖喱牛腩飯 ($37)牛腩份量亦是很少，同樣又乾又硬，不好吃的，絕不會再到魚米家吃牛腩類食品.熱奶茶奶茶不夠熱，只是暖暖的，過份!!我不會再到魚米家了，88!!

今晚沒有做飯，就去了魚米家魚湯米線大王買外賣。外賣回到家仍然很熱，等候時間不長，很好！可惜它不是分開湯盛載。哈哈，我認我是不環保的！  順德魚腐米線 ($45包一杯飲品)順德魚腐味道較淡，米線吸收了魚湯的味道很好吃，配上魚湯十分清淡。 香茅雞翼米線 ($45包一杯飲品)香茅雞翼其貌不揚，經過二十分鐘的浸泡，已經不成氣候。但雞肉尚有雞味，加少少分吧！唯一不好是價錢略貴吧，$45 沒有小食，如有小食會更好吧！

話說太晏收工. 近近地去魚米家食,叫左個咖哩豬扒烏冬..同朱古力雪香,朋友叫左個飯同芒果沙冰雪香同沙冰完全冇味,陣味似成杯有色既水咁, 好差...一絲甜味朱古力味芒果味都冇個咖哩豬扒烏冬等左大半個中..果陣坐個位對住廚房,見到廚房前枱有碟豬扒烏冬拎左出黎, 諗住終於有飯食啦之後見到有個女職員徒手拎起條豬扒黎食(D吉烈豬扒係切條果隻)最尾碟烏冬拎左落我張枱....OHMYGOD點食得落..打貓都有個限度..真係以後都唔會考慮去果到食野!!!!

去了魚米家, 芝士魚柳焗飯, 樣子不錯, 可惜魚腥芝士太咸.另外還order了魚湯什菜粉絲煲, 餸菜普通, 但重點只係想飲個熱騰騰的魚湯, 味道還可吧.朋友話來魚米家只可飲有魚湯的食物.

是日準備到坪輋郊遊, 出發前先醫肚, 選了又近屋企又近車站的魚米家星期日的屯市人頭湧湧, 所有食肆都要排隊, 連魚米家和隔離的太興亦無例外幸好, 二人枱只需等候約十分鐘就能入座, 而且坐的是卡位, 無需搭枱和男友分別點了紫菜四寶米線和順德魚豆腐米線, 兩碗湯底都是魚湯, 基本上沒大分別落單後不用5分鐘就上枱, 實行速戰速決, 吃完就上路四寶米線包括魚蛋, 鯊魚丸, 墨丸和魚皮餃, 三款丸類都是一般質素, 唯獨魚皮餃咬落硬如石頭, 連一般都稱不上試了兩大塊魚腐, 雖然偏淋, 但至少有魚味, 比四寶丸好問題來了, 魚米家雖打著魚湯專家的旗號, 不過出品的魚湯與一般茶餐廳相約記得兩三年前吃的時候雖不是一絕, 但總比現在的好我明白以連鎖店形式經營的食肆難免流水作業, 不過店方還是應該研究如何保持各分店的質素, 以保名聲